Category: មហាសេដ្ឋីរកស៊ីមុខរបរផ្សេងៗ

Posted on by — Leave a comment

លោកមហាសេដ្ឋី Archie Aldis Emmerson ជាស្ថាបនិករបស់ក្រុមហ៊ុនឧស្សាហកម្ម Sierra Pacific ដែលជាក្រុមហ៊ុនឧស្សាហកម្មផលិតឈើ

លោក Archie Aldis Emmerson កើតនៅឆ្នាំ ១៩២៩ ដែលជាអ្នកជំនួញជនជាតិអាមេរិច ។ គាត់គឺជាស្ថាបនិករបស់ក្រុមហ៊ុនឧស្សាហកម្ម Sierra Pacific ដែលជាក្រុមហ៊ុនឧស្សាហកម្មផលិតឈើមួយដែលបានកាន់កាប់ដី ១,៩ លានហិចតានៅភាគខាងជើងរដ្ឋកាលីហ្វ័រញ៉ានិងស្ថិតនៅភាគខាងលិចនៃទីក្រុងវ៉ាស៊ីនតោន ។ គាត់គឺជាម្ចាស់ដីដ៏ធំជាងគេទីបីនៅសហរដ្ឋអាមេរិកក្នុងឆ្នាំ ២០១១ ។

ជីវិតដំបូង៖

លោក Emmerson កើតនៅក្នុងទីក្រុង Grand Ronde រដ្ឋ Oregon ក្នុងឆ្នាំ ១៩២៩ ។ ឪពុករបស់គាត់គឺលោក Curly Emmerson ដែលបានបង្កើតរោងចក្រអារឈើមួយនៅរដ្ឋអូរីហ្គិន និងរដ្ឋកាលីហ្វ័រញ៉ា ។

អាជីព៖

នៅឆ្នាំ ១៩៤៨ នៅពេលគាត់មានអាយុ ១៩ ឆ្នាំ លោក Emmerson បានទៅរស់នៅនៅតំបន់ Arcata រដ្ឋកាលីហ្វ័រញ៉ាជាកន្លែងដែលគាត់បានចាប់ផ្តើមធ្វើការនៅក្នុងរោងចក្រម៉ាស៊ីនឈើមួយកន្លែងដើម្បីស្វែងយល់អំពីការងារទាំងអស់នៅក្នុងរោងចក្រ ។

នៅឆ្នាំ ១៩៤៩ លោក Emmerson និងឪពុករបស់គាត់បានបង្កើតភាពជាដៃគូហើយបានចូលរកស៊ីឈើជាមួយគ្នាហើយនៅទីបំផុតពួកគេបានបង្កើតរោងចក្រផលិតឈើមួយកន្លែងនៅភាគពាយព្យ ។ ហើយក្រោយមកគាត់បានក្លាយជាអ្នកគ្រប់គ្រងក្រុមហ៊ុនឧស្សាហកម្ម Sierra Pacific ដែលជាក្រុមហ៊ុនឧស្សាហកម្មផលិតឈើដែលទទួលបានការរីកចម្រើនយ៉ាងខ្លាំង ។ នៅឆ្នាំ ២០១១ គាត់ក៏ជាម្ចាស់ដីឯកជនដ៏ធំជាងគេទីបីនៅសហរដ្ឋអាមេរិកផងដែរ ។

សប្បុរសធម៍៖

តាមរយៈមូលនិធិរបស់ក្រុមហ៊ុន Sierra Pacific បានជួលផ្តល់ប្រាក់រាប់លានដុល្លារដែលជាវិភាគទានសម្រាប់សហគមន៍ ។ ហើយមូលនិធិនេះត្រូវបានបង្កើតឡើងនៅក្នុងឆ្នាំ ១៩៧៩ ដោយឪពុករបស់ Red ។ ជាច្រើនឆ្នាំមកហើយលោក Red បានបន្តផ្តល់ថវិការដល់មូលនិធិដើម្បីបំពេញតាមការប្តេជ្ញាចិត្តរបស់ខ្លួនចំពោះអង្គការដែលមានភាពសក្ដិសមគម្រោងសហគមន៍សកម្មភាពយុវជន និងអាហារូបករណ៍និស្សិ​ត និងសហគមន៍ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី B. Ravi Pillai ជាស្ថាបនិក និងជានាយកគ្រប់គ្រងក្រុមហ៊ុន RP Group of Companies

