Category: មហាសេដ្ឋីពិភពលោក

លោក Gustavo Cisneros កើតនៅថ្ងៃទី ២០ ខែ វិច្ឆិកា ឆ្នាំ ១៩៤៥ ដែលជាអ្នកជំនួញវេណេស៊ុយអេឡា​ និងជានាយកប្រតិបត្តិរបស់ក្រុមហ៊ុន Grupo Cisneros ។

ការអប់រំ៖

លោក Gustavo បានបញ្ចប់ការសិក្សានៅសាលា Suffield Academy នៅក្នុងរដ្ឋ Connecticut ក្នុងឆ្នាំ ១៩៦៣ ។ ហើយគាត់បានបញ្ចប់ការសិក្សានៅមហាវិទ្យាល័យ Babson នៅក្នុងរដ្ឋ Massachusetts ក្នុងឆ្នាំ ១៩៦៨ ។

ក្រុមហ៊ុន Grupo Cisneros

ក្រុមហ៊ុន Grupo Cisneros គឺជាក្រុមហ៊ុនមួយដែលបានគ្រប់គ្រងលើប្រព័ន្ធផ្សព្វផ្សាយដ៏ធំជាងគេបំផុតមួយនៅលើពិភពលោក ។ លោក Gustavo បានក្លាយជាប្រធានក្រុមហ៊ុន Grupo Cisneros នៅពេលគាត់មានអាយុ ២៥ ឆ្នាំ ។ ទ្រព្យសម្បត្តិរបស់គាត់បានមកពីការកាន់កាប់នៅក្នុងក្រុមហ៊ុន Grupo ដែលជាប្រព័ន្ធផ្សព្វផ្សាយ កំសាន្ត ទូរគមនាគមន៍ និងជាក្រុមហ៊ុនផលិតផលប្រើប្រាស់ ។

ក្រុមហ៊ុន Grupo Cisneros គឺជាក្រុមហ៊ុនប្រព័ន្ធផ្សព្វផ្សាយ និងកម្សាន្តជាភាសាអេស្ប៉ាញដ៏ធំជាងគេបំផុតមួយនៅលើពិភពលោក ។ លោក Gustavo គឺជាម្ចាស់ភាគហ៊ុនដ៏ធំបំផុតរបស់ក្រុមហ៊ុន Grupo Cisneros ។ ហើយគាត់ក៏ជាម្ចាស់ស្ថានីយ៍ទូរទស្សន៍អន្ដរជាតិដោយបានផលិត និងចែកចាយផលិតផលលើប្រព័ន្ធផ្សព្វផ្សាយ និងការកម្សាន្តនៅទូទាំងពិភពលោក និងជាម្ចាស់បណ្តាញទូរទស្សន៍នៅក្នុងប្រទេសវេណេស៊ុយអេឡាផងដែរ ។

លោក Gustavo បានពង្រីកប្រតិបត្តិការរបស់គាត់នៅខាងក្រៅប្រទេសវេណេស៊ុយអេឡា និងចូលទៅកាន់ទីផ្សារក្រៅប្រទេសរួមទាំងសហរដ្ឋអាមេរិក អេស្បាញ និងប្រទេសចិននាពេលថ្មីៗនេះផងដែរ ។ នៅខែ សីហា ឆ្នាំ ២០១៣ លោក Gustavo បានតែងតាំងកូនស្រីរបស់គាត់ឈ្មោះ Adriana Cisneros de Griffin ជានាយកប្រតិបត្តិថ្មីរបស់ក្រុមហ៊ុន Grupo Cisneros ។ ហើយគាត់បានកំពុងអភិវឌ្ឍតំបន់ត្រូពិកដែលជារមណីយដ្ឋានដែលបានចំណាយទឹកប្រាក់រាប់ពាន់លានដុល្លារនៅតំបន់ Miches នៅជិតទីក្រុង Punta Cana សាធារណរដ្ឋ Dominican ។

ការចាប់បើកដំណើរការរមណីយដ្ឋាននេះត្រូវបានកំណត់ពេលសម្រាប់នៅឆ្នាំ ២០១៩ ។ លោក Gustavo ត្រូវបានចុះនៅក្នុងបញ្ជីឈ្មោះមហាសេដ្ឋីពិភពលោកដែលជាអ្នកមានជាងគេបំផុតនៅលើពិភពលោក ។ នេះបើយោងតាមរយះទស្សនាវដ្តី Forbes បានឲ្យថាទ្រព្យសម្បត្តិរបស់គាត់មានចំនួន ១,៣៨ ពាន់លានដុល្លារអាមេរិកគិតត្រឹមនៅឆ្នាំ ២០១៧ ។

ទ្រព្យសម្បត្តិ៖ Gustavo Cisneros 

លោក Gustavo Cisneros គឺជាអ្នកគ្រប់គ្រងលើប្រព័ន្ធផ្សព្វផ្សាយរបស់ប្រទេសវេណេស៊ុយអេឡាដែលមានទ្រព្យសម្បត្តិចំនួន ៤ ពាន់លានដុល្លារ ។ គាត់គឺជាមនុស្សម្នាក់ក្នុងចំណោមមហាសេដ្ឋីម្នាក់ដែលមានជាងគេបំផុតនៅលើពិភពលោក ។ ហើយគាត់ត្រូវបានគេហៅគាត់ថាជាឥស្សរជនដ៏មានឥទ្ធិពលបំផុតម្នាក់របស់ប្រទេសអាមេរិកឡាទីន ។ ថ្វីត្បិតតែគាត់ជាជនជាតិគុយបាក៏ពិតមែនប៉ុន្តែគាត់បានកើតនៅក្នុងប្រទេសវេណេស៊ុយអេឡាហើយក្រោយមកគាត់បានមករស់នៅក្នុងសាធារណរដ្ឋ Dominican តាំងពីដើមទសវត្ស ១៩៩០ ។

គាត់ត្រូវបានគេស្គាល់ថាជាវិនិយោគិន​ និងជាម្ចាស់ទ្រព្យសម្បត្តិរួមទាំងរមណីយដ្ឋានជាច្រើនលានដុល្លារក៏ដូចជាការបណ្តាក់ទុនរកស៊ីនៅខាងក្រៅប្រទេសផងដែរ ។ ជាមួយនឹងប្រាក់ចំណូលដ៏ខ្ពស់របស់គាត់ត្រូវបានគេមើលឃើញថាគាត់បានចូលរួមបរិច្ចាគដល់អង្គការសប្បុរសធម៌ផ្សេងៗ ជាច្រើន និងកម្មវិធីផ្សេងៗ ទៀតផងដែរ ។

លោក Gustavo បានរៀបការជាមួយលោកស្រី Patricia Phelps de Cisneros ។ លោកស្រី Patriciaក៏ជាអ្នកផ្តល់ជំនួយដ៏សំខាន់ម្នាក់ផងដែរដល់សារមន្ទីរសិល្បៈទំនើប MoMA នៅទីក្រុងញូវយ៉កចាប់តាំងពីឆ្នាំ ១៩៩២ ។ ហើយគាត់ក៏បានចូលរួមវិភាគទានដល់សារមន្ទីរសិល្បៈនៅក្នុងទីក្រុងឡូសអង់សឺឡែសផងដែរ ។

ប្រភព៖ Phnom Penh HR

លោក David Rockefeller កើតនៅថ្ងៃទី ១២ ខែ មិថុនា ឆ្នាំ ១៩១៥ គាត់គឺជាប្រធាន និងជានាយកប្រតិបត្តិរបស់ក្រុមហ៊ុនសាជីវកម្ម Mansetan ។ គាត់ក៏ជាសមាជិកម្នាក់ដែលមានអាយុចំណាស់ជាងគេក្នុងគ្រួសារ និងជាបុព្វបុរសរបស់គ្រួសារ Rockefeller ចាប់ពីខែ សីហា ឆ្នាំ ២០០៤ រហូតដល់គាត់ទទួលមរណភាពនៅខែ មីនា ឆ្នាំ ២០១៧ ។

លោក Rockefeller គឺជាកូនប្រុសរបស់លោក John D. Rockefeller Jr. និង លោកស្រី Abby Aldrich Rockefeller ។ គាត់ត្រូវបានគេកត់សម្គាល់ឃើញថាមានទំនាក់ទំនងផ្នែកនយោបាយទូលំទូលាយ ។ ទ្រព្យសម្បត្តិរបស់គាត់ត្រូវបានគេប៉ាន់ស្មានថាប្រមាណមានចំនួន ៣,៣ ពាន់លានដុល្លារ ។

ការអប់រំ៖
លោក Rockefeller បានបញ្ចប់ការសិក្សាដោយទទួលបានការកោតសរសើរពីសាកលវិទ្យាល័យហាវ៉ាដ ។ គាត់បានសិក្សាផ្នែកសេដ្ឋកិច្ចរយៈពេលមួយឆ្នាំនៅសាកលវិទ្យាល័យហាវ៉ាដបន្ទាប់ពីមួយឆ្នាំក្រោយមកគាត់បានបញ្ចប់ការសិក្សានៅសាលាសេដ្ឋកិច្ចឡុងដ៍ LSE ។

​លោក Rockefeller បានស្គាល់ប្រធានាធិបតី John F. Kennedy និងធ្លាប់មានទំនាក់ទំនងស្នេហាជាមួយប្អូនស្រីរបស់ប្រធានាធិបតី ។ នៅក្នុងអំឡុងពេលគាត់នៅក្រៅប្រទេស គាត់បានចាប់ផ្តើមធ្វើការនៅក្នុងទីក្រុងឡុងនៃសាខាធនាគារដោយបានធ្វើជាប្រធានធនាគារ Chase Manhattan ។

លោក Rockefeller បានបញ្ចប់ការសិក្សានៅឆ្នាំ ១៩៤០ និងទទួលបានសញ្ញាប័ត្របណ្ឌិតពីសាកលវិទ្យាល័យឈីកាហ្គោ ។ បន្ទាប់ពីគាត់បានបញ្ចប់ការសិក្សានៅក្នុងទីក្រុងឈីកាហ្គោគាត់បានក្លាយជាលេខាធិការរបស់អភិបាលក្រុងញូវយ៉កគឺលោក Fiorello La Guardia អស់រយៈពេលដប់ប្រាំបីខែនៅក្នុងតំណែងសេវាកម្មសាធារណៈ​ ។

ទោះបីជាអភិបាលក្រុងបានចង្អុលបង្ហាញដល់អ្នកសារព័ត៌មានថាលោក Rockefeller គឺជាអ្នកហាត់ការម្នាក់ក្នុងចំណោម ៦០ នាក់នៅក្នុងជួររដ្ឋាភិបាល ។ ចាប់ពីឆ្នាំ ១៩៤១ ដល់ឆ្នាំ ១៩៤២ លោក Rockefeller គឺជាជំនួយការប្រធានប្រចាំតំបន់នៃការិយាល័យការពារជាតិសុខភាព និងសុខុមាលភាពនៅសហរដ្ឋអាមេរិក ។

