Author: Buy Khmer Book

ម៉ែ

👉ថ្នាក់ពាក្យជា នាមសព្ទ
មានន័យថា ម្ដាយ ។ ហៅម្ដាយមីងថា ម៉ែមីង ឬ ហៅជីដូនថា ម៉ែយាយ ក៏មាន ។ បុរាណច្រើនហៅស្រ្តីដទៃដែលមានវ័យស្មើនឹងមាតាថា ម៉ែ ( រាប់ថាជាពាក្យគោរព ) ។

ម៉េតប្រាយ

👉ថ្នាក់ពាក្យជា នាមសព្ទ
មានន័យថា លែបខាយ, ល្បិចល្បង, សម្ដីមានក្នុងមានក្រៅ, ពាក្យលូកលើសើក្រោម ។
ឧទាហរណ៍៖ សម្ដីមានម៉េតប្រាយ, ប្រើម៉េតប្រាយ ។

                       ប្រើជា គុ. ក៏បាន ។
ឧទាហរណ៍៖ សម្ដីម៉េតប្រាយ ។

                      ប្រើជា កិ. ក៏មានខ្លះ ។
ឧទាហរណ៍៖ កុំម៉េតប្រាយពេក ! ( សរសេរជា ម៉ិតប្រាយ ក៏មាន ) ។

ម៉េច

មានន័យថា ម្ដេច ( ព. សា. ) ។ បុច្ឆននិបាតសម្រាប់សួរគ្នាដោយឆ្ងល់, ដោយចង់ដឹង ។
ឧទាហរណ៍៖ ម៉េចកើតទេ ?, ម៉េចបានទេ ?, ម៉េចហ៏ ! ទៅឬទេ ?, ថាម៉េច ? ( ម. ព. ម្ដេច ផង ) ។

ម៉ូហ្កាឌីស្យូ

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស សូម៉ាលី។

ម៉ូសំប៊ិក

👉ថ្នាក់ពាក្យជា នាមសព្ទ
មានន័យថា ប្រទេស ម៉ូសំប៊ិក, (រាជធានី/​រដ្ឋធានី) ម៉ពុយតូ។

ម៉ូលេគុលសេរី

👉ថ្នាក់ពាក្យជា គីមី
មានន័យថា ម៉ូលេគុល ដូចជាក្នុងឧស័្មនដែលលក្ខណៈរបស់វាដូចជាស្ប៉ិច និង ម៉ូម៉ង់ម៉ាញ៉េទិច(កំលាំងរបត់)មិនរងឥទ្ធិពលជាសំខាន់ដោយអាតូម អ៉ីយ៉ុង ផេ្សងទៀត ឬ ម៉ូលេគុលជិតខាង។

ម៉ូលេគុលមុខងារពីរ

👉ថ្នាក់ពាក្យជា គីមី
មានន័យថា ទំរង់សរីរាង្គមានតំបន់ពីរដែលមានលក្ខណៈប្រតិកម្ម ខ្ពស់។

ម៉ូលេគុលឌីអាតូម

👉ថ្នាក់ពាក្យជា គីមី
មានន័យថា ម៉ូលេគុលមានស្ថិរភាពដែលបង្កឡើងពីអាតូមពីរនៃធាតុ ដូចគ្នា។ អុកស៊ីសែន(02)្បអាសូត(N2) និងក្លរ (C12) ជាឧទាហរណ៍ម៉ូលេគុល ឌីអាតូម។

ម៉ូរ៉ូនី

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស កូម័រ។

ម៉ូរីស

👉ថ្នាក់ពាក្យជា នាមសព្ទ
មានន័យថា ប្រទេស ម៉ូរីស, (រាជធានី/​រដ្ឋធានី) ព័រល្វី។

ម៉ូរីតានី

👉ថ្នាក់ពាក្យជា នាមសព្ទ
មានន័យថា ប្រទេស ម៉ូរីតានី, (រាជធានី/​រដ្ឋធានី) ណួកសុត។

ម៉ូម៉ង់ឌីប៉ូល

👉ថ្នាក់ពាក្យជា គីមី
មានន័យថា វ៉ិចទរ័សរុបនៃមូម៉ង់សម័ន្ធក្នុងមូលេគុលមួយ ដែលជារងា្វស់នៃ ភាពប៉ូលែនៃម៉ូលេគុលនោះ។

ម៉ូតែល

👉ថ្នាក់ពាក្យជា ពន្ធដារ
មានន័យថា ចូលមើលពាក្យ ៖ សណ្ឋាគារ។

ម៉ូត

👉ថ្នាក់ពាក្យជា នាមសព្ទ
មានន័យថា ឈ្មោះសំពត់មួយប្រភេទ មានសម្បុរ-សផ្លេកនាំមកពីប្រទេសក្រៅ ។

ម៉ូណាកូ

👉ថ្នាក់ពាក្យជា នាមសព្ទ
មានន័យថា ប្រទេស ម៉ូណាកូ, (រាជធានី/​រដ្ឋធានី) ម៉ូណាកូ ។
រាជធានី/​រដ្ឋធានី នៃប្រទេស ម៉ូណាកូ។

ម៉ូដែលអាកាសធាតុ

👉ថ្នាក់ពាក្យជា បច្ចេកសព្ទបរិស្ថាន
មានន័យថា គំរូតាងជាតួលេខនៃប្រព័ន្ធអាកាសធាតុ ដែលផ្អែកលើលក្ខណៈរូប គីមី និងជីវៈនៃសមាសភាគរបស់ប្រព័ន្ធអាកាសធាតុ អន្តរកម្មរបស់សមាសភាគទាំងនោះ និងដំណើរការឆ្លើយតប ។

