Category: មហាសេដ្ឋីពិភពលោក

លោក Steven F. Udvar-Házy កើតនៅឆ្នាំ ១៩៤៦ គាត់គឺជាពាណិជ្ជករជនជាតិអាមេរិក និងជានាយកប្រតិបត្តិនៃក្រុមហ៊ុនអាកាសចរណ៍ ។ គាត់គឺជាអតីតប្រធាន និងជានាយកប្រតិបត្តិនៃក្រុមហ៊ុនហិរញ្ញវត្ថុអន្តរជាតិ ILFC ។ ក្នុងឆ្នាំ ២០១១ យោងតាមរយះទស្សនាវដ្តី Forbes បានឲ្យដឹងគាត់ជាអ្នកមានជាងគេទី ៤០៩ លើពិភពលោកដោយមានទ្រព្យសម្បត្តិសុទ្ធប្រមាណ ៣,២ ពាន់លានដុល្លារ ។

ជីវិតដំបូង៖

លោក Steven បានមករស់នៅសហរដ្ឋអាមេរិកក្នុងឆ្នាំ ១៩៥៨ ដោយបានភៀសខ្លួនពីការកាន់កាប់របស់ប្រទេសសូវៀ​ត ។ គាត់បានចូលរៀននៅវិទ្យាល័យនៅ Los Angeles និងសាកលវិទ្យាល័យ California រដ្ឋ Los Angeles ។

សប្បុរសធម៏៖

លោក Steven បានផ្តល់ថវិកាចំនួន ៦៦ លានដុល្លារអាមេរិកដល់វិទ្យាស្ថាន Smithsonian ដែលបានអនុញ្ញាតឱ្យសារមន្ទីរជាតិលំហអាកាស និងអវកាសជាតិអាមេរិកដែលបានបង្កើតនូវឧបសម្ព័ន្ធដោយលោក Steven F. Udvar-Hazy នៅឯអាកាសយានដ្ឋានអន្តរជាតិ Dulles ។ ហើយឧបសម្ព័ន្ធនេះបានផ្ទុកយន្តហោះជាង ១២០ គ្រឿងនឹងពិព័រណ៍រុករកអវកាសចំនួន ១៤០ នៅឆ្នាំ ២០០៦ ហើយក៏រួមបញ្ចូលទាំងយានអវកាស Shuttle Discovery ផងដែរ ។

ក្រុមគ្រួសារ Udvar-Házy បានបរិច្ចាគថវិកាដើម្បីសាងសង់បណ្ណាល័យ និងមជ្ឈមណ្ឌលសិក្សាគ្រីស្ទីន និងបណ្ណាល័យ Steven F. Udvar-Hazy នៅឯមជ្ឈមណ្ឌលបោះជំរំនៅសាកលវិទ្យាល័យ Prescott Campus ។ បណ្ណាល័យថ្មីដែលបានផ្តល់ជូននិស្សិតនូវបរិក្ខាទំនើបៗ និងទិដ្ឋភាពដ៏អស្ចារ្យនៃបរិវេណជុំវិញ ។ ហើយអំណោយនេះគឺជាចំនួនដ៏ច្រើនបំផុតដែលបានធ្វើសម្រាប់សាកលវិទ្យាល័យ ។ អគារពាណិជ្ជកម្មនៅសាកលវិទ្យាល័យ Dixie State ត្រូវបានដាក់ឈ្មោះតាមឪពុកម្តាយរបស់គាត់ ។

ទ្រព្យសម្បត្តិ៖ Steven Udvar-Hazy

លោក Steven Udvar-Hazy គឺជាសហគ្រិនជនជាតិអាមេរិកដែលមានដើមកំណើតមកពីប្រទេសហុងគ្រីដែលមានទ្រព្យសម្បត្តិសរុប ៣.៧ ពាន់លានដុល្លារ ។ គាត់បានបញ្ចប់ការសិក្សាពីសាកលវិទ្យាល័យកាលីហ្វ័រញ៉ាហើយក្រោយមកគាត់បានបើកក្រុមហ៊ុនមួយផ្ទាល់ខ្លួនដែលជាក្រុមហ៊ុនអាកាសចរណ៍សម្រាប់ដឹកអ្នកដំណើរផ្ទាល់ខ្លួន ។

នៅឆ្នាំ ១៩៧៣ លោក Steven បានសហការជាមួយដៃគូពីរនាក់ទៀតដែលបានបង្កើតក្រុមហ៊ុនហិរញ្ញវត្ថុអន្តរជាតិ ។ ក្នុងរយៈពេលខ្លីគាត់បានក្លាយជាប្រធានក្រុមប្រឹក្សាភិបាលហើយក្រុមហ៊ុនរបស់គាត់ត្រូវបានលក់ទៅឱ្យក្រុមហ៊ុន AIG ក្នុងតម្លៃ ១,២ ពាន់លានដុល្លារក្នុងឆ្នាំ ១៩៩០ ។

ក្នុងឆ្នាំ ២០១០ លោក Steven បានបង្កើតក្រុមហ៊ុនទី ២ របស់គាត់គឺក្រុមហ៊ុន Air Lease Corporation ដែលជាដៃគូប្រកួតប្រជែងផ្ទាល់ជាមួយនឹងក្រុមហ៊ុន AIG ។ ហើយបច្ចុប្បន្នក្រុមហ៊ុនទាំង ២ កំពុងតែពាក់ព័ន្ធនឹងបណ្តឹងរដ្ឋប្បវេណីដែលកំពុងបន្តជុំវិញការសម្ងាត់ពាណិជ្ជកម្ម ។

ប្រភព៖ Phnom Penh HR

លោក Saleh Abdullah Kamel កើតនៅឆ្នាំ ១៩៤០ គាត់គឺជាមហាសេដ្ឋីជំនួញអារ៉ាប៊ីសាអូឌីត ។ លោក Abdullah មានទ្រព្យសម្បត្តិសុទ្ធប្រមាណ ១.៩៥ ពាន់លានដុល្លារ ។ គាត់គឺជាប្រធាន និងជាស្ថាបនិកនៃក្រុមហ៊ុន Dallah al Baraka Group (DBHC) ដែលជាក្រុមហ៊ុនដ៏ធំមួយនៅមជ្ឈិមបូព៌ា ។ គាត់ក៏ជាប្រធានក្រុមប្រឹក្សាទូទៅសម្រាប់ធនាគារអ៊ិស្លាម និងសភាពាណិជ្ជកម្ម Jeddah ។

គិតត្រឹមខែ មេសា ឆ្នាំ ២០១៦ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់គាត់មានចំនួន ២,១ ពាន់លានដុល្លារ ។ លោក Abdullah គឺជាស្ថាបនិក និងជាប្រធានក្រុមហ៊ុន Dallah Albaraka ដែលជាក្រុមហ៊ុនកាន់កាប់ពហុជាតិដែលមានការវិនិយោគជាច្រើនរួមមានវិស័យហិរញ្ញវត្ថុ ធនាគារ សុខាភិបាល អចលនទ្រព្យ ផលិតកម្មដឹកជញ្ជូន និងប្រតិបត្តិការនឹងថែទាំជាដើម ។

អាជីព៖

លោក Abdullah គឺជាប្រធានសភាពាណិជ្ជកម្ម និងជាម្ចាស់ក្រុមហ៊ុនឧស្សាហកម្ម Jeddah Chamber ក៏ដូចជាសភាពាណិជ្ជកម្មអ៊ីស្លាមផងដែរ ។ គាត់ត្រូវបានគេហៅថាជា “ឪពុកនៃហិរញ្ញវត្ថុឥស្លាមបច្ចុប្បន្ន” ហើយគាត់ទទួលបានពានរង្វាន់ម៉ាឡេស៊ីសំរាប់ហិរញ្ញវត្ថុអ៊ីស្លាមក្នុងខែ វិច្ឆិកា ឆ្នាំ ២០១០ ។ បច្ចុប្បន្ននេះគាត់បានចូលរួមក្នុងកិច្ចខិតខំប្រឹងប្រែងដើម្បីពង្រីកពាណិជ្ជកម្មយ៉ាងសំខាន់ក្នុងចំណោមបណ្តាប្រទេសជាសមាជិកនៃអង្គការសហប្រតិបត្តិការអ៊ីស្លាមផងដែរ ។

លោក Abdullah បានចូលរួមយ៉ាងច្រើននៅក្នុងការលើកកម្ពស់ក្រុមហ៊ុនឧស្សាហកម្ម Jeddah Chamber ដែលជាកំពង់ផែអន្តរជាតិឈានមុខគេ និងជាមជ្ឈមណ្ឌលសម្រាប់ពាណិជ្ជកម្មពិភពលោក ។ ក្នុងនាមជាប្រធានក្រុមហ៊ុន DBHC និងក្រុមហ៊ុន JCC លោក Saleh បានដឹកនាំគម្រោងជាច្រើនដើម្បីលើកកម្ពស់ព្រះរាជាណាចក្រអារ៉ាប់ប៊ីសាអូឌីតជាកម្លាំងសេដ្ឋកិច្ចក្នុងតំបន់ផងដែរ ។

ហើយគាត់បានបញ្ជាក់ថាចក្ខុវិស័យរបស់គាត់គឺដើម្បីបញ្ចូលគ្នានូវកិច្ចខិតខំប្រឹងប្រែងរបស់ក្រុមហ៊ុន DBHC និងសភាពាណិជ្ជកម្មជាមួយនឹងគម្រោងហេដ្ឋារចនាសម្ព័ន្ធធំៗដែលកំពុងបន្តដូចជាកំពង់ផែ King Abdullah ទីក្រុងសេដ្ឋកិច្ច ផ្លូវដែកថ្មី និងអាកាសយានដ្ឋានអន្តរជាតិ King Abdullah ដើម្បីទាក់ទាញអាជីវកម្មនៅក្នុងស្រុក ។ នៅក្នុងសមត្ថភាពរបស់គាត់ក្នុងនាមជាអ្នកជំនួញឈានមុខគេម្នាក់របស់ប្រទេសអារ៉ាប៊ីសាអូឌីតលោក Abdullah នៅតែបន្តលើកកម្ពស់សកម្មភាពសប្បុរសធម៌ថែមទៀតផងដែរ ។