លោក B. Ravi Pillai កើតនៅថ្ងៃទី ០២ ខែ កញ្ញា ឆ្នាំ ១៩៥៣ ដែលជាអ្នកជំនួញជនជាតិឥណ្ឌា ។ គាត់គឺជាស្ថាបនិក និងជានាយកគ្រប់គ្រងក្រុមហ៊ុន RP Group of Companies ។

ជីវិតដំបូង៖

លោក Ravi Pillai បានបញ្ចប់ការសិក្សានៅមហាវិទ្យាល័យ Baby John Memorial Government ហើយបន្ទាប់មកគាត់បានបន្តការសិក្សាផ្នែករដ្ឋបាលធុរកិច្ចនៅឯសាកលវិទ្យាល័យ Cochin ។

អាជីព៖

ក្នុងកំឡុងពេលដែលគាត់រៀននៅសាកលវិទ្យាល័យគាត់បានបើកអាជីវកម្មដំបូងរបស់គាត់ដែលជាមូលនិធិមួយនៅក្នុងទីក្រុង Kollam ។ ហើយក្រោយមកគាត់បានចាប់ផ្តើមបើកអាជីវកម្មវិស្វកម្មមួយនិងបានធ្វើការនៅតាមឧស្សាហកម្មធំៗ មួយចំនួននៅក្នុងរដ្ឋ Kerala ដូចជាក្រុមហ៊ុនផលិតជីគីមី និងក្រុមហ៊ុនគីមី Travancore Limited និងក្រុមហ៊ុន Hindustan Newsprint Limited និងរោងចក្រចម្រាញ់ប្រេង Cochin ។

ការធ្វើកូដកម្មការងារបានបង្ខំឱ្យគាត់បិទអាជីវកម្មរបស់គាត់បន្ទាប់ពីនោះគាត់បានទៅប្រទេសអារ៉ាប់ប៊ីសាអូឌីតក្នុងឆ្នាំ ១៩៧៨ ជាកន្លែងដែលគាត់បានចាប់ផ្តើមបើកអាជីវកម្មជួញដូរតូចមួយ ។ ពីរឆ្នាំក្រោយមកគាត់បានផ្លាស់ប្តូរអាជីវកម្មរបស់គាត់ទៅជាក្រុមហ៊ុនសំណង់ហើយបានចាប់ផ្តើមបង្កើតក្រុមហ៊ុន Nasser Al Hajri Corporation ដែលមាននិយោជិកចំនួន ១៥០ នាក់ ។

ហើយរយៈពេលប៉ុន្មានឆ្នាំចុងក្រោយមកនេះក្រុមហ៊ុនរបស់គាត់បានក្លាយជាក្រុមហ៊ុនឈានមុខគេនៃក្រុមអាជីវកម្មមួយដែលមានឈ្មោះថា RP Group ដែលត្រូវបានគេដឹងថាមានបុគ្គលិកជាង ៧ ម៉ឺននាក់ ។ ផ្សារទំនើបនៅ South Kerala, RP Mall នៅក្នុងទីក្រុង Kollam ដែលជាកម្មសិទ្ធិរបស់លោក Pillai ។

លោក Pillai បានពង្រីកអាជីវកម្មរបស់គាត់ទៅកាន់ប្រទេសផ្សេងទៀតរួមមាននៅក្នុងប្រទេស Arab Emirates, Qatar និង Bahrain ។ គាត់ក៏មានចំណាប់អារម្មណ៍លើវិស័យសំណង់បដិសណ្ឋារកិច្ចដែកថែប ស៊ីម៉ងត៍ ប្រេង និងឧស្ម័ន ។ ក្រុមហ៊ុន RP Group ត្រូវបានគេដឹងថាបានកាន់ភាគហ៊ុននៅក្នុងសណ្ឋាគារដូចជា Leela Kovalam, សណ្ឋាគារ Raviz, Kollam និង WelcomHotel Raviz Kadavu, Kozhikode ក្នុងរដ្ឋ Kerala ដែលជាផ្ទះរបស់គាត់ ។ ហើយគាត់ក៏ចូលរួមចំណែកក្នុងការថែទាំសុខភាពតាមរយៈមន្ទីរពេទ្យ និងមជ្ឈមណ្ឌលស្រាវជ្រាវ Upasana ដែលជាមន្ទីរពេទ្យពហុចំនួន ៣០០ នៅក្នុងទីក្រុង Kollam ផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Brandt C. Louie ជាប្រធាន និងជានាយកប្រតិបត្តិរបស់ក្រុមហ៊ុន H.Y. Louie Co. Limited