ហើយគាត់បានចុះឈ្មោះចូលបម្រើការងារនៅក្នុងជួរកងទ័ពរបស់សហរដ្ឋអាមេរិក និងបានចូលរៀននៅសាលាមន្រ្តីបេក្ខជននៅឆ្នាំ ១៩៤៣ ។ ក្នុងកំឡុងសង្គ្រាមលោកលើកទី ២ គាត់បានចូ​លបម្រើនៅអាហ្វ្រិកខាងជើង និងនៅប្រទេសបារាំងសម្រាប់ចារកម្មយោធាបង្កើតអង្គភាពស៊ើបការណ៍នយោបាយ និងសេដ្ឋកិច្ច ។ អស់រយៈពេល ៧ ខែក្រោយមកគាត់បានចូលបម្រើការជាជំនួយការយោធានៅស្ថានទូតអាមេរិកនៅក្នុងទីក្រុងប៉ារីស ។

ប្រភព៖ Phnom Penh HR

លោក Stelios Haji-loannou កើតនៅថ្ងៃទី ១៤ ខែ កុម្ភះ ឆ្នាំ ១៩៦៧ គាត់គឺជាសហគ្រិនជនជាតិអង់គ្លេសដែលមានដើមកំណើតមកពីប្រទេសក្រិក ។ គាត់គឺជាក្រុមគ្រួសារដែលមានទ្រព្យស្តុកស្តម្ភជាច្រើនហើយគាត់ត្រូវបានគេស្គាល់ថាជាអ្នកបង្កើតក្រុមហ៊ុន EasyJet ដែលជាក្រុមហ៊ុនអាកាសចរណ៍ ។ ក្រុមហ៊ុន EasyJet ត្រូវបានបង្កើតទ្បើងនៅក្នុងឆ្នាំ ១៩៩៥ ដែលបានចាប់ផ្តើមនៃការបណ្តាក់ទុនលើទីផ្សារដែលបានគ្រប់គ្រងដោយក្រុមហ៊ុន EasyGroup ដែលបានដឹកនាំដោយលោក Haji-Ioannou ។

គ្រួសារនិងការអប់រំ៖

លោក Stelios គឺជាកូនទី ២ ក្នុងចំណោមកូន ៣ នាក់របស់លោកស្រី Loucas និងលោក Nedi Haji-Ioannou ។ គាត់បានកើតនៅក្នុងទីក្រុងអាថែនប្រទេសក្រិក ។ លោក Stelios មានបងប្រុសច្បងម្នាក់ឈ្មោះ Polys និងប្អូនស្រីម្នាក់ Clelia ។ លោក Stelios បានបញ្ចប់ការសិក្សាថ្នាក់អនុវិទ្យាល័យនៅក្នុងទីក្រុងអាតែន ។

លោក Stelios បានបន្តសិក្សាផ្នែកសេដ្ឋកិច្ចនៅសាលាសេដ្ឋកិច្ចនៅក្នុងទីក្រុងឡុងដ៍ដោយបានបញ្ចប់ការសិក្សានៅផ្នែក BSc ក្នុងឆ្នាំ ១៩៨៧ ។ ហើយក្រោយមកគាត់បានទទួលសញ្ញាប័ត្របណ្ឌិតកិត្តិយសចំនួន ៤ ពីសាកលវិទ្យាល័យ Liverpool John Moores, សាលាពាណិជ្ជកម្ម Cass, សាលាពាណិជ្ជកម្ម Newcastle និងសាកលវិទ្យាល័យ Cranfield ។

អាជីពដំបូង៖

លោក Stelios បានចាប់ផ្តើមធ្វើការនៅឆ្នាំ ១៩៨៨ ដែលបានបង្កើតក្រុមហ៊ុនអាជីវកម្មដឹកជញ្ចូនដ៏ជោគជ័យរបស់ឪពុកគាត់គឺក្រុមហ៊ុន Troodos Shipping Co .។  នៅអាយុ ២៥ ឆ្នាំលោក Stelios បានទទួលប្រាក់ចំនួន ៣០ លានផោនពីឪពុករបស់គាត់ដែលគាត់បានចាប់ផ្តើមបង្កើតក្រុមហ៊ុនដឹកជញ្ចូនផ្ទាល់របស់គាត់ដែលមានឈ្មោះថា Stelmar Shipping ។ ក្នុងឆ្នាំ ២០០៥ ក្រុមហ៊ុនដឹកជញ្ចូន Stelmar Shippingត្រូវបានលក់ទៅឱ្យក្រុមហ៊ុន OSG Group ក្នុងតម្លៃប្រមាណ ១,៣ ពាន់លានដុល្លារ ។

ប្រភព៖ Phnom Pen HR

លោក Kumar Mangalam Birla កើតនៅថ្ងៃទី ១៤ ខែ មិថុនា ឆ្នាំ ១៩៦៧ ដែលជាម្ចាស់ឧស្សាហកម្មនៅប្រទេសឥណ្ឌា ។ គាត់គឺជាប្រធានក្រុមហ៊ុន Aditya Birla Group ដែលជាក្រុមហ៊ុនសាជីវកម្មដ៏ធំបំផុតមួយនៅក្នុងប្រទេសឥណ្ឌា ។

ជីវិតដំបូង និងការអប់រំ៖

លោក Kumar គឺជាសមាជិកជំនាន់ទីបួននៃក្រុមគ្រួសារ Birla មកពីរដ្ឋ Rajasthan ។ ហើយគាត់បានកើតនៅតំបន់ Kolkata និងធំទ្បើងនៅទីក្រុង Mumbai ។ គាត់បានបញ្ចប់សញ្ញាបត្រ B.Com ពីសកលវិទ្យាល័យ Bombay និងបរិញ្ញាបត្រជាន់ខ្ពស់ពីសាលាធុរកិច្ចនៅទីក្រុងឡុងដ៍  ។

អាជីព៖

លោក Kumar បានឡើងកាន់តំណែងជាប្រធានក្រុមហ៊ុន Aditya Birla Group ក្នុងឆ្នាំ ១៩៩៥ ក្នុងអាយុ ២៨ ឆ្នាំបន្ទាប់ពីមរណភាពរបស់ឪពុកគាត់ ។ ក្នុងអំឡុងពេលគាត់កាន់តំណែងជាប្រធានក្រុមហ៊ុនប្រាក់ចំណូលប្រចាំឆ្នាំរបស់ក្រុមហ៊ុនបានកើនឡើងពី ៣,៣៣ ពាន់លានដុល្លារអាមេរិកក្នុងឆ្នាំ ១៩៩៥ ដល់ ៤១ ពាន់លានដុល្លារនៅឆ្នាំ ២០១៥ ។

លោក Kumar បានទទួលពានរង្វាន់ជាច្រើនរួមមានពានរង្វាន់សម្រាប់នាយកប្រតិបត្តិឆ្នើមប្រចាំឆ្នាំរបស់សមាគមផ្សាយពាណិជ្ជកម្មអន្តរជាតិក្នុងឆ្នាំ ២០១៦ និងពានរង្វាន់ភាពជាអ្នកដឹកនាំសកលលោករបស់ក្រុមប្រឹក្សាធុរកិច្ចឥណ្ឌាក្នុងឆ្នាំ ២០១៤ និងពានរង្វាន់សេដ្ឋកិច្ច ពានរង្វាន់អ្នកដឹកនាំអាជីវកម្មក្នុងឆ្នាំ ២០០៣ និង ២០១៣ សម្រាប់ពានរង្វាន់ភាពជាអ្នកដឹកនាំ ពានរង្វាន់ឆ្នើមសម្រប់សហគ្រិនប្រចាំឆ្នាំ ២០១២ និងពានរង្វាន់ភាពជាអ្នកដឹកនាំអាជីវកម្មរកប្រាក់ចំណេញ NDTV ឆ្នាំ ២០១២។

លោក Kumar បានចូលរួមជាមួយស្ថានីយទូរទស្សន៍ CNBCTV18 IBLA ​ដែលជាកម្មវិធីសម្រាប់អ្នកដឹកនាំអាជីវកម្មដើម្បីដណ្តើមយកទៅក្រៅប្រទេសឆ្នាំ ២០១២  និងទូរទស្សន៍ CNN-IBN សម្រាប់ពានរង្វាន់ឥណ្ឌាប្រចាំឆ្នាំ ២០១០ JRD Tata ​សម្រាប់ពានរង្វាន់ភាពជាអ្នកដឹកនាំឆ្នាំ ២០០៨ និងទូរទស្សន៍ NDTV សម្រាប់អ្នកដឹកនាំពិភពលោកប្រចាំឆ្នាំ ២០០៧ ។ លោក Kumar គឺជាអធិការបតីនៃវិទ្យាស្ថានបច្ចេកវិទ្យា និងវិទ្យាសាស្ត្រ ។

លោក Kumar ក៏ជាប្រធាន IIT Delhi និងជាប្រធានគណៈកម្មាធិការអាហារូបករណ៍ Rhodes សំរាប់សាកលវិទ្យាល័យ Oxford ។ ហើយគាត់ក៏ធ្លាប់បានបម្រើការនៅក្នុងក្រុមប្រឹក្សាភិបាលសាលាអាស៊ីប៉ាស៊ីហ្វិកនៅសាលាពាណិជ្ជកម្មនៅក្នុងទីក្រុងឡុងដ៍ និងជាសមាជិកកិត្តិយសនៃសាលាពាណិជ្ជកម្មឡុងដ៍ផងដែរ ។

ប្រភព៖ Phnom Penh HR

លោក​ Ma Hong កើតនៅថ្ងៃទី ១៨ ខែ ឧសភា ឆ្នាំ ១៩២០ គាត់គឺជាអ្នកវិភាគផ្នែកសេដ្ឋកិច្ចដ៏ល្បីល្បាញរបស់ប្រទេសចិន និងជាអ្នកទទួលបន្ទុកចំពោះការធ្វើឱ្យមានការដំណើរការនូវសេដ្ឋកិច្ចទីផ្សារឡើងវិញនៅប្រទេសចិន ។ គាត់ក៏អ្នកផ្តល់ពិគ្រោះយោបល់ផ្នែកគោលនយោបាយ និងជាប្រធានក្រុមអ្នកផ្តល់យោបល់របស់រដ្ឋាភិបាលផងដែរ ។