នៅក្នុងបទសម្ភាសន៍ជាមួយអ្នកសារព័ត៌មានអារ៉ាប់កាលពីឆ្នាំ ២០១២ លោក Abdullah បានប៉ាន់ប្រមាណថាតម្លៃឥស្លាមហ្សាកាតសរុបនៅក្នុងព្រះរាជាណាចក្រមានចំនួន ១ លានកោដិ ។ ចំនួនដ៏ច្រើនបែបនេះអាចត្រូវបានប្រើដើម្បីដោះស្រាយបញ្ហាសេដ្ឋកិច្ច និងសង្គមជាច្រើននៅក្នុងប្រទេស ។ ហើយគាត់មានប្រសាសន៍ថាប្រជាជនគួរតែបង់លុយសម្រាប់អចលនទ្រព្យដែលត្រូវបានផ្តល់ជូនសម្រាប់ការលក់ដូររបស់ពួកគេ ។

ប្រសិនបើយើងបានប្រមូលហ្សាកាតពីអចលនទ្រព្យយើងនឹងមិនប្រឈមមុខនឹងបញ្ហាផ្ទះសម្បែងឬដីធ្លីនោះទេ ។ លោក Abdullah បានធ្វើការពិភាក្សាអំពីបញ្ហានេះជាមួយអធិការបតីអាល្លឺម៉ង់គឺលោកស្រី  Angela Merkel ។ ហើយគាត់បានមានប្រសាសន៍ថា “ខ្ញុំអាចប្រាប់អ្នកបានថាសេដ្ឋកិច្ចអ៊ីស្លាមបានផ្តល់នូវដំណោះស្រាយសម្រាប់បញ្ហាពិភពលោកជាច្រើន” ។

ដោយសំដៅទៅលើវិបត្តិសេដ្ឋកិច្ចរបស់ពិភពលោកលោក Abdullah បាននិយាយថាពួកគេនឹងមិនកើតឡើងទេប្រសិនបើយើងអនុវត្តឥស្លាមហាឌីតដោយព្យាការីដ៏បរិសុទ្ធដោយគាត់បាននិយាយថា “កុំលក់អ្វីដែលមិនមែនជារបស់ឬកម្មសិទ្ធិ” ។ ក្នុងឆ្នាំ ២០១០ កូនប្រុសរបស់លោក Abdullah ដែលជានាយកប្រតិបត្តិនៃក្រុមហ៊ុន DHBC បានបរិច្ចាគ ១០ លានដុល្លារដល់សាកលវិទ្យាល័យ Yale ដើម្បីបង្កើតមជ្ឈមណ្ឌល Abdallah S. Kamel សម្រាប់ការសិក្សាច្បាប់អ៊ីស្លាម និងអរិយធម៌នៅសាលាច្បាប់ Yale។

ទ្រព្យសម្បត្តិ៖ Saleh Abdullah Kamel 

អ្នកជំនួញអារ៉ាប៊ីសាអ៊ូឌីតលោក Saleh Abdullah Kamel គឺជាស្ថាបនិក និងជាប្រធានក្រុមហ៊ុន Dalla Al Baraka Group (DBG) ដែលមានទ្រព្យសម្បត្តិសរុបប្រមាណ ២,២ ពាន់លានដុល្លារគិតត្រឹមខែ មេសា ឆ្នាំ ២០១៦ នេះបើយោងតាមទស្សនាវដ្តី Forbes ។ ប្រាក់ចំណូលរបស់គាត់ធ្វើឱ្យគាត់បានក្លាយជាអ្នកមានបំផុតនៅលំដាប់ទី ៨ នៅអារ៉ាប់ប៊ីសាអូឌីត និងជាប់ចំណាត់ថ្នាក់លេខ ៧៨៥ នៅក្នុងបញ្ជីរបស់មហាសេដ្ឋីពិភពលោក ។

ក្រុមហ៊ុន Dalla Al Baraka Group គឺជាក្រុមហ៊ុនដ៏ធំរបស់ប្រទេសអារ៉ាប់ប៊ីសាអូឌីតដែលមានក្រមហ៊ុនអាជីវកម្មនៅក្នុងឧស្សាហកម្មជាច្រើនដូចជាធនាគារ ការអភិវឌ្ឍន៍អចលនទ្រព្យ និងផលិតកម្មម្ហូបអាហារ ។ ដូចគ្នានេះផងដែរក្រុមហ៊ុននេះត្រូវបានចូលរួមនៅក្នុងការអភិវឌ្ឍប្រព័ន្ធផ្លូវដែក សហគមន៍សហគមន៍នៅក្នុងទីក្រុង និងវិហារអ៊ីស្លាម ។

ប្រភព៖ Phnom Penh HR

លោក Robert Martin Friendland កើតនៅថ្ងៃទី ១៨ ខែ សីហា ឆ្នាំ ១៩៥០ គាត់គឺជាអ្នកផ្តល់ហិរញ្ញប្បទានអន្តរជាតិ និងជាអ្នកដើរតួដ៏សំខាន់នៅក្នុងក្រុមហ៊ុនឧស្សាហកម្មរ៉ែ ។ ចាប់តាំងពីដើមទសវត្សឆ្នាំ ១៩៨០ លោក Robert មានជំនាញក្នុងការរុករករ៉ែ និងជាអ្នកភិវឌ្ឍធនធានរ៉ែ ថាមពល និងបណ្តាក់ទុនបច្ចេកវិទ្យាទំនើប ។

គាត់គឺជាស្ថាបនិក និងជាប្រធានក្រុមហ៊ុន Ivanhoe Capital Corporation ដែលជាក្រុមហ៊ុនផ្តល់ហិរញ្ញប្បទានអន្តរជាតិ ។ ហើយគាត់បានគ្រប់គ្រងក្រុមហ៊ុននៅក្នុងទីផ្សារមូលធនសកល និងមានការផ្តោតការយកចិត្តទុកដាក់ទៅលើទីផ្សារដែលកំពុងរីកចម្រើនខ្លាំងផងដែរ ។ លោក Robert គឺជាស្ថាបនិកនៃក្រុមហ៊ុន Ivanhoe Mines ដែលជាក្រុមហ៊ុនសាធារណៈរបស់ប្រទេសកាណាដាដែលបានចុះបញ្ជីនៅក្នុងទីក្រុងញូវយ៉ក និងនៅទីក្រុងតូរ៉ុនតូ ។

ជីវិតដំបូង និងការអប់រំ៖

លោក Robert Friedland កើតនៅក្នុងទីក្រុងឈីកាហ្គោរដ្ឋអ៊ីលីណយដែលជាកូនច្បងម្នាក់ក្នុងចំណោមកូន ៣ នាក់ហើយឪពុករបស់គាត់គឺលោក Albert Friedland និងម្តាយឈ្មោះលោកស្រី Ilona (née Muller) ដែលជាជនអន្តោប្រវេសន៍ ។ លោក Robert ត្រូវបានគេបណ្តេញចេញពីមហាវិទ្យាល័យ Bowdoin ក្នុងឆ្នាំ ១៩៧០ បន្ទាប់ពីត្រូវបានចាប់ខ្លួនដោយអាជ្ញាធរសហព័ន្ធដែលបានចោទពីបទកាន់កាប់ LSD តម្លៃ ១០ ម៉ឺនដុល្លារដែលជាបទឧក្រិដ្ឋមួយដែលគាត់បានជាប់ពន្ធនាគារសហព័ន្ធអស់រយៈពេល ២ ឆ្នាំ ។

ហើយក្រោយមកគាត់បានបញ្ចប់ការសិក្សានៅឆ្នាំ ១៩៧៤ ពីមហាវិទ្យាល័យ Reed រដ្ឋ Oregon នៅសហរដ្ឋអាមេរិកដោយទទួលបានសញ្ញាប័ត្រវិទ្យាសាស្ត្រនយោបាយ ។ ក្នុងអំឡុងពេលគាត់នៅមហាវិទ្យាល័យ Reed គាត់បានជួបជាមួយលោក Steve Jobs ដែលជាសហស្ថាបនិករបស់ក្រុមហ៊ុន Apple ដោយបានចែករំលែកបទពិសោធន៏ ។ នៅពេលនោះលោក Robert បានបម្រើការងារនៅក្នុងក្រុមហ៊ុន Apple មួយនៅភាគខាងត្បូងនៃទីក្រុង Portland ដែលជាកម្មសិទ្ធិរបស់លោក Marcel Muller និងលោក Steve Jobs ។

អាជីព៖

លោក Robert បានចាប់ផ្តើមបង្កើតក្រុមហ៊ុនផ្ទាល់ខ្លួនមួយឈ្មោះថា Ivanhoe Capital ដែលជាក្រុមហ៊ុនសាជីវកម្មនៅក្នុងប្រទេសសិង្ហបុរីដែលជាទីតាំងមួយដោយបានជួយសម្រួលដល់ក្រុមហ៊ុនអាជីវកម្មដែលបានផ្តោតសំខាន់នៅក្នុងតំបន់នៅអាស៊ីប៉ាស៊ីហ្វិកនៅក្នុងអំឡុងពេល ២០ ឆ្នាំចុងក្រោយនេះ ។

លោក Robert គឺជានាយកប្រតិបត្តិនៃក្រុមហ៊ុន Ivanhoe Mines Ltd ដែលមានមូលដ្ឋាននៅប្រទេសកាណាដោយបានបង្កើតឡើងក្នុងឆ្នាំ ១៩៩៤ ហើយបាននាំឱ្យមានការបោះផ្សាយលក់មូលបត្រជាសាធារណៈដំបូងរបស់គាត់ដោយទទួលបានជោគជ័យនៅក្នុងផ្សារភាគហ៊ុននៅក្នុងទីក្រុងតូរ៉ុនតូក្នុងឆ្នាំ ១៩៩៦ ។

លោក Robert បានបម្រើការជាប្រធានក្រុមហ៊ុនហើយក្រោយមកជានាយកប្រតិបត្តិក្រុមហ៊ុនរហូតដល់ឆ្នាំ ២០១១ ។ ការរុករករបស់ក្រុមហ៊ុន Ivanhoe Mines ចាប់តាំងពីឆ្នាំ ២០០០ ដែលបានរកឃើញលោហធាតុទង់ដែង មាស និងប្រាក់នៅឯតំបន់ Oyu Tolgoi (Turquoise Hill) និងនៅក្នុងតំបន់ South Gobi នៃ Mongolia ។ ដំណាក់កាលដំបូងដែលត្រូវបានគេព្យាករថាតំបន់មួយនេះសម្បូរទៅដោយរ៉ែ ស្ពាន់ និងរ៉ែមាសដ៏ធំបំផុតមួយនៅលើពិភពលោកដែលកំពុងត្រូវបានសាងសង់នៅតំបន់ Oyu Tolgoi ហើយត្រូវបានគេរំពឹងថានឹងចាប់ផ្តើមផ្សព្វផ្សាយពាណិជ្ជកម្មនៅឆ្នាំ ២០១៣ ។