លោក Brandt Channing Louie កើតនៅថ្ងៃទី ០៥ ខែ កក្កដា ឆ្នាំ ១៩៤៣ ដែលជាគណនេយ្យករ និងជាអ្នកជំនួញជនជាតិកាណាដា ។ គាត់គឺជាប្រធាន និងជានាយកប្រតិបត្តិរបស់ក្រុមហ៊ុន H.Y. Louie Co. Limited និងជាប្រធានក្រុមហ៊ុន London Drugs Limited ។

លោក Brandt ត្រូវបានគេដាក់ឈ្មោះថាជា “សហគ្រិនដ៏ឆ្នើមប្រចាំឆ្នាំ” ដោយក្រុមហ៊ុន British Columbia Business ។ គាត់បានដឹកនាំគណៈកម្មាធិការសប្បុរសធម៌នៅទីក្រុងឡុងដែលបានត្រួតពិនិត្យការចូលរួមរបស់ក្រុមហ៊ុនចំពោះអង្គការសុខភាព ការស្រាវជ្រាវវេជ្ជសាស្ត្រ ការអប់រំ និងសិល្បៈ ។

លោក Brandt Louie បានទទួលសញ្ញាប័ត្របណ្ឌិតពីសាកលវិទ្យាល័យ Simon Fraser (SFU) និងជាសមាជិកនៃគណៈអភិបាលរបស់សាកលវិទ្យាល័យអស់រយៈពេល ៥ ឆ្នាំកន្លងមក ។ គាត់ក៏ជាអធិការបតីទីប្រាំបួនរបស់គណៈអភិបាល SFU ចាប់ពីថ្ងៃទី ១ ខែ មិថុនា ឆ្នាំ ២០០៥ រហូតដល់ថ្ងៃទី ១៦ ខែ មិថុនា ឆ្នាំ ២០១១ ។

ការអប់រំ៖

លោក Brandt Louie បានទទួល BComm ពីសាកលវិទ្យាល័យ British Columbia ហើយគាត់បានក្លាយជាគណនេយ្យករដ៏ឆ្នើមបីឆ្នាំ ។ ហើយគាត់បានបម្រើការនៅក្នុងក្រុមប្រឹក្សាភិបាលរបស់ក្រុមហ៊ុន និងអង្គការមិនស្វែងរកប្រាក់ចំណេញជាច្រើនរួមមានធនាគាររ៉ូយ៉ាល់កាណាដា មជ្ឈមណ្ឌលវេជ្ជសាស្ត្រនៃសាកលវិទ្យាល័យ Duke និងមូលនិធិ Neuroscience Canada ។

ហើយគាត់ក៏បានបម្រើការនៅក្នុងក្រុមប្រឹក្សាជាច្រើនរួមមានវេទិកាសេដ្ឋកិច្ចពិភពលោក ក្រុមប្រឹក្សាពាណិជ្ជកម្ម Vancouver និងប្រធានក្រុមប្រឹក្សានៅសាកលវិទ្យាល័យ Simon Fraser និងសាកលវិទ្យាល័យ Duke និងសាលា John F. Kennedy នៃរដ្ឋាភិបាលនៅសាកលវិទ្យាល័យហាវ៉ាដ ។ នៅឆ្នាំ ២០០៩ គាត់ត្រូវបានគេតែងតាំងជាសមាជិកនៃលំដាប់នៃចក្រភពអង់គ្លេសកូឡុំបៀ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Daniel S. Loeb ជាស្ថាបនិក និងជានាយកប្រតិបត្តិរបស់ក្រុមហ៊ុន Third Point ដែលជាមូលនិធិការពារហានិភ័យ

លោក Daniel S. Loeb កើតនៅថ្ងៃទី ១៨ ខែ ធ្នូ ឆ្នាំ ១៩៦១ ដែលជាអ្នកវិនិយោគជនជាតិអាមេរិក និងជាអ្នកគ្រប់គ្រងមូលនិធិការពារហានិភ័យ និងជាសប្បុរសជន ។ គាត់គឺជាស្ថាបនិក និងជានាយកប្រតិបត្តិរបស់ក្រុមហ៊ុន Third Point ដែលជាមូលនិធិការពារហានិភ័យមួយដែលមានមូលដ្ឋាននៅទីក្រុងញូវយ៉កដែលបានផ្តោតលើការវិនិយោគ និងផ្តោតលើទ្រព្យសកម្មចំនួន ១០,៨ ​​ពាន់លានដុល្លារគិតត្រឹមខែ មីនា ឆ្នាំ ២០១៦ ។ គាត់គឺសកម្មជនម្នាក់ដែលទទួលបានជោគជ័យបំផុតនៅក្នុងឆ្នាំ ២០១៤។

