ញឹកពេក លេចដំរី(សុភាសិតខ្មែរ ទី​ ១០៣ / Khmer Proverb 103)

       ញឹកពេក លេចដំរី

អត្ថាធិប្បាយ

              សុភាសិតនេះពន្យល់ពីការតឹងតែងរឹតត្បឹតនៃបទបញ្ជាឬច្បាប់វិន័យដែលជនណាម្នាក់ ដាក់កំហឹត​ឲ្យ​គេ​ធ្វើតាម ឲ្យបានហ្មត់ចត់ ជាច្បាប់ដែលពិបាកអនុវត្ត (តឹងហួស) ។

              បទបញ្ញត្តិ ដែលតឹងពេកក្នុងរឿងអ្វីមួយ , ឧទាហរណ៏៖ ហាមមិនឲ្យលេងល្បែងស៊ីសង , ហាមសុរា , ហាម​អំពើពេស្យា ។ល។ អាចឲ្យអំពើទាំងនោះ លេចឡើងមានទំហំប៉ុនដំរី(ធំ)នៅកន្លែងលួចលាក់ណាមួយ ដែលអាជ្ញាធរ មិនងាយនឹងចាប់បានឡើយ ។

              នៅក្នុងគ្រួសារនីមួយៗ ក៏អាចមានរឿងបែបនេះកើតឡើងបានដែរ ប្រសិនបើមាតាបិតា​ រឹងត្បឹតកូន​ហួស​ហេតុ (បង្ខំ)ឲ្យកូនស្តាប់បង្គាប់ខ្លួន ខុសឆន្ទៈរបស់ពួកេគ ។

             បទបញ្ជាណាដែលមិនស្របនឹងឆន្ទៈ នៃមនុស្សភាគច្រើន ហើយខុសដំណើរធម្មជាតិ, ច្រើននាំឲ្យ ” លេចដំរី ” គឺថានាំឲ្យមានការរំលោភយ៉ាងធំ ។

(រសជាតិភាសាខ្មែរ)

Source: khmerproverb