លោក Robert គឺជាប្រធានក្រុមហ៊ុន Galactic Resources ដោយបានប្រតិបត្តិការលើការរុករកអណ្តូងរ៉ែដែលជាទីតាំងនៃការបញ្ចេញជាតិពុលដ៏អាក្រក់បំផុត និងការក្ស័យធនអណ្តូងរ៉ែ ។ អណ្តូងរ៉ែនេះត្រូវបានបិទនៅឆ្នាំ ១៩៩០ ប៉ុន្តែវានៅតែបន្តប៉ះពាល់ដល់តំបន់នេះផងដែរ ។ ហើយគេបានប៉ាន់ប្រមាណថាយ៉ាងហោចណាស់ត្រូវចំណាយអស់ណាស់ទឹកប្រាក់ចំនួន ១២០ លានដុល្លារនឹងកែតម្រូវឱ្យសម្អាតកន្លែងជីកយករ៉ែ Galactic Resources ដែលបានធ្វើឱ្យខូចខាតដល់ទន្លេ ១៧ ម៉ាយ ។

អតីតអ្នកគ្រប់គ្រងផ្នែកបរិស្ថានកន្លែងនេះត្រូវបានចោទប្រកាន់ពីបទស៊ីសំណូក និងបានបង្ហូរជាតិពុលដោយចេតនាចូលទៅក្នុងទឹកអូរ ។ អណ្តូងរ៉ែស្ពាន់ដែលបានដំណើរការដោយក្រុមហ៊ុនក្រុមហ៊ុន Ivanhoe Mines នៅក្នុងប្រទេសមីយ៉ាន់ម៉ាថ្មីៗនេះត្រូវបានគេពិនិត្យពិចារណានៅពេលដែលការរិចរិលបរិស្ថាន និងការអនុវត្តន៍របស់ក្រុមហ៊ុនខុសច្បាប់ក៏ដូចជាការទាក់ទងនៅខាងក្នុងជាមួយរបបយោធាកំពុងកាន់អំណាចដែលបានបង្កឱ្យមានការព្រួយបារម្ភខាងក្រមសីលធម៌ ។

ទ្រព្យសម្បត្តិ៖ Robert Friendland

គិតត្រឹមខែ មីនា ឆ្នាំ ២០១៣ លោក Robert Friendland មានទ្រព្យសរុបប្រមាណ ១,៨ ពាន់លានដុល្លារ ។ នេះបើយោងតាមរយះទស្សនាវដ្តី ​​Forbes បានឲ្យដឹងថាលោក Robert ជាប់ចំណាត់ថាក់លេខ ៨៣១ នៅក្នុងបញ្ជីរបស់មហាសេដ្ឋីពិភពលោកលេខ ៥៤៦ ក្នុងឆ្នាំ ២០១២ និងលេខ ២៧៩ នៅសហរដ្ឋអាមេរិក និងលេខ ៣៤៧ នៅក្នុងបញ្ជី Forbes 400 ។

ប្រភព៖ Phnom Penh HR

លោក Subhash Chandra កើតនៅថ្ងៃទី ៣០ ខែ វិច្ឆិកា ឆ្នាំ ១៩៥០ ដែលជាអ្នកផ្សព្វផ្សាយព័ត៌មានលើបណ្តាញទូរទស្សន៍នៅប្រទេសឥណ្ឌា ។ គាត់គឺជាប្រធានក្រុមហ៊ុន Essel Group និងជាអតីតប្រធានបណ្តាញទូរទស្សន៍ Zee Media របស់ប្រទេសឥណ្ឌា ។ ឥទ្បូវគាត់បានលាលែងពីតំណែងជាប្រធាន និងជានាយកប្រតិបត្តិពីក្រុមហ៊ុនចាប់ពីថ្ងៃទី ២៤ ខែ​ ឧសភា ឆ្នាំ ២០១៦ ។ នៅថ្ងៃទី ១១ ខែ មិថុនា ឆ្នាំ ២០១៦ គាត់ទទួលបានសញ្ញាបត្រកិត្តិយសពីសាលា UEL ។

លោក Chandra បានរស់នៅក្នុងភូមិមួយនៅក្នុងស្រុក Hisar រដ្ឋ Haryana ។ នៅឆ្នាំ ១៩៧០ នៅពេលដែលគាត់កំពុងសិក្សានៅថ្នាក់ទី ១០ គាត់បានឈប់រៀនដើម្បីចូលរួមជាមួយក្រុមភ្នាក់ងារ និងពាណិជ្ជករដែលបានទិញ និងផ្គត់ផ្គង់អង្ករទៅឲ្យក្រុមហ៊ុនសាជីវកម្មអាហារឥណ្ឌា ។

នៅទសវត្សឆ្នាំ ១៩៨០ លោក Chandra បានចាប់ផ្តើមបង្កើតក្រុមហ៊ុនផលិតផលវេចខ្ចប់ថ្នាំដុសធ្មេញ ។ ហើយនៅឆ្នាំ ១៩៩២ គាត់បានបើកដំណើរការក្រុមហ៊ុនទូរទស្សន៍ Zee TV ដោយបានសហការជាមួយលោក Li Ka Shing ដែលជាអ្នកបង្កើតល្បែងឆ្នោតតាមអ៊ិនធរណេត និងម្ចាស់ក្រុមហ៊ុនទូរទស្សន៍ Dish TV ទីមួយនៅប្រទេសឥណ្ឌា ។

អាជីវកម្ម៖

ប៉ុស្តិ៍ទូរទស្សន៍ Zee TV  របស់លោក Chandra បានប្រកួតប្រជែងជាមួយទូរទស្សន៍កម្សាន្ត Sony Entertainment និងទូរទស្សន៍ STAR Plus ។ ហើយការបើកដំណើរបណ្តាញទូរទស្សន៍របស់គាត់មានចំនួនរហូតដល់ ៧០ រួមទាំងបណ្តាញផ្សាយជាភាសាហិណ្ឌូដល់ប្រជាជនឥណ្ឌាប្រមាណជាង ៩៥៩ លាននាក់ដែលបានផ្សព្វផ្សាយនៅលើ ១៦៩ ប្រទេស ។

ហើយគាត់បានបង្កើតប៉ុស្តិ៍ទូរទស្សន៍ផ្កាយរណបដំបូងគេបង្អស់នៅក្នុងប្រទេសឥណ្ឌាគឺក្រុមហ៊ុនទូរទស្សន៍ Zee TV ក្នុងឆ្នាំ ១៩៩២ ។ នៅខែ វិច្ឆិកា ឆ្នាំ ២០០៩ លោក Chandra បានគ្រប់គ្រងផ្នែកសារព័ត៌មាន Daily News និងព័ត៌មានវិភាគ DNA ដែលមានលក្ខណៈពិសេសក្នុងចំណោមសារព័ត៌មានកំពូលៗទាំង ៨ នៅក្នុងប្រទេសឥណ្ឌាផងដែរ ។

ទ្រព្យសម្បត្តិ៖ Subhash Chandra

មហាសេដ្ឋីផ្សព្វផ្សាយព័ត៌មានលើបណ្តាញទូរទស្សន៍នៅក្នុងប្រទេសឥណ្ឌាគឺលោក Subhash Chandra គឺជាប្រធានក្រុមហ៊ុន Essel Group ។ យោងតាមរយះទស្សនាវដ្តី Forbes បានឲ្យដឹងថាលោក Chandra មានទ្រព្យសម្បត្តិសរុបប្រមាណ ៣,៩ ពាន់លានដុល្លារគិតត្រឹមខែ មេសា ឆ្នាំ ២០១៦ ។ ហើយគាត់ក៏ជាអ្នកមានបំផុតនៅលំដាប់ទី ២៣ នៅក្នុងបញ្ជីរបស់មហាសេដ្ឋីឥណ្ឌាដែលបានជាប់ចំណាត់ថ្នាក់ទី ៦១៣ ក្នុងចំណោមមហាសេដ្ឋីនៅពិភពលោកផងដែរ ។

ប៉ុស្តិ៍ទូរទស្សន៍ Zee TV បានបង្កើតទ្បើតដោយលោក Chandra ក្នុងឆ្នាំ ១៩៩២ ដែលជាស្ថានីយ៍ទូរទស្សន៍ផ្កាយរណបដំបូងគេនៅក្នុងប្រទេសឥណ្ឌា ។ ក្រោយមកវាបានក្លាយជាប៉ុស្តិ៍ព័ត៌មានឯកជនដំបូងគេដែលមានឈ្មោះថា Zee News ហើយត្រូវបានគ្រប់គ្រងដោយកូនប្រុសរបស់គាត់ឈ្មោះ Punit ។

បច្ចុប្បន្ននេះស្ថានីយ៍ទូរទស្សន៍ផ្កាយរណបរបស់ Zee TV បានអះអាងថានឹងមានអ្នកទស្សនៈចំនួន ៦៥០ លាននាក់នៅក្នុង ១៦៨ ប្រទេសដែលមាន ៣២ ប៉ុស្តិ៍ ដែលកំពុងដំណើរការហើយវានឹងអាចមានអ្នកទស្សនាឈានដល់ចំនួនមួយពាន់លាននាក់នៅទូទាំងប្រទេសផងដែរ​ ។

ប្រភព៖ Phnom Penh HR

លោក Stephen Allen Schwarzman កើតនៅថ្ងៃទី ១៤ ខែ កុម្ភះ ឆ្នាំ ១៩៤៧ ដែលជាអ្នកវិនិយោគិនជនជាតិអាមេរិច និងជាអ្នកគ្រប់គ្រងភាគហ៊ុនឯកជន និងជាសប្បុរសជន។ គាត់គឺជាប្រធាន និងជានាយកប្រតិបត្តិនៃក្រុមហ៊ុន Blackstone Group ដែលជាក្រុមហ៊ុនមូលធនឯកជនសកលដែលបានបង្កើតឡើងនៅឆ្នាំ ១៩៨៥ ជាមួយអតីតរដ្ឋមន្រ្តីក្រសួងពាណិជ្ជកម្មអាមេរិកគឺលោក Pete Peterson ។