ការអប់រំ៖
លោក Daniel បានចូលរៀននៅសាកលវិទ្យាល័យកាលីហ្វ័រញ៉ានៅ Berkeley អស់រយៈពេល ២ ឆ្នាំក្រោយមកគាត់បានបញ្ចប់ការសិក្សាពីសាកលវិទ្យាល័យ Columbia ជាមួយនឹងសញ្ញាបត្រសេដ្ឋកិច្ច ។ នៅឆ្នាំជាន់ខ្ពស់របស់គាត់នៅឯសាកលវិទ្យាល័យកូឡុំបៀគាត់បានរកលុយបាន ១២០,០០០ ដុល្លារនៅក្នុងទីផ្សារហ៊ុនប៉ុន្តែគាត់បានខាតបង់ទាំងអស់លើការវិនិយោគនៅក្នុងក្រុមហ៊ុនមួយឈ្មោះថា Puritan-Bennett Inc ។

អាជីព៖

លោក Daniel បានចាប់ផ្តើមធ្វើការនៅក្នុងក្រុមហ៊ុន Warburg Pincus ដែលជាក្រុមហ៊ុនមូលធនឯកជនចាប់តាំងពីឆ្នាំ ១៩៨៤ ដល់ ១៩៨៧ ។ ហើយក្រោយមកគាត់បានធ្វើការជានាយកគ្រប់គ្រងនៃក្រុមហ៊ុនអភិវឌ្ឍន៍សាជីវកម្មនៅឯ Island Records ដែលជាកន្លែងដែលគាត់បានផ្តោតលើការធានាហិរញ្ញប្បទានបំណុល ។ ហើយបន្ទាប់មកគាត់បានចាប់ផ្តើមធ្វើការជាអ្នកវិភាគផ្នែកហានិភ័យនៅក្នុងក្រុមហ៊ុនវិនិយោគ Lafer Equity Investors ។

ចាប់តាំងពីឆ្នាំ ១៩៩១ ដល់ឆ្នាំ ១៩៩៤ គាត់បានធ្វើជាអនុប្រធានជាន់ខ្ពស់នៃនាយកដ្ឋានបំណុលនៅក្នុងក្រុមហ៊ុន Jefferies LLC ។ លោក Daniel បានចាប់ផ្តើមធ្វើការវិភាគការក្ស័យធននឹងការទិញប្រាក់កម្ចីពីធនាគារ និងការលក់មូលបត្រដែលមានការព្រួយបារម្ភ ។ ហើយគាត់បានក្លាយជាអនុប្រធានក្រុមហ៊ុន Citigroup ពីឆ្នាំ ១៩៩៤-៩៥ ដោយទទួលបន្ទុកផ្នែកលក់សញ្ញាប័ណ្ណដែលផ្តល់ទិន្នផលខ្ពស់​ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី George Ty ជាម្ចាស់ធនាគារ Metropolitan Bank ដែលជាធនាគារធំទី ២ នៅប្រទេសហ្វីលីពីន

លោក​ George Siao Kian Ty កើតនៅឆ្នាំ ១៩៣២ ដែលជាអ្នកជំនួញជនជាតិហ្វីលីពីន ។ គាត់គឺជាម្ចាស់ធនាគារ Metropolitan Bank ដែលជាធនាគារធំទី ២ នៅប្រទេសហ្វីលីពីន ។ លោក​ George មានភាគហ៊ុននៅក្នុងក្រុមហ៊ុន Federal Land, Inc, ដែលមានសម្ព័ន្ធជាមួយធនាគារ Metrobank ។

លោក​ George ជាទីប្រឹក្សាជាន់ខ្ពស់របស់ធនាគារហ្វីលីពីនចាប់តាំងពីខែ មេសា ឆ្នាំ ២០០៨​ ។ គាត់ក៏មានតួនាទីជាទីប្រឹក្សារបស់ក្រុមហ៊ុន First Metro Investment Corporation និងក្រុមហ៊ុនធានារ៉ាប់រងអាយុជីវិត ។ ហើយគាត់បានបម្រើការជាទីប្រឹក្សារបស់ធនាគារហ្វីលីពីនពីខែ មេសា ឆ្នាំ ២០០៦ ដល់ខែ មេសា ឆ្នាំ ២០០៨ ។

