Category: មហាសេដ្ឋីកាណាដា

Posted on by — Leave a comment

លោកមហាសេដ្ឋី​ Peter Gilgan ជាអ្នកសាងសង់ផ្ទះដ៏ធំបំផុតមួយរបស់ប្រទេសកាណាដា

លោក Peter Gilgan គឺជាអ្នកសាងសង់ផ្ទះដ៏ធំបំផុតមួយរបស់ប្រទេសកាណាដា ។ ក្រុមហ៊ុន New Urbanism Gilgan បានចាប់ផ្តើមសាងសង់លំនៅដ្ឋាននៅជាយក្រុងដែលបានបំបែកចេញពីការអភិវឌ្ឍន៍ដ៏ឡូយឆាយ និងគ្មានបុគ្គលដែលកំពុងមើលឃើញពីភាពលេចឡើងនៅជុំវិញប្រទេសកាណាដានៅពេលនោះ​ ។ Mattamy បានដាក់ឈ្មោះតាមកូនច្បងពីរនាក់ក្នុងចំណោមកូនទាំងប្រាំបីរបស់គាត់ Matt និង Amy ដែលបានចាប់ផ្តើមរចនា និងកសាងសហគមន៍ដែលបានគ្រោងទុកទាំងមូលតាំងពីដំបូងនៅឆ្នាំ 1986 ។

លោក Gilgan នៅតែជានាយកប្រតិបត្តិ ហើយកំពុងធ្វើការជំរុញដ៏ធំមួយដើម្បីពង្រីកប្រតិបត្តិការនៅសហរដ្ឋអាមេរិករបស់គាត់ ។ ក្នុងឆ្នាំ 2012 គាត់បានសន្យាថានឹងផ្តល់ប្រាក់ចំនួន 40 លានដុល្លារដើម្បីជួយសាងសង់មជ្ឈមណ្ឌលស្រាវជ្រាវ Peter Gilgan នៅមន្ទីរពេទ្យ Toronto’s Sick Children ហើយនៅឆ្នាំ 2014 គាត់ក៏បានបរិច្ចាគ 30 លានដុល្លារដល់មន្ទីរពេទ្យ Toronto’s St. Michael’s សម្រាប់អគារថែទាំអ្នកជំងឺ 17 ជាន់ផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Chip Wilson ជាស្ថាបនិ​ករបស់ក្រុមហ៊ុន Lululemon Athletica Inc

លោក Chip Wilson កើតនៅឆ្នាំ 1956 គឺជាពាណិជ្ជករ និងជាសប្បុរសជនជនជាតិកាណាដា ។ គាត់គឺជាស្ថាបនិ​ករបស់ក្រុមហ៊ុន Lululemon Athletica Inc ។ នៅឆ្នាំ 2016 គាត់បានរៀបចំផលប្រយោជន៍ផ្ទាល់ខ្លួន និងអាជីវកម្មរបស់គាត់ទៅក្នុងក្រុមហ៊ុន Hold It All inc ។ នៅឆ្នាំ 1979 លោក Wilson បានបង្កើតក្រុមហ៊ុនលក់សម្លៀកបំពាក់កីទ្បាដំបូងរបស់គាត់គឺ Westbeach Snowboard Ltd ដែលលក់សម្លៀកបំពាក់កីទ្បាដែលបានផ្តោតទៅលើទីផ្សារ surf, skate និង snowboard ។ លោក Wilson បានបន្តលក់ Westbeach ក្នុងឆ្នាំ 1997 ហើយបន្ទាប់មកគាត់បានចាប់ផ្តើមបង្កើត Lululemon Athletica Inc. ក្នុងឆ្នាំ 1998 ។ គិតត្រឹមឆ្នាំ 2016 ផលប្រយោជន៍ផ្ទាល់ខ្លួន និងអាជីវកម្មរបស់គាត់ត្រូវបានរក្សាទុកតាមរយៈក្រុមហ៊ុន Hold It All Inc ។

លោក Wilson បានបម្រើការជានាយកប្រតិបត្តិនៃក្រុមហ៊ុន lululemon រហូតដល់ឆ្នាំ 2005 នៅពេលដែលគាត់បានលក់ភាគហ៊ុនភាគតិច 48% នៅក្នុងក្រុមហ៊ុន lululemon ទៅឱ្យក្រុមហ៊ុនភាគហ៊ុនឯកជន Advent International និង Highland Capital Partners ។ ក្នុងឆ្នាំ 2007 IPO ត្រូវបានផ្តល់ជូនដោយក្រុមហ៊ុន Lululemon Athletica Inc. នៅលើការផ្លាស់ប្តូររបស់ប្រទេសកាណាដា និងសហរដ្ឋអាមេរិក។ នៅខែ មករា ឆ្នាំ 2012 លោក Wilson បានចូលនិវត្តន៍ពីតំណែងជានាយកប្រតិបត្តិរបស់គាត់ជាប្រធានផ្នែកច្នៃប្រឌិត ប៉ុន្តែគាត់នៅតែជាប្រធានក្រុមប្រឹក្សាភិបាល ។ នៅខែ ធ្នូ ឆ្នាំ 2013 លោក Wilson បានលាលែងពីតួនាទីរបស់គាត់ជានាយកប្រតិបត្តិ។

នៅថ្ងៃទី 11 ខែ មិថុនា ឆ្នាំ 2014 លោក Wilson បានលើកឡើងពីកង្វល់របស់គាត់ថា ក្រុមប្រឹក្សាភិបាល Lululemon មិនសមស្របនឹងតម្លៃស្នូលនៃផលិតផល និងការច្នៃប្រឌិតដែលក្រុមហ៊ុន lululemon ត្រូវបានបង្កើតឡើង ហើយដែលក្រុមហ៊ុនបានរីកចម្រើន ។ ប្រាំមួយខែបន្ទាប់ពីការបង្កើតក្រុមប្រឹក្សាភិបាលឡើងវិញ តម្លៃភាគហ៊ុនរបស់ក្រុមហ៊ុនបានកើនឡើងពីកម្រិតទាបនៅខែ មិថុនា 2014 ចាប់ពី 36.26 ដុល្លាររហូតដល់ 65.33 ដុល្លារ ដែលជាការផ្លាស់ប្តូរមូលធនប័ត្រទីផ្សារជាង 4 ពាន់លានដុល្លារ ។ នៅថ្ងៃទី 7 ខែ សីហា ឆ្នាំ 2014 លោក Wilson បានលក់ភាគហ៊ុន 13.85% នៃកម្មសិទ្ធិរបស់គាត់នៅក្នុងក្រុមហ៊ុន Lululemon inc ទៅឱ្យ Advent’s ក្នុងតម្លៃប្រហែល 845 លានដុល្លារ ។ នៅខែ តុលា ឆ្នាំ 2014 លោក Wilson បានចូលរួមក្នុង TEDxVancouver ជាកន្លែងដែលគាត់បានពិភាក្សាអំពី “ការកសាងកេរ្តិ៍ដំណែលនៅក្នុងយុគសម័យឌីជីថល” ។