ជីវិតដំបូង៖

លោក​ Ma Hong បានចូលរួមជាមួយអង្គការ Ximenghui ក្នុងឆ្នាំ ១៩៣៦ ដែលជាអង្គការតស៊ូប្រឆាំងនឹងជប៉ុន ។ នៅឆ្នាំបន្ទាប់គាត់បានចូលរួមនៅក្នុងការរៀបចំសម្ព័ន្ធពាណិជ្ជកម្មទូទៅនៅផ្លូវដែក Tongpu ហើយនៅក្នុងឆ្នាំដដែលនោះគាត់បានចូលរួមជាមួយបក្សកុម្មុយនីស្តចិន ។

នៅឆ្នាំ ១៩៣៨ គាត់បានទៅតំបន់យ៉ាន់អានដែលជារដ្ឋធានីកុម្មុយនិស្តដោយបានទទួលបានការកោតសសើរពីលោក Chen Yun ដែលជារដ្ឋមន្រ្តីក្រសួង ។ បន្ទាប់ពីគាត់បានបញ្ចប់ការសិក្សានៅឆ្នាំ ១៩៤១ លោក​ Ma Hong ត្រូវបានគេចាត់តាំងឱ្យធ្វើជាអ្នកស្រាវជ្រាវនៅវិទ្យាស្ថានស្រាវជ្រាវ CPC ដោយបង្កើតបានជាមូលដ្ឋានគ្រឹះនៃចំណេះដឹងផ្នែកសេដ្ឋកិច្ច ។

ហើយគាត់ត្រូវបានគេផ្ទេរការិយាល័យ CPC ដើម្បីធ្វើជាប្រធានការិយាល័យស្រាវជ្រាវផ្នែកគោលនយោបាយក្នុងឆ្នាំ ១៩៤៩ ។ តាមរយៈការស៊ើបអង្កេតរបស់គាត់បាននិយាយថា “រចនាសម្ព័ន្ធ និងគោលនយោបាយសេដ្ឋកិច្ច” ហើយវាត្រូវបានបែងចែកជា ៥ ផ្នែកហើយវិធីសាស្ត្រនេះត្រូវបានប្រើជាយូរមកហើយដោយរដ្ឋាភិបាលចិន ។

នៅឆ្នាំ ១៩៥២ លោក​ Ma Hong ត្រូវបានតំឡើងឋានៈជាអគ្គលេខាធិការនៃគណៈកម្មាធិការផែនការជាតិនៃរដ្ឋាភិបាលមជ្ឈិម ។លោក​ Ma Hong បានមកធ្វើការនៅក្នុងគណៈកម្មាធិការសេដ្ឋកិច្ចជាតិ និងបានចូលរួមក្នុងការធ្វើសេចក្តីព្រមព្រាងមួយដែលបានចែងថា “បទប្បញ្ញត្តិឧស្សាហកម្មចំនួន ៧០” ។ គាត់បានចងក្រងសៀវភៅពីបទប្បញ្ញត្តិ “ការគ្រប់គ្រងសហគ្រាសចិន” ដែលបានក្លាយជាត្រីវិស័យនៃការគ្រប់គ្រងឧស្សាហកម្មនាពេលនោះ ។

ក្នុងឆ្នាំ ១៩៧៨ អាជីពរបស់លោក​ Ma Hong បានស្ទុះងើបឡើងវិញហើយគាត់បានបង្កើតវិទ្យាស្ថានសេដ្ឋកិច្ចឧស្សាហកម្មដែលធ្វើឲ្យគាត់បានក្លាយជានាយកគ្រប់គ្រង ។ ហើយក្រោយមកគាត់បានក្លាយជាប្រធានបណ្ឌិត្យសភាវិទ្យាសាស្ត្រសង្គមចិន និងជាអគ្គលេខាធិការរងនៃអគ្គកុងស៊ុលរដ្ឋនៃសាធារណរដ្ឋប្រជាមានិតចិន ។

នៅឆ្នាំ ១៩៨៤ តាមយោបល់របស់លោក​ Ma Hong បានលើទ្បើងថា “ សញ្ញាណនៃសេដ្ឋកិច្ចពាណិជ្ជកម្មសង្គមនិយមត្រូវបានសរសេរទៅក្នុងបញ្ជីគោលលទ្ធិរបស់វិទ្យាស្ថានស្រាវជ្រាវ CPC ។លោក​ Ma Hong បានបង្កើតមជ្ឈមណ្ឌលស្រាវជ្រាវការអភិវឌ្ឍក្រុមប្រឹក្សារដ្ឋដែលជាកន្លែងដំបូងគេបង្អស់នៅក្នុងប្រទេសចិន ។

នៅក្នុងអាជីពរបស់គាត់បានព្រមានរដ្ឋាភិបាលអំពីអតិផរណាដែលជិតមកដល់ប៉ុន្តែរដ្ឋាភិបាលមិនអើពើនឹងដំបូន្មានរបស់គាត់ចំពោះផលប៉ះពាល់របស់វា ។ លោក​ Ma Hong បានបោះពុម្ពសៀវភៅជាង ១០ ក្បាលជាភាសាចិន​ដែលបានសរសេរអំពីយុទ្ធសាស្ត្រថ្មីនៃការអភិវឌ្ឍសេដ្ឋកិច្ចចិននឹងត្រូវបានបកប្រែ និងកែសម្រួលដោយលោកហ្វេងបូចាងនិងត្រូវបានបោះពុម្ពផ្សាយនៅក្នុងប្រទេសជប៉ុនក្នុងឆ្នាំ ១៩៨៥ ។ សំណេររបស់គាត់ត្រូវបានផ្សព្វផ្សាយជាសាធារណៈហើយនៅឆ្នាំ ២០០៥ ហើយគាត់បានឈ្នះពានរង្វាន់សេដ្ឋកិច្ចឆ្នើមផងដែរ ។ នៅថ្ងៃទី ២៨ ខែ តុលា ឆ្នាំ ២០០៧ គាត់បានទទួលមរណភាពដោយសារជំងឺ Parkinson ។

ប្រភព៖ Phnom Penh HR

លោក​ Samuel Robson “Rob” Walton កើតនៅថ្ងៃទី ២៨ ខែ តុលា ឆ្នាំ ១៩៤៤ គាត់គឺជាអ្នកជំនួញជនជាតិអាមេរិក និងជាកូនប្រុសច្បងរបស់លោកស្រី Helen Walton និងលោក Sam Walton ដែលជាស្ថាបនិករបស់ក្រុមហ៊ុន Walmart ដែលជាក្រុមហ៊ុនលក់ទំនិញដ៏ធំបំផុតនៅលើពិភពលោក ។ លោក​ Samuel បានបម្រើការជាប្រធានក្រុមហ៊ុន Walmart ពីឆ្នាំ ១៩៩២ ដល់ឆ្នាំ ២០១៥ ។ នៅក្នុងខែ តុលា ឆ្នាំ ២០១២ គាត់ត្រូវបានចុះនៅក្នុងបញ្ជីឈ្មោះមហាសេដ្ឋីពិភពលោកដែលជាអ្នកមានជាងគេបំផុតនៅលំដាប់ទី ១១ នៅលើពិភពលោក ។

ជីវិតដំបូង៖

លោក​ Samuel Robson ធំទ្បើងនៅទីក្រុង Tulsa រដ្ឋ Oklahoma ដែលជាកូនច្បងក្នុងចំណោមកូនទាំង ៤ របស់លោកស្រី Helen Walton និងលោក Sam Walton ដែលជាស្ថាបនិករបស់ក្រុមហ៊ុន Walmart ។ គាត់មានប្អូនប្រុសឈ្មោះ Jim Walton និងប្អូនស្រីម្នាក់ឈ្មោះ Alice Walton ។ ហើយបងប្រុសម្នាក់ទៀតឈ្មោះ John Walton បានស្លាប់នៅឆ្នាំ ២០០៥ ។

លោក​ Samuel បានចូលរៀននៅមហាវិទ្យាល័យ Wooster និងបានបញ្ចប់ការសិក្សាពីសាកលវិទ្យាល័យ Arkansas ក្នុងឆ្នាំ ១៩៦៦ ដោយទទួលបានបរិញ្ញាបត្រវិទ្យាសាស្ត្រផ្នែករដ្ឋបាលពាណិជ្ជកម្ម ។ ហើយនៅទីនោះគាត់ក៏ជាសមាជិកម្នាក់នៃភាតរភាពរបស់ក្រុម Lambda Chi Alpha ផងដែរ ។ គាត់ទទួលបានសញ្ញាប័ត្របណ្ឌិតនៅឆ្នាំ ១៩៦៩ ពីសាលាច្បាប់នៃសាកលវិទ្យាល័យកូឡុំបៀ ។ ហើយគាត់ក៏ជាអ្នកទទួលបន្ទុកនៅមហាវិទ្យាល័យ Wooster ផងដែរ ។ បន្ទាប់ពីគាត់បានបញ្ចប់ការសិក្សាគាត់បានក្លាយជាសមាជិកម្នាក់របស់ក្រុមហ៊ុនច្បាប់ដែលតំណាងឱ្យក្រុមហ៊ុន Wal-Mart និងក្រុមហ៊ុន Conner & Winters នៅទីក្រុង Tulsa រដ្ឋ Oklahoma ។

នៅឆ្នាំ ១៩៧៨ លោក​ Samuel បានចាកចេញពីទីក្រុង Tulsa ដើម្បីចូលរួមជាមួយក្រុមហ៊ុន Wal-Mart ដែលជាអនុប្រធានជាន់ខ្ពស់ហើយនៅឆ្នាំ ១៩៨២ គាត់ត្រូវបានតែងតាំងជាអនុប្រធាននៅក្នុងក្រុមហ៊ុន ។ ហើយក្រោយមកគាត់ត្រូវបានគេតែងតាំងជាប្រធានក្រុមប្រឹក្សាភិបាលនៅថ្ងៃទី ៧ ខែ មេសា ឆ្នាំ ១៩៩២ បន្ទាប់ពីរថ្ងៃបន្ទាប់ពីឪពុកគាត់បានទទួលមរណភាព ។

លោក​ Samuel ត្រូវបានជាប់ចំណាត់ថ្នាក់លេខ ១៧ នៅក្នុងបញ្ជីឈ្មោះមហាសេដ្ឋីពិភពលោកដោយទស្សនាវដ្តី Forbes ក្នុងឆ្នាំ ២០១៣ ដោយមានទ្រព្យសម្បត្តិសរុប ២៦,១ ពាន់លានដុល្លារ ។ នេះបើយោងតាមរយះបញ្ជីឈ្មោះរបស់ Forbes ៤០០ ក្នុងឆ្នាំ ២០១៣ ដែលជាអ្នកមានជាងគេបំផុតនៅសហរដ្ឋអាមេរិក ។

ប្រភព៖ Phnom Penh HR

លោក William Ellwood Heinecke កើតនៅឆ្នាំ ១៩៤៩ ដែលជាអ្នកជំនួញ ។ គាត់គឺជានាយកប្រតិបត្តិនៃក្រុមហ៊ុន Minor International និងជាប្រធានក្រុមហ៊ុន Minor Food Team ។