គាត់ក៏ជាអ្នកគ្រប់គ្រងទូទៅនៅក្នុងក្រុមហ៊ុន Wellington Flour Mills ។ ហើយគាត់ធ្លាប់ជាប្រធានកិត្តិយសរបស់ក្រុមហ៊ុន First Metro Travel, Inc ចាប់តាំងពីឆ្នាំ ១៩៨៩ ។ លោក​ George ជាប្រធានក្រុមហ៊ុនសាជីវកម្មរបស់ក្រុមហ៊ុន Thomas Cook និងបានបម្រើការជាប្រធានក្រុមហ៊ុន emeritus of GT Capital Holdings Inc.ចាប់តាំងពីខែ កក្កដា ឆ្នាំ ២០០៧ ដល់ថ្ងៃទី ១១ ខែ កក្កដា ឆ្នាំ ២០១១ ។

លោក George ក៏ធ្លាប់ជាប្រធានក្រុមហ៊ុន Toyota Motor ចាប់តាំងពីឆ្នាំ ១៩៨៨​ ។ ហើយគាត់ក៏បានបម្រើការជាប្រធានក្រុមហ៊ុន Global Business Holdings, Inc និងក្រុមហ៊ុន Manila Medical Services Inc ។ ហើយគាត់ក៏ជាប្រធានក្រុមហ៊ុន Metrobank Foundation, Inc ចាប់តាំងពីឆ្នាំ ១៩៧៩ ។

លោក George បានធ្វើជាប្រធានក្រុមប្រឹក្សាភិបាលរបស់ក្រុមហ៊ុន Metrobank Group ចាប់តាំងពីឆ្នាំ ២០០៦ ។ ហើយគាត់បានក្លាយជាប្រធានក្រុមប្រឹក្សាប្រឹក្សានៃក្រុមហ៊ុន First Metro International Investment Co. , Ltd ចាប់តាំងពីឆ្នាំ ២០០២ ។ គាត់បានបម្រើការជាប្រធានក្រុមហ៊ុន Toyota Autoparts Philippines Corp ពីឆ្នាំ ១៩៩០ ដល់ខែ កក្កដា ឆ្នាំ ២០០៥ ។
ហើយគាត់ក៏មានតួនាទីជានាយកគ្រងគ្រងក្រុមហ៊ុន Toyota Autoparts Philippines Corporation ។ ហើយគាតក៏ធ្លាប់បានបម្រើការជានាយកប្រតិបត្តិនៃក្រុមហ៊ុន Lai Fai International Holdings Ltd. ចាប់តាំងពីថ្ងៃទី ១៤ ខែ កញ្ញា ឆ្នាំ ២០០២ ។

ទ្រព្យសម្បត្តិ៖ George Ty

លោក George Ty គឺជាអ្នកជំនួញជនជាតិហ្វីលីពីនដែលមានទ្រព្យសម្បត្តិចំនួន ២,៦ ពាន់លានដុល្លារ ។ លោក George គឺជាស្ថាបនិកនៃធនាគារ និងក្រុមហ៊ុន Metropolitan Bank ដែលមានឈ្មោះថា Metrobank ដែលបច្ចុប្បន្នជាធនាគារធំទី ២ ដែលជាប់ទាក់ទងនឹងទ្រព្យសកម្ម និងដើមទុននៅប្រទេសហ្វីលីពីន ។

គាត់បានប្រមូលទ្រព្យសម្បត្តិតាមរយះការវិនិយោគលើដីធ្លី ធនាគារ Metrobank ក៏ដូចជាក្រុមហ៊ុនធានារ៉ាប់រងអាយុជីវិតហ្វីលីពីន និងក្រុមហ៊ុនសាជីវកម្មថាមពលសកល ។ លើសពីនេះទៅទៀតតាមសេចក្តីរាយការណ៍គាត់ក៏គ្រោងនឹងវិនិយោគជិត ១ ពាន់លានដុល្លារក្នុងគំរោងថាមពលផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី David Lichtenstein ជានាយកប្រតិបត្តិរបស់ក្រុមហ៊ុន The Lightstone Group