នៅក្នុងខែ កុម្ភៈ ឆ្នាំ 2015 លោក Wilson បានលាឈប់ពីក្រុមប្រឹក្សាភិបាល Lululemon ដោយនិយាយថា “ខ្ញុំបានសំរេចគោលដៅដែលខ្ញុំបានកំណត់នៅពេលដែលខ្ញុំត្រលប់មកវិញ ហើយបន្ទាប់ពីបានគិតយ៉ាងល្អិតល្អន់ ខ្ញុំជឿថាពេលនេះជាពេលវេលាដ៏ត្រឹមត្រូវដើម្បីចាកចេញពីក្រុមប្រឹក្សាភិបាល ។ ខ្ញុំ​ទុក​ឱ្យ​ក្រុម​អ្នក​គ្រប់​គ្រង​ថ្មី​ដែល​មាន​ទេព​កោសល្យ និង​ការ​បង្កើត​ក្រុម​ប្រឹក្សា​ភិបាល​ថ្មី»។ នៅក្នុងខែ ធ្នូ ឆ្នាំ 2015 នៅក្នុងបទសម្ភាសន៍ជាមួយនឹងទស្សនាវដ្តី Bloomberg Business លោក Wilson បាននិយាយថា “កាលពីបីឆ្នាំមុន នៅពេលដែលខ្ញុំធ្វើជាប្រធាន ហើយក្រុមហ៊ុន Lululemon មានតម្លៃពីរដងច្រើនជាង Under Armour ខ្ញុំផ្ទាល់កំពុងគិតអំពីការទិញ Under Armour” ។ នៅក្នុងខែ មិថុនា ឆ្នាំ 2016 លោក Wilson បានបោះពុម្ភលិខិតចំហមួយទៅកាន់ម្ចាស់ភាគហ៊ុនរបស់ក្រុមហ៊ុន Lululemon ដោយបញ្ជាក់ថា Lululemon បាន “វង្វេងផ្លូវ” ហើយបានបោះបង់ចំណែកទីផ្សារទៅឱ្យ Nike និង Under Armour បន្ទាប់ពីគាត់ត្រូវបានគេបដិសេធមិនមានឱកាសនិយាយនៅក្នុងកិច្ចប្រជុំប្រចាំឆ្នាំរបស់ក្រុមហ៊ុន ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Serge Godin ជាស្ថាបនិក និងជានាយកប្រតិបត្តិរបស់ក្រុមហ៊ុន CGI Group

លោក Serge Godin គឺជាស្ថាបនិក និងជានាយកប្រតិបត្តិរបស់ក្រុមហ៊ុន CGI Group ដែលត្រូវបានបង្កើតទ្បើងក្នុងឆ្នាំ ១៩៧៦ ។ ក្រុមហ៊ុននេះរកចំណូលបាន ១០.៧ ពាន់លានដុល្លារដែលជាក្រុមហ៊ុនផ្តល់សេវាកម្មអាយធី និងដំណើរការអាជីវកម្មផ្សេងៗ ។ ហើយក្រុមហ៊ុនមួយនេះទទួលបានប្រាក់ចំណូលបាន ៩៣.៧ លានដុល្លារពីកិច្ចសន្យាដើម្បីជួយអភិវឌ្ឍលើវិស័យថែទាំសុខភាព ។ លោក Godin បានត្រួតពិនិត្យការទិញជាង ៧០ រួមទាំងការទិញក្រុមហ៊ុនបុត្រសម្ព័ន្ធ និងសេវាកម្មទូរគមនាគមន៍របស់ Bell ក្នុងឆ្នាំ ១៩៩៨ គឺ Bell Sygma ដែលមានទំហំធំជាងក្រុមហ៊ុនទ្វេដងនៅពេលនោះ ។

ជីវតដំបូង៖ 

លោក Godin បានចាប់ផ្តើមធ្វើការឲ្យឪពុករបស់គាត់នៅពេលគាត់រៀនថ្នាក់ទី ៥ នៅរោងអារឈើគ្រួសាររបស់គាត់ ។ នៅពេលដែលរោងម៉ាស៊ីនកិនស្រូវគ្មានការធានារ៉ាប់រងត្រូវបានដុតបំផ្លាញ Godin បានធ្វើការពេញម៉ោងនៅហាងមួយកន្លែង ។ គាត់បានបញ្ចប់ការសិក្សាផ្នែកសាវិទ្យាសាស្ត្រកុំព្យូទ័រ និងទទួលបានសញ្ញាប័ត្រអនុបណ្ឌិតពីសាកលវិទ្យាល័យ Laval ។ 

លោក Serge Godin កើតនៅទីក្រុង Westmount ប្រទេសកាណាដា ។ គាត់ឺគជាប្រធាន និងជានាយកប្រតិបត្តិរបស់ក្រុមហ៊ុន CGI Group ។ លោក Godin បានបង្កើតក្រុមហ៊ុនបច្ចេកវិទ្យាកាណាដា CGI Group ក្នុងឆ្នាំ ១៩៧៦ នៅអាយុ ២៦ ឆ្នាំ​ ។

ប្រភព៖ Phnom Penh HR 

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Jean Coutu ជាប្រធានក្រុមហ៊ុនឱសថ Jean Coutu Group

លោក Jean Coutu គឺជាប្រធានក្រុមហ៊ុនឱសថ Jean Coutu Group និងជាម្ចាស់ឱសថស្ថានកាណាដាដែលមានយីហោជាង ៤០០ កន្លែងនៅ Quebec, New Brunswick និង Ontario ។ កូនប្រុសរបស់គាត់ឈ្មោះ Francois ដែលជាអ្នកមើលការខុសត្រូវរាល់ថ្ងៃក្នុងនាមជាប្រធាន និងនាយកប្រតិបត្តិ ។

