Category: មហាសេដ្ឋីរកស៊ីផ្នែក

លោក Ou Zongrong គឺជាប្រធានក្រុមហ៊ុន Zhenro Group ដែលជាក្រុមហ៊ុនវិនិយោគនៅលើវិស័យអចលនទ្រព្យ និងហេដ្ឋារចនាសម្ព័ន្ធដែលមានទីស្នាក់ការកណ្តាលនៅទីក្រុង Fuzhou ។ ប្អូនប្រុសរបស់គាត់ឈ្មោះ Ou Zonghong ក៏ជាប្រធានក្រុមហ៊ុន Rongxin Group និងជាប្រធានក្រុមហ៊ុនអភិវឌ្ឍន៍អចលនទ្រព្យដ៏ធំមួយរបស់ប្រទេសចិនផងដែរ ។

ប្រភព៖ Phnom Penh HR

លោក Kei Hoi Pang គឺជាប្រធានក្រុមហ៊ុន Logan Property Holdings ដែលជាក្រុមហ៊ុនអភិវឌ្ឍន៍អចលនទ្រព្យ ។ ក្រុមហ៊ុននេះមានទីស្នាក់ការនៅខេត្តក្វាងទុងដែលផ្តោតលើទីផ្សារលំនៅដ្ឋាន ។ លោក Kei គឺជាស្ថាបនិកនិងជាប្រធានក្រុមហ៊ុន Logan Property Holdings ដែលជាក្រុមហ៊ុនអភិវឌ្ឍន៍អចលនទ្រព្យដែលមានមូលដ្ឋាននៅទីក្រុងសិនជិនដែលលក់អចលនទ្រព្យលំនៅដ្ឋានជាចម្បងនៅក្វាងទុងហុងកុងនិងម៉ាកាវ ។ អាជីវកម្មនេះត្រូវបានជួញដូរជាសាធារណៈដែលត្រូវបានបង្កើតឡើងក្នុងឆ្នាំ ១៩៩៦ ហើយវាបានចាប់ផ្តើមធ្វើពាណិជ្ជកម្មនៅលើទីផ្សារភាគហ៊ុនហុងកុងជាមួយនឹងប្រាក់ចំណូល ២៨ ពាន់លានយន់ (៤,១ ពាន់លានដុល្លារ) គិតត្រឹមក្នុងឆ្នាំ ២០១៧ ។

ប្រភព៖ Phnom Penh HR

លោក Zhang Guiping គឺជាប្រធានក្រុមហ៊ុន Suning Universal ដែលត្រូវបានចុះបញ្ជីនៅទីក្រុងសិនជិនជាមួយនឹងការវិនិយោគហិរញ្ញវត្ថុ ។

ទ្រព្យសម្បត្តិ៖ Zhang Guiping

លោក Zhang Guiping គឺជាអ្នកអភិវឌ្ឍន៏អចលនទ្រព្យជនជាតិចិនម្នាក់ដែលមានទ្រព្យសម្បត្តិសរុប ១,១ ពាន់លានដុល្លារ ។ គាត់គឺជាស្ថាបនិកនិងជាប្រធានក្រុមហ៊ុន Suning Group ដែលជាក្រុមហ៊ុនអភិវឌ្ឍន៍អចលនទ្រព្យដែលមានទីស្នាក់ការនៅខេត្តណានជីង ។ គាត់បានបញ្ចប់ការសិក្សាផ្នែកអក្សរសិល្ប៍ចិនពីសាកលវិទ្យាល័យណានជីងបន្ទាប់ពីគាត់បានចាប់បញ្ចប់ការសិក្សាគាត់បានផ្តើមធ្វើការនៅក្នុងរោងចក្រផលិតក្រណាត់ Haowei Group ។