ទ្រព្យសម្បត្តិរបស់លោក Schwarzman ត្រូវបានប៉ាន់ស្មានថាមានចំនួន ១០,២ ពាន់លានដុល្លារគិតត្រឹមខែ មករា ឆ្នាំ ២០១៧ ។ នេះបើគិតត្រឹមឆ្នាំ ២០១៧ យោងតាមរយះទស្សនាវដ្តី Forbes បានដាក់ចំណាត់ថ្នាក់លោក Schwarzman នៅលំដាប់ទី ១១៣ នៅក្នុងបញ្ជីរបស់មហាសេដ្ឋីដែលជាអ្នកមានជាងគេបំផុតនៅលើពិភពលោក ។លោក Schwarzman ធ្វើជាប្រធានវេទិកាយុទ្ធសាស្ត្រ និងជាអ្នកគោលនយោបាយរបស់ប្រធានាធិបតីដូណាល់ត្រាំ ។

ជីវិតដំបូង និងការអប់រំ៖

លោក Schwarzman ធំទ្បើងនៅក្នុងគ្រួសារជ្វីហ្វមួយនៅទីក្រុង Huntingdon Valley រដ្ឋផេនស៊ីលវេនៀ ។ ហើយគាត់ជាកូនប្រុសរបស់លោកស្រី  Arline និងលោក  Joseph Schwarzman ។ លោក Schwarzman បានចូលរៀននៅសាលា Abington School នៅក្បែរជាយក្រុង Philadelphia ហើយគាត់បានបញ្ចប់ការសិក្សានៅវិទ្យាល័យ Abington ក្នុងឆ្នាំ ១៩៦៥ ។ បន្ទាប់មកក្នុងឆ្នាំ ១៩៦៩ គាត់បានបន្តទៅរៀននៅសាលាពាណិជ្ជកម្មហាវ៉ាដ និងបានបញ្ចប់ការសិក្សានៅឆ្នាំ ១៩៧២ ។

អាជីពវិនិយោគ៖

លោក Schwarzman បានចាប់ផ្តើមធ្វើការនៅធនាគារវិនិយោគ Lehman Brothers ជាទីកន្លែងដែលគាត់បានទទួលឋានៈជានាយកគ្រប់គ្រងនៅអាយុ ៣១ ឆ្នាំ ។ នៅឆ្នាំ ១៩៨៥ លោក Schwarzman និងចៅហ្វាយរបស់គាត់គឺលោក Peter Peterson បានចាប់ផ្តើមបង្កើតក្រុមហ៊ុន Blackstone ។ នៅពេលក្រុមហ៊ុន Blackstone បានផ្សព្វផ្សាយជាសាធារណៈនៅខែ មិថុនា ឆ្នាំ ២០០៧ វាបានបង្ហាញនៅក្នុងឯកសារមូលបត្រ ។

លោក Schwarzman រកចំំណូលបានប្រហែល ៣៩៨,៣ លានដុល្លារពីសារពើពន្ធនៅក្នុងឆ្នាំ ២០០៦ ។ ហើយទីបំផុតគាត់បានទទួលប្រាក់ចំនួន ៦៨៤ លានដុល្លារដែលបានលក់ផ្នែកខ្លះនៃភាគហ៊ុននៅក្នុងក្រុមហ៊ុន Blackstone របស់គាត់នៅក្នុង IPO ដោយបានរក្សាភាគហ៊ុននៅក្នុងក្រុមហ៊ុនដែលមានតម្លៃ ៩,១ ពាន់លានដុល្លារ ។

លោក Schwarzman គឺជាប្រធានសហស្ថាបនិក និងជាម្ចាស់ភាគហ៊ុនដ៏ធំជាងគេនៅក្នុងក្រុមហ៊ុន Blackstone Group ដែលជាក្រុមហ៊ុនឯកជនដែលមានមូលដ្ឋាននៅទីក្រុងញូវយ៉ក ។ ក្រុមហ៊ុនពាណិជ្ជកម្មបានគ្រប់គ្រងទ្រព្យសម្បត្តិចំនួន ៤៣៩ ពាន់លានដុល្លារគិតត្រឹមថ្ងៃទី ៣០ ខែ មិថុនា ឆ្នាំ ២០១៨ ដែលបានប្រមូលប្រាក់ជាង ៥ ពាន់លានដុល្លារពីការរួមបញ្ចូលគ្នានៃការលក់ភាគហ៊ុននៅក្នុងក្រុមហ៊ុនភាគលាភ និងសំណង​ ។

ប្រភព៖ Phnom Penh HR

លោក Jorge Horacio Brito កើតនៅថ្ងៃទី ២៣ ខែ កក្កដា ឆ្នាំ ១៩៥២ គាត់គឺជានាយកប្រតិបត្តិនៃធនាគារ Banco Macro ដ៏ធំបំផុតរបស់ប្រទេសអាហ្សង់ទីន ។ ហើយគាត់ក៏ជាប្រធានសមាគមធនាគារអាហ្សង់ទីន (ADEBA) ពីឆ្នាំ ២០០៣ ដល់ឆ្នាំ ២០១៦ ផងដែរ ។

លោក Brito ជាអ្នកជំនួញម្នាក់ដែលមានការវិនិយោគតាមរយៈក្រុមហ៊ុន Vizora ក្នុងវិស័យកសិកម្ម បសុសត្វ និងថាមពលខ្យល់ដែលជាថាមពលកកើតឡើងវិញដែលបានបង្កើតឡើងដោយក្រុមហ៊ុនសាជីវកម្ម Genneia Inc ។ នៅឆ្នាំ 2016 លោក Brito បានឈ្នះពានរង្វាន់ Fortuna Lifetime Achievements Awards នៅក្នុងសហគមន៍អាជីវកម្មអាហ្សង់ទីន ។ ហើយនៅឆ្នាំ 2017 យោងតាមរយះទស្សនាវដ្តី Forbes បានឲ្យដឹងថាលោក Brito បានជាប់ចំណាត់ថ្នាក់ ១.៥៦៧ នៃបញ្ជីរបស់មហាសេដ្ឋីពិភពលោកនៅប្រទេសអាហ្សង់ទីនដែលជាមហាសេដ្ឋីជំនួញនៅលំដាប់ទី ៧ របស់ប្រទេសអាហ្សង់ទីន ។

អាជីព៖

លោក Brito បានបង្កើតក្រុមហ៊ុន Anglia ដែលជាក្រុមហ៊ុនឈ្មួញក្នុងឆ្នាំ ១៩៧៦ ហើយនៅឆ្នាំ ១៩៨៥ លោក Financiera Macro បានចាប់ផ្តើមបង្កើតធនាគារម៉ាក្រូដែលបានប្តូរឈ្មោះទៅជាធនាគារ Banco Macro ។ លោក Brito ត្រូវបានតែងតាំងជាប្រធានក្រុមប្រឹក្សាភិបាលនៅខែ មិថុនា ឆ្នាំ ១៩៨៨ និងបានបង្កើតទំនាក់ទំនងយ៉ាងជិតស្និទ្ធជាមួយមន្រ្តីដឹកនាំនៅក្នុងរដ្ឋាភិបាល RaúlAlfonsín និង Carlos Menem ។ ក្រោមការដឹកនាំរបស់លោក Brito បានធ្វើឲ្យធនាគារម៉ាក្រូបានរីកចម្រើនជាលំដាប់ជាមួយនឹងការទិញធនាគារនៅតាមខេត្តជាច្រើនទៀតដែលបានធ្វើឯកជនភាវូបនីយកម្មក្នុងកំឡុងទសវត្សឆ្នាំ ១៩៩០ រួមទាំងធនាគារ Salta និងខេត្តជិតខាង ។

ធនាគារម៉ាក្រូបានរីកចម្រើនយ៉ាងខ្លាំងដោយបានក្លាយជាធនាគារឯកជនដ៏ធំមួយនៅក្នុងប្រទេសអាហ្សង់ទីនដែលមានសាខាជាច្រើននៅជុំវិញប្រទេសផងដែរ ។ លោក Brito គឺជាប្រធានក្រុមប្រឹក្សាភិបាលរបស់ធនាគារម៉ាក្រូដែលជានាយកប្រតិបត្តិ និងជាសមាជិកគណៈកម្មាធិការប្រតិបត្តិ និងគណៈកម្មាធិការឥណទានជាន់ខ្ពស់ផងដែរ ។

លោក Brito បានក្លាយជាប្រធានសមាគមធនាគារអាហ្សង់ទីន ADEBA នៅថ្ងៃទី ៨ ខែ មេសា ឆ្នាំ ២០០៣ រហូតដល់ឆ្នាំ ២០១៦។ សមាគមធនាគារអាហ្សង់ទីន ADEBA ត្រូវបានបង្កើតឡើងក្នុងឆ្នាំ ១៩៧២ ហើយជាផ្នែកមួយនៃក្រុម G-៦ ដែលបង្រួបបង្រួមអង្គភាពអាជីវកម្មសំខាន់ៗរបស់ប្រទេសអាហ្សង់ទីនដូចជាសហភាពឧស្សាហកម្មអាហ្សង់ទីន ទីផ្សារភាគហ៊ុន Buenos Aires សភាសំណង់អាហ្សង់ទីន សភាពាណិជ្ជកម្មអាហ្សង់ទីន និងជនបទអាហ្សង់ទីន ។ ហើយសម្ព័ន្ធធនាគារបានធ្វើការរៀបចំការជជែកពិភាក្សាទាក់ទងនឹងសេដ្ឋកិច្ចក្នុងស្រុក និងការអភិវឌ្ឍន៍ ។

លោក Brito មានតួនាទីជាប្រធានក្រុមប្រឹក្សាភិបាលនៃក្រុមហ៊ុន Banco del Tucuman SA, Inversora Juramento SA និងក្រុមហ៊ុន Banco Privado de Inversiones SA ហើយគាត់ក៏ជាស្ថាបនិកនិងជានាយកប្រតិបត្តិរបស់ក្រុមហ៊ុន Banco Macro និងការត្រួតពិនិត្យលើការវិនិយោគលើសកម្មភាពផ្សេងៗគ្នាក៏ដូចជាអចលនទ្រព្យ និងការធ្វើកសិកម្ម និងការចិញ្ចឹមសត្វគោតាមរយៈក្រុមហ៊ុន Inversora Juramento Inc, Frigoríficos Bermejo Inc ជាដើម ។ លើសពីនេះទៅទៀតគាត់ក៏ជាម្ចាស់ភាគហ៊ុននៅក្នុងក្រុមហ៊ុន Genneia Inc ដែលជាក្រុមហ៊ុនវិស័យផលិតថាមពលផងដែរ ។