លោក Coutu បានចាប់ផ្តើមបើកដំណើរការហាងលក់ថ្នាំដំបូងរបស់គាត់នៅទីក្រុង Montreal នៅឆ្នាំ ១៩៦៩ ។ ហើយបន្ទាប់មកគាត់បានចាប់ផ្តើមបង្កើតក្រុមហ៊ុនផ្ទាល់ខ្លួនដែលបានធ្វើជានាយកប្រតិបត្តិរហូតដល់ឆ្នាំ ២០០២ ។ ក្រុមហ៊ុនឱសថ Jean Coutu របស់គាត់បានប្តេជ្ញាចិត្តក្នុងការប្រយុទ្ធប្រឆាំងនឹងភាពក្រីក្រ និងជួយលើកកម្ពស់សុខុមាលភាពរបស់ប្រជាជន ។

ទ្រព្យសម្បត្តិ៖ Jean Coutu

លោក Jean Coutu គឺជាអ្នកជំនាញខាងឱសថការី និងសហគ្រិនជនជាតិកាណាដាដែលមានទ្រព្យសម្បត្តិសុទ្ធប្រមាណ ២,៥ ពាន់លានដុល្លារ ។ គាត់កើតនៅថ្ងៃទី ២៩ ខែ ឧសភា ឆ្នាំ ១៩២៧ នៅទីក្រុង Montreal ប្រទេសកាណាដា ។ គាត់ត្រូវបានចាត់ចូលទៅក្នុងបញ្ជីឈ្មោះមហាសេដ្ឋីពិភពលោកជាមួយនឹងខ្សែសង្វាក់ឱសថស្ថានរបស់គាត់ដែលជាក្រុមហ៊ុនឱសថ Jean Coutu Group ។

នៅឆ្នាំ ១៩៦៩ គាត់បានចាប់ផ្តើមបង្កើតឱសថស្ថានដំបូងគេហើយបានអភិវឌ្ឍទៅជាក្រុមហ៊ុនឱសថដ៏ធំមួយដែលបច្ចុប្បន្ននេះមានឱសថស្ថានលក់ឱសថជាង ៤០០ កន្លែងនៅទូទាំងប្រទេសកាណាដា ។ លើសពីនេះទៅទៀតនៅឆ្នាំ ២០០៧ ក្រុមហ៊ុនឱសថ Coutu បានលក់ម៉ាក Eckerd និង Brooks របស់គាត់ទៅឱ្យក្រុមហ៊ុនឱសថ Rite Aid ដែលជាខ្សែសង្វាក់ឱសថនៅសហរដ្ឋអាមេរិកក្នុងតម្លៃ ៣,៤ ពាន់លានដុល្លារដែលបាននាំគាត់នូវចំណែក ២០ ភាគរយនៃក្រុមហ៊ុនឱសថ Rite Aid ដែលធ្វើឱ្យលោក Coutu បានក្លាយជាម្ចាស់ភាគហ៊ុនដ៏សំខាន់ ។

ក្នុងឆ្នាំ ២០១២ ប្រាក់ចំណូលរបស់ក្រុមហ៊ុនឱសថរបស់គាត់បានកើនឡើងជិត ៥% ពីឆ្នាំមុនដែលបាននាំមកនូវប្រាក់ចំណេញ ២,៨ ពាន់លានដុល្លារ ។ ហើយសព្វថ្ងៃនេះគាត់មានតួនាទីជាប្រធាននឹងចំណែកកូនប្រុសរបស់គាត់ឈ្មោះ Francois គឺជាប្រធាន និងជានាយកប្រតិបត្តិរបស់ក្រុមហ៊ុន ។

លោក Coutu គឺជាឱសថការីម្នាក់ដែលមានវ័យ ៨៦ ឆ្នាំរូបនេះបានជួយឧបត្ថម្ភដល់សមាគមន៏ឱសថការី Quebec ហើយមូលនិធិ Marcelle et Jean Coutu ដែលជាមូលនិធិសប្បុរសធម៌របស់គាត់បានប្តេជ្ញាប្រយុទ្ធប្រឆាំងនឹងភាពក្រីក្រផងដែរ ។ គាត់ក៏ជាអ្នកប្រយុទ្ធប្រឆាំងនឹងភាពក្រីក្រនិងការលើកកម្ពស់សុខុមាលភាពរបស់ប្រជាជនដែលពួកគេមានស្ថានភាពសេដ្ឋកិច្ចទាប ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Brandt C. Louie ជាប្រធាន និងជានាយកប្រតិបត្តិរបស់ក្រុមហ៊ុន H.Y. Louie Co. Limited

លោក Brandt Channing Louie កើតនៅថ្ងៃទី ០៥ ខែ កក្កដា ឆ្នាំ ១៩៤៣ ដែលជាគណនេយ្យករ និងជាអ្នកជំនួញជនជាតិកាណាដា ។ គាត់គឺជាប្រធាន និងជានាយកប្រតិបត្តិរបស់ក្រុមហ៊ុន H.Y. Louie Co. Limited និងជាប្រធានក្រុមហ៊ុន London Drugs Limited ។

លោក Brandt ត្រូវបានគេដាក់ឈ្មោះថាជា “សហគ្រិនដ៏ឆ្នើមប្រចាំឆ្នាំ” ដោយក្រុមហ៊ុន British Columbia Business ។ គាត់បានដឹកនាំគណៈកម្មាធិការសប្បុរសធម៌នៅទីក្រុងឡុងដែលបានត្រួតពិនិត្យការចូលរួមរបស់ក្រុមហ៊ុនចំពោះអង្គការសុខភាព ការស្រាវជ្រាវវេជ្ជសាស្ត្រ ការអប់រំ និងសិល្បៈ ។

លោក Brandt Louie បានទទួលសញ្ញាប័ត្របណ្ឌិតពីសាកលវិទ្យាល័យ Simon Fraser (SFU) និងជាសមាជិកនៃគណៈអភិបាលរបស់សាកលវិទ្យាល័យអស់រយៈពេល ៥ ឆ្នាំកន្លងមក ។ គាត់ក៏ជាអធិការបតីទីប្រាំបួនរបស់គណៈអភិបាល SFU ចាប់ពីថ្ងៃទី ១ ខែ មិថុនា ឆ្នាំ ២០០៥ រហូតដល់ថ្ងៃទី ១៦ ខែ មិថុនា ឆ្នាំ ២០១១ ។