នៅឆ្នាំ ១៩៩០ គាត់បានសហការជាមួយបងប្រុសរបស់គាត់ក្នុងការបង្កើតហាងមួយនៅខេត្តណានជីងដែលជាអ្នកលក់ម៉ាស៊ីនត្រជាក់ ។ ទោះយ៉ាងណាក៏ដោយគាត់លាឈប់ពីអាជីវកម្មនេះបន្ទាប់មកគាត់បានចាប់ផ្តើមបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Suning Group ដែលជាក្រុមហ៊ុនអភិវឌ្ឍន៏អចលនទ្រព្យនិងកំពុងរីករាលដាលពាសពេញប្រទេសចិនហើយឥឡូវនេះវាថែមទាំងមានគម្រោងសាងសង់នៅក្នុងទីក្រុងសៀងហៃខេត្តអានហ៊ួខេត្តជីលីនខេត្តយូណាននិងតំបន់ដីសណ្តទន្លេគុជផងដែរ ។

ប្រភព៖ Phnom Penh HR

លោក Huang Rulun គឺជាប្រធានក្រុមហ៊ុន Century Golden Resources Group ដែលជាក្រុមហ៊ុនអភិវឌ្ឍន៍អចលនទ្រព្យ ។ នៅខែ ឧសភា ឆ្នាំ ២០១៥ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិសុទ្ធរបស់គាត់មានចំនួន ៤,០ ពាន់លានដុល្លារ ។

អាជីព៖

នៅអាយុ ៤០ ឆ្នាំ លោក Huang បានបង្កើតក្រុមហ៊ុន Fuzhou Golden Resource Property Corporation ។ ក្រុមហ៊ុនរបស់គាត់បានបណ្តាក់ទុនរួមគ្នាជាមួយរដ្ឋាភិបាលក្នុងតំបន់ហ្វូចូវដើម្បីសាងសង់គម្រោងដំបូងរបស់គាត់គឺអគារ Guotai ចំពេលមានការរីកចម្រើននៃវិស័យពាណិជ្ជកម្មនៅភាគខាងត្បូងប្រទេសចិននៅដើមទសវត្សរ៍ឆ្នាំ ១៩៩០ ។ គាត់បានចាប់ផ្តើមសាងសង់អចលនទ្រព្យពាណិជ្ជកម្មបន្ថែមទៀតក្នុងរយៈពេលបីឆ្នាំខាងមុខនេះ ។ ក្នុងអំឡុងពេលនេះគាត់ក៏បានចាប់ផ្តើមសាងសង់គម្រោងលំនៅដ្ឋានមុនពេលការរឹតត្បិតថ្មីលើការអភិវឌ្ឍន៍ពាណិជ្ជកម្មត្រូវបានដាក់ឲ្យអនុវត្តនៅឆ្នាំ ១៩៩៤ ។ លោក Huang មិនពឹងផ្អែកច្រើនលើការផ្តល់ហិរញ្ញប្បទានពីខាងក្រៅឡើយព្រោះគាត់ចូលចិត្តប្រើប្រាស់ដើមទុនផ្ទាល់ខ្លួន។

ទ្រព្យសម្បត្តិ៖ Huang Rulun

លោក Huang Rulun គឺជាមហាសេដ្ឋីអចលនទ្រព្យជនជាតិចិនម្នាក់ដែលមានទ្រព្យសម្បត្តិសរុប ២.៧៥ ពាន់លានដុល្លារ ។ គាត់គឺជាប្រធានក្រុមហ៊ុន Century Golden Resources ដែលជាក្រុមហ៊ុនអភិវឌ្ឍន៍អចលនទ្រព្យឈានមុខគេមួយរបស់ប្រទេសចិន ។ នៅឆ្នាំ ១៩៨៦ លោក Huang Rulun បានបើកដំណើរការក្រុមហ៊ុនរបស់គាត់នៅក្នុងប្រទេសហ្វីលីពីនហើយប្រាំឆ្នាំក្រោយមកគាត់បានត្រលប់ទៅប្រទេសចិនវិញហើយបន្ទាប់មកគាត់បានចាប់ផ្តើមវិនិយោគលើវិស័យអចលនទ្រព្យ ។ ប៉ុន្មានឆ្នាំមកនេះគាត់បានវិនិយោគទ្រព្យសម្បត្តិជាង ៣៤ ពាន់លានដុល្លារដែលបច្ចុប្បន្នរួមមានសណ្ឋាគារលំដាប់ផ្កាយនិងផ្សារទំនើបចំនួន ៦ ដែលមានផ្ទៃដីប្រមាណ ៧៥ លានហ្វីតការ៉េ ។ ក្រៅពីវិស័យអចលនទ្រព្យក្រុមហ៊ុនរបស់គាត់មានចំណាប់អារម្មណ៍ក្នុងការធ្វើអាជីវកម្មរ៉ែនិងមានបុគ្គលិកប្រហែល ១០.០០០ នាក់ ។ ជាងនេះទៅទៀតគាត់ក៏មានភាគហ៊ុននៅក្នុងក្រុមហ៊ុនធានារ៉ាប់រងអាយុជីវិតនិងក្រុមហ៊ុនអាកាសចរណ៍ហ្វូចូវនិងធនាគារប៉េកាំង ។ ឥឡូវនេះគាត់មានតួនាទីជាអនុប្រធានសភាពាណិជ្ជកម្មចិនទូទៅហើយគាត់ក៏ល្បីល្បាញដោយសារការងារសប្បុរសធម៌របស់គាត់ផងដែរ ។