លោក Brito ក៏ជាប្រធានក្រុមប្រឹក្សាភិបាលនៃក្រុមហ៊ុន YPF ដែលជាអ្នកផលិត និងចម្រាញ់ប្រេងដ៏ធំជាងគេ ។ ហើយជនជាតិអង់គ្លេសគឺជាអថិតិជនដែលបានទិញភាគហ៊ុន ២០ ភាគរយនៃកម្មសិទ្ធិរបស់ក្រុមហ៊ុន Repsol ដែលមានមូលដ្ឋាននៅទីក្រុងម៉ាឌ្រីដនៅពេលដែលភាគហ៊ុនទាំងនេះត្រូវបានដាក់លក់សម្រាប់ឆ្នាំ ២០០៧ ។

នៅចន្លោះឆ្នាំ ២០១២ និងឆ្នាំ ២០១៤ លោក Brito ជាប្រធានសហព័ន្ធនៃធនាគារអាមេរិកឡាទីន (FELABAN) ដែលជាអង្គការមិនស្វែងរកប្រាក់ចំណេញដែលមានគោលបំណងជួយសម្រួល និងបានជំរុញទំនាក់ទំនងរវាងអង្គភាពហិរញ្ញប្បទានអាមេរិកឡាទីនទាំងអស់ផងដែរ ។ ម្យ៉ាងវិញទៀតគាត់ត្រូវបានគេលើកឡើងចំពោះស្នារដៃរបស់គាត់នៅក្នុងឆ្នាំ ២០០៨ និង ២០០៩ ដោយស្ថានទូតអាមេរិកនៅ Buenos Aires ហើយក្រោយមកត្រូវបានផ្សព្វផ្សាយជាសាធារណៈដោយទស្សនាវដ្តី Wikileaks ដោយមានទំនាក់ទំនងយ៉ាងជិតស្និទ្ធជាមួយប្រធានាធិបតីគឺលោក Néstor Kirchner និងមានទំនាក់ទំនងជិតស្និទ្ធជាមួយប្រធានាធិបតីបច្ចុប្បន្នគឺលោក Cristina Fernández de Kirchner ផងដែរ ។

ប្រភព៖ Phnom Penh HR

លោក Juan-Miguel Villar Mir កើតនៅក្នុងឆ្នាំ ១៩៣១ គាត់គឺជាមហាសេដ្ឋីអេស្បាញ និជាអតីតអ្នកនយោបាយ និងជាប្រធាន និងជានាយកប្រតិបត្តិនៃក្រុមហ៊ុន Obrascón Huarte Lain ដែលជាក្រុមហ៊ិនវិស្វកម្ម និងសំណង់ ។

លោក Villar Mir បានបញ្ចប់សញ្ញាប័ត្រផ្នែកអង្គការឧស្សាហកម្ម និងបណ្ឌិតផ្នែកវិស្វកម្មសំណង់ស៊ីវិល ។ ចាប់ពីខែ ធ្នូ ឆ្នាំ ១៩៧៥ ដល់ខែ កក្កដា ឆ្នាំ ១៩៧៦ លោក Villar Mir ជារដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ។ នៅឆ្នាំ ១៩៧៦ លោក Villar Mir បានធ្វើជាអនុរដ្ឋមន្រ្តីនៃប្រទេសអេស្បាញប្រមាណជា ៦ ខែដែលជាសមាជិកនៃគណបក្ស Falange Española Tradicionalista y de las Juntas de Ofensiva Nacional Sindicalista ក្រោមការដឹកនាំរបស់លោក Carlos Arias Navarro ។

ទ្រព្យសម្បត្តិ៖ Juan-Miguel Villar Mir

លោក Juan-Miguel Villar Mir គឺជាសហគ្រិនជនជាតិអេស្បាញដែលមានទ្រព្យសម្បត្តិសុទ្ធប្រមាណ ២,៧ ពាន់លានដុល្លារ ។ ក្នុងឆ្នាំ ២០១១ ក្រុមហ៊ុន Obrascón Huarte Lain ដែលជាក្រុមហ៊ិនវិស្វកម្ម និងសំណង់របស់លោក Villar Mir ដែលរកចំណូលបានប្រមាណ ៦.៥ ពាន់លានដុល្លារ ។ ហើយបច្ចុប្បន្នក្រុមហ៊ុននេះបានសាងសង់ផ្លូវដែក កំពង់ផែ និងអាកាសយានដ្ឋានផ្លូវថ្នល់ក៏ដូចជាការអភិវឌ្ឍលំនៅដ្ឋាននៅក្នុងប្រទេសជាង ៣៤ ទូទាំងពិភពលោកផងដែរ ។

គម្រោងរបស់ក្រុមហ៊ុនមួយនេះដែលលេចធ្លោជាងគេគឺផ្លូវដែកល្បឿនលឿននៅ​អារ៉ាប៊ីសាអ៊ូឌីតដែលបានតភ្ជាប់ពីតំបន់ Mecca និង Medina ដែលជាផ្លូវដែកនៅតំបន់ Ural Polar នៅរុស្ស៊ី និងផ្លូវដែក  Marmaray ដែលបានតភ្ជាប់ពីភាគីអាស៊ី និងអឺរ៉ុបនៅទីក្រុងអ៊ីស្តង់ប៊ុលនៅក្នុងប្រទេសតួកគី ។

លោក Villar Mir ទទួលបានសញ្ញាប័ត្របណ្ឌិតវិស្វកម្ម សំណង់ស៊ីវិល និងបរិញ្ញាបត្រច្បាប់ក៏ដូចជាសញ្ញាប័ត្រផ្នែកសេដ្ឋកិច្ចពីវិទ្យាស្ថានអភិវឌ្ឍន៍សេដ្ឋកិច្ចរបស់ធនាគារពិភពលោកនៅទីក្រុងវ៉ាស៊ីនតោន ។ លោក Villar Mir បានអភិវឌ្ឍខ្លួនរបស់គាត់ទៅជាសាស្ត្រាចារ្យនៅសាកលវិទ្យាល័យពហុបច្ចេកទេសម៉ាឌ្រីដ ។ មុនពេលចាប់ផ្តើមអាជីវកម្មផ្ទាល់ខ្លួនគាត់បានបម្រើការជាប្រធាន និងជានាយកប្រតិបត្តិជាន់ខ្ពស់នៅក្នុងក្រុមហ៊ុនជាច្រើនរួមមានក្រុមហ៊ុន Cementos del Cibca, Hidro-Nitro, Altos Hornos de Vizcaya, Empresa Nacional de Celulosas, Altos Hornos del homraneo, Puerto Sotogrande, Electra de Viesgo និង Carbonidera del Sur ។ ក្រៅពីក្រុមហ៊ុន OHL លោក Villar Mir ក៏ជាម្ចាស់ក្រុមហ៊ុន Grupo Villar Mir ដែលបានធ្វើប្រតិបត្តិការជាង ៣០ ប្រទេសនៅទូទាំងពិភពលោកផងដែរ ។

ហើយបច្ចុប្បន្ននេះគាត់ក៏ជាអ្នកផលិតថាមពលអគ្គីសនីដែលបានគ្រប់គ្រងលើចរន្តអគ្គីសនី និងជាអ្នកផលិតលោហៈធាតុស៊ីលីកុនដ៏ធំជាងគេបំផុតនៅលើពិភពលោក។ ហើយគាត់មានក្រុមហ៊ុនផលិតជីឈានមុខគេក៏ដូចជាអ្នកអភិវឌ្ឍអចលនទ្រព្យដែលមានសំណង់នៅរដ្ឋផ្លរីដារដ្ឋតិចសាស់ និងនៅលើឆ្នេរសមុទ្រមេឌីទែរ៉ាណេផងដែរ ។ លើសពីនេះទៅទៀតក្រុមនេះបានកាន់កាប់ក្រុមហ៊ុនតូចៗជាច្រើនទៀតរួមមានហាងលក់រាយសម្លៀកបំពាក់សម្រាប់កុមារនិងស្ថានីយ៏ចែកចាយប្រេងម៉ាស៊ូ​ត។

លោក Villar Mir ក៏ជាអតីតរដ្ឋមន្រ្តីក្រសួងហិរញ្ញវត្ថុនៃប្រទេសអេស្បាញចាប់តាំងពីឆ្នាំ ១៩៧៥-១៩៧៦ ហើយគាត់ត្រូវបានទទួលងារជាព្រះមហាក្សត្រនៃព្រះរាជាណាចក្នុងឆ្នាំ ២០១១ ដោយសារការបំពេញការងារបានល្អ និងបានយូរអង្វែងរបស់គាត់ចំពោះប្រទេសអេស្បាញផងដែរ ។

ប្រភព៖ Phnom Penh HR

លោក Jeffrey Lorberbaum កើតនៅថ្ងៃទី ២៤ ខែ តុលា ឆ្នាំ ១៩៥៤ គាត់គឺជាមហាសេដ្ឋីជនជាតិអាមេរិក និងជានាយកប្រតិបត្តិនៃក្រុមហ៊ុន Calhoun ដែលជាក្រុមហ៊ុនឧស្សាហកម្មផលិតកំរាលព្រំ Mohawk ដែលមានមូលដ្ឋាននៅ Georgia ដែលជាក្រុមហ៊ុនជាន់ខ្ពស់ដ៏ធំបំផុតមួយនៅលើពិភពលោក ។

ជីវិតដំបូង និងការអប់រំ៖

នៅឆ្នាំ ១៩៥៧ ឪពុកម្តាយរបស់គាត់បានបង្កើតក្រុមហ៊ុន Aladdin Mills, Inc នៅទីក្រុង Dalton រដ្ឋ Georgia ។ ក្រុមហ៊ុនឧស្សាហកម្ម Aladdin បានផលិតកំរាលព្រំនៅក្នុងទសវត្សឆ្នាំ ១៩៧០ ហើយបានពង្រីកខ្លួនទៅជាអាជីវកម្មផលិតកំរាលព្រំដ៏ធំជាងគេមួយនៅក្នុងប្រទេស។ លោក Jeffrey មានបងស្រីម្នាក់ឈ្មោះ Suzanne Helen មកពី Denver និងមានបងប្រុសម្នាក់ឈ្មោះ Mark Lorberbaum នៅទីក្រុង Miami ។ លោក Jeffrey បានបញ្ចប់បរិញ្ញាប័ត្រ B.A. ពីសាកលវិទ្យាល័យ Denver ។