ការអប់រំ៖

លោក Brandt Louie បានទទួល BComm ពីសាកលវិទ្យាល័យ British Columbia ហើយគាត់បានក្លាយជាគណនេយ្យករដ៏ឆ្នើមបីឆ្នាំ ។ ហើយគាត់បានបម្រើការនៅក្នុងក្រុមប្រឹក្សាភិបាលរបស់ក្រុមហ៊ុន និងអង្គការមិនស្វែងរកប្រាក់ចំណេញជាច្រើនរួមមានធនាគាររ៉ូយ៉ាល់កាណាដា មជ្ឈមណ្ឌលវេជ្ជសាស្ត្រនៃសាកលវិទ្យាល័យ Duke និងមូលនិធិ Neuroscience Canada ។

ហើយគាត់ក៏បានបម្រើការនៅក្នុងក្រុមប្រឹក្សាជាច្រើនរួមមានវេទិកាសេដ្ឋកិច្ចពិភពលោក ក្រុមប្រឹក្សាពាណិជ្ជកម្ម Vancouver និងប្រធានក្រុមប្រឹក្សានៅសាកលវិទ្យាល័យ Simon Fraser និងសាកលវិទ្យាល័យ Duke និងសាលា John F. Kennedy នៃរដ្ឋាភិបាលនៅសាកលវិទ្យាល័យហាវ៉ាដ ។ នៅឆ្នាំ ២០០៩ គាត់ត្រូវបានគេតែងតាំងជាសមាជិកនៃលំដាប់នៃចក្រភពអង់គ្លេសកូឡុំបៀ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Daryl Katz ជាស្ថាបនិក និងជាប្រធានក្រុមហ៊ុន Katz Group ដែលជាសហគ្រាសឯកជនដ៏ធំបំផុតនៅប្រទេសកាណាដា

លោក Daryl Allan Katz កើតនៅថ្ងៃទី ៣១ ខែ ឧសភា ឆ្នាំ ១៩៦១ ដែលជាអ្នកជំនួញ និងជាអ្នកវិនិយោគ និងសប្បុរសជនកាណាដា ។ គិតត្រឹម​ខែ វិច្ឆិកា ឆ្នាំ ២០១៥ លោក Katz មានទ្រព្យសម្បត្តិសុទ្ធប្រមាណ ៤,១៤ ពាន់លានដុល្លារអាមេរិក ។ នេះបើយោងតាមរយះទស្សនាវដ្តី Forbes បានឲ្យដឹងថាគាត់ត្រូវបានចាត់ថ្នាក់ដែលជាអ្នកមានជាងគេបំផុតនៅលំដាប់ថ្នាក់ទី ១២ និងទី ៥៣៤ នៅលើពិភពលោក ។

លោក Katz គឺជាស្ថាបនិក និងជាប្រធានក្រុមហ៊ុន Katz Group ដែលជាសហគ្រាសឯកជនដ៏ធំបំផុតនៅប្រទេសកាណាដាដែលមានសហគ្រាសឱសថស្ថាន កីឡា ការកម្សាន្ត និងវិស័យអភិវឌ្ឍន៍អចលនទ្រព្យផងដែរ ។ គាត់ក៏ជាម្ចាស់ក្រុមហ៊ុនផលិតប្រេង Edmonton Oiler និងជាក្រុមហ៊ុនឈានមុខគេក្នុងការអភិវឌ្ឍ Rogers Place arena និង Ice District ។

ការអប់រំ៖

លោក Daryl Katz កើតនៅឆ្នាំ ១៩៦១ នៅទីក្រុង Edmonton រដ្ឋ Alberta ។ ឪពុករបស់គាត់គឺជាឱសថការីដែលបានបង្កើតក្រុមហ៊ុន Value Drug Mart នៅទីក្រុង Edmonton ក្នុងទសវត្សឆ្នាំ ១៩៧០ ។ លោក Katz បានចូលរៀនសាលា Talmud Torah និងបានបញ្ចប់ការសិក្សានៅវិទ្យាល័យ Jasper Place ។ ហើយក្រោយមកគាត់បានបន្តចូលរៀននៅសាកលវិទ្យាល័យ Alberta ដោយបានបញ្ចប់សញ្ញាប័ត្រសិល្បៈនៅឆ្នាំ ១៩៨២ និងមានសញ្ញាប័ត្រច្បាប់នៅឆ្នាំ ១៩៨៥ ។

អាជីវកម្មឱសថ៖

លោក Katz បានចាប់ផ្តើមធ្វើការនៅក្នុងក្រុមហ៊ុនច្បាប់មួយគឺក្រុមហ៊ុន Shoctor, Mousseau និង Starkman ។ ក្នុងឆ្នាំ ១៩៩១ ក្នុងភាពជាដៃគូជាមួយឪពុករបស់គាត់លោក Katz បានចំណាយប្រាក់ចំនួន ៣០០,០០០ ដុល្លារសម្រាប់ការផ្តល់សិទ្ធិទៅឲ្យហាងលក់ឱសថដែលមានមូលដ្ឋាននៅសហរដ្ឋអាមេរិកដែលមានហាងច្រើនជាង ១.០០០ នៅសហរដ្ឋអាមេរិក ។

នៅឆ្នាំ ១៩៩២ ពួកគេបានបើកហាងឱសថ Medicine Shoppe ជាលើកដំបូងនឹងបានចាប់ផ្តើមបង្កើតក្រុមហ៊ុន Katz Group ។ ក្រុមហ៊ុនអាជីវកម្មមួយនេះបានរីកចម្រើនហើយនៅឆ្នាំ ១៩៩៨ ក្រុមហ៊ុន Katz Group មានហាងចំនួន ៨០ ដែលមានខ្សែសង្វាក់ហាងឱសថ Rexall ដែលមានហាង ៣០ កន្លែង​ និងមានហាងលក់រាយតូចៗមួយចំនួនទៀត ។

នៅឆ្នាំ ១៩៩៧ លោក Katz បានទិញយកខ្សែសង្វាក់ហាងឱសថ Pharma Plus drug ចំនួន ១៤៣ ហាងដែលមានមូលដ្ឋាននៅតំបន់ Ontario ពីប្រតិបត្តិករផ្សារទំនើប Oshawa Group ក្នុងតម្លៃ ១០០ លានដុល្លារ ។ក្នុងឆ្នាំ ១៩៩៩ លោក Katz បានបណ្តាក់ទុននៅសហរដ្ឋអាមេរិកជាមួយនឹងការទិញការខាតបង់ប្រាក់ចំនួន ៣០០ លានដុល្លារក្នុងការលក់ហាងឱសថ Snyders Drug ដែលមានមូលដ្ឋាននៅរដ្ឋ Minnesota ។