ប្រភព៖ Phnom Penh HR

លោក Tong Jinquan កើតនៅឆ្នាំ ១៩៥៤ ដែលជាអ្នកជំនួញជនជាតិចិន​ ។ គាត់គឺជាប្រធានក្រុមហ៊ុន Building​​ Development ដែលជាក្រុមហ៊ុនអភិវឌ្ឍន៏អចលនទ្រព្យ​ ។ 

អាជីព៖

លោក Tong Jinquan បានចាប់ផ្តើមដំណើរអាជីវកម្មរបស់គាត់នៅឆ្នាំ ១៩៧៥ ដែលជារោងចក្រផលិតឧបករណ៍វាយកូនបាល់លើតុ ។ នៅឆ្នាំ ១៩៨៣ គាត់បានបម្រើការងារជាអ្នកត្រួតពិនិត្យទូទៅនៅក្នុងក្រុមហ៊ុនផលិតផលកីឡាមួយ ។ នៅឆ្នាំ ១៩៩២ គាត់បានចាប់ផ្តើមបង្កើតអាគារកំពូលមួយនៅទីក្រុងសៀងហៃ ។ ក្រុមហ៊ុនរបស់គាត់ពិតជាបានចំណាយប្រាក់ច្រើនជាង ១ ពាន់លានដុល្លារនៅក្នុងឧស្សាហកម្មស្មុគស្មាញមួយនៅទីក្រុង Chengdu ។ គាត់គឺជាពាណិជ្ជករម្នាក់ដែលមានទ្រព្យសម្បត្ដិយ៉ាងច្រើននៅក្នុងប្រទេសសិង្ហបុរីដែលមានអាជីវកម្មចំនួន ៣៖ Viva Industrial, Cambridge Industrial, Sabana Shari’ah Compliant Industrial ក៏ដូចជា Suntec ។ នេះបើយោងតាមរយះទស្សនាវដ្តី Forbes បានឲ្យដឹងថាលោក Tong មានទ្រព្យសម្បត្តិសរុបចំនួន ៤,៧ ពាន់លានដុល្លារគិតត្រឹមពីខែ មករា ឆ្នាំ ២០១៥ ។

ទ្រព្យសម្បត្តិ៖ Tong Jinquan

យោងតាមរយះទស្សនាវដ្តី Forbes បានឱ្យដឹងថាលោក Tong Jinquan គឺជាពាណិជ្ជករជនជាតិចិដែលមានទ្រព្យសម្បត្តិសរុបប្រមាណ ៤.៥ ពាន់លានដុល្លារគិតត្រឹមខែ មេសា ឆ្នាំ ២០១៦ ។ គាត់ត្រូវបានគេស្គាល់ថាជាប្រធានក្រុមហ៊ុន Summit Property Development ដែលមានមូលដ្ឋាននៅទីក្រុងសៀងហៃ​ ។ គម្រោងមួយចំនួនរបស់ក្រុមហ៊ុននេះរួមមានផ្សារទំនើប ការិយាល័យសណ្ឋាគារ និងអាផាតមិន ។

