Author: Buy Khmer Book

លោក​ Samuel Robson “Rob” Walton កើតនៅថ្ងៃទី ២៨ ខែ តុលា ឆ្នាំ ១៩៤៤ គាត់គឺជាអ្នកជំនួញជនជាតិអាមេរិក និងជាកូនប្រុសច្បងរបស់លោកស្រី Helen Walton និងលោក Sam Walton ដែលជាស្ថាបនិករបស់ក្រុមហ៊ុន Walmart ដែលជាក្រុមហ៊ុនលក់ទំនិញដ៏ធំបំផុតនៅលើពិភពលោក ។ លោក​ Samuel បានបម្រើការជាប្រធានក្រុមហ៊ុន Walmart ពីឆ្នាំ ១៩៩២ ដល់ឆ្នាំ ២០១៥ ។ នៅក្នុងខែ តុលា ឆ្នាំ ២០១២ គាត់ត្រូវបានចុះនៅក្នុងបញ្ជីឈ្មោះមហាសេដ្ឋីពិភពលោកដែលជាអ្នកមានជាងគេបំផុតនៅលំដាប់ទី ១១ នៅលើពិភពលោក ។

ជីវិតដំបូង៖

លោក​ Samuel Robson ធំទ្បើងនៅទីក្រុង Tulsa រដ្ឋ Oklahoma ដែលជាកូនច្បងក្នុងចំណោមកូនទាំង ៤ របស់លោកស្រី Helen Walton និងលោក Sam Walton ដែលជាស្ថាបនិករបស់ក្រុមហ៊ុន Walmart ។ គាត់មានប្អូនប្រុសឈ្មោះ Jim Walton និងប្អូនស្រីម្នាក់ឈ្មោះ Alice Walton ។ ហើយបងប្រុសម្នាក់ទៀតឈ្មោះ John Walton បានស្លាប់នៅឆ្នាំ ២០០៥ ។

លោក​ Samuel បានចូលរៀននៅមហាវិទ្យាល័យ Wooster និងបានបញ្ចប់ការសិក្សាពីសាកលវិទ្យាល័យ Arkansas ក្នុងឆ្នាំ ១៩៦៦ ដោយទទួលបានបរិញ្ញាបត្រវិទ្យាសាស្ត្រផ្នែករដ្ឋបាលពាណិជ្ជកម្ម ។ ហើយនៅទីនោះគាត់ក៏ជាសមាជិកម្នាក់នៃភាតរភាពរបស់ក្រុម Lambda Chi Alpha ផងដែរ ។ គាត់ទទួលបានសញ្ញាប័ត្របណ្ឌិតនៅឆ្នាំ ១៩៦៩ ពីសាលាច្បាប់នៃសាកលវិទ្យាល័យកូឡុំបៀ ។ ហើយគាត់ក៏ជាអ្នកទទួលបន្ទុកនៅមហាវិទ្យាល័យ Wooster ផងដែរ ។ បន្ទាប់ពីគាត់បានបញ្ចប់ការសិក្សាគាត់បានក្លាយជាសមាជិកម្នាក់របស់ក្រុមហ៊ុនច្បាប់ដែលតំណាងឱ្យក្រុមហ៊ុន Wal-Mart និងក្រុមហ៊ុន Conner & Winters នៅទីក្រុង Tulsa រដ្ឋ Oklahoma ។

នៅឆ្នាំ ១៩៧៨ លោក​ Samuel បានចាកចេញពីទីក្រុង Tulsa ដើម្បីចូលរួមជាមួយក្រុមហ៊ុន Wal-Mart ដែលជាអនុប្រធានជាន់ខ្ពស់ហើយនៅឆ្នាំ ១៩៨២ គាត់ត្រូវបានតែងតាំងជាអនុប្រធាននៅក្នុងក្រុមហ៊ុន ។ ហើយក្រោយមកគាត់ត្រូវបានគេតែងតាំងជាប្រធានក្រុមប្រឹក្សាភិបាលនៅថ្ងៃទី ៧ ខែ មេសា ឆ្នាំ ១៩៩២ បន្ទាប់ពីរថ្ងៃបន្ទាប់ពីឪពុកគាត់បានទទួលមរណភាព ។

លោក​ Samuel ត្រូវបានជាប់ចំណាត់ថ្នាក់លេខ ១៧ នៅក្នុងបញ្ជីឈ្មោះមហាសេដ្ឋីពិភពលោកដោយទស្សនាវដ្តី Forbes ក្នុងឆ្នាំ ២០១៣ ដោយមានទ្រព្យសម្បត្តិសរុប ២៦,១ ពាន់លានដុល្លារ ។ នេះបើយោងតាមរយះបញ្ជីឈ្មោះរបស់ Forbes ៤០០ ក្នុងឆ្នាំ ២០១៣ ដែលជាអ្នកមានជាងគេបំផុតនៅសហរដ្ឋអាមេរិក ។

ប្រភព៖ Phnom Penh HR

លោក William Ellwood Heinecke កើតនៅឆ្នាំ ១៩៤៩ ដែលជាអ្នកជំនួញ ។ គាត់គឺជានាយកប្រតិបត្តិនៃក្រុមហ៊ុន Minor International និងជាប្រធានក្រុមហ៊ុន Minor Food Team ។