ការចូលបម្រើការងារនៅសហរដ្ឋអាមេរិករបស់គាត់មិនមែនដោយគ្មានការបរាជ័យនោះទេ៖ ខ្សែសង្វាក់ហាងឱសថរបស់ Snyder បានដាក់ពាក្យក្ស័យធននៅឆ្នាំ ២០០៣ ហើយហាងចំនួន ២៥ ត្រូវបានលក់ទៅឱ្យក្រុមហ៊ុន Walgreens ។ ក្នុងឆ្នាំ ២០០៤ លោក Katz បានទិញយកសិទ្ធិដាក់ឈ្មោះសម្រាប់រយៈពេល ១០ ឆ្នាំទៅឲ្យមជ្ឈមណ្ឌល Rexall ថ្មីដែលមានទឹកប្រាក់ ៤៥ លានដុល្លារដែលជាកន្លែងលេងកីឡាវាយកូនបាល់ និងជាកន្លែងកម្សាន្តចំនួន ១២.៥០០ នៅបរិវេណសាកលវិទ្យាល័យញូវយ៉ក ។

នៅខែ មករា ឆ្នាំ ២០១២ គាត់បានលក់ក្រុមហ៊ុនផលិតឱសថ និងក្រុមហ៊ុនឱសថ Medicine Shoppe Canada ទៅអោយក្រុមហ៊ុនចែកចាយថ្នាំដែលមានមូលដ្ឋាននៅសហរដ្ឋអាមេរិកដែលជាសាជីវកម្ម McKesson ក្នុងតម្លៃ ១,២ ពាន់លានដុល្លារ ។ ក្រុមហ៊ុន Katz Group បានរក្សាបណ្តាញរបស់ខ្លួននូវហាងលក់យីហោម៉ាក Rexall ចំនួន ៤៥០ ដែលបានគ្រប់គ្រងដោយសាជីវកម្មប្រមាណ ៤៦០ កន្លែង ។

ប្រភព៖ ​Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Stephen A. Jarislowsky ជានាយកប្រតិបត្តិនៃក្រុមហ៊ុន Jarislowsky Fraser Limited ដែលជាក្រុមហ៊ុនគ្រប់គ្រងលើការវិនិយោគដ៏ធំបំផុតនៅក្នុងប្រទេសកាណាដា

Stephen A. Jarislowsky កើតនៅថ្ងៃទី ០៩ ខែ កញ្ញា ឆ្នាំ ១៩២៥ គាត់គឺជាអ្នកជំនួញ និងជាអ្នកវិនិយោគនិងជាសប្បុរសជនកាណាដា ​។ គាត់គឺជាស្ថាបនិក និងជានាយកប្រតិបត្តិនៃក្រុមហ៊ុន Jarislowsky Fraser Limited ដែលជាក្រុមហ៊ុនគ្រប់គ្រងលើការវិនិយោគដ៏ធំបំផុត និងជោគជ័យបំផុតមួយនៅក្នុងប្រទេសកាណាដា ។

លោក Jarislowsky មានទ្រព្យសម្បត្តិជាង ៤០ ពាន់លានដុល្លារកាណាដាដែលស្ថិតក្រោមការគ្រប់គ្រងរបស់គាត់ ។ ហើយទ្រព្យសម្បត្តិរបស់គាត់ត្រូវបានគេប៉ាន់ស្មានថាមានចំនួន ១,២ ពាន់លានដុល្លារគិតត្រឹមខែ មីនា ឆ្នាំ ២០១៦ ដែលធ្វើឱ្យគាត់ក្លាយជាអ្នកមានបំផុតនៅលំដាប់ទី ៣០ នៅប្រទេសកាណាដា ។

ជីវប្រវត្តិ៖

លោក Jarislowsky កើតនៅទីក្រុងប៊ែកឡាំងប្រទេសអាឡឺម៉ង់។ គាត់គឺជាកូនប្រុសរបស់លោកស្រី  (née Gassmann) និងលោក Alfred Jarislowsky ។ នៅក្នុងទីក្រុង Asheville រដ្ឋ North Carolina លោក Jarislowsky បានចូលរៀនដើម្បីត្រៀមប្រឡងចូលនៅមហាវិទ្យាល័យ Asheville ហើយបន្ទាប់មកគាត់បានសិក្សាផ្នែកវិស្វកម្មផ្នែកមេកានិចអស់រយៈពេល ២ ឆ្នាំនៅសាកលវិទ្យាល័យ Cornell ។

ក្នុងសង្គ្រាមលោកលើកទី ២ លោក Jarislowsky បានបម្រើនៅក្នុងជួរកងទ័ពរបស់សហរដ្ឋអាមេរិកដែលបានបញ្ចប់ការបណ្តុះបណ្តាលជាមូលដ្ឋាន និងបានសិក្សាភាសាជប៉ុននៅសាកលវិទ្យាល័យឈីកាហ្គោមុនពេលបម្រើការងារប្រឆាំងការស៊ើបការណ៍សម្ងាត់នៅប្រទេសជប៉ុនបន្ទាប់ពីសង្គ្រាម​​ ។ គាត់បានវិលត្រឡប់ទៅសាកលវិទ្យាល័យឈីកាហ្គោក្នុងឆ្នាំ ១៩៤៦ ហើយបានបញ្ចប់ការសិក្សាថ្នាក់អនុបណ្ឌិត ។ ហើយគាត់ត្រូវបានបន្តយកអនុបណ្ឌិតផ្នែកគ្រប់គ្រងពាណិជ្ជកម្មពីសាលាពាណិជ្ជកម្មហាវ៉ាដក្នុងឆ្នាំ ១៩៤៩ ក្នុងរយៈពេល ៣ ឆ្នាំបន្ទាប់គាត់បានធ្វើការជាវិស្វករអាលុយមីញ៉ូមនៅទីក្រុង Montreal ។

លោក Jarislowsky បានត្រលប់ទៅសហរដ្ឋអាមេរិកវិញត្រឹមមួយរយៈខ្លីប៉ុន្តែនៅខែ មិថុនា ឆ្នាំ ១៩៥៥ គាត់បានត្រឡប់ទៅទីក្រុង Montreal ដែលជាកន្លែងដែលគាត់បានចាប់ផ្តើមបង្កើតក្រុមហ៊ុន Jarislowsky Fraser & Company Limited ។ ក្នុងឆ្នាំ ២០០៧ ក្រុមហ៊ុនរបស់លោក Jarislowsky មានភាគហ៊ុន ១៨ ភាគរយនៃភាគហ៊ុននៅក្នុងក្រុមហ៊ុន Canfor ។ លោក Jim Pattison ដែលមានភាគហ៊ុន ២៥ ភាគរយនៅក្នុងក្រុមហ៊ុន Canfor ។