ម៉ូងគ្រុំ

👉ថ្នាក់ពាក្យជា នាមសព្ទ
មានន័យថា ឈ្មោះភ្លេងបុរាណមួយវង់ មានស្គរធំមួយ ( ស្គរនោះមានធ្លុះបន្តិច ), មានគងមួយវង់, មានស្រឡៃតូចមួយ, មានគងធំ ( គងមូង ) មួយ, មានឫស្សីកំបែកមួយកំណាត់ មានអ្នកភ្លេងតែត្រឹម៣នាក់គឺ ម្នាក់វាយគងវង់, ម្នាក់ផ្លុំស្រឡៃតូច, ម្នាក់ទៀតវាយស្គរធំផង វាយគងធំផង វាយឫស្សីកំបែកផង ( វាយគោះឲ្យមានសូរស័ព្ទរណ្ដំ ); ខ្មែរប្រើភ្លេងនេះចំពោះតែក្នុងពិធីបុណ្យតម្កល់សពឬបុណ្យឈាបនកិច្ច ។
ឧទាហរណ៍៖ ភ្លេងម៉ូងគ្រុំ, ក្នុងសម័យឥឡូវ, មានមិនគ្រប់ខែត្រទេ អ្នកខែត្រខ្លះមិនដែលស្គាល់មិនដែលឮសូរសព្ទភ្លេងនេះសោះឡើយ ( ហៅ ភ្លេងកន្ទាំមីង ឬ ទាំមីង ក៏បាន, ភ្លេងគងស្គរ ក៏បាន តាមទម្លាប់ហៅដោយខែត្រ-ស្រុក ) ។

ម៉ូង

👉ថ្នាក់ពាក្យជា ឧទានសព្ទ
មានន័យថា សូរគងតូច ។
ឧទាហរណ៍៖ សូរគងតូចម៉ូងៗ ។

ម៉ូក

👉ថ្នាក់ពាក្យជា ឧទានសព្ទ
មានន័យថា សូរឮដោយគោះ ឬវាយអ្វីៗដែលណែនស្រួយ ( ថាតាមទម្លាប់ដែលឮ ) ។

ម៉ុលដាវី (សាធារណរដ្ឋ)

👉ថ្នាក់ពាក្យជា នាមសព្ទ
មានន័យថា ប្រទេស ម៉ុលដាវី (សាធារណរដ្ឋ), (រាជធានី/​រដ្ឋធានី) ជីស៊ីណូ។

ម៉ុម

👉ថ្នាក់ពាក្យជា នាមសព្ទ
មានន័យថា ក្រមុំ, នាងក្រមុំ; ពាក្យថ្នមឬទំយើសម្រាប់ហៅស្រ្តីជាទីស្រឡាញ់ ។
ឧទាហរណ៍៖ ម៉ុមបង, ម៉ុមម៉ែ, មាសម៉ុម, ស្រីម៉ុម ។ ( ព. កា. ) : ស្រីម៉ុមចង់សុំអ្វីពីខ្ញុំ បើចង់សុំអ្វីក៏សុំចុះ ចូរកុំសុំតែរបស់នុះ ព្រោះម៉ុមបានចុះសន្យាហើយ ។ ( គួរប្រយ័ត្នកុំសរសេរ មុំ ព្រោះច្រឡំនឹង មុំ ឬ មុម គឺជ្រុងឬជាយ, ទាំងកុំសរសេរ ម‍‍‍‍‍‍‍៉ុំ ឡើយ ព្រោះមានមូសិកទន្តផងមាននិគ្គហិតផងត្រួតលើគ្នានាំឲ្យធ្ងន់ណាស់ ) ។

👉ថ្នាក់ពាក្យជា គុណនាម
មានន័យថា ក្រមុំ, នាងក្រមុំ; ពាក្យថ្នមឬទំយើសម្រាប់ហៅស្រ្តីជាទីស្រឡាញ់ ។
ឧទាហរណ៍៖ ម៉ុមបង, ម៉ុមម៉ែ, មាសម៉ុម, ស្រីម៉ុម ។ ( ព. កា. ) : ស្រីម៉ុមចង់សុំអ្វីពីខ្ញុំ បើចង់សុំអ្វីក៏សុំចុះ ចូរកុំសុំតែរបស់នុះ ព្រោះម៉ុមបានចុះសន្យាហើយ ។ ( គួរប្រយ័ត្នកុំសរសេរ មុំ ព្រោះច្រឡំនឹង មុំ ឬ មុម គឺជ្រុងឬជាយ, ទាំងកុំសរសេរ ម‍‍‍‍‍‍‍៉ុំ ឡើយ ព្រោះមានមូសិកទន្តផងមាននិគ្គហិតផងត្រួតលើគ្នានាំឲ្យធ្ងន់ណាស់ ) ។

ម៉ុងហ្គោលី

👉ថ្នាក់ពាក្យជា នាមសព្ទ
មានន័យថា ប្រទេស ម៉ុងហ្គោលី, (រាជធានី/​រដ្ឋធានី) អ៊ូឡង់បាទ័រ។

ម៉ុងស៊ែរ៉ា

👉ថ្នាក់ពាក្យជា នាមសព្ទ
មានន័យថា ប្រទេស ម៉ុងស៊ែរ៉ា, (រាជធានី/​រដ្ឋធានី) ព្លីមុត។

ម៉ុងរ៉ូវីយ៉ា

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស លីបេរីយ៉ា ។

ម៉ុងតេវីដេអូ

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស អ៊ុយរ៉ាហ្ហាយ។

ម៉ុងតេណេហ្គ្រោ

👉ថ្នាក់ពាក្យជា នាមសព្ទ
មានន័យថា ប្រទេស ម៉ុងតេណេហ្គ្, (រាជធានី/​រដ្ឋធានី) ប៉ូដហ្គោរីកា។