ជីវប្រវត្តិ៖

លោក Heinecke បានផ្ទេរទៅរស់នៅទីក្រុងបាងកកនៅឆ្នាំ ១៩៦៣ ក្នុងអាយុ ១៤ ឆ្នាំជាមួយសមាជិកគ្រួសាររបស់គាត់ដោយធ្លាប់បានស្នាក់នៅប្រទេសជប៉ុន ហុងកុង និងម៉ាឡេស៊ី​ ។ នៅអាយុ ១៧ ឆ្នាំខណៈពេលដែលគាត់ជាសិស្សនៅអនុវិទ្យាល័យគាត់បានជំនួសតំណែងអ្នកគ្រប់គ្រងផ្នែកទីផ្សាររបស់ Bangkok Globe ។

មួយឆ្នាំក្រោយមកគាត់បានចាប់ផ្តើមបង្កើតក្រុមហ៊ុនអ៊ីនធឺណេតអាស៊ានដែលជាក្រុមហ៊ុនផ្សាយពាណិជ្ជកម្មវិទ្យុ និងទីផ្សារដោយរកប្រាក់បាន ១២០០ ដុល្លារ ។ ហើយក្រោយមកគាត់បានចាប់ផ្តើមបង្កើតទីផ្សារនៅក្នុងតំបន់អាស៊ីដល់ Ogilvy & Mather ។ ក្នុងឆ្នាំ ១៩៦៧ លោក Heinecke បានចាប់ផ្តើមបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Minor Holdings ក្នុងរយៈពេល ៤ ឆ្នាំខាងមុខហើយវាបានប្រែក្លាយទៅជាក្រុមហ៊ុនធំៗ ជាង ៣០ ផ្សេងទៀត ។

លោក Heinecke បានបណ្តាក់ទុនលើអាជីពជំនួញដំបូងរបស់គាត់នៅឆ្នាំ ១៩៧៨ នៅសណ្ឋាគារ Royal Yard នៅទីក្រុង Pattaya ។ ហើយការបណ្តាក់ទុនលើអង្គភាពរបស់គាត់ពិតជាមានភ្នាក់ងារផ្សាយពាណិជ្ជកម្មក៏ដូចជាភ្នាក់ងារផ្សេងៗទៀតនៅក្នុងទីក្រុងបាងកក ហួហ៊ីន ភូកេត ឈៀង​ម៉ៃ ឈៀងរ៉ៃ ។ ដូចគ្នានេះដែរគាត់បានបង្ហាញនូវប្រភេទអាហារបែបអាមេរិកដល់ប្រជាជនថៃនៅចុងទសវត្សឆ្នាំ ១៩៧០ និងក៏មានម៉ាកយីហោ Mister Donut ក្រុមហ៊ុនភីហ្សាក៏ដូចជាហាំប៊ឺហ្គឺឃីងផងដែរ ។

លោក Heinecke បានចូលជាសញ្ជាតិថៃក្នុងឆ្នាំ ១៩៩១ ។ គាត់គឺជាប្រធានសភាពាណិជ្ជកម្មអាមេរិកនៅប្រទេសថៃ ​និងជាប្រធានក្រុមប្រឹក្សាប្រឹក្សាវិនិយោគហិរញ្ញវត្ថុបរទេសរបស់រដ្ឋផងដែរ ។ គាត់គឺជាអ្នកតស៊ូមតិរបស់មជ្ឈមណ្ឌលដំរីថៃ និងជាអ្នកនិពន្ធម្ចាស់អាជីវកម្មផងដែរ ។

ប្រភព៖ Phnom Penh HR

លោក​ Kris Gopalakrishnan គឺជាអនុប្រធាន និងជាអតីតសហប្រធាននៃក្រុមហ៊ុន Infosys ដែលជាក្រុមហ៊ុនផ្តល់ប្រឹក្សា និងព័ត៌មានវិទ្យានៅទូទាំងពិភពលោកដែលមានមូលដ្ឋាននៅប្រទេសឥណ្ឌា ។ គាត់ត្រូវបានគេបោះឆ្នោតជ្រើសរើសជាប្រធានសភាផ្នែកឧស្សាហកម្មរបស់ប្រទេសឥណ្ឌាសម្រាប់ឆ្នាំ ២០១៣-១៤ ។

លោក Kris Gopalakrishnan កើតនៅថ្ងៃទី ០៥ ខែ មេសា ឆ្នាំ ១៩៥៥ ។ គាត់ទទួលបានសញ្ញាប័ត្រ M.Sc. ផ្នែករូបវិទ្យា នៅឆ្នាំ ១៩៧៧ និង M.Tech ។ ហើយគាត់បានចាប់ផ្តើមអាជីពរបស់គាត់ជាវិស្វករផ្នែក software ជាមួយក្រុមហ៊ុន Patni កុំព្យូទ័រនៅទីក្រុងបុមបៃក្នុងឆ្នាំ ១៩៧៩ ។

អាជីព៖

នៅឆ្នាំ ១៩៨១ លោក​ Kris Gopalakrishnan បានបង្កើតក្រុមហ៊ុន Infosys ដែលបានសហការជាមួយសហគ្រិន ៦ នាក់ផ្សេងទៀត ។ ឆ្នាំដំបូងរបស់គាត់នៅក្នុងក្រុមហ៊ុន Infosys រួមមានការគ្រប់គ្រង ការរចនា ការអភិវឌ្ឍន៍ ការអនុវត្ត និងគាំទ្រប្រព័ន្ធព័ត៌មានសំរាប់អតិថិជននៅក្នុងឧស្សាហកម្មផលិតផលសម្រាប់អតិថិជន ។

នៅឆ្នាំ ២០០៧ លោក Kris បានក្លាយជានាយកប្រតិបត្តិ និងជានាយកគ្រប់គ្រងក្រុមហ៊ុន Infosys Technologies លីមីតធីត​ និងក្រុមហ៊ុន Nandan Nilekani ។ នៅក្នុងអំឡុងពេលដែលគាត់បានកាន់តំណែង ៤ ឆ្នាំនៅក្នុងក្រុមហ៊ុន Infosys ភាគហ៊ុនបានកើនទ្បើងទ្វេដងដល់ ៦ ពាន់លានដុល្លារ ។

គាត់ក៏ធ្លាប់បានបម្រើការជាប្រធានផ្នែកប្រតិបត្តិការនៅក្នុងក្រុមហ៊ុនចាប់តាំងពីខែ មេសា ឆ្នាំ ២០០២ និងជាប្រធាន និងនាយកគ្រប់គ្រងរួមចាប់តាំងពីខែ សីហា ឆ្នាំ ២០០៦ ។ ទំនួលខុសត្រូវរបស់គាត់រួមមានសេវាកម្មសម្រាប់អតិថិជន បច្ចេកវិទ្យាវិនិយោគ និងការទិញយក ។

នៅខែ សីហា ឆ្នាំ ២០១១ លោក Kris បានប្រគល់ការទទួលខុសត្រូវរបស់គាត់ដែលជានាយកប្រតិបត្តិ និងជា MD ដល់សហសេវិករបស់គាត់នឹងសហស្ថាបនិកម្នាក់ទៀតនៅក្នុងក្រុមហ៊ុន Infosys គឺលោក S D Shibulal ។ ក្រោយមកគាត់ត្រូវបានតែងតាំងជាអនុប្រធានប្រតិបត្តិនៃក្រុមប្រឹក្សាភិបាលរបស់ក្រុមហ៊ុន Infosys ។ លោក Kris បានបម្រើការជាអនុប្រធានប្រតិបត្តិនៃក្រុមប្រឹក្សាភិបាលរបស់ក្រុមហ៊ុន Infosys ចាប់ពីថ្ងៃទី ១៤ ខែ មិថុនា រហូតដល់ថ្ងៃទី ១០ ខែ តុលា ឆ្នាំ ២០១៤ ។

ប្រភព៖ Phnom Penh HR

លោក Mohammed Hussein AI Amoudi គឺជាមហាសេដ្ឋីជំនញអារ៉ាប៊ីសាអូឌីត ។ ក្នុងឆ្នាំ ២០១៦ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់លោក Mohammed មានចំនួន ១០,៩ ពាន់លានដុល្លារ ។ ហើយគាត់ត្រូវបានគេបញ្ចូលឈ្មោះរបស់គាត់ទៅក្នុងបញ្ជីឈ្មោះរបស់មហាសេដ្ឋីពិភពលោកដែលជាមនុស្សមា្នក់មានឥទ្ធិពលជាងគេបំផុតនៅប្រទេសអេត្យូពី។

លោក Mohammed គឺជាពលរដ្ឋអារ៉ាប់ប៊ីសាអូឌីតដែលជាអ្នកមានជាងគេបំផុតនៅលំដាប់ទី ២ នៅលើពិភពលោក ។ គាត់បានបង្កើតទ្រព្យសម្បត្តិរបស់គាត់នៅក្នុងវិស័យសំណង់ និងអចលនទ្រព្យមុនពេលឈានដល់ការទិញរោងចក្រចម្រាញ់ប្រេងនៅក្នុងប្រទេសស៊ុយអែត ។ គាត់គឺជាវិនិយោគិនបរទេសដ៏ធំបំផុតនៅក្នុងប្រទេសអេត្យូពី និងជាអ្នកវិនិយោគដ៏ធំមួយនៅក្នុងប្រទេសស៊ុយអែតផងដែរ ។

សកម្មភាពអាជីវកម្ម៖

លោក Mohammed បានកាន់កាប់ផលប័ត្រនៃក្រុមហ៊ុនអាជីវកម្មនៅក្នុងវិស័យសំណង់ ថាមពល កសិកម្ម រ៉ែសណ្ឋាគារ សុខភាព និងផលិតកម្មផ្សេងៗទៀត ។ ក្រុមហ៊ុនអាជីវកម្មរបស់គាត់ភាគច្រើនជាក្រុមហ៊ុនគ្រប់គ្រង​ និងប្រតិបត្តិការធំៗចំនួនពីរគឺក្រុមហ៊ុន Corral Petroleum Holdings និងក្រុមហ៊ុន MIDROC ដែលជាកម្មសិទ្ធិរបសគាត់ ។ ហើយគាត់មានបុគ្គលិកជាង ៧ ម៉ឺននាក់ដែលបានបំរើការនៅក្នុងក្រុមហ៊ុនទាំងនេះ ។