លោក Pattison បានបណ្តេញលោក Jim Shepherd ពីការបំពេញមុខងារជានាយកប្រតិបត្តិមិនបានល្អ និងធ្វើឲ្យមានការធ្លាក់ចុះថ្លៃភាគហ៊ុនដោយជំនួសលោក Jarislowsky ឲ្យធ្វើជានាយកប្រតិបត្តិបណ្តោះអាសន្ន ។ នៅក្នុងទស្សនាវដ្តី និងអត្ថបទកាសែតជាច្រើននៅចន្លោះឆ្នាំ ២០០២ និង ២០០៤ បានលើកទ្បើងអំពីលោក Jarislowsky ដែលបានព្យាករណ៍យ៉ាងត្រឹមត្រូវអំពីការធ្លាក់ចុះសេដ្ឋកិច្ចដ៏ជ្រៅដែលបានចាប់ផ្តើមក្នុងឆ្នាំ ២០០៨ នៅសហរដ្ឋអាមេរិក និងបានផ្សព្វផ្សាយពាសពេញពិភពលោក ។

នៅថ្ងៃទី ១៦ ខែ ធ្នូ ឆ្នាំ ២០០៨ នៅក្នុងបទសម្ភាសន៍មួយនៅលើកញ្ចក់ទូរទស្សន៍ CBC លោក Jarislowsky បាននិយាយថាការដើរថយក្រោយនៃសេដ្ឋកិច្ចនាពេលបច្ចុប្បន្ននេះនឹងមានរយៈពេលយ៉ាងហោចណាស់ ២ ទៅ ៥ ឆ្នាំហើយអាចមានរយៈពេលយូរជាងនេះប្រសិនបើវិធានការកែតម្រូវមិនត្រូវបានអនុវត្តដោយរដ្ឋាភិបាល និងសាធារណជនទូទៅនោះទេ ។ ហើយគាត់បានបន្តទៀតថាអតិផរណាគឺជាដំណោះស្រាយតែមួយគត់នៅក្នុងកាលៈទេសៈដើម្បីកាត់បន្ថយបន្ទុកបំណុលដ៏ច្រើនសន្ធឹកសន្ធាប់ដែលត្រូវបានធ្វើឡើងនៅគ្រប់កម្រិតនៃសង្គមហើយការចំណាយរបស់រដ្ឋាភិបាលយ៉ាងច្រើន និងបន្ទាន់ក៏ចាំបាច់ផងដែរដើម្បីជំរុញចំពោះផ្នែកសេដ្ឋកិច្ច ។

ទ្រព្យសម្បត្តិ៖ Stephen Jarislowsky

យោងតាមទស្សនាវដ្តី Forbes បានឱ្យដឹងថាលោក Stephen Jarislowsky គឺជាអ្នកហិរញ្ញវត្ថុជនជាតិកាណាដា និងជាអ្នកជំនួញ និងសប្បុរសជនដែលមានទ្រព្យសម្បត្តិសរុបប្រមាណ ១,៣៦ ពាន់លានដុល្លារគិតត្រឹមខែ មេសា ឆ្នាំ ២០១៦ ។ ហើយគាត់ក៏ជាអ្នកមានជាងគេដែលស្ថិតនៅលំដាប់ទី ២២ នៅប្រទេសកាណាដា និងទី ៨០៤ ក្នុងបញ្ជីរបស់មហាសេដ្ឋីពិភពលោកផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Lawrence Stroll ជាជនជាតិកាណាដាដែលជាអ្នកវិនិយោគ និងជាអ្នកប្រមូលទិញរថយន្ត Ferraris

លោក Lawrence Stroll កើតនៅខែ កក្កដា ឆ្នាំ ១៩៥៩ ដែលជាអ្នកវិនិយោគ និងជាមហាសេដ្ឋីជនជាតិកាណាដា និងជាអ្នកប្រមូលទិញរថយន្ត Ferraris ។ នៅក្នុងបញ្ជី Forbes របស់មហាសេដ្ឋីពិភពលោកឆ្នាំ ២០១៦ លោក Stroll ត្រូវបានជាប់ចំណាត់ថ្នាក់លេខ ៧២២ ជាមួយនឹងទ្រព្យសម្បត្តិសុទ្ធចំនួន ២,៤ ពាន់លានដុល្លារអាមេរិក។

អាជីព៖

លោក Stroll បានវិនិយោគនៅក្នុងការនាំយកម៉ូតសំលៀកបំពាក់ Pierre Cardin បន្ទាប់មកបាននាំយកម៉ូតសំលៀកបំពាក់ Ralph Lauren ទៅកាន់ប្រទេសកាណាដា។ លោក Stroll និងរួមជាមួយអ្នកវិនិយោគជនជាតិហុងកុងគឺលោក Silas Chou បានវិនិយោគទៅលើអ្នកច្នៃម៉ូដសម្លៀកបំពាក់ Tommy Hilfiger ។

ជីវិត​ឯកជន៖

លោក Stroll បានរៀបការជាមួយ Claire-Anne Stroll  ដែលជាអ្នកបើកអាជីវកម្មម៉ូដសម្លៀកបំពាក់មួយដែលមានឈ្មោះថា Callens ។ ពួកគេមានកូនពីរនាក់ហើយពួកគេរស់នៅក្នុងទីក្រុងហ្សឺណែវប្រទេសស្វីស។ កូនស្រីរបស់ពួកគេឈ្មោះ Chloe Stroll និងកូនប្រុសឈ្មោះ Lance Stroll ។

លោក Stroll គឺជាអ្នកបើកបររថយន្តប្រណាំងម្នាក់ដែលបានប្រកួតប្រជែងនៅក្នុងរដូវកាលប្រណាំងរថយន្តហ្វមមូឡាវ័ននៅឆ្នាំ ២០១៧ ជាមួយនឹងលោក Williams Martini ។ លោក Stroll មានការប្រមូលរថយន្តដែលភាគច្រើនមានរថយន្ត Ferraris ចាប់ពី Ferrari 250 GTO រហូតដល់ LaFerrari ចុងក្រោយ និងជាម្ចាស់ហាងចែកចាយរថយន្ត Ferrari នៃក្រុមហ៊ុន Quebec ។ ហើយគាត់ក៏ជាម្ចាស់រថយន្តផ្សេងទៀតផងដែរដូចជាម៉ាក  McLarens និង  Ford GT ។