ម៉ុង

👉ថ្នាក់ពាក្យជា នាមសព្ទ
មានន័យថា ផ្នូរសព គឺផ្នូរដែលបញ្ចុះសពចិន ឬយួន ។ មុខម៉ុង មុខផ្នូរ គឺរបៀបឥដ្ឋ ឬស៊ីម៉ងត៍, ថ្ម ដាក់ពីខាងមុខផ្នូរសពចិន ឬយួន ។

ម៉ឺន

👉ថ្នាក់ពាក្យជា បកតិសំខ្យា
មានន័យថា ( ស. ហ្មឺ់ន អ. ថ. មឺន ) ចំនួនសំខ្យាដប់ពាន់ ( ១០.០០០ ) ។ ន. បណ្ដាស័ក្តិមន្រ្តីមុនទីឃុន ( រាប់តាមលំដាប់បណ្ដាស័ក្ដិពីថ្នាក់ក្រោមបំផុតឡើងរៀងទៅថ្នាក់លើថា : ម៉ឺន ឬ ហ្មឺន, ឃុន, ហ្លួង, ព្រះ, ឧកញ៉ា ); តាមបវេណីរាជ្យក្នុងកម្ពុជរដ្ឋពីកាលជាន់បុរាណ, កូនប្រុសរបស់សេនាបតីឬរបស់ស្ដេចត្រាញ់ ត្រូវហៅ ម៉ឺន តាំងពីនៅជាកុមារតូច ពុំចាំបាច់តាំងឡើយ ( បើកូនស្រី ហៅ អ្នកនាង ) ។

ម៉ឹងៗ

👉ថ្នាក់ពាក្យជា ឧទានសព្ទ
មានន័យថា សូរសំឡេងរគាំងតូច ។

ម៉ឹង

👉ថ្នាក់ពាក្យជា និបាតសព្ទ
មានន័យថា អេះ, ហ្ន៎ះ។ ពាក្យនិបាតច្រើននិយាយផ្សំនឹងពាក្យ ម្ល៉ឹង, ម៉្លោះ ថា
ឧទាហរណ៍៖ យ័រ ! អីម្ល៉ឹងម៉ឹងឬ ? អីដល់ទៅម៉្លោះម៉ឹង !

ម៉ិមៗ

👉ថ្នាក់ពាក្យជា ឧទានសព្ទ
មានន័យថា សូរសំឡេងមៀមយំ ។

ម៉ិម

មានន័យថា ( ម. ព. ញ៉ិម ) ។

ម៉ិតប្រាយ

មានន័យថា ( ម. ព. ម៉េតប្រាយ ) ។

ម៉ិកស៊ិកូ

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស ម៉ិកស៊ិក។

ម៉ិកស៊ិក

👉ថ្នាក់ពាក្យជា នាមសព្ទ
មានន័យថា ប្រទេស ម៉ិកស៊ិក, (រាជធានី/​រដ្ឋធានី) ម៉ិកស៊ិកូ។

ម៉ាឡេស៊ី

👉ថ្នាក់ពាក្យជា នាមសព្ទ
មានន័យថា ប្រទេស ម៉ាឡេស៊ី, (រាជធានី/​រដ្ឋធានី) គូឡាឡាំពួ។

ម៉ាឡាវី

👉ថ្នាក់ពាក្យជា នាមសព្ទ
មានន័យថា ប្រទេស ម៉ាឡាវី, (រាជធានី/​រដ្ឋធានី) លីឡុងវ៉េ។

ម៉ាឡាបូ

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស ហ្គីណេអាក្វាទ័រ។

ម៉ាស្កាត

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស អូម៉ង់។

ម៉ាស៊ីនអេធីអឹម/ម៉ាស៊ីនប្រតិបតិ្តការធនាគារស្វ័យប្រវត្ត

មានន័យថា ម៉ាស៊ីនអេឡិចត្រូនិកស្វ័យប្រវត្តដែលអតិថិជនអាចធ្វើប្រតិបត្តិការដកប្រាក់ ដាក់ប្រាក់ ផ្ទេរប្រាក់ ទូទាត់។ល។ បានគ្រប់ពេលវេលាដោយការប្រើប្រាស់បណ្ណអេធីអឹម(កាតអេធីអឹម) និងលេខសម្ងាត់ផ្ទាល់ខ្លួន។

ម៉ាស៊ីនទទួលប្រាក់បញ្ញើ

មានន័យថា ម៉ាស៊ីនអេឡិចត្រូនិកស្វ័យប្រវត្តដែលអនុញ្ញាតឱ្យអតិថិជនដាក់ប្រាក់បញ្ញើចូលក្នុងគណនីបានគ្រប់ពេលវេលាដោយការប្រើប្រាស់បណ្ណអេធីអឹន(កាតអេធីអឹម) និងលេខសម្ងាត់ផ្ទាល់ខ្លួន។

ម៉ាស៊ីន

👉ថ្នាក់ពាក្យជា នាមសព្ទ
មានន័យថា ( បារ. Machine ) គ្រឿងចក្រ, គ្រឿយន្ត, យន្ត ។
ឧទាហរណ៍៖ ម៉ាស៊ីនកប៉ាល់, ម៉ាស៊ីនកិនស្រូវ, ម៉ាស៊ីនទឹក, ម៉ាស៊ីនភ្លើង, ម៉ាស៊ីនបោះកប្បាស, ម៉ាស៊ីនរថយន្ត ។ ល ។ ( ច្រើនហៅក្លាយថា ម៉ាស៊ិន ឬ ម៉ាស៊ឹន ) ។