ប្រភព៖ ​​​​​​Phnom Penh HR

លោក Jiang Zhaobai គឺជាប្រធានក្រុមហ៊ុន Shanghai  Pengxin Group ដែលជាក្រុមហ៊ុនវិនិយោគនៅក្នុងវិស័យអចលនទ្រព្យ សេវាកម្មហិរញ្ញវត្ថុនិងកសិពាណិជ្ជកម្ម ។ គាត់បានបញ្ចប់ការសិក្សាពីវិទ្យាស្ថានស្ថាបត្យកម្មនិងវិស្វកម្មសំណង់និងសាលាពាណិជ្ជកម្មអន្តរជាតិចិនអឺរ៉ុប ។

ទ្រព្យសម្បត្តិ៖ Jiang Zhaobai

លោក Jiang Zhaobai គឺជាពាណិជ្ជករជនជាតិចិនម្នាក់ដែលមានទ្រព្យសម្បត្តិសរុប ១.១៩ ពាន់លានដុល្លារ ។ គាត់គឹជាមនុស្សម្នាក់ក្នុងចំណោមអ្នកមានជាងគេបំផុតនៅប្រទេសចិន ។ លោក Jiang Zhaobai មានតួនាទីជាប្រធានក្រុមហ៊ុន Shanghai  Pengxin Group ដែលជាក្រុមហ៊ុនវិនិយោគនៅក្នុងវិស័យអចលនទ្រព្យ សេវាកម្មហិរញ្ញវត្ថុ និងកសិពាណិជ្ជកម្ម ។ ក្រុមហ៊ុនមួយនេះត្រូវបានចុះបញ្ជីនៅទីក្រុងសៀងហៃក៏ដូចជាក្រុមហ៊ុន Pengxin International Mining និង Shanghai Synica ដែលជាក្រុមហ៊ុនគីមីនិងលោហធាតុ ។ លើសពីនេះទៅទៀតគាត់បានកាន់កាប់ភាគហ៊ុនជាច្រើននៅក្នុងក្រុមហ៊ុនដែលបានគ្រប់គ្រងដោយក្រុមហ៊ុន Shanghai Pengxin Group ។

ប្រភព៖ Phnom Penh HR

លោក Kong Jian Min គឺជាប្រធានក្រុមហ៊ុន KWG Property Holding ដែលជាក្រុមហ៊ុនអភិវឌ្ឍន៍អចលនទ្រព្យដែលមានមូលដ្ឋាននៅទីក្រុងក្វាងចូវ ។ គាត់គឺជាអតីតជាមន្រ្តីឥណទាននៅធនាគារពាណិជ្ជកម្មចិននៅក្នុងទីក្រុងក្វាងចូវ ។ 

ទ្រព្យសម្បត្តិ៖ Kong Jian Min

លោក Kong Jian Min គឺជាសហគ្រិនជនជាតិចិន និងជាអ្នកអភិវឌ្ឍន៍អចលនទ្រព្យដែលមានទ្រព្យសម្បត្តិសរុប ៩៥០ លានដុល្លារ ។ គាត់បានចាប់ផ្តើមវិនិយោគនៅក្នុងវិស័យអចលនទ្រព្យក្នុងឆ្នាំ ១៩៩៤ ហើយគាត់បានចូលរួមនៅក្នុងវិស័យឧស្សាហកម្ម អចលនទ្រព្យក្វាងចូវ ។ បច្ចុប្បន្ននេះគាត់គឺជាប្រធានក្រុមហ៊ុន KWG Property Holding ដែលជាក្រុមហ៊ុនអភិវឌ្ឍន៍អចលនទ្រព្យឯកជនដែលមានមូលដ្ឋាននៅទីក្រុងក្វាងចូវ ។ ក្រុមហ៊ុន​ KWG Property បានចាប់ផ្តើមដំណើរការរួមគ្នាជាមួយបងប្អូនពីរនាក់របស់គាត់គឺ Kong Jian Tao និង Kong Jian Nan ។ ក្រុមហ៊ុនមួយនេះត្រូវបានចុះបញ្ជីនៅទីក្រុងហុងកុងដែលអាចរៃអង្គាសប្រាក់បាន ៣០០ លានដុល្លារក្នុងការលក់មូលបត្របំណុលនៅខែមករា ។

ប្រភព៖ Phnom Penh HR