អាជីព៖

លោក Jeffrey បានចូលរួមនៅក្នុងអាជីវកម្មរបស់គ្រួសារគាត់ដែលជាក្រុមហ៊ុនផលិតកំរាលព្រំ Aladdin Mills ក្នុងឆ្នាំ ១៩៧៦។ បន្ទាប់ពីគាត់បានបញ្ចប់ការសិក្សាពីសាកលវិទ្យាល័យ Denver ។ លោក Jeffrey បានកាន់មុខតំណែងជាអ្នកដឹកនាំជាច្រើននៅទីបំផុតគាត់បានដើរតួនាទីជាអនុប្រធានប្រតិបត្តិការពីឆ្នាំ ១៩៨៦ ដល់ ១៩៩៤។ នៅឆ្នាំ ១៩៩៤ ក្រុមហ៊ុន Aladdin បានរួមបញ្ចូលគ្នាជាមួយក្រុមហ៊ុន Mohawk ដែលបានផ្សព្វផ្សាយជាសាធារណៈនៅក្នុងឆ្នាំ ១៩៩២ ដោយបានបង្កើតក្រុមហ៊ុនផលិតកម្រាលឥដ្ឋដ៏ធំបំផុតមួយនៅសហរដ្ឋអាមេរិក។ ហើយឪពុករបស់គាត់បានក្លាយជាម្ចាស់ភាគហ៊ុនដ៏ធំជាងគេនៅក្នុងក្រុមហ៊ុន Mohawk ។

លោក Jeffrey និងលោក Alan Lorberbaum បានចូលរួមនៅក្នុងក្រុមប្រឹក្សាភិបាលរបស់ក្រុមហ៊ុន Mohawk ។ ក្នុងឆ្នាំ ១៩៩៥​ លោក Jeffrey បានក្លាយជាប្រធានក្រុមហ៊ុន Mohawk ហើយនៅឆ្នាំ ២០០១ គាត់បានក្លាយជានាយកប្រតិបត្តិរបស់ក្រុមហ៊ុន។ ចាប់តាំងពីពេលនោះមកគាត់បានបង្កើនប្រាក់ចំណូលចំនួន ៥,៨ ពាន់លានដុល្លារអាមេរិកក្នុងឆ្នាំ ២០១២ ហើយតាមរយៈការទិញដែលបានពង្រីកវិសាលភាពរបស់ក្រុមហ៊ុនទៅជាកម្រាលឥដ្ឋរឹង និងក្បឿងសេរ៉ាមិច និងកម្រាលឈើរឹងដែលបានផ្តល់លទ្ធភាពឲ្យទទួលបានភូមិសាស្ត្រថ្មី ។

ទ្រព្យសម្បត្តិ៖ Jeffrey Lorberbaum

លោក Jeffrey Lorberbaum គឺជាអ្នកជំនួញជនជាតិអាមេរិកម្នាក់ដែលមានទ្រព្យសម្បត្តិសុទ្ធប្រមាណ ១,៦ ពាន់លានដុល្លារ។ គាត់គឺជានាយកប្រតិបត្តិនៃក្រុមហ៊ុនឧស្សាហកម្មផលិតកំរាលព្រំ Mohawk ដែលជាក្រុមហ៊ុនជាន់ខ្ពស់ធំបំផុតមួយនៅលើពិភពលោក ។ ហើយឈ្មោះរបស់គាត់ត្រូវដាក់ចូលទៅក្នុងបញ្ជីមហាសេដ្ឋីដែលជាអ្នកមានបំផុតចំនួន ៤០០ នាក់របស់សហរដ្ឋអាមេរិក។ ក្រុមហ៊ុនរបស់គាត់បានកើនឡើងតម្លៃភាគហ៊ុន ១៥% នៅក្នុងក្រុមហ៊ុនឧស្សាហកម្ម Mohawk ដែលបានចុះនៅក្នុងបញ្ជី ។

លោក Jeffrey បានចាប់ផ្តើមអាជីពរបស់គាត់នៅពាក់កណ្តាលទសវត្សឆ្នាំ ១៩៧០ នៅពេលដែលគាត់បានចូលរួមជាមួយឪពុករបស់គាត់ ។ ក្រោយមកគាត់បានកាន់កាប់មុខជំនួញទាំងស្រុងដោយបានបម្រើការជាប្រធាន និងនាយកប្រតិបត្តិរហូតដល់បានកាន់កាប់ក្រុមហ៊ុន Aladdin និងរួមបញ្ចូលជាមួយក្រុមហ៊ុន Mohawk ក្នុងឆ្នាំ ១៩៩៤។ ហើយនៅក្នុងឆ្នាំ ២០០១ លោក Jeffrey បានកាន់តំណែងជានាយកប្រតិបត្តិនៃក្រុមហ៊ុន Mohawk ។

នៅចុងឆ្នាំ ២០១២ ក្រុមហ៊ុន Mohawk បានបង្ហាញពីការទិញក្រុមហ៊ុនផលិតក្បឿងសេរ៉ាមិចរបស់អ៊ីតាលី Marazzi Group ក្នុងតម្លៃប្រមាណ ១,៥ ពាន់លានដុល្លារ។ តម្លៃភាគហ៊ុនរបស់ក្រុមហ៊ុន Mohawk បានកើនឡើងយ៉ាងខ្លាំងក្នុងរយៈពេល ១២ ខែកន្លងមកនេះ ។

ប្រភព៖ ​Phnom Penh HR

លោក Ronald Stephen Baron កើតនៅឆ្នាំ ១៩៤៣ ដែលជាអ្នកវិនិយោគមូលធននៅអាមេរិក។ គាត់គឺជាស្ថាបនិកនៃក្រុមហ៊ុន Baron Capital ដែលជាក្រុមហ៊ុនគ្រប់គ្រងលើការវិនិយោគដែលមានមូលដ្ឋាននៅទីក្រុងញូវយ៉ក។ លោក Stephen Baron និងមានទ្រព្យសម្បត្តិប្រមាណ ២៦ ពាន់លានដុល្លារដែលស្ថិតក្រោមការគ្រប់គ្រងរបស់គាត់ ។

ជីវិតដំបូង និងការអប់រំ៖

លោក Stephen បានធំឡើងនៅក្នុងគ្រួសារជ្វីហ្វមួយនៅតំបន់ Asbury Park រដ្ឋ New Jersey ។ ហើយគាត់ជាកូនម្នាក់ក្នុងចំណោមកូនពីរនាក់របស់លោក Morton Baron ជាវិស្វករនឹងម្តាយរបស់គាត់ឈ្មោះលោកស្រី Marian ។ លោកStephen Baron បានសិក្សាផ្នែកគីមីវិទ្យានៅឯសាកលវិទ្យាល័យ Bucknell និងបានចូលរៀននៅសាលាច្បាប់នៅសាកលវិទ្យាល័យ George Washington ។

អាជីព៖

លោក Stephen បានបម្រើការឱ្យក្រុមហ៊ុនឈ្មួញផ្សេងៗជាច្រើនពីឆ្នាំ ១៩៧០ ដល់ ១៩៨២ ។ ក្នុងអំឡុងពេលនេះគាត់បានបង្កើតកេរ្តិ៍ឈ្មោះផ្ទាល់របស់គាត់សម្រាប់ការវិនិយោគនៅក្នុងក្រុមហ៊ុនតូចៗជាច្រើនផងដែរ ។

ការគ្រប់គ្រងក្រុមហ៊ុនមូលធន BaronCapital Management

លោក Stephen Baron បានបង្កើតក្រុមហ៊ុន Baron Capital Management ក្នុងឆ្នាំ ១៩៨២។ ក្រុមហ៊ុន Baron Capital ត្រូវបានគេស្គាល់ថាជាយុទ្ធសាស្ត្រមួយមានរយៈពេលវែង និងមានទស្សនវិស័យលើផ្នែកវិនិយោគ ។ ក្រុមហ៊ុននេះជាធម្មតាបានកាន់កាប់ភាគហ៊ុនរយៈពេល ៤-៥ ឆ្នាំហើយពេលខ្លះរហូតដល់ ១០-១៥ ឆ្នាំ។ ហើយក្រុមហ៊ុននេះបានវិនិយោគលើនិន្នាការខ្នាតធំដែលជំរុញដោយនិន្នាការសង្គម និងប្រជាជនយ៉ាងទូលំទូលាយរួមទាំងការទាមទារឱ្យមានការរីកលូតលាស់របស់ទារកចំពោះការថែទាំសុខភាព – និន្នាការដែលជាតម្រូវការត្រូវបានរំពឹងថានឹងមានស្ថេរភាពច្រើនឆ្នាំនឹងច្រើនទសវត្សរ៍ ។

ក្រុមហ៊ុននេះបានស្វែងរកការវិនិយោគលើក្រុមហ៊ុនផ្សេងៗទៀតដែលមានការគ្រប់គ្រងយ៉ាងរឹងមាំ។ ហើយពួកគេបានស្វែងរកក្រុមហ៊ុនដ៍ទៃទៀតដែលមានឱកាសរីកចម្រើនខ្លាំងដែលទទួលបានហិរញ្ញប្បទានសមរម្យ និងមានគុណសម្បត្តិប្រកួតប្រជែង និងជាអ្នកដឹកនាំនៅក្នុងវិស័យរបស់ពួកគេ ។ ក្រុមហ៊ុន Baron Capital ផ្តោតការយកចិត្តទុកដាក់ពិសេសទៅលើភាពខ្លាំងសម្រាប់ការគ្រប់គ្រងរបស់ក្រុមហ៊ុនដែលពួកគេបានវិនិយោគ​នឹងមើលឃើញភាពជាអ្នកដឹកនាំដែលគួរឱ្យទុកចិត្ត។

ក្នុងឆ្នាំ ២០១១ ក្រុមហ៊ុនមូលធន Baron Capital មានទ្រព្យប្រមាណ ១៩,៥ ពាន់លានដុល្លារ ។ នៅក្នុងកិច្ចខិតខំប្រឹងប្រែងដើម្បីថ្លែងអំណរគុណដល់វិនិយោគិនគឺលោក Stephen Baron ដែលបានរៀបចំការប្រជុំម្ចាស់ភាគហ៊ុនប្រចាំឆ្នាំដែលជាធម្មតាបានបង្ហាញពីសកម្មភាពដូចជា Elton John, Beach Boys និង Lionel Richie ។