ម៉ាសេរុយ

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស ឡេសូតូ។

ម៉ាសេដ្វាន

👉ថ្នាក់ពាក្យជា នាមសព្ទ
មានន័យថា ប្រទេស ម៉ាសេដ្វាន, (រាជធានី/​រដ្ឋធានី) ស្កុបជេ។

ម៉ាសេដ្វាន

👉ថ្នាក់ពាក្យជា នាមសព្ទ
មានន័យថា ប្រទេស ម៉ាសេដ្វាន, (រាជធានី/​រដ្ឋធានី) ស្កុបជេ។

ម៉ាសសមមូល

👉ថ្នាក់ពាក្យជា គីមី
មានន័យថា មួយសមមូលជាបរិមាណនៃធាតុ ឬសមាសធាតុដែលអាចផ្សំជាមួយ ឬជំនួសមួយក្រាមនៃអ៉ីដ្រូសែន(ឬ 8g នៃអុកស៊ីសែន ឬ 35.5gនៃក្លរ) ក្នុងប្រតិកម្មគីមី។

ម៉ាសរូបមន្ត

👉ថ្នាក់ពាក្យជា គីមី
មានន័យថា ផលបូកម៉ាសអាតូមនៃធាតុទាំងអស់ដែលបង្កជារូបមន្ដងាយបំផុតរបស់សមាសធាតុអ៉ីយ៉ូនិច ។

ម៉ាសទឹក

👉ថ្នាក់ពាក្យជា បច្ចេកសព្ទបរិស្ថាន
មានន័យថា មាឌទឹកមហាសមុទ្រ ដែលកើតឡើងដោយមានលក្ខណៈរូប ( ដែលមានសីតុណ្ហភាណ កម្រិតប្រៃ ដង់ស៊ីតេ និងបរិមាណរូបធាតុផ្សេងទៀត) និងលក្ខណៈគីមី ដោយឡែកខុសណីលក្ខណៈរូបនៃទឹកនៅជុំវិញវា ។ ​មាឌទឹកដែលមានម៉ាសប្រែប្រួលផ្លាស់ទីតាមទិសដេក និងទិសឈរ ។

ម៉ាសខ្យល់

👉ថ្នាក់ពាក្យជា បច្ចេកសព្ទបរិស្ថាន
មានន័យថា មានខ្យល់ស្ថិតនៅក្នុងតំបន់ណាមួយលើផ្ទៃផែនដី ដែលកំណត់ដោយសីតុណ្ហភាព និងចំហាយទឹក ។ នៅពេលដែលមាឌខ្យល់មានម៉ាស់ប្រែប្រួល​ វាចល័តចេញពីតំបន់ប្រភពដើម។ បណ្ដុំខ្យល់ដែលលក្ខណៈសមាសធាតុស្រដៀងគ្នារបស់វា ៖ (១) បានកើតឡើងនៅពេលដែលខ្យល់នោះស្ថិតនៅក្នុងតំបន់ណាមួយលើផ្ទៃផែនដី និង (២) ទទួលរងការប្រែប្រួលជាក់លាក់នៅពេលដែលវាចល័តចេញពីតំបន់ប្រភពដើម ។

ម៉ាល់ត៍

👉ថ្នាក់ពាក្យជា នាមសព្ទ
មានន័យថា ប្រទេស ម៉ាល់ត៍, (រាជធានី/​រដ្ឋធានី) វ៉ាឡែត។

ម៉ាល់ឌីវ

👉ថ្នាក់ពាក្យជា នាមសព្ទ
មានន័យថា ប្រទេស ម៉ាល់ឌីវ, (រាជធានី/​រដ្ឋធានី) ម៉ាល ។

ម៉ាលី

👉ថ្នាក់ពាក្យជា នាមសព្ទ
មានន័យថា ប្រទេស ម៉ាលី, (រាជធានី/​រដ្ឋធានី) បាម៉ាកូ។

ម៉ាល

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស ម៉ាល់ឌីវ។

ម៉ារ៉ុក

👉ថ្នាក់ពាក្យជា នាមសព្ទ
មានន័យថា ប្រទេស ម៉ារ៉ុក, (រាជធានី/​រដ្ឋធានី) រ៉ាបា។

ម៉ានីល

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស ហ្វ៊ីលីពីន។

ម៉ាត់

👉ថ្នាក់ពាក្យជា នាមសព្ទ
មានន័យថា ( ក្លាយមកពីពាក្យ មាត់ ) ចំនួនដែលល្មមនឹងមាត់, អ្វីៗដែលគួរដល់មាត់ ។
ឧទាហរណ៍៖ ពមបាយពីរបីម៉ាត់, ស៊ីស្លាមួយម៉ាត់ ។

                     វាចាដែលចេញថាបានជាពាក្យមួយៗ ។
ឧទាហរណ៍៖ ពាក្យមួយម៉ាត់, និយាយពីរបីម៉ាត់ ។ ម៉ាត់ណាម៉ាត់នោះ ឬ ម៉ាត់ណាម៉ាត់ហ្នឹង ពាក្យណាប្រាកដជាពាក្យនោះ ឬថា ត្រង់ណាប្រាកដជាត្រង់ណឹង : និយាយម៉ាត់ណាម៉ាត់ហ្នឹង ( ព. សា. ) ។ និយាយបានមួយម៉ាត់មួយក និយាយបានខ្លះ, និយាយបានបន្តិចបន្តួច ( ព. សា. ) ។ ស៊ីមួយម៉ាត់មួយក ស៊ីខ្លះ, ស៊ីបន្តិចបន្តួច ( ព. សា. ) ។