ក្រៅពីក្រុមហ៊ុនអាជីវកម្មរបស់គាត់នៅក្នុងប្រទេសអេត្យូពីគាត់ក៏ជាម្ចាស់រោងចក្រចម្រាញ់ប្រេងនៅក្នុងប្រទេស Morocco និងប្រទេសស៊ុយអែតដោយបានចូលរួមក្នុងការរុករករ៉ែ និងផលិតថាមពលនៅអាហ្វ្រិកខាងលិច និងកន្លែងផ្សេងទៀត ។ លោក Mohammed បានសន្យាថានឹងផ្តល់ប្រាក់ចំនួន ២៧៥ លានដុល្លារអាមេរិកជាមួយវិនិយោគិនអារ៉ាប៊ីសាអូឌីត និងអ្នកវិ​និយោគកូរ៉េខាងត្បូងតាមរយៈក្រុមហ៊ុន MIDROC ដើម្បីផ្តល់ហិរញ្ញប្បទានដើម្បីបង្កើតរោងចក្ររថយន្តនៅប្រទេសអារ៉ាប៊ីសាអូឌីតដែលត្រូវបានគេហៅថា Gazal-1 នៅក្នុងគម្រោងដែលបានផ្តួចផ្តើមដោយសាកលវិទ្យាល័យ King Saud ។​

នៅខែ កញ្ញា ឆ្នាំ ២០១១ លោក Mohammed បានប្រកាសថាគាត់គ្រោងនឹងវិនិយោគទឹកប្រាក់ចំនួន ១.០៧ កោដិដុល្លារអាមេរិកសម្រាប់គម្រោងឧស្សាហកម្មធំៗចំនួនពីរគឺនៅអារ៉ាប៊ីសាអូឌីត និងនៅ Ras Al Khair និងនៅក្នុងទីក្រុង Jubail ។លោក Mohammed ត្រូវបានគេស្គាល់ថាជាអ្នកគ្រប់គ្រងក្រុមហ៊ុន MIDROC បានឈ្នះកិច្ចសន្យាក្នុងការសាងសង់កន្លែងស្តុកប្រេងក្រោមដីប្រមាណ ៣០ ពាន់លានដុល្លារនៅអារ៉ាប់ប៊ីសាអូឌីតក្នុងឆ្នាំ ១៩៨៨ ។

ការវិនិយោគ៖

លោក Mohammed បានវិនិយោគនៅប្រទេសអេត្យូពីចាប់តាំងពីពាក់កណ្តាលទសវត្សឆ្នាំ ១៩៨០ ។ ឥឡូវគាត់មានចំណាប់អារម្មណ៍ខាងជំនួញនៅទីនោះដែលភាគច្រើនដំណើរការតាមរយៈក្រុមហ៊ុន MIDROC នៅក្នុងប្រទេសអេត្យូពីដែលត្រូវបានបង្កើតឡើងក្នុងឆ្នាំ ១៩៩៤ ។ ក្នុងឆ្នាំ ២០១១ លោក Mohammed រកចំណូលបានប្រហែលជាង ១,៣ កោដិដុល្លារ  (៧០ លានដុល្លារអាមេរិក) ។

ទ្រព្យសម្បត្តិ៖ Mohammed Al-Amoudi

មហាសេដ្ឋីអារ៉ាប់ប៊ីសាអូឌីត និងជាមហាសេដ្ឋីអេត្យូពីគឺលោក Mohammed Al-Amoudi មានទ្រព្យសម្បត្តិសរុបប្រមាណ ៨,៣៣ ពាន់លានដុល្លារគិតត្រឹមពីខែ មករា ឆ្នាំ ២០១៨ ។ ក្រុមហ៊ុនសំណង់របស់គាត់ឈ្មោះ Midroc បានចុះកិច្ចសន្យាសាងសង់កន្លែងស្តុកប្រេងនៅក្រោមដីទូទាំងប្រទេសអារ៉ាប៊ីសាអូឌីតក្នុងឆ្នាំ ១៩៨៨ ។ លោក Mohammed គឺជាមហាសេដ្ឋីស្បែកខ្មៅដែលជាមនុស្សម្នាក់មានឥទ្ធិពលជាងគេបំផុតនៅលើពិភពលោក ។ គាត់បានវិនិយោគនៅប្រទេសអេត្យូពីចាប់តាំងពីចុងទសវត្សឆ្នាំ ១៩៨០ ។

ប្រភព៖ Phnom Penh HR

លោក Li Hejun កើតនៅឆ្នាំ ១៩៦៧ គាត់គឺជាអ្នកជំនួញជនជាតិចិន និងជាប្រធានក្រុមហ៊ុន Hanergy ។ គាត់បានបញ្ចប់ការសិក្សាពីសាកលវិទ្យាល័យ Beijing Jiaotong ក្នុងឆ្នាំ ១៩៨៨ ដោយទទួលបានបរិញ្ញាបត្រវិទ្យាសាស្ត្រវិស្វកម្មមេកានិក ។ ហើយគាត់បានបន្តការសិក្សាថ្នាក់បណ្ឌិតនៅសាកលវិទ្យាល័យ Cambridge និងសាកលវិទ្យាល័យម៉ាក្រូសេដ្ឋកិច្ចចាប់ពីឆ្នាំ ២០០២ ។

បច្ចុប្បន្នលោក Hejun បានបម្រើការជាអនុប្រធានសហព័ន្ធឧស្សាហកម្ម និងពាណិជ្ជកម្មចិន (ACFIC) និងជាប្រតិភូនៃសន្និសីទពិគ្រោះយោបល់នយោបាយប្រជាជនចិន (CPPCC) និងជាប្រធានសភាពាណិជ្ជកម្មថាមពល (CNECC) និងជាប្រធានក្រុមប្រឹក្សាភិបាល និងជានាយកប្រតិបត្តិនៃក្រុមហ៊ុន Hanergy Holding Group ។

លោក Hejun ត្រូវបានចាត់ថ្នាក់ដោយទស្សនាវដ្តី New Fortune ថាជាអ្នកមានបំផុតនៅប្រទេសចិនក្នុងឆ្នាំ ២០១៤ និង ២០១៥ ជាមួយនឹងទ្រព្យសម្បត្តិផ្ទាល់ខ្លួនប្រមាណជាង ១៣,៤ ពាន់លានដុល្លារ និង ២៥,៥ ពាន់លានដុល្លារ ។ ក្នុងឆ្នាំ ២០១៥ គាត់ត្រូវបានចាត់ថ្នាក់ថាជាអ្នកមានបំផុតរបស់ប្រទេសចិនដោយរបាយការណ៍ Hurun ជាមួយនឹងទឹកប្រាក់ ២៤,៦ ពាន់លានដុល្លារ ។

ក្នុងឆ្នាំ ១៩៩១ លោក Hejun បានចាប់ផ្តើមបង្កើតក្រុមហ៊ុន Hanergy ជាមួយនឹងទឹកប្រាក់ ៥ ម៉ឺនយ័ន (ប្រមាណ ៨,០០០ ដុល្លារអាមេរិក) ដែលបានខ្ចីពីលោកគ្រូរបស់គាត់នៅមហាវិទ្យាល័យ ។ បន្ទាប់ពី ២០ ឆ្នាំក្រោយមកក្រុមហ៊ុន Hanergy បានក្លាយជាសហគ្រាសវារីអគ្គិសនីដ៏ធំជាងគេបំផុតនៅលើពិភពលោកហើយក៏ជាសហគ្រាសផលិតពន្លឺព្រះអាទិត្យដែលធំជាងគេបំផុតផងដែរ​ ។ ក្នុងរយៈពេល ២០ ឆ្នាំនៃភាពជាសហគ្រិនគាត់បានបង្កើតអព្ភូតហេតុពីរនៃរង្វង់ជំនួញរបស់គាត់នៅក្នុងប្រទេសចិន។

រឿងទីមួយគឺគាត់បានដឹកនាំក្រុមការងារដែលមានសមាជិកជាង ១០,០០០ នាក់ដើម្បីសាងសង់ស្ថានីយ៍វារីអគ្គិសនី 3GW ដែលជាស្ថានីយ៍ឯកជននឹងវារីអគ្គិសនីជីនចូវ និងស្ថានីយ៍វារីអគ្គិសនីស្ថិតនៅលើដងទន្លេជីនសាក្នុងខេត្តយូណាននៃប្រទេសចិនដែលមានកំពស់ជាង ២០០០ ម៉ែត្រ ។ វាត្រូវចំណាយរយះពេលដប់ឆ្នាំ ២០០២-២០១១ និងត្រូវចំណាយប្រាក់អស់ច្រើនជាង ២០ ពាន់លានយ័ន (៣,៥ ពាន់លានដុល្លារ) ។ ស្ថានីយ៍វារីអគ្គីសនីជីនក្វាគឺជាស្ថានីយ៍វារីអគ្គិសនីឯកជនដ៏ធំជាងគេបំផុតនៅលើពិភពលោកដែលធំជាងនៅទំនប់វារីអគ្គីសនីហ្គូចូរបស់ប្រទេសចិន ១០ ភាគរយ និងធំជាងទំនប់វារីអគ្គីសនី Hoover Dam របស់សហរដ្ឋអាមេរិកជាង ៣០ ភាគរយទៅទៀត ។

អព្ភូតហេតុទី ២ គឺថាគាត់បានដឹកនាំក្រុមហ៊ុន Hanergy ធ្វើឱ្យមានការផ្លាស់ប្តូរយុទ្ធសាស្ត្រ និងការធ្វើឱ្យប្រសើរឡើងនូវឧស្សាហកម្មចាប់ពីឆ្នាំ ២០១០ ។ ចាប់ពីឆ្នាំ ២០១០ ដល់ឆ្នាំ ២០១៥ លោក Hejun បានដឹកនាំក្រុមហ៊ុន Hanergy ឲ្យចូលក្នុងឧស្សាហកម្មពន្លឺព្រះអាទិត្យដែលមិនត្រូវបានគេមើលឃើញថាជាការវិនិយោគដ៏ជោគជ័យនៅគ្រានោះទេ ។ ការផ្លាស់ប្តូរយុទ្ធសាស្ត្ររបស់ក្រុមហ៊ុន Hanergy បានចំណាយរយះពេល ៦ ឆ្នាំដោយការវិនិយោគសរុបជាង ៥០ ពាន់លានយន់ ។ ខណៈពេលដែលបង្កើតអព្ភូតហេតុពីរនៅក្នុងប្រវត្តិសាស្ត្រសេដ្ឋកិច្ចចិនគាត់បានធ្វើការវិនិច្ឆ័យទៅលើយុទ្ធសាស្ត្រដ៏សំខាន់មួយដែលបាននិយាយថាការបត់បែនគឺជាអនាគតនៃឧស្សាហកម្មពន្លឺព្រះអាទិត្យ ។