ក្នុងឆ្នាំ ២០១២ ក្រុមហ៊ុន Baron Capital បានទិញភាគហ៊ុន ២៤ ភាគរយនៃក្លឹបបាល់ទាត់ Manchester United ដែលត្រូវបានផ្តល់ជូននៅឯផ្សារហ៊ុនញូវយ៉កដោយក្រុមគ្រួសារ Glazer ។ ការវិនិយោគរបស់លោក Stephen Baron មានការចាប់អារម្មណ៍ពីម្ចាស់កម្មសិទ្ធិ ២,៥% នៅក្នុងក្លឹបខណៈដែលមានតែ ១០ ភាគរយនៃភាគហ៊ុននៅក្នុងក្រុមហ៊ុន ។

ប្រភព៖ ​Phnom Penh HR

លោក Robert E. Rich Jr. គឺជាប្រធានក្រុមហ៊ុនសាជីវកម្មផលិតអាហារក្លាសេដែលគ្រប់គ្រងដោយគ្រួសារធំជាងគេនៅសហរដ្ឋអាមេរិកដែលមានមូលដ្ឋាននៅទីក្រុង Buffalo រដ្ឋញូវយ៉ក។ លោក Robert មានទ្រព្យសម្បត្តិសុទ្ធចំនួន ២,៩ ពាន់លានដុល្លារគិតត្រឹមខែ សីហា ឆ្នាំ ២០១៥ ។ លោក Robert បានបញ្ចប់ការសិក្សានៅមហាវិទ្យាល័យ Williams ជាមួយបរិញ្ញាបត្រសិល្បៈ និងវិទ្យាសាស្ត្រក្នុងឆ្នាំ ១៩៦៣ ។

អាជីព៖

នៅឆ្នាំ ១៩៦៤ លោក Robert បានចូលរួមជាមួយក្រុមហ៊ុន Rich Products ដែលជាក្រុមហ៊ុនមួយដែលបានបង្កើតឡើងដោយឪពុករបស់គាត់ក្នុងនាមជាប្រធានក្រុមហ៊ុនសម្ព័ន្ធរបស់ក្រុមហ៊ុន Startup, Rich Products នៃប្រទេសកាណាដា។ ហើយគាត់បានបម្រើការជាកងទ័ពឆ្មាំជាតិនៅសហរដ្ឋអាមេរិកពីឆ្នាំ ១៩៦៣ ដល់ ១៩៦៩ និងជាសមាជិកនៃបុគ្គលិកសាលាមន្រ្តីបម្រុងកងទ័ពជាតិផងដែរ ។ ហើយគាត់បានចំណាយពេលដើម្បីទទួលបានអនុបណ្ឌិតផ្នែកគ្រប់គ្រងពាណិជ្ជកម្មដោយទទួលបានកិត្តិយសពីសាកលវិទ្យាល័យ  Rochester នៅឆ្នាំ ១៩៦៩ ។

ក្រុមហ៊ុនលោក Robert បានបង្កើតតួនាទីជាអនុប្រធានផ្នែកលក់ និងទីផ្សារ ។ នៅឆ្នាំ ១៩៧៨ គាត់ត្រូវបានគេហៅថាជាមហាសេដ្ឋីនៅសហរដ្ឋអាមេរិក។ ហើយនៅឆ្នាំ ២០០៦ នៅពេលដែលឪពុករបស់គាត់បានទទួលមរណភាពនៅឯ Palm Beach លោក Robert  បានទទួលមរតកចំនួន ៥៦% នៃក្រុមហ៊ុនសាជីវកម្មផលិតអាហារក្លាសេសំបូរបែបដែលបានគ្រប់គ្រងដោយឪពុករបស់គាត់ហើយគាត់បានទទួលភារកិច្ចជាប្រធានក្រុមហ៊ុន។

ទ្រព្យសម្បត្តិ៖ Robert E. Rich Jr.

លោក Robert គឺជាប្រធានក្រុមហ៊ុនសាជីវកម្មផលិតអាហារក្លាសេដែលគ្រប់គ្រងដោយគ្រួសារធំជាងគេនៅសហរដ្ឋអាមេរិកដែលមានមូលដ្ឋាននៅទីក្រុង Buffalo រដ្ឋញូវយ៉ក។ លោក Robert មានទ្រព្យសរុបប្រមាណ ៥.៥៨ ពាន់លានដុល្លារគិតត្រឹមខែ មីនា ឆ្នាំ ២០១៧ ។ ហើយគាត់គឺជាអ្នកមានបំផុតទី ១៩០ នៅក្នុងបញ្ជីរបស់ទស្សនាវដ្តី Forbes 400 និងបានជាប់ចំណាត់ថ្នាក់ទី ៦១៣ នៅក្នុងបញ្ជីមហាសេដ្ឋីពិភពលោក។

ប្រភព៖ ​Phnom Penh HR

លោក Richard Hayne កើតនៅថ្ងៃទី ២៦ ខែ ឧសភា ឆ្នាំ ១៩៤៧ គាត់គឺជានាយកប្រតិបត្តិក្រុមហ៊ុន Urban Outfitters ដែលជាក្រុមហ៊ុនលក់សម្លៀកបំពាក់នៅសហរដ្ឋអាមេរិក។ ចាប់តាំងពីឆ្នាំ ១៩៧៦ លោក Hayne គឺជានាយកប្រតិបត្តិក្រុមហ៊ុន Urban នៅពេលលោក Glen Senk បានចូលនិវត្តន៍នៅក្នុងឆ្នាំ ២០១២ ។

លោក Hayne មានទ្រព្យសម្បត្តិចំនួន ១,៨ ពាន់លានដុល្លារដែលជាអ្នកមានបំផុតលំដាប់ទី ២៦២ នៅសហរដ្ឋអាមេរិក។ នេះបើយោងតាមចំណាត់ថ្នាក់លេខ ៤៨ របស់ទស្សនាវដ្តី Forbes បានអោយដឹងកាលពីឆ្នាំ ២០០៨ គាត់ស្ថិតនៅលើចំណាត់ថ្នាក់លេខ ៤០០ ។ ហើយឈ្មោះរបស់គាត់ត្រូវបានគេដាក់បញ្ចូលទៅក្នុងបញ្ជីអ្នកមានបំផុតទាំង ៤០ នាក់នៅក្នុងរដ្ឋ Pennsylvania ។ លោក Hayne បានបញ្ចប់ការសិក្សានៅសាកលវិទ្យាល័យ  Lehigh នៅក្នុងឆ្នាំ ១៩៦៩ ដែលមានសញ្ញាប័ត្រផ្នែកវិទ្យាសាស្រ្ត។

អាជីព៖

លោក Hayne បានបង្កើតក្រុមហ៊ុន Urban Outfitters, Inc នៅក្នុងឆ្នាំ ១៩៧០ ជាមួយអតីតភរិយារបស់គាត់គឺលោកស្រី Judy Wicks ហើយពួកគេទាំងពីនេះបានលែងលះគ្នា។ សព្វថ្ងៃនេះក្រុមហ៊ុននេះបានដំណើរការហាងជាង ៤០០ ស្ថិតក្រោមម៉ាកយីហោចំនួន ៤ គឺ Urban Outfitters, Free People, Anthropologie និង Terrain ដែលមានហាងលក់នៅ Westport, Connecticut និង Glen Mills រដ្ឋ Pennsylvania ។

លោក Hayne បានបើកហាងលក់សម្លៀកបំពាក់ដំបូងមួយជាមួយភរិយារបស់គាត់នៅពាក់កណ្តាលទសវត្សឆ្នាំ ៧០ ក្បែរសាកលវិទ្យាល័យផេនស៊ីលវេនៀដោយបានចំណាយត្រឹមតែ ៤០០០ ដុល្លារប៉ុណ្ណោះ។ សព្វថ្ងៃនេះក្រុមហ៊ុន Urban Outfitters គឺជាក្រុមហ៊ុនចែកចាយលក់សម្លៀកបំពាក់នៅទូទាំងប្រទេសសហរដ្ឋអាមេរិកដែលមានទីតាំងជាង ២០០ ទីតាំង និងមានប្រាក់ចំណូលជាង ៣ ពាន់លានដុល្លារ។

លោក Hayne គឺជាប្រធានក្រុមហ៊ុន Urban Outfitter ដែលបានក្លាយជានាយកប្រតិបត្តិរបស់ក្រុមហ៊ុននៅក្នុងឆ្នាំ ២០១២ បន្ទាប់ពីអតីតនាយកប្រតិបត្តិគឺលោក Glen Senk ដែលបានចាកចេញទៅបើកហាងលក់គ្រឿងអលង្ការ និងផលិតនាឡិកាជាមួយលោក David Yurman ដែលមានមូលដ្ឋាននៅទីក្រុងញូវយ៉ក ។ លោក Hayne ត្រូវបានគេចាត់ទុកថាជាមនុស្សម្នាក់ក្នុងចំណោមអ្នកមានបំផុតទាំង ៤០ នាក់នៅក្នុងរដ្ឋផេនស៊ីលវេនៀសហរដ្ឋអាមេរិក។ បច្ចុប្បន្នគាត់កំពុងបានបម្រើការជានាយកប្រតិបត្តិ និងជាប្រធានក្រុមហ៊ុន Urban Outfitters ដែលជាខ្សែសង្វាក់លក់សម្លៀកបំពាក់ដ៏ធំជាងគេមួយនៅសហរដ្ឋអាមេរិក។

ចាប់តាំងពីឆ្នាំ ១៩៧៦ លោក Hayne បានបម្រើការជាប្រធានក្រុមប្រឹក្សាភិបាលនៅក្នុងក្រុមហ៊ុន។​ ហើយការចូលនិវត្តន៍របស់លោក Glen Senk  បានដឹកនាំលោក Hayne ឱ្យធ្វើជាប្រធានក្រុមហ៊ុននៅខែ មករា ឆ្នាំ ២០១២ ។ ក្រុមហ៊ុនUrban Outfitters ត្រូវបានបង្កើតឡើងដោយលោក Richard Hayne នៅក្នុងឆ្នាំ ១៩៧០ រួមជាមួយអតីតប្រពន្ធរបស់គាត់ឈ្មោះលោកស្រី Judy Wicks ។