👉ថ្នាក់ពាក្យជា ឧទានសព្ទ
មានន័យថា ឮសូរដោយក្ដិច, ដោយដាច់ខ្សែតូចជាដើម ។
ឧទាហរណ៍៖ ក្ដិចម៉ាត់, ដាច់ម៉ាត់ ។ ព. ប្រ. ដាច់ខ្យល់ម៉ាត់ ដាច់ខ្យល់ដង្ហើមហាក់ដូចជាដាច់ខ្សែឮសូរម៉ាត់ ( ស្លាប់ ) ។

ម៉ាណាហ្កា

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស នីការ៉ាហ្កា។

ម៉ាណាម៉ា

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស បារ៉ែន។

ម៉ាឌ្រីដ

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស អេស៉្បាញ។

ម៉ាដាហ្កាស្កា

👉ថ្នាក់ពាក្យជា នាមសព្ទ
មានន័យថា ប្រទេស ម៉ាដាហ្កាស្កា, (រាជធានី/​រដ្ឋធានី) អង់តាណាណារីវ។

ម៉ាច់

👉ថ្នាក់ពាក្យជា ឧទានសព្ទ
មានន័យថា សូរឮដោយដាល់ ឬទង្គិចប៉ះត្រូវសាច់និងសាច់ដែលទន់តែណែន ។ សូរឮដោយភ្លាត់មាត់ ( តាមទម្លាប់ ) ។

ម៉ាង

👉ថ្នាក់ពាក្យជា ឧទានសព្ទ
មានន័យថា សូរឮដោយគោះ ឬវាយលោហជាតិស្ដើងៗ មានឃ្មោះ ឬថាសជាដើម ។
ឧទាហរណ៍៖ វាយឃ្មោះម៉ាងៗ ។

👉ថ្នាក់ពាក្យជា នាមសព្ទ
មានន័យថា ឈ្មោះកណ្ដឹងធ្វើដោយដែកមានរាងជ្រៅ សូរឮម៉ាងៗ សម្រាប់ចងកក្របី ឬចងកគោក៏បាន ( អ្នកស្រុកខ្លះហៅ ត្រដោកម៉ាង ) ។

ម៉ាក្រូសេដ្ឋកិច្ច

មានន័យថា ផ្នែកមួយនៃវិទ្យាសាស្រ្តសេដ្ឋកិច្ចសិក្សាអំពីប្រព័ន្ធសេដ្ឋកិច្ចជាតិទាំងមូល ដែលផ្តោតទៅលើចំណូលជាតិ កំណើនសេដ្ឋកិច្ច និកម្មភាពអតិផរណាជាដើម។

ម៉ាក្រូម៉ូលេគុលដង់ឌ្រីទិច

👉ថ្នាក់ពាក្យជា គីមី
មានន័យថា ម៉ាក្រូម៉ូលេគុលដែលទំរង់របស់វាសំគាល់ដោយ កំរិតខ្ពស់នៃបណ្ដុំខ្នែងដែលកកើតពីចំណុចប្រសព្វតែមួយ(ករ) ។

ម៉ាក្រូម៉ាឃិធីង/ម៉ាក្រូកិច្ចទីផ្សារ

មានន័យថា សំណុំសកម្មភាព និងដំណើរការកិច្ចទីផ្សារនៃទំនិញ ឬសេវាក្នុងកម្រិតប្រទេស ឬសង្គមជាតិដោយមានការទទួលខុសត្រូវសង្គម។

ម៉ាក្យាវែលនិយម

👉ថ្នាក់ពាក្យជា នាមសព្ទ
មានន័យថា លទ្ធិនយោបាយជារបស់លោកម៉ាក្យាវ៉ែលជនជាតិអុីតាលី ដែលប្រកាន់ថា ក្នុងប្រយោជន៍ជាតិ មិនត្រូវទោរទន់ដោយក្តីអាណិតអាសូរឡើយ ។

ម៉ាក់បាត, បាបាត

👉ថ្នាក់ពាក្យជា នាមសព្ទ
មានន័យថា ដើមចុល្លព្រឹក្សកម្ពស់ពី ២-៦ ម ដុះក្នុងព្រៃស្រោងនៃឥណ្ឌូចិន គេច្រើនដាំម៉ាក់បាតជិតផ្ទះ សម្រាប់បេះផ្លែបរិភោគ។ ឫសគេអាចស្ងោរផឹក ព្យាបាលជំងឺគ្រុន ចុកដៃជើង។ គ្រាប់មានជាតិចត់ សម្រាប់ធ្វើថ្នាំសម្លាប់សត្វល្អិត។