លោក David Lichtenstein គឺជានាយកប្រតិបត្តិរបស់ក្រុមហ៊ុន The Lightstone Group ដែលបានបង្កើតឡើងក្នុងឆ្នាំ ១៩៨៨ និងជាម្ចាស់ក្រុមហ៊ុនអចលនទ្រព្យឯកជនដ៏ធំជាងគេបំផុតនៅសហរដ្ឋអាមេរិក ។ លោក Lichtenstein បានដឹកនាំគ្រប់ទិដ្ឋភាពទាំងអស់នៃការទទួលបានហិរញ្ញប្បទាន និងការគ្រប់គ្រងផលប័ត្រចម្រុះនៃអាផាតមិនពហុគ្រួសារបន្ថែមលើការិយាល័យ កន្លែងស្នាក់នៅ ការលក់រាយ និងទ្រព្យសម្បត្តិឧស្សាហកម្មនៅក្នុងរដ្ឋចំនួន ២៤ នៅ Columbia, Puerto Rico​ និង Canada ។

អាជីពដំបូង៖

លោក Lichtenstein បានចាប់ផ្តើមអាជីពអចលនទ្រព្យរបស់គាត់ជាមួយនឹងអគារមួយ និងប្រាក់កម្ចី ។ ហើយគាត់បានទិញការវិនិយោគដំបូងរបស់គាត់នៅក្នុងគេហដ្ឋានពីរគ្រួសារនៅរដ្ឋ New Jersey ដោយបានចំណាយប្រាក់ ១២០០០ ដុល្លារដែលបានលើកឡើងដោយការចេញប័ណ្ណឥណពន្ធ និងយកគណនីសន្សំតូចមួយចេញ ។

ក្នុងរយៈពេលពីរបីឆ្នាំខាងមុខគាត់បានប្រើប្រាស់សាច់ប្រាក់ដែលជាទ្រព្យសម្បត្តិរបស់គាត់ដែលបានបង្កើតដោយប្រើប្រាក់កម្ចីដើម្បីបន្តទិញបន្ថែមទៀត ។ ហើយបីឆ្នាំក្រោយមកគឺនៅឆ្នាំ ១៩៨៨ គាត់បានចាប់ផ្តើមបង្កើតក្រុមហ៊ុន The Lightstone Group ដែលបានធ្វើអោយក្រុមហ៊ុនក្លាយជាក្រុមហ៊ុនកាន់កាប់ទ្រព្យសម្បត្តិឯកជនដ៏ធំបំផុតនៅសហរដ្ឋអាមេរិកនៅត្រឹមឆ្នាំ ២០០៣ ។

ការកើនទ្បើងពី ១ ពាន់លានដុល្លារទៅ ២ ពាន់លានដុល្លារ នៅឆ្នាំ ២០០៥ តម្លៃនោះបានកើនឡើងដល់ប្រមាណ ៣ ពាន់លានដុល្លារ ។ សព្វថ្ងៃនេះក្រុមហ៊ុន Lightstone បានស្ថិតនៅក្នុងចំណោមក្រុមហ៊ុនអចលនទ្រព្យធំៗ ទាំង ២៥ នៅសហរដ្ឋអាមេរិក និងមានបុគ្គលិក និងអ្នកជំនាញប្រមាណ ១,១៥០ នាក់ ។ ក្រុមហ៊ុន Lightstone មានការិយាល័យនៅក្នុងទីក្រុងញូវយ៉កក៏ដូចជានៅរដ្ឋ New Jersey, Maryland និងរដ្ឋ Illinois ។

យុទ្ធសាស្ត្រ៖

យុទ្ធសាស្រ្តរបស់លោក Lichtenstein គឺជាឆន្ទៈក្នុងការស្វែងរកទ្រព្យសម្បត្តិដែលផ្តល់នូវការរំពឹងទុកនៃប្រាក់ចំណេញខ្ពស់ និងមានបញ្ហាប្រឈមឬភាពស្មុគស្មាញដែលកំណត់ការទាក់ទាញចំពោះវិនិយោគិនផ្សេងទៀតរួមទាំងទ្រព្យសម្បត្តិដែលមានរចនាសម្ព័ន្ធដើមទុនស្មុគស្មាញ ។

លោក Lichtenstein បាននិយាយជាសាធារណៈថាគាត់បានធ្វើការវិនិយោគប្រកបដោយហានិភ័យនាពេលកន្លងមក ។ ហើយគាត់ថែមទាំងបាននិយាយជាសាធារណៈអំពីហានិភ័យ និងការព្យាករណ៍នានានៅក្នុងអចលនទ្រព្យពាណិជ្ជកម្មនៅក្នុងស្ថានីយទូរទស្សន៍ CNBC និងទស្សនាវដ្តី Bloomberg ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