ឧស្សាហកម្មពន្លឺព្រះអាទិត្យកំពុងធ្វើបដិវត្តឧស្សាហកម្មថ្មីនៃការផលិត និងការប្រើប្រាស់ថាមពលហើយបដិវត្តឧស្សាហកម្មនាពេលខាងមុខនេះគឺមានអត្ថន័យជ្រាលជ្រៅដូចអ៊ីនធឺណេតផងដែរ ។ ថាមពលពន្លឺព្រះអាទិត្យកំពុងបង្ហាញយើងអំពីយុគសម័យថាមពលចល័តដែលយើងអាចបង្កើត និងប្រើប្រាស់ថាមពលតាមរបៀបចល័តដូចជាយើងប្រើអ៊ិនធឺណិត និងទូរស័ព្ទចល័ត ។

លោក Li Hejun គឺជាអ្នកតស៊ូមតិបដិវត្តថាមពលថ្មី ។ ហើយក្រុមហ៊ុនរបស់គាត់បានប្តេជ្ញាចិត្តថានឹង “ផ្លាស់ប្តូរពិភពលោកដោយថាមពលស្អាត” ។ ក្នុងឆ្នាំ ២០១១ គាត់បានលើកឡើងពីគំនិតរបស់អ្នកប្រើប្រាស់ “បង្កើតថាមពលសម្រាប់ការប្រើប្រាស់ផ្ទាល់ខ្លួន និងការលក់លើសតម្រូវការរបស់ខ្លួន” ។ ទស្សនៈនេះត្រូវបានបញ្ជាក់ដោយរដ្ឋាភិបាលចិន និងបានអនុម័តជាគោលនយោបាយជាតិដោយបានផ្លាស់ប្តូរទេសភាពនៃវិស័យថាមពលចិន ។

នៅឆ្នាំ ២០១៤ លោក Hejun បានលើកឡើងពីគំនិតថាមពលចល័តជាលើកដំបូងនៅលើពិភពលោកដែលត្រូវបានវាយតម្លៃខ្ពស់ និងទទួលស្គាល់ដោយឧស្សាហកម្មថាមពលនឹងលើសពីនេះ ។ ហើយគាត់បានលើកឡើងថា “បច្ចេកវិទ្យាពន្លឺព្រះអាទិត្យដែលមានប្រសិទ្ធភាពខ្ព​ស់ និងអាចបត់បែនបានដែលអាចឱ្យយើងជាមនុស្សរស់នៅដោយមិនមានរបៀបប្រើប្រាស់ថាមពលផូស៊ីលភាគច្រើនដោយការដុតជំនួសមនុស្សគ្រប់គ្នាសូម្បីតែវត្ថុក៏អាចបង្កើតថាមពលបានដែរហើយសង្គមមនុស្សនឹងឈានចូលយុគសម័យមួយផ្សេងទៀត ។ ហើយវាត្រូវបានកំណត់លក្ខណៈដោយការបង្កើតថាមពលចែកចាយ ។

នៅខែ វិច្ឆិកា ឆ្នាំ ២០១៣ លោក Hejun បានបោះពុម្ពសៀវភៅដំបូងរបស់គាត់គឺបដិវត្តថាមពល​ថ្មី៖ អំណាចដើម្បីផ្លាស់ប្តូរប្រទេសចិននឹងពិភពលោក ។ សៀវភៅនេះសង្កត់ធ្ងន់ពីធម្មជាតិនៃបដិវត្តឧស្សាហកម្មដែលបានបង្ហាញពីបដិវត្តថាមពល ។ នៅពេលអនាគតមានប្រកួតប្រជែងសម្រាប់ថាមពលនឹងមិនមែនសម្រាប់ធនធានប៉ុណ្ណោះទេប៉ុន្តែវាគឺជាបច្ចេកវិទ្យាស្នូល ។ ក្នុងកំឡុងពេលនេះសៀវភៅនេះបានអះអាងជាលក្ខណៈប្រព័ន្ធថា “ការរួមបញ្ចូលគ្នារវាងថាមពល និងអ៊ិនធរណេតនឹងនាំឱ្យមានបដិវត្តឧស្សាហកម្មទី ៣ ” នៅលើពិភពលោក ។

ចក្ខុវិស័យលើយុទ្ធសាស្រ្តសម្រាប់ការស៊ូទ្រាំនឹងការតស៊ូរយៈពេលដប់ឆ្នាំដ៏លំបាករបស់គាត់ និងការលះបង់ចំពោះក្តីសុបិន្តរបស់គាត់ត្រូវបានគេទទួលស្គាល់ជាទូទៅថាជាសហគ្រិនជនជាតិចិនម្នាក់ដែលមានភាពជាសហគ្រិនដែលគួរឱ្យគោរពបំផុត ។ ហើយគាត់ក៏បានចាប់ផ្តើមកម្មវិធីសប្បុរសធម៌ជាច្រើនផងដែរក្នុងនាមជាអ្នកឧបត្ថម្ភបឋមនឹងជានាយកប្រតិបត្តិដំបូងនៃមូលនិធិក្រហមរបស់ប្រទេសចិនជាពិសេសសម្រាប់ការការពារ និងព្យាបាលជំងឺអេដស៍នៅប្រទេសចិន ។ លោកលីបានចូលរួមវិភាគទានយ៉ាងជ្រាលជ្រៅដល់កម្មវិធីប្រឆាំងនឹងជំងឺអេដស៍ និងការអប់រំដើម្បីប្រឆាំងនឹងជំងឺអេដស៍ផងដែរ ។

ទ្រព្យសម្បត្តិ៖ Li Hejun

លោក Li Hejun គឺជាអ្នកជំនួញជនជាតិចិនដែលមានទ្រព្យសម្បត្តិសរុប ១៣,៣ ពាន់លានដុល្លារ ។ ក្នុងឆ្នាំ ២០១៤ ឈ្មោះរបស់គាត់ត្រូវបានគេចាត់ចូលទៅក្នុងបញ្ជីរបស់មហាសេដ្ឋីពិភពលោកដែលត្រូវបានដឹងថាជាអ្នកមានជាងគេនៅក្នុងប្រទេសចិន ។ លោក Hejun គឺជាប្រធានក្រុមហ៊ុន Hanergy Holding Group ដែលជាក្រុមហ៊ុនផលិតបន្ទះស្រូបពន្លឺព្រះអាទិត្យ និងឧបករណ៍ដែលធំជាងគេបំផុតនៅលើពិភពលោក ។ ហើយគាត់ក៏ជាម្ចាស់រោងចក្រថាមពលវារីអគ្គីសនីធំជាងគេបំផុតនៅលើពិភពលោកដែលមានទីតាំងនៅភាគខាងលិចប្រទេសចិន ។

ប្រភព៖​ Phnom Penh HR

លោក Li Hejun កើតនៅឆ្នាំ ១៩៦៧ គាត់គឺជាអ្នកជំនួញជនជាតិចិន និងជាប្រធានក្រុមហ៊ុន Hanergy ។ គាត់បានបញ្ចប់ការសិក្សាពីសាកលវិទ្យាល័យ Beijing Jiaotong ក្នុងឆ្នាំ ១៩៨៨ ដោយទទួលបានបរិញ្ញាបត្រវិទ្យាសាស្ត្រវិស្វកម្មមេកានិក ។ ហើយគាត់បានបន្តការសិក្សាថ្នាក់បណ្ឌិតនៅសាកលវិទ្យាល័យ Cambridge និងសាកលវិទ្យាល័យម៉ាក្រូសេដ្ឋកិច្ចចាប់ពីឆ្នាំ ២០០២ ។

បច្ចុប្បន្នលោក Hejun បានបម្រើការជាអនុប្រធានសហព័ន្ធឧស្សាហកម្ម និងពាណិជ្ជកម្មចិន (ACFIC) និងជាប្រតិភូនៃសន្និសីទពិគ្រោះយោបល់នយោបាយប្រជាជនចិន (CPPCC) និងជាប្រធានសភាពាណិជ្ជកម្មថាមពល (CNECC) និងជាប្រធានក្រុមប្រឹក្សាភិបាល និងជានាយកប្រតិបត្តិនៃក្រុមហ៊ុន Hanergy Holding Group ។

លោក Hejun ត្រូវបានចាត់ថ្នាក់ដោយទស្សនាវដ្តី New Fortune ថាជាអ្នកមានបំផុតនៅប្រទេសចិនក្នុងឆ្នាំ ២០១៤ និង ២០១៥ ជាមួយនឹងទ្រព្យសម្បត្តិផ្ទាល់ខ្លួនប្រមាណជាង ១៣,៤ ពាន់លានដុល្លារ និង ២៥,៥ ពាន់លានដុល្លារ ។ ក្នុងឆ្នាំ ២០១៥ គាត់ត្រូវបានចាត់ថ្នាក់ថាជាអ្នកមានបំផុតរបស់ប្រទេសចិនដោយរបាយការណ៍ Hurun ជាមួយនឹងទឹកប្រាក់ ២៤,៦ ពាន់លានដុល្លារ ។

ក្នុងឆ្នាំ ១៩៩១ លោក Hejun បានចាប់ផ្តើមបង្កើតក្រុមហ៊ុន Hanergy ជាមួយនឹងទឹកប្រាក់ ៥ ម៉ឺនយ័ន (ប្រមាណ ៨,០០០ ដុល្លារអាមេរិក) ដែលបានខ្ចីពីលោកគ្រូរបស់គាត់នៅមហាវិទ្យាល័យ ។ បន្ទាប់ពី ២០ ឆ្នាំក្រោយមកក្រុមហ៊ុន Hanergy បានក្លាយជាសហគ្រាសវារីអគ្គិសនីដ៏ធំជាងគេបំផុតនៅលើពិភពលោកហើយក៏ជាសហគ្រាសផលិតពន្លឺព្រះអាទិត្យដែលធំជាងគេបំផុតផងដែរ​ ។ ក្នុងរយៈពេល ២០ ឆ្នាំនៃភាពជាសហគ្រិនគាត់បានបង្កើតអព្ភូតហេតុពីរនៃរង្វង់ជំនួញរបស់គាត់នៅក្នុងប្រទេសចិន។

រឿងទីមួយគឺគាត់បានដឹកនាំក្រុមការងារដែលមានសមាជិកជាង ១០,០០០ នាក់ដើម្បីសាងសង់ស្ថានីយ៍វារីអគ្គិសនី 3GW ដែលជាស្ថានីយ៍ឯកជននឹងវារីអគ្គិសនីជីនចូវ និងស្ថានីយ៍វារីអគ្គិសនីស្ថិតនៅលើដងទន្លេជីនសាក្នុងខេត្តយូណាននៃប្រទេសចិនដែលមានកំពស់ជាង ២០០០ ម៉ែត្រ ។ វាត្រូវចំណាយរយះពេលដប់ឆ្នាំ ២០០២-២០១១ និងត្រូវចំណាយប្រាក់អស់ច្រើនជាង ២០ ពាន់លានយ័ន (៣,៥ ពាន់លានដុល្លារ) ។ ស្ថានីយ៍វារីអគ្គីសនីជីនក្វាគឺជាស្ថានីយ៍វារីអគ្គិសនីឯកជនដ៏ធំជាងគេបំផុតនៅលើពិភពលោកដែលធំជាងនៅទំនប់វារីអគ្គីសនីហ្គូចូរបស់ប្រទេសចិន ១០ ភាគរយ និងធំជាងទំនប់វារីអគ្គីសនី Hoover Dam របស់សហរដ្ឋអាមេរិកជាង ៣០ ភាគរយទៅទៀត ។