ម៉ាក់

👉ថ្នាក់ពាក្យជា នាមសព្ទ
មានន័យថា ម៉ែ, ម្ដាយ ។ ពាក្យទំយើសម្រាប់កូនក្មេងហៅម្ដាយ ( ច្រើននិយាយចំពោះតែអ្នកក្រុង ) ។ ពាក្យ ម៉ាក់ នេះមានប្រភពដើមជា មា ឬ ម៉ា, មាន៑ ( សំ. បា. ថា ” រាប់, រាប់រក, រាប់អាន ” ) ចេញមកជា មាតា, មាត្ឫ, ម៉ែ, ម្ដាយ, ម៉ាក់, ម៉ាម៉ង់, មែរ,. . . ចេញទៅទៀតជា មាតុច្ឆា ” ម្ដាយមីងខាងម្ដាយ “, មាតុល ” អាពុកធំឬមាខាងម្ដាយ “, មាតុលានី “ម្ដាយធំឬម្ដាយមីងខាងម្ដាយ”, . . . ក៏មកតែអំពី មា ឬ ម៉ា , មាន៑ នេះឯង, ដែលមានអត្ថន័យថា ” រាប់អានយ៉ាងជិតស្និទ្ធ ” សម្រេចរូបជានាមនាមថា ” ស្ត្រីអ្នករាប់អានកូនរបស់ខ្លួនយ៉ាងជិតស្និទ្ធ ” ជាគូគ្នានឹងពាក្យ បា ឬ ប៉ា ( សំ. បា. ) ថា ” ចិញ្ចឹម, រក្សា ” . . . ។

ម៉ាកសម្គាល់ភូមិសាស្រ្តទំនិញ

👉ថ្នាក់ពាក្យជា គយ
មានន័យថា ឈ្មោះ សញ្ញាសម្គាល់ និង/ឬរូបភាពផ្សេងៗទៀត ដែលមានលក្ខណៈញែកដាច់ដែលជាឈ្មោះ ឬតំណាងឱ្យប្រភពដើម នៃតំបន់ភូមិសាស្ត្រមួយ ហើយឈ្មោះសញ្ញាសម្គាល់ និង/ឬរូបភាពនោះ សម្រាប់កំណត់អត្តសញ្ញាណទំនិញមានប្រភពក្នុងភូមិសាស្ត្រនោះ ដែលបានផ្តល់ជាមូលដ្ឋានគ្រឹះដល់គុណភាព កិត្តិសព្ទ ឬចរិតលក្ខណៈផ្សេងទៀតនៃទំនិញដែលកើតចេញពីតំបន់ភូមិសាស្ត្រនោះ។

ម៉ាកសមូហភាព

👉ថ្នាក់ពាក្យជា ចំណូលមិនមែនសារពើពន្ធ, គយ
មានន័យថា សញ្ញាដែលមើលឃើញ សំដៅប្រើក្នុងការដាក់ពាក្យសុំចុះបញ្ជី ហើយអាចសម្គាល់នូវប្រភពដើម នៃទំនិញ ឬសេវា ឬសម្គាល់នូវចរិតលក្ខណៈរួមដទៃទៀត គិតទាំងគុណភាព នៃទំនិញ ឬសេវារបស់សហគ្រាសផ្សេងៗគ្នា ដែលប្រើសញ្ញានោះ ក្រោមការគ្រប់គ្រងរបស់ម្ចាស់ម៉ាកសមូហភាពដែលបានចុះបញ្ជី។

ម៉ាកវិញ្ញាកម្ម

👉ថ្នាក់ពាក្យជា ចំណូលមិនមែនសារពើពន្ធ
មានន័យថា ឈ្មោះ និមិត្តសញ្ញា ឬរូបសញ្ញា ឬបង្គុំនៃសញ្ញាទាំងនោះដែលបង្ហាញថាទំនិញ និង/ឬសេវានោះទាក់ទងនឹងម៉ាកវិញ្ញាតកម្មដែលបានប្រើប្រាស់ និងមានការបញ្ជាក់ពីម្ចាស់ម៉ាក បានចុះបញ្ជីរួចអំពីវត្ថុធាតុដើម ប្រភព វិធីសាស្រ្ត-របៀបផលិតទំនិញ ឬផ្ដល់សេវា គុណភាព ភាពច្បាស់លាស់ ឬចរិតលក្ខណៈផ្សេងទៀត។

ម៉ាកក្លឿ

👉ថ្នាក់ពាក្យជា នាមសព្ទ
មានន័យថា ព្រឹក្សកម្ពស់ ៧-១៥ ម ដុះក្នុងព្រៃភ្នំនៅប្រទេសថៃ និងលាវ។ ខ្មែរដាំជិតផ្ទះ ដើម្បីយកស្លឹក និងផ្លែធ្វើថ្នាំជ្រលក់សំពត់ឱ្យពណ៌ខ្មៅ។ គ្រាប់ជាថ្នាំព្រូន។

ម៉ាក

👉ថ្នាក់ពាក្យជា ចំណូលមិនមែនសារពើពន្ធ, គយ
មានន័យថា វាក្យសព្ទនេះមាននិយមន័យច្រើន ដូចខាងក្រោម៖ ១. សញ្ញាដែលមើលឃើញ ហើយអាចសម្គាល់លក្ខណៈខុសគ្នានៃទំនិញ ឬសេវានៃសហគ្រាសនីមួយៗ។
២. សញ្ញាដែលមើលឃើញ ហើយអាចសម្គាល់លក្ខណៈខុសគ្នានៃទំនិញ ឬសេវានៃសហគ្រាសនីមួយៗ។ ម៉ាកដែលប្រើប្រាស់សម្រាប់ទំនិញហៅថា ពាណិជ្ជសញ្ញា ហើយម៉ាកដែលប្រើប្រាស់សម្រាប់សេវាហៅថា សេវាសញ្ញា។