ក្នុងឆ្នាំ ២០១២ ក្រុមហ៊ុននេះកំពុងប្រតិបត្តិការនៅតាមហាងជាង ២០០ ក្រោមម៉ាកយីហោល្បីៗចំនួន ៣ គឺ Anthropologie, Urban Outfitters និង Free People ។ នេះបើយោងតាមទស្សនាវដ្តី Forbes បានឱ្យដឹងថាលោក Richard Hayne មានទ្រព្យសម្បត្តិសរុបប្រមាណ ១,២៤ ពាន់លានដុល្លារកាលពីខែ ឧសភា ឆ្នាំ ២០១៦ ។

ប្រភព៖ Phnom Penh HR

លោក Jose Maria Aristrain គឺជាអតីតម្ចាស់ក្រុមហ៊ុនផលិតដែកថែប Arcelor ។ ហើយបច្ចុប្បន្នគាត់បានកាន់កាប់ភាគហ៊ុនចំនួន ២% នៃក្រុមហ៊ុនផលិតដែកថែប Arcelor Mittal ដែលជាក្រុមហ៊ុនផលិតដែកថែបដ៏ធំជាងគេបំផុតនៅលើពិភពលោក។ភាគហ៊ុនរបស់ក្រុមហ៊ុននេះបានធ្លាក់ចុះនៅដើមឆ្នាំ ២០១០ ប៉ុន្តែមានការងើបឡើងវិញយឺតយ៉ាវ។

លោក Jose ក៏ជាម្ចាស់ភាគទុនិកនៃក្រុមហ៊ុន Tubacex របស់ប្រទេសអេស្ប៉ាញដែលជាក្រុមហ៊ុនផលិតបំពង់ដែកអ៊ីណុកដ៏ធំជាងគេនៅលំដាប់ទី ២ នៅលើពិភពលោកផងដែរ។ ក្នុងឆ្នាំ ២០១៦ ក្រសួងសាធារណៈរបស់ប្រទេសអេស្ប៉ាញបានចោទប្រកាន់លោក Jose ពីបទបោកប្រាស់រតនាគារសាធារណៈចំនួន ២១១ លានអឺរ៉ូដែលជាបទឧក្រិដ្ឋសារពើពន្ធដ៏ធំបំផុតនៅក្នុងប្រវត្តិសាស្ត្ររបស់ប្រទេសអេស្ប៉ាញ។ ហើយគាត់ប្រឈមនឹងការជាប់ពន្ធនាគាររយៈពេល ៦៤ ឆ្នាំ និងពិន័យជាប្រាក់ចំនួន ១,៤B អឺរ៉ូប្រសិនបើត្រូវបានផ្តន្ទាទោស។

ទ្រព្យសម្បត្តិ៖ Jose Maria Aristrain

លោក Jose Maria Aristrain គឺជាអ្នកជំនួញជនជាតិអេស្ប៉ាញដែលមានទ្រព្យសម្បត្តិសុទ្ធប្រមាណ ១,១ ពាន់លានដុល្លារ។ ហើយគាត់គឺជាអតីតម្ចាស់ក្រុមហ៊ុនផលិតដែកថែប Arcelor ។ លោក Jose Maria Aristrain ដែលបានចាប់ផ្តើមកសាងទ្រព្យសម្បត្តិរបស់គាត់នៅពេលដែលបានកាន់កាប់ក្រុមហ៊ុនចំពោះការស្លាប់របស់ឪពុកគាត់នៅក្នុងឆ្នាំ ១៩៨៦ ។ ក្រុមហ៊ុនផលិតដែកថែប Arcelor និងក្រុមហ៊ុន Mittal Steel ត្រូវបានរួមបញ្ចូលគ្នា ។

នៅពេលការបណ្តាក់ទុននេះលោក Jose ទទួលបានភាគហ៊ុនចំនួន ២% នៅក្នុងក្រុមហ៊ុន Arcelor Mittal ដែលជាក្រុមហ៊ុនផលិតដែកថែបដ៏ធំជាងគេបំផុតនៅលើពិភពលោក។ ទោះយ៉ាងណាក៏ដោយគាត់បានឃើញការធ្លាក់ចុះនៃទ្រព្យសម្បត្តិរបស់គាត់នាពេលថ្មីៗនេះដោយសារតែការធ្លាក់ចុះថេរនៅក្នុងភាគហ៊ុនរបស់ក្រុមហ៊ុនចាប់តាំងពីឆ្នាំ 2011 ។

ក្រៅពីក្រុមហ៊ុន Arcelor Mittal លោក Jose ក៏ជាម្ចាស់ភាគហ៊ុននៃក្រុមហ៊ុន Tubacex ដ៏ធំរបស់ប្រទេសអេស្ប៉ាញដែលជាក្រុមហ៊ុនផលិតបំពង់ដែកអ៊ីណុកដ៏ធំជាងគេលំដាប់នៅលំដាប់ទី ២ នៅលើពិភពលោកផងដែរ។ លើសពីនេះទៀតលោក Jose មានកន្លែងចិញ្ចឹមគោមួយឈ្មោះ Ganaderias Aguadulce នៅភាគខាងត្បូងនៃប្រទេសអេស្ប៉ាញជាកន្លែងដែលចិញ្ចឹមគោសម្រាប់ការប្រយុទ្ធគ្នា។

ប្រភព៖ Phnom Penh HR

លោកស្រីមហាសេដ្ឋី Jane Loretta Anne Goldman កើតនៅថ្ងៃទី ១១ ខែ មិថុនា ឆ្នាំ ១៩៧០ គឺជាអ្នកនិពន្ធភាពយន្ត​ និងជាផលិតករអង់គ្លេស។

លោកស្រី Jane ត្រូវបានគេស្គាល់ថាជាសហអ្នកនិពន្ធរួមជាមួយនឹងលោក Matthew Vaughn ដែលជាអ្នកនិពន្ធភាពយន្តរឿង Kingsman: The Secret Service (ឆ្នាំ ២០១៥), X-Men: ដំបូង (ឆ្នាំ ២០១១), Kick-Ass (ឆ្នាំ ២០១០) និង Stardust (ឆ្នាំ ២០០៧) ។ អ្នកទាំងពីរទទួលបានការកោតសរសើរយ៉ាងខ្លាំងចំពោះស្នាដៃភាពជាដៃគូរបស់ពួកគេ។ ហើយខ្សែភាពយន្តរឿង The Woman in Black (ឆ្នាំ ២០១២) គឺជាខ្សែភាពយន្តសំដែងទោលដំបូងរបស់លោកស្រី Jane Goldman ។

លោកស្រី Jane ត្រូវបានគេស្គាល់ថាជាអ្នកនិព្ធសៀវភៅសុបិនពិភពលោក (ឆ្នាំ ២០០០) និងសៀវភៅ X-Files of Unexplained (ឆ្នាំ ១៩៩៧) និងបានបង្ហាញនៅក្នុងកម្មវិធីទូរទស្សន៍ប្លែកៗរបស់គាត់ឈ្មោះ Jane Goldman Investigates នៅលើប៉ុស្តិ៍ផ្សាយផ្ទាល់ចន្លោះឆ្នាំ ២០០៣ និង ២០០៤ ។

លោកស្រី Jane Goldman បានធ្វើការនិពន្ធភាពយន្តខ្សែភាពយន្តរឿង X-Men: Days of Future Past (ឆ្នាំ ២០១៤) ដែលជារឿងភាគទីមួយ និងខ្សែភាពយន្តរឿង The Secret Service ។ ខ្សែភាពយន្តទាំងពីរនេះគឺជាភាពជាដៃគូជាមួយនឹងលោក Matthew Vaughn ។

អាជីពវិជ្ជាជីវៈ

ក្នុងនាមជាអ្នកសារព័ត៌មានលោកស្រី Jane Goldman បានធ្វើការងារជាអ្នកកាសែត និងទស្សនាវដ្តីដូចជា Just Seventeen, Cosmopolitan, The Times, Evening Standard, Zero, Daily Star, Total Guitar, Game Zone និង Sega Zone ។ នៅអាយុ ១៩ ឆ្នាំគាត់បានក្លាយជាអ្នកនិពន្ធឯករាជ្យម្នាក់។

ទ្រព្យសម្បត្តិ៖ Jane Goldman

លោកស្រី Jane Goldman គឺជាអ្នកនិពន្ធខ្សែភាពយន្តអង់គ្លេស និងជាផលិតករ និងជាអ្នកនិពន្ធដែលមានទ្រព្យសុទ្ធប្រមាណ ៧ លានដុល្លារ។ លោកស្រី Jane កើតនៅខែ មិថុនា ឆ្នាំ ១៩៧០ ដែលរស់នៅតំបន់ Hammersmith នៅទីក្រុងឡុងដ៏ប្រទេសអង់គ្លេស ។

លោកស្រី Jane មានឈុតឆាកសម្តែងផ្ទាល់ខ្លួនរបស់គាត់ដែលមានចំណងជើងថា Jane Goldman Investigates ពីឆ្នាំ ២០០៣ ដល់ឆ្នាំ ២០០៤។ ហើយគាត់បានសហផលិតខ្សែភាពយន្តរឿង Kick-Ass  កាលពីឆ្នាំ ២០១០ និងជានាយកប្រតិបត្តិដែលជាអ្នកផលិតខ្សែភាពយន្តភាគទូរទស្សន៍ខ្នាតធំរបស់ប្រទេសអង់គ្លេស។

លោកស្រី Jane បានសរសេរ និងនិពន្ធខ្សែភាពយន្តរឿង Stardust, Kick-Ass, The Debt, X-Men: ដំបូង, The Woman in Black, X-Men: Days of Future Past និង Kingsman: The Secret Service ។ លោកស្រី Jane បានឈ្នះពានរង្វាន់ Hugo សម្រាប់បទបង្ហាញដ៏ល្អបំផុតនៅក្នុងឆ្នាំ ២០០៨ និងសម្រាប់ពានរង្វាន់ Stardust និងជាអ្នកនិពន្ធនៃ Guild of Great Britain សម្រាប់ចក្រភពអង់គ្លេសនៅក្នុងឆ្នាំ ២០១០ សម្រាប់ខ្សែភាពយន្តដ៏ល្អបំផុត។ លោកស្រី Jane បានរៀបការជាមួយលោក Jonathan Ross ដែលជាអ្នកគ្រប់គ្រងទូរទស្សន៍អង់គ្លេស និងវិទ្យុ នៅឆ្នាំ ១៩៩៨ ។

ប្រភព៖ Phnom Penh HR