អព្ភូតហេតុទី ២ គឺថាគាត់បានដឹកនាំក្រុមហ៊ុន Hanergy ធ្វើឱ្យមានការផ្លាស់ប្តូរយុទ្ធសាស្ត្រ និងការធ្វើឱ្យប្រសើរឡើងនូវឧស្សាហកម្មចាប់ពីឆ្នាំ ២០១០ ។ ចាប់ពីឆ្នាំ ២០១០ ដល់ឆ្នាំ ២០១៥ លោក Hejun បានដឹកនាំក្រុមហ៊ុន Hanergy ឲ្យចូលក្នុងឧស្សាហកម្មពន្លឺព្រះអាទិត្យដែលមិនត្រូវបានគេមើលឃើញថាជាការវិនិយោគដ៏ជោគជ័យនៅគ្រានោះទេ ។ ការផ្លាស់ប្តូរយុទ្ធសាស្ត្ររបស់ក្រុមហ៊ុន Hanergy បានចំណាយរយះពេល ៦ ឆ្នាំដោយការវិនិយោគសរុបជាង ៥០ ពាន់លានយន់ ។ ខណៈពេលដែលបង្កើតអព្ភូតហេតុពីរនៅក្នុងប្រវត្តិសាស្ត្រសេដ្ឋកិច្ចចិនគាត់បានធ្វើការវិនិច្ឆ័យទៅលើយុទ្ធសាស្ត្រដ៏សំខាន់មួយដែលបាននិយាយថាការបត់បែនគឺជាអនាគតនៃឧស្សាហកម្មពន្លឺព្រះអាទិត្យ ។

ឧស្សាហកម្មពន្លឺព្រះអាទិត្យកំពុងធ្វើបដិវត្តឧស្សាហកម្មថ្មីនៃការផលិត និងការប្រើប្រាស់ថាមពលហើយបដិវត្តឧស្សាហកម្មនាពេលខាងមុខនេះគឺមានអត្ថន័យជ្រាលជ្រៅដូចអ៊ីនធឺណេតផងដែរ ។ ថាមពលពន្លឺព្រះអាទិត្យកំពុងបង្ហាញយើងអំពីយុគសម័យថាមពលចល័តដែលយើងអាចបង្កើត និងប្រើប្រាស់ថាមពលតាមរបៀបចល័តដូចជាយើងប្រើអ៊ិនធឺណិត និងទូរស័ព្ទចល័ត ។

លោក Li Hejun គឺជាអ្នកតស៊ូមតិបដិវត្តថាមពលថ្មី ។ ហើយក្រុមហ៊ុនរបស់គាត់បានប្តេជ្ញាចិត្តថានឹង “ផ្លាស់ប្តូរពិភពលោកដោយថាមពលស្អាត” ។ ក្នុងឆ្នាំ ២០១១ គាត់បានលើកឡើងពីគំនិតរបស់អ្នកប្រើប្រាស់ “បង្កើតថាមពលសម្រាប់ការប្រើប្រាស់ផ្ទាល់ខ្លួន និងការលក់លើសតម្រូវការរបស់ខ្លួន” ។ ទស្សនៈនេះត្រូវបានបញ្ជាក់ដោយរដ្ឋាភិបាលចិន និងបានអនុម័តជាគោលនយោបាយជាតិដោយបានផ្លាស់ប្តូរទេសភាពនៃវិស័យថាមពលចិន ។

នៅឆ្នាំ ២០១៤ លោក Hejun បានលើកឡើងពីគំនិតថាមពលចល័តជាលើកដំបូងនៅលើពិភពលោកដែលត្រូវបានវាយតម្លៃខ្ពស់ និងទទួលស្គាល់ដោយឧស្សាហកម្មថាមពលនឹងលើសពីនេះ ។ ហើយគាត់បានលើកឡើងថា “បច្ចេកវិទ្យាពន្លឺព្រះអាទិត្យដែលមានប្រសិទ្ធភាពខ្ព​ស់ និងអាចបត់បែនបានដែលអាចឱ្យយើងជាមនុស្សរស់នៅដោយមិនមានរបៀបប្រើប្រាស់ថាមពលផូស៊ីលភាគច្រើនដោយការដុតជំនួសមនុស្សគ្រប់គ្នាសូម្បីតែវត្ថុក៏អាចបង្កើតថាមពលបានដែរហើយសង្គមមនុស្សនឹងឈានចូលយុគសម័យមួយផ្សេងទៀត ។ ហើយវាត្រូវបានកំណត់លក្ខណៈដោយការបង្កើតថាមពលចែកចាយ ។

នៅខែ វិច្ឆិកា ឆ្នាំ ២០១៣ លោក Hejun បានបោះពុម្ពសៀវភៅដំបូងរបស់គាត់គឺបដិវត្តថាមពល​ថ្មី៖ អំណាចដើម្បីផ្លាស់ប្តូរប្រទេសចិននឹងពិភពលោក ។ សៀវភៅនេះសង្កត់ធ្ងន់ពីធម្មជាតិនៃបដិវត្តឧស្សាហកម្មដែលបានបង្ហាញពីបដិវត្តថាមពល ។ នៅពេលអនាគតមានប្រកួតប្រជែងសម្រាប់ថាមពលនឹងមិនមែនសម្រាប់ធនធានប៉ុណ្ណោះទេប៉ុន្តែវាគឺជាបច្ចេកវិទ្យាស្នូល ។ ក្នុងកំឡុងពេលនេះសៀវភៅនេះបានអះអាងជាលក្ខណៈប្រព័ន្ធថា “ការរួមបញ្ចូលគ្នារវាងថាមពល និងអ៊ិនធរណេតនឹងនាំឱ្យមានបដិវត្តឧស្សាហកម្មទី ៣ ” នៅលើពិភពលោក ។

ចក្ខុវិស័យលើយុទ្ធសាស្រ្តសម្រាប់ការស៊ូទ្រាំនឹងការតស៊ូរយៈពេលដប់ឆ្នាំដ៏លំបាករបស់គាត់ និងការលះបង់ចំពោះក្តីសុបិន្តរបស់គាត់ត្រូវបានគេទទួលស្គាល់ជាទូទៅថាជាសហគ្រិនជនជាតិចិនម្នាក់ដែលមានភាពជាសហគ្រិនដែលគួរឱ្យគោរពបំផុត ។ ហើយគាត់ក៏បានចាប់ផ្តើមកម្មវិធីសប្បុរសធម៌ជាច្រើនផងដែរក្នុងនាមជាអ្នកឧបត្ថម្ភបឋមនឹងជានាយកប្រតិបត្តិដំបូងនៃមូលនិធិក្រហមរបស់ប្រទេសចិនជាពិសេសសម្រាប់ការការពារ និងព្យាបាលជំងឺអេដស៍នៅប្រទេសចិន ។ លោកលីបានចូលរួមវិភាគទានយ៉ាងជ្រាលជ្រៅដល់កម្មវិធីប្រឆាំងនឹងជំងឺអេដស៍ និងការអប់រំដើម្បីប្រឆាំងនឹងជំងឺអេដស៍ផងដែរ ។

ទ្រព្យសម្បត្តិ៖ Li Hejun

លោក Li Hejun គឺជាអ្នកជំនួញជនជាតិចិនដែលមានទ្រព្យសម្បត្តិសរុប ១៣,៣ ពាន់លានដុល្លារ ។ ក្នុងឆ្នាំ ២០១៤ ឈ្មោះរបស់គាត់ត្រូវបានគេចាត់ចូលទៅក្នុងបញ្ជីរបស់មហាសេដ្ឋីពិភពលោកដែលត្រូវបានដឹងថាជាអ្នកមានជាងគេនៅក្នុងប្រទេសចិន ។ លោក Hejun គឺជាប្រធានក្រុមហ៊ុន Hanergy Holding Group ដែលជាក្រុមហ៊ុនផលិតបន្ទះស្រូបពន្លឺព្រះអាទិត្យ និងឧបករណ៍ដែលធំជាងគេបំផុតនៅលើពិភពលោក ។ ហើយគាត់ក៏ជាម្ចាស់រោងចក្រថាមពលវារីអគ្គីសនីធំជាងគេបំផុតនៅលើពិភពលោកដែលមានទីតាំងនៅភាគខាងលិចប្រទេសចិន ។

ប្រភព៖​ Phnom Penh HR

លោក Rahmi Mustafa Koç កើតនៅឆ្នាំ ១៩៣០ គាត់គឺជាអ្នកជំនួញ និងជាសប្បុរសជនទួរគី ។ នៅឆ្នាំ ២០១៦ យោងតាមរយះទស្សនាវដ្តី Forbes បានឲ្យដឹងថាគាត់គឺជាអ្នកមានជាងគេដែលបានជាប់នៅចំណាត់ថ្នាក់ទី ៩០៦ នៅលើពិភពលោកដែលមានទ្រព្យសម្បត្តិ ២,៦ ពាន់លានដុល្លារ ។ ក្នុងឆ្នាំ ២០១៣ លោក Rahmi គឺជាជនជាតិតួកគីដែលបានបង់ពន្ធលើប្រាក់ចំណូលដ៏ច្រើនបំផុតនៅក្នុងប្រទេសរបស់គាត់ដែលមានចំនួនសរុប ៣៧.៥ លាន ។

ជីវិតដំបូង៖

លោក Rahmi Koç បានចូលរៀននៅវិទ្យាល័យរ៉ូប៊ឺតនៅទីក្រុងអ៊ីស្តង់ប៊ុល ។ ហើយគាត់បានបន្តការសិក្សារបស់គាត់នៅឯសាកលវិទ្យាល័យ Johns Hopkins នៅសហរដ្ឋអាមេរិក និងទទួលបានសញ្ញាប័ត្របរិញ្ញាបត្រក្នុងការគ្រប់គ្រងឧស្សាហកម្ម ។

លោក Rahmi Koç បានចាប់ផ្តើមធ្វើការយ៉ាងសកម្មនៅក្នុងក្រុមហ៊ុន Koç Group នៅឆ្នាំ ១៩៥៨ ដោយបានចូលរួមជាមួយក្រុមហ៊ុន Otokoç នៅទីក្រុង Ankara ។ បន្ទាប់ពីការផ្លាស់ប្តូរទីតាំងការិយាល័យកណ្តាលរបស់ក្រុមហ៊ុន Koç Holding ពីទីក្រុង Ankara ទៅទីក្រុងអ៊ីស្តង់ប៊ុលក្នុងឆ្នាំ ១៩៦៤ ដែលត្រូវបានបង្កើតឡើងមួយឆ្នាំមុននោះគាត់បានក្លាយជាអ្នកសម្របសម្រួលទូទៅនៃក្រុមហ៊ុន Koç Holding A.Ş ។