ម៉ពុយតូ

👉ថ្នាក់ពាក្យជា នាមសព្ទ
មានន័យថា រាជធានី/​រដ្ឋធានី នៃប្រទេស ម៉ូសំប៊ិក។

ម៉ប

👉ថ្នាក់ពាក្យជា នាមសព្ទ

មានន័យថា ពាក្យសាមញ្ញសម្រាប់ហៅស្រ្តីចាស់ដែលធ្វើឆ្មប
ឧទាហរណ៍៖ យាយម៉ប, ដូនម៉ប ។

ម៉ត់ហ្មង

មានន័យថា ( ម. ព. ហ្មត់ហ្មង ) ។

ម៉ត់ម៉ង

មានន័យថា ( ម. ព. ហ្មត់ហ្មង ) ។

ម៉ត់ចត់

មានន័យថា ( ម. ព. ហ្មត់ចត់ ) ។

ម៉ត់

មានន័យថា ( ម. ព. ហ្មត់ ) ។

ម៉ដ្ឋ

👉ថ្នាក់ពាក្យជា គុណនាម
មានន័យថា ( ម. ព. ម៉ដ្ដ ) ។

ម៉ដ្ត

👉ថ្នាក់ពាក្យជា គុណនាម
មានន័យថា ( បា. មដ្ដ ឬ មដ្ឋ ; សំ. ម្ឫឞ្ដ ) ដែលមានសាច់រលីង, ល្អិតខៃ, ស្និទ្ធជិត ។
ឧទាហរណ៍៖ សំពត់សាច់ម៉ដ្ដ ឬ –ម៉ដ្ឋ ។

ម៉ឆែ

👉ថ្នាក់ពាក្យជា នាមសព្ទ
មានន័យថា ថ្នាំផង់ព័ណ៌ខៀវ សម្រាប់ប្រើជាថ្នាំគំនូរ, ថ្នាំលាបលន ឬប្រើជាថ្នាំជ្រលក់; ឬក៏ជាដុំរឹងមានសាច់ម៉ដ្ឋត្រាំទឹករលាយក៏មាន ហៅថា ម៉ឆែដុំ ( របស់មកពីប្រទេសក្រៅ ) ។

ម៉ង់ៗ

👉ថ្នាក់ពាក្យជា កិរិយាវិសេសន៍
មានន័យថា ដែលនៅតែម្នាក់ឯង, ដែលនៅត្រមោចត្រមង់ក្នុងទីស្ងាត់ជ្រងំ គ្មានគ្នាជាគម្រប់ពីរ ។
ឧទាហរណ៍៖ អង្គុយម៉ង់ៗ, នៅម៉ង់ៗតែម្នាក់ឯង ។

ម៉ក់ៗ

👉ថ្នាក់ពាក្យជា កិរិយាវិសេសន៍
មានន័យថា ដែលប៉ប្រិចភ្នែករង្វើលៗ ខ្លាំងៗដោយអាការខឹង, អន់ចិត្ត
ឧទាហរណ៍៖ ធ្វើភ្នែកម៉ក់ៗ ។

ម៉ក់

👉ថ្នាក់ពាក្យជា នាមសព្ទ
មានន័យថា ពូកតូចៗសម្រាប់ទារក ។
ឧទាហរណ៍៖ ដេរម៉ក់ឲ្យកូន, ដាក់កូនឲ្យដេកលើម៉ក់ ( អ្នកក្រុងច្រើនប្រើពាក្យនេះ ) ។

ម៉ក

👉ថ្នាក់ពាក្យជា ឧទានសព្ទ
មានន័យថា សូរឮដោយវាយ, គោះ, ផ្ទាត់អ្វីៗដែលរឹងណែន ។
ឧទាហរណ៍៖ វាយម៉ក គឺវាយឮសូរម៉ក ។

👉ថ្នាក់ពាក្យជា កិរិយាវិសេសន៍
មានន័យថា ដែលត្រូវត្រង់, ដែលចំឥតល្អៀង ។

ឧទាហរណ៍៖ ថាត្រូវម៉ក , ទាយម៉កៗ ។

មំសៈ

👉ថ្នាក់ពាក្យជា នាមសព្ទ
មានន័យថា ( បា. មំស; សំ. មាំស អ. ថ. ម៉ាម-សៈ ) សាច់; ( រ. ស. ) ។
ឧទាហរណ៍៖ ព្រះមំសៈ ( សាច់សរីរកាយនៃក្សត្រិយ៍ ) ។ សម្រាប់អ្នកបួស, សម្រាប់គ្រហស្ថអ្នកកាន់សីល ឬសម្រាប់និយាយទៅរកឥស្សរជន ច្រើនហៅសាច់សត្វទាំងពួងថា មំសំ ( ម័ង-ស័ង តែតាមទម្លាប់មកច្រើនតែ អ. ថ. មាំងសុំាង ) : មំសំមាន់, មំសំជ្រូក ឬ មំសំសូករៈ, មំសំគោ ។ ល ។

មំសំ

មានន័យថា ( ម. ព. មំសៈ ) ។

មំសាលី

👉ថ្នាក់ពាក្យជា នាមសព្ទ
មានន័យថា សត្វដែលស៊ីសាច់ជាអាហារ ដូចជាឆ្កែ ខ្លាឃ្មុំជាដើម ។

👉ថ្នាក់ពាក្យជា គុណនាម
មានន័យថា សត្វដែលស៊ីសាច់ជាអាហារ ដូចជាឆ្កែ ខ្លាឃ្មុំជាដើម ។

មំសវិក្រ័យក៍

👉ថ្នាក់ពាក្យជា នាមសព្ទ
មានន័យថា អ្នកសម្លាប់សត្វសាច់នៅរាយ ។

មំសភក្សរុក្ខជាតិ

👉ថ្នាក់ពាក្យជា នាមសព្ទ
មានន័យថា រុក្ខជាតិដែលស៊ីសត្វជាអាហារ ។

មំសភក្សបក្សី

👉ថ្នាក់ពាក្យជា នាមសព្ទ
មានន័យថា សត្វស្លាបដែលស៊ីសាច់ ដូចជាខ្វែក អក ជាដើម ។

👉ថ្នាក់ពាក្យជា គុណនាម
មានន័យថា សត្វស្លាបដែលស៊ីសាច់ ដូចជាខ្វែក អក ជាដើម ។

មំសភក្ស

👉ថ្នាក់ពាក្យជា នាមសព្ទ
មានន័យថា សត្វសាហាវដែលចាប់សត្វឯទៀតស៊ីជាអាហារ ដូចជាខ្លា ឆ្កែចចកជាដើម​ ។