ទ្រព្យសម្បត្តិ៖ Lawrence Stroll

លោក Lawrence Stroll គឺជាអ្នកជំនួញជនជាតិកាណាដាម្នាក់ដែលមានទ្រព្យសម្បត្តិចំនួន ២,៧ ពាន់លានដុល្លារ។ លោក Stroll ដូចជាឪពុករបស់គាត់ត្រូវបានគេស្គាល់ជាទូទៅថាជាអ្នកត្រួសត្រាយនៅក្នុងឧស្សាហកម្មម៉ូដសំលៀកបំពាក់ Ralph Lauren ។ គាត់បានចាប់ផ្តើមអាជីពរបស់គាត់ជាមួយម៉ូដសំលៀកបំពាក់សម្រាប់ស្ត្រីនឹងកុមារបន្ទាប់មកគាត់បាននាំយក Ralph Laureដែលជាម៉ូដសម្លៀកបំពាក់របស់កុមារទៅប្រទេសកាណាដាហើយនៅទីបំផុតការអភិវឌ្ឍម៉ូដសម្លៀកបំពាក់នោះបានឆ្លងកាត់ទៅកាន់ទ្វីបអឺរ៉ុប។

លោក Stroll និងដៃគូរបស់គាត់ឈ្មោះ Silas Chou ដែលបានជួបគ្នានៅឆ្នាំ ១៩៨៩ ដែលបានបង្កើតក្រុមហ៊ុនមួយដែលមានឈ្មោះថា Sportswear Holdings ។ ការវិនិយោគដំបូងរបស់ពួកគេគឺការទិញយកភាគហ៊ុនគ្រប់គ្រងមួយរបស់លោក Tommy Hilfiger ដែលនៅពេលនោះគេមិនទាន់ដឹងច្បាស់នៅឡើយទេ។ អ្នកទាំងពីរបានប្រែក្លាយ Hilfiger ទៅជាបាតុភូតអន្ដរជាតិនៅក្នុងរយៈពេល ២០ ឆ្នាំខាងមុខដែលគួរឱ្យកត់សម្គាល់បំផុតនៅទសវត្សឆ្នាំ ១៩៩០ ។ ពួកគេបានពិនិត្យមើលភាពជោគជ័យនេះទៅក្នុងការវិនិយោគនៅក្នុងក្រុមហ៊ុនដូចជា Karl Lagerfeld, Pepe Jeans និង Michael Kors ។

នៅឆ្នាំ ២០០២ លោក Lawrence Stroll និង Silas Chou បានចុះកិច្ចសន្យាជាមួយលោកដូណាល់ត្រាំសម្រាប់អគារ Trump Tower ៣ ជាន់ ។ ពួកគេបានប្រើប្រាស់អចលនទ្រព្យនោះដើម្បីបើកហាង Asprey & Garrard’s New York នៅក្នុងឆ្នាំ ២០០៣។ ក្នុងឆ្នាំ ២០០៣ លោក​ Stroll និង Chou បានទិញភាគហ៊ុនជាច្រើនរបស់លោក Michael Kors ក្នុងតំលៃប្រហែល ១០០ លានដុល្លារ។ បន្ទាប់មកពួកគេបានប្តូរឈ្មោះអាជីវកម្មរបស់ពួកគេគឺ Michael Kors Holdings ។

ពួកគេបានចុះបញ្ជីនៅក្នុងក្រុមហ៊ុននេះជាសាធារណៈនៅក្នុងឆ្នាំ ២០១១។ នៅឆ្នាំ ២០១៧ ពួកគេបានទិញ Jimmy Choo ក្នុងតម្លៃ ១ ពាន់លានដុល្លារ ។ នៅឆ្នាំ ២០១៨ ពួកគេបានទិញ Versace ក្នុងតម្លៃ ២,២ ពាន់លានដុល្លារបន្ថែមទៀត ។ ជាមួយនឹងការទិញយក Versace និងក្រុមហ៊ុន Michael Kors Holdings នឹងត្រូវបានប្តូរឈ្មោះទៅជា Capri Holdings ។

លោក​ Stroll មានចំណង់ចំណូលចិត្តចំពោះឡានប្រណាំងហើយបានបង្កើតការប្រមូលផ្ដុំរថយន្ត Ferraris ។ ការប្រមូលរបស់គាត់រួមមានជាង 30 Ferraris ។ ក្នុងឆ្នាំ ២០១៤ គាត់បានចំណាយ ២៧.៥ លានដុល្លារសម្រាប់រថយន្ត Ferrari GTB N.A.R.T ដ៏កម្រមួយឆ្នាំ ១៩៦៧។ លោក​ Stroll ជាម្ចាស់រថយន្ត Ferrari 250 GTO នៅសល់តែ ៣៦ គ្រឿងប៉ុណ្ណោះនៅលើពិភពលោក ។ ហើយគាត់ក៏ជាមនុស្សម្នាក់ក្នុងចំណោមមនុស្សដែលមានសំណាងតិចតួចនៅលើពិភពលោកផងដែរ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Lawrence Stroll ជាអ្នកវិនិយោគ និងជាអ្នកប្រមូលទិញរថយន្ត Ferraris

លោក Lawrence Stroll កើតនៅខែ កក្កដា ឆ្នាំ ១៩៥៩ ដែលជាអ្នកវិនិយោគ និងជាមហាសេដ្ឋីជនជាតិកាណាដា និងជាអ្នកប្រមូលទិញរថយន្ត Ferraris ។ នៅក្នុងបញ្ជី Forbes របស់មហាសេដ្ឋីពិភពលោកឆ្នាំ ២០១៦ លោក Stroll ត្រូវបានជាប់ចំណាត់ថ្នាក់លេខ ៧២២ ជាមួយនឹងទ្រព្យសម្បត្តិសុទ្ធចំនួន ២,៤ ពាន់លានដុល្លារអាមេរិក។

អាជីព៖

លោក Stroll បានវិនិយោគនៅក្នុងការនាំយកម៉ូតសំលៀកបំពាក់ Pierre Cardin បន្ទាប់មកបាននាំយកម៉ូតសំលៀកបំពាក់ Ralph Lauren ទៅកាន់ប្រទេសកាណាដា។ លោក Stroll និងរួមជាមួយអ្នកវិនិយោគជនជាតិហុងកុងគឺលោក Silas Chou បានវិនិយោគទៅលើអ្នកច្នៃម៉ូដសម្លៀកបំពាក់ Tommy Hilfiger ។