ក្រោយមកនៅឆ្នាំ ១៩៧០ លោក Rahmi បានក្លាយជាប្រធានគណៈកម្មាធិការប្រតិបត្តិហើយនៅឆ្នាំ ១៩៧៥ គាត់គឺជាអនុប្រធានក្រុមប្រឹក្សាភិបាល ។ ហើយគាត់ត្រូវបានតែងតាំងជាប្រធានគណៈកម្មាធិការគ្រប់គ្រងរបស់ក្រុមហ៊ុន Koç Holding ក្នុងឆ្នាំ ១៩៨០ ។ ឪពុករបស់គាត់ឈ្មោះ Vehbi Koç បានផ្ទេរតំណែងជាប្រធានក្រុមហ៊ុនទៅឲ្យគាត់នៅថ្ងៃទី ៣០ ខែ មីនា ឆ្នាំ ១៩៨៤ ហើយបច្ចុប្បន្ននេះគាត់គឺជាប្រធានក្រុមហ៊ុន Koç Holding ។

នៅក្នុងឆ្នាំ ២០១៣ លោក Rahmi បានទិញយកក្រុមហ៊ុន Merrill-Stevens Drydock & Repair Co ដែលជាក្រុមហ៊ុនផលិតទូកទេសចរណ៍ដ៏ចំណាស់ជាងគេនៅរដ្ឋផ្លរីដាហើយក្រុមហ៊ុនមួយនោះបានប្តូរឈ្មោះទៅជា RMK Merrill-Stevens ។

ទ្រព្យសម្បត្តិ៖ Mustafa Rahmi Koc

លោក Mustafa Rahmi Koc គឺជាអ្នកជំនួញជនជាតិទួរគីដែលមានទ្រព្យសម្បត្តិសុទ្ធ ២,៥ ពាន់លានដុល្លារ ។ គាត់មានតួនាទីជាប្រធានក្រមហ៊ុន Koc Holding ។ លោក Rahmi បានប្រគល់តំណែងជាប្រធានក្រុមប្រឹក្សាភិបាលរបស់ក្រុមហ៊ុន Ford Otosan ទៅឲ្យកូនប្រុសរបស់គាត់ឈ្មោះ Yildirim Ali Koc កាលពីឆ្នាំមុន​ ។

ប្រភព៖ Phnom Penh HR

លោកស្រី Liliane Henriette Charlotte Bettencourt កើតនៅថ្ងៃទី ២១ ខែ តុលា ឆ្នាំ ១៩២២ ដែលជាអ្នកស្នងមរតក និងជាអ្នកជំនួញជនជាតិបារាំង ។ លោកស្រី Liliane គឺជាម្ចាស់ភាគហ៊ុនដ៏សំខាន់ម្នាក់របស់ក្រុមហ៊ុន L’Oréal ។​ យោងទៅតាមរយះទស្សនាវដ្តី Forbes បានឲ្យដឹងថាលោកស្រី Liliane គឺជាស្ត្រីម្នាក់ដែលមានជាងគេបំផុតនៅលើពិភពលោកដែលធ្វើឱ្យគាត់បានក្លាយជាអ្នកមានបំផុតនៅលំដាប់ទី ១១ នៅលើពិភពលោកជាមួយនឹងទ្រព្យសម្បត្តិសុទ្ធចំនួន ៣៦,១ ពាន់លានដុល្លារអាមេរិក ។ នេះ​បើយោងតាមរយះទស្សនាវដ្តី ​​Forbes ក្នុងឆ្នាំ ២០១៦ ។ លោកស្រី Liliane មានទ្រព្យសម្បត្តិសុទ្ធជាង ៤០ ពាន់លានដុល្លារហើយជាគាត់គឺជាស្ត្រីម្នាក់ដែលមានជាងគេបំផុតនៅក្នុងប្រវត្តិសាស្ត្រ ។

ជីវប្រវត្តិ៖

លោកស្រី Liliane Bettencourt កើតនៅទីក្រុងប៉ារីសដែលជាកូនតែមួយគត់របស់លោក Louise Madeleine Berthe (née Doncieux) ។ ម្ដាយរបស់គាត់បានទទួលមរណភាពនៅពេលដែលគាត់មានអាយុ ៥ ឆ្នាំហើយក្រោយពីការស្លាប់ម្តាយរបស់គាត់បានរស់នៅជាមួយឪពុក ។ នៅអាយុ ១៥ ឆ្នាំលោកស្រី Liliane បានចូលរួមជាមួយក្រុមហ៊ុនឪពុករបស់គាត់ដែលបានធ្វើការជាកូនជាងលាយគ្រឿងសំអាង និងដាក់ស្លាកដបសាប៊ូ ។ នៅឆ្នាំ ១៩៥០ លោកស្រី Liliane បានរៀបការជាមួយអ្នកនយោបាយជនជាតិបារាំងគឺលោក André Bettencourt ដែលបានបម្រើការជារដ្ឋមន្រ្តីខុទ្ទកាល័យក្នុងរដ្ឋាភិបាលបារាំងក្នុងទសវត្ស ១៩៦០ និង ១៩៧០ ហើយបានក្លាយជាអនុប្រធានក្រុមហ៊ុន L’Oréal ។

នៅឆ្នាំ ១៩៥៧ លោកស្រី Liliane បានទទួលមរតកពីឪពុករបស់គាត់នៅពេលដែលឪពុករបស់គាត់បានស្លាប់ ។​ ហើយលោកស្រីបានក្លាយជាម្ចាស់ភាគហ៊ុនដ៏សំខាន់របស់ក្រុមហ៊ុន L’Oréal ។ នៅឆ្នាំ ១៩៦៣ ក្រុមហ៊ុននេះបានផ្សព្វផ្សាយជាសាធារណៈទោះបីលោកស្រីនៅតែបន្តកាន់កាប់ភាគហ៊ុនភាគច្រើនក៏ដោយ ។ នៅឆ្នាំ ១៩៧៤ ដោយភ័យខ្លាចថាក្រុមហ៊ុននេះនឹងទទួលបានជាតូបនីយកម្មបន្ទាប់ពីការបោះឆ្នោតនៅប្រទេសបារាំងលោកស្រីបានផ្លាស់ប្តូរភាគហ៊ុនរបស់គាត់ស្ទើរតែពាក់កណ្តាលសម្រាប់ភាគហ៊ុន ៣ ភាគរយ (៣%) នៅក្នុងក្រុមហ៊ុន Nestlé S.A ។

គិតត្រឹមថ្ងៃទី ៣១ ខែ ធ្នូ ឆ្នាំ ២០១២ លោកស្រី Liliane បានកាន់កាប់ភាគហ៊ុនចំនួន ១៨៥.៦៦១.៨៧៩ (៣០.៥%) នៃភាគហ៊ុនរបស់ក្រុមហ៊ុន L’Oréal ដែលក្នុងនោះភាគហ៊ុនចំនួន ៧៦.៤៤១.៣៨៩ (១២.៥៦%) ត្រូវបានរក្សាទុក ។ ភាគហ៊ុនដែលនៅសល់ចំនួន ១៧៨.៣៨១.០២១ (២៩.៧៨%) ជាកម្មសិទ្ធិរបស់ក្រុមហ៊ុន Nestlé, ២២៩,៩៣៣,៩៤១ (៣៧,៧៦%) ត្រូវបានកាន់កាប់ជាសាធារណៈហើយភាគហ៊ុនដែលនៅសល់ត្រូវបានកាន់កាប់ជាភាគហ៊ុនរតនាគារឬនៅក្នុងផែនការសន្សំរបស់ក្រុមហ៊ុន ។

ក្រុមគ្រួសាររបស់លោកស្រី Liliane និង Nestle ធ្វើសកម្មភាពស្របតាមកិច្ចព្រមព្រៀងរបស់ម្ចាស់ភាគហ៊ុន ។ លោកស្រី Liliane បានបញ្ចប់តួនាទីជានាយកក្រុមប្រឹក្សាភិបាលរបស់គាត់នៅថ្ងៃទី ១៣ ខែ កុម្ភះ ឆ្នាំ ២០១២ ហើយចៅប្រុសរបស់គាត់ឈ្មោះ Jean-Victor ត្រូវបានតែងតាំងជាប្រធានក្រុមប្រឹក្សាភិបាល ។

ទ្រព្យសម្បត្តិ៖ Liliane Bettencourt

លោកស្រី Liliane Bettencourt គឺជាអ្នកជំនួញម្នាក់ដែលមានដើមកំណើតនៅទីក្រុងប៉ារីស ។​ លោកស្រី Liliane គឺជាអ្នកស្នងមរតក និងជាអ្នកសង្គមនិយម និងជាអ្នកមានទ្រព្យសម្បត្តិចំនួន ៤៦ ពាន់លានដុល្លារ ។ លោកស្រី Liliane បន្សស់ទុកទ្រព្យសម្បត្តិប្រមាណជាង ៤៦ ពាន់លានដុល្លារដែលធ្វើឱ្យគាត់បានក្លាយជាស្ត្រីមានជាងគេបំផុតនៅលើពិភពលោកដែលជាអ្នកមានជាងគេនៅប្រទេសបារាំង និងជាអ្នកមានជាងគេនៅលំដាប់ទី ១១ នៅលើពិភពលោក ។

លោកស្រី Liliane បានកាន់កាប់ភាគហ៊ុនចំនួន ១៨៥ លានភាគហ៊ុនរបស់ក្រុមហ៊ុន L’Oreal ដែលស្មើនឹង ៣៣ ភាគរយនៃក្រុមហ៊ុន ។ ហើយលោកស្រីក៏បានកាន់កាប់ភាគហ៊ុន ៣០ ភាគរយនៅក្នុងក្រុមហ៊ុន Nestle ផងដែរ ។ លោកស្រី Liliane គឺជាម្ចាស់ភាគហ៊ុនដ៏ធំជាងគេនៅក្នុងចំណោមក្រុមហ៊ុនទាំងពីរ ។ លោកស្រី Liliane គឺជាសហស្ថាបនិកនៃមូលនិធិ Bettencourt Schueller ជាមួយស្វាមី និងកូនស្រីរបស់គាត់ដើម្បីគាំទ្រដល់ការស្រាវជ្រាវវិទ្យាសាស្ត្រគម្រោងមនុស្សធម៌ និងសិល្បៈ ។

ប្រភព៖ Phnom Penh HR