👉ថ្នាក់ពាក្យជា គុណនាម
មានន័យថា សត្វសាហាវដែលចាប់សត្វឯទៀតស៊ីជាអាហារ ដូចជាខ្លា ឆ្កែចចកជាដើម​ ។

មំសភក្ខភាព

👉ថ្នាក់ពាក្យជា នាមសព្ទ
មានន័យថា អតិលទ្ធភាព សម្រេកគម្លាននៃសត្វខ្លះ ដែលស្ទុះទៅសង្គ្រប់ចាប់សត្វដទៃជាអាហារ ។

មៅ

👉ថ្នាក់ពាក្យជា នាមសព្ទ
មានន័យថា ( ចិ. ម ឬ មជួយ ) សំបកក្រចៅ ។
ឧទាហរណ៍៖ ទិញមៅធ្វើខ្សែចែវ ( ហៅតាមទម្លាប់ដោយស្រុក ) ។

មោះមុត

👉ថ្នាក់ពាក្យជា គុណនាម
មានន័យថា ដែលក្លាហាន, អង់អាច, ដែលមានចិត្តមុត ឥតញញើត ។
ឧទាហរណ៍៖ ចិត្តមោះមុត, មនុស្សមោះមុត ។

                      ប្រើជា កិ. វិ. ក៏មាន ។
ឧទាហរណ៍៖ ធ្វើការមោះមុត ( កុំសរសេរមុះមុត ) ។

មោះ

👉ថ្នាក់ពាក្យជា កិរិយាសព្ទ
មានន័យថា គឺ, គឺថា, គឺជា, ដែលជា, ដែលត្រូវថាជា។ ពាក្យសម្រាប់ប្រើខៃសព្ទ ឬខៃសេចក្ដី គឺប្រើជម្រាល ឬផ្ទេរសព្ទ ផ្ទេរសេចក្ដីដែលជាវេវចនៈនឹងគ្នា ឬដែលស្មើគ្នាឲ្យជ្រាលពីមួយទៅលើមួយ, ច្រើនតែដាក់ពាក្យ ថា មកផង ដូចជា
ឧទាហរណ៍៖ ភ្លេចមោះថាមិនចាំ, មិនចាំមោះថានឹកមិនឃើញ, មិនល្អមោះថាអាក្រក់ ។ ល ។ ( សព្វថ្ងៃនេះមិនសូវប្រើ, ច្រើនប្រើតែពាក្យ គឺ, គឺថា ) ។

                      ប្រើជា គឺមោះ សំដៅសេចក្ដីថា គឺថា ក៏មាន ។

ឧទាហរណ៍៖ គឺមោះខ្ញុំនឹងដែលបានទៅស្រុកនោះសូម្បីតែម្ដងក៏ទេសោះ ។

👉ថ្នាក់ពាក្យជា នាមសព្ទ
មានន័យថា សេចក្ដីសៅហ្មង, ដំណើរឆ្គាំឆ្គង, មន្ទិល : ឥតមានមោះ ។ មោះពុំគាប់ ឬ មោះមិនគាប់ សេចក្ដីសៅហ្មង ឬដំណើរឆ្គាំឆ្គង ពុំគប្បីឬមិនសមគួរ ។ មោះមន្ទិល មន្ទិលសៅហ្មង មោះមៃ ឬ មោះហ្មង ការទាស់ហេតុទាស់ដំណើរ, សេចក្ដីហ្មងឆ្គង, សេចក្ដីខុសឆ្គង ។

មោហ៍

មានន័យថា មើលក្នុងពាក្យ មោហៈ ។

មោហៈ

👉ថ្នាក់ពាក្យជា នាមសព្ទ
មានន័យថា ( សំ. បា. មោហ ) អវិជ្ជា, សេចក្ដីវង្វេង, សេចក្ដីល្ងង់ ឬភ័ន្តស្មារតីមិនយល់ការណ៍ពិត, មិនស្គាល់ខុសត្រូវ ។ និយាយថា មោហ៍ ឬ មោហា ក៏មាន : មោហ៍គ្រប, មោហ៍បាំង, មោហោគ្រប គឺងងឹតវិងស៊ុងភ្លេចស្មារតីភ័ន្តច្រឡំ ពុំយល់ការខុសត្រូវបណ្ដាលឲ្យធ្វើអំពើអាក្រក់ឥតញញើត ។ មោហចិត្ត ( មោហៈចិត ) ចិត្តដែលលាយច្រឡំដោយមោហៈ, ចិត្តងងឹតល្ងង់ ។ មោហប្រព័ន្ធន៍ ( មោហ័ប-ប្រព័ន ) ចំណងមោហៈ, មោហៈដែលចងឆ្វាក់; អ្នកដែលមោហៈចងឆ្វាក់ ។ មោហមូល ( មោហៈ— ) មោហៈដែលជាឫសអកុសល ។ ល ។
មោហ៍ ការវង្វេង ច្រឡំ ភាន់ងងឹតងងល់។

មោហោ

មានន័យថា ( មើលក្នុងពាក្យ មោហៈ ) ។