ជីវិត​ឯកជន៖

លោក Stroll បានរៀបការជាមួយ Claire-Anne Stroll  ដែលជាអ្នកបើកអាជីវកម្មម៉ូដសម្លៀកបំពាក់មួយដែលមានឈ្មោះថា Callens ។ ពួកគេមានកូនពីរនាក់ហើយពួកគេរស់នៅក្នុងទីក្រុងហ្សឺណែវប្រទេសស្វីស។ កូនស្រីរបស់ពួកគេឈ្មោះ Chloe Stroll និងកូនប្រុសឈ្មោះ Lance Stroll ។

លោក Stroll គឺជាអ្នកបើកបររថយន្តប្រណាំងម្នាក់ដែលបានប្រកួតប្រជែងនៅក្នុងរដូវកាលប្រណាំងរថយន្តហ្វមមូឡាវ័ននៅឆ្នាំ ២០១៧ ជាមួយនឹងលោក Williams Martini ។ លោក Stroll មានការប្រមូលរថយន្តដែលភាគច្រើនមានរថយន្ត Ferraris ចាប់ពី Ferrari 250 GTO រហូតដល់ LaFerrari ចុងក្រោយ និងជាម្ចាស់ហាងចែកចាយរថយន្ត Ferrari នៃក្រុមហ៊ុន Quebec ។ ហើយគាត់ក៏ជាម្ចាស់រថយន្តផ្សេងទៀតផងដែរដូចជាម៉ាក  McLarens និង  Ford GT ។

ទ្រព្យសម្បត្តិ៖ Lawrence Stroll

លោក Lawrence Stroll គឺជាអ្នកជំនួញជនជាតិកាណាដាម្នាក់ដែលមានទ្រព្យសម្បត្តិចំនួន ២,៧ ពាន់លានដុល្លារ។ លោក Stroll ដូចជាឪពុករបស់គាត់ត្រូវបានគេស្គាល់ជាទូទៅថាជាអ្នកត្រួសត្រាយនៅក្នុងឧស្សាហកម្មម៉ូដសំលៀកបំពាក់ Ralph Lauren ។ គាត់បានចាប់ផ្តើមអាជីពរបស់គាត់ជាមួយម៉ូដសំលៀកបំពាក់សម្រាប់ស្ត្រីនឹងកុមារបន្ទាប់មកគាត់បាននាំយក Ralph Laureដែលជាម៉ូដសម្លៀកបំពាក់របស់កុមារទៅប្រទេសកាណាដាហើយនៅទីបំផុតការអភិវឌ្ឍម៉ូដសម្លៀកបំពាក់នោះបានឆ្លងកាត់ទៅកាន់ទ្វីបអឺរ៉ុប។

លោក Stroll និងដៃគូរបស់គាត់ឈ្មោះ Silas Chou ដែលបានជួបគ្នានៅឆ្នាំ ១៩៨៩ ដែលបានបង្កើតក្រុមហ៊ុនមួយដែលមានឈ្មោះថា Sportswear Holdings ។ ការវិនិយោគដំបូងរបស់ពួកគេគឺការទិញយកភាគហ៊ុនគ្រប់គ្រងមួយរបស់លោក Tommy Hilfiger ដែលនៅពេលនោះគេមិនទាន់ដឹងច្បាស់នៅឡើយទេ។ អ្នកទាំងពីរបានប្រែក្លាយ Hilfiger ទៅជាបាតុភូតអន្ដរជាតិនៅក្នុងរយៈពេល ២០ ឆ្នាំខាងមុខដែលគួរឱ្យកត់សម្គាល់បំផុតនៅទសវត្សឆ្នាំ ១៩៩០ ។ ពួកគេបានពិនិត្យមើលភាពជោគជ័យនេះទៅក្នុងការវិនិយោគនៅក្នុងក្រុមហ៊ុនដូចជា Karl Lagerfeld, Pepe Jeans និង Michael Kors ។

នៅឆ្នាំ ២០០២ លោក Lawrence Stroll និង Silas Chou បានចុះកិច្ចសន្យាជាមួយលោកដូណាល់ត្រាំសម្រាប់អគារ Trump Tower ៣ ជាន់ ។ ពួកគេបានប្រើប្រាស់អចលនទ្រព្យនោះដើម្បីបើកហាង Asprey & Garrard’s New York នៅក្នុងឆ្នាំ ២០០៣។ ក្នុងឆ្នាំ ២០០៣ លោក​ Stroll និង Chou បានទិញភាគហ៊ុនជាច្រើនរបស់លោក Michael Kors ក្នុងតំលៃប្រហែល ១០០ លានដុល្លារ។ បន្ទាប់មកពួកគេបានប្តូរឈ្មោះអាជីវកម្មរបស់ពួកគេគឺ Michael Kors Holdings ។

ពួកគេបានចុះបញ្ជីនៅក្នុងក្រុមហ៊ុននេះជាសាធារណៈនៅក្នុងឆ្នាំ ២០១១។ នៅឆ្នាំ ២០១៧ ពួកគេបានទិញ Jimmy Choo ក្នុងតម្លៃ ១ ពាន់លានដុល្លារ ។ នៅឆ្នាំ ២០១៨ ពួកគេបានទិញ Versace ក្នុងតម្លៃ ២,២ ពាន់លានដុល្លារបន្ថែមទៀត ។ ជាមួយនឹងការទិញយក Versace និងក្រុមហ៊ុន Michael Kors Holdings នឹងត្រូវបានប្តូរឈ្មោះទៅជា Capri Holdings ។

លោក​ Stroll មានចំណង់ចំណូលចិត្តចំពោះឡានប្រណាំងហើយបានបង្កើតការប្រមូលផ្ដុំរថយន្ត Ferraris ។ ការប្រមូលរបស់គាត់រួមមានជាង 30 Ferraris ។ ក្នុងឆ្នាំ ២០១៤ គាត់បានចំណាយ ២៧.៥ លានដុល្លារសម្រាប់រថយន្ត Ferrari GTB N.A.R.T ដ៏កម្រមួយឆ្នាំ ១៩៦៧។ លោក​ Stroll ជាម្ចាស់រថយន្ត Ferrari 250 GTO នៅសល់តែ ៣៦ គ្រឿងប៉ុណ្ណោះនៅលើពិភពលោក ។ ហើយគាត់ក៏ជាមនុស្សម្នាក់ក្នុងចំណោមមនុស្សដែលមានសំណាងតិចតួចនៅលើពិភពលោកផងដែរ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