ជីវប្រវត្តិ៖

លោក Heinecke បានផ្ទេរទៅរស់នៅទីក្រុងបាងកកនៅឆ្នាំ ១៩៦៣ ក្នុងអាយុ ១៤ ឆ្នាំជាមួយសមាជិកគ្រួសាររបស់គាត់ដោយធ្លាប់បានស្នាក់នៅប្រទេសជប៉ុន ហុងកុង និងម៉ាឡេស៊ី​ ។ នៅអាយុ ១៧ ឆ្នាំខណៈពេលដែលគាត់ជាសិស្សនៅអនុវិទ្យាល័យគាត់បានជំនួសតំណែងអ្នកគ្រប់គ្រងផ្នែកទីផ្សាររបស់ Bangkok Globe ។

មួយឆ្នាំក្រោយមកគាត់បានចាប់ផ្តើមបង្កើតក្រុមហ៊ុនអ៊ីនធឺណេតអាស៊ានដែលជាក្រុមហ៊ុនផ្សាយពាណិជ្ជកម្មវិទ្យុ និងទីផ្សារដោយរកប្រាក់បាន ១២០០ ដុល្លារ ។ ហើយក្រោយមកគាត់បានចាប់ផ្តើមបង្កើតទីផ្សារនៅក្នុងតំបន់អាស៊ីដល់ Ogilvy & Mather ។ ក្នុងឆ្នាំ ១៩៦៧ លោក Heinecke បានចាប់ផ្តើមបង្កើតក្រុមហ៊ុនផ្ទាល់ខ្លួនមួយដែលមានឈ្មោះថា Minor Holdings ក្នុងរយៈពេល ៤ ឆ្នាំខាងមុខហើយវាបានប្រែក្លាយទៅជាក្រុមហ៊ុនធំៗ ជាង ៣០ ផ្សេងទៀត ។

លោក Heinecke បានបណ្តាក់ទុនលើអាជីពជំនួញដំបូងរបស់គាត់នៅឆ្នាំ ១៩៧៨ នៅសណ្ឋាគារ Royal Yard នៅទីក្រុង Pattaya ។ ហើយការបណ្តាក់ទុនលើអង្គភាពរបស់គាត់ពិតជាមានភ្នាក់ងារផ្សាយពាណិជ្ជកម្មក៏ដូចជាភ្នាក់ងារផ្សេងៗទៀតនៅក្នុងទីក្រុងបាងកក ហួហ៊ីន ភូកេត ឈៀង​ម៉ៃ ឈៀងរ៉ៃ ។ ដូចគ្នានេះដែរគាត់បានបង្ហាញនូវប្រភេទអាហារបែបអាមេរិកដល់ប្រជាជនថៃនៅចុងទសវត្សឆ្នាំ ១៩៧០ និងក៏មានម៉ាកយីហោ Mister Donut ក្រុមហ៊ុនភីហ្សាក៏ដូចជាហាំប៊ឺហ្គឺឃីងផងដែរ ។

លោក Heinecke បានចូលជាសញ្ជាតិថៃក្នុងឆ្នាំ ១៩៩១ ។ គាត់គឺជាប្រធានសភាពាណិជ្ជកម្មអាមេរិកនៅប្រទេសថៃ ​និងជាប្រធានក្រុមប្រឹក្សាប្រឹក្សាវិនិយោគហិរញ្ញវត្ថុបរទេសរបស់រដ្ឋផងដែរ ។ គាត់គឺជាអ្នកតស៊ូមតិរបស់មជ្ឈមណ្ឌលដំរីថៃ និងជាអ្នកនិពន្ធម្ចាស់អាជីវកម្មផងដែរ ។

ប្រភព៖ Phnom Penh HR

លោក​ Kris Gopalakrishnan គឺជាអនុប្រធាន និងជាអតីតសហប្រធាននៃក្រុមហ៊ុន Infosys ដែលជាក្រុមហ៊ុនផ្តល់ប្រឹក្សា និងព័ត៌មានវិទ្យានៅទូទាំងពិភពលោកដែលមានមូលដ្ឋាននៅប្រទេសឥណ្ឌា ។ គាត់ត្រូវបានគេបោះឆ្នោតជ្រើសរើសជាប្រធានសភាផ្នែកឧស្សាហកម្មរបស់ប្រទេសឥណ្ឌាសម្រាប់ឆ្នាំ ២០១៣-១៤ ។

លោក Kris Gopalakrishnan កើតនៅថ្ងៃទី ០៥ ខែ មេសា ឆ្នាំ ១៩៥៥ ។ គាត់ទទួលបានសញ្ញាប័ត្រ M.Sc. ផ្នែករូបវិទ្យា នៅឆ្នាំ ១៩៧៧ និង M.Tech ។ ហើយគាត់បានចាប់ផ្តើមអាជីពរបស់គាត់ជាវិស្វករផ្នែក software ជាមួយក្រុមហ៊ុន Patni កុំព្យូទ័រនៅទីក្រុងបុមបៃក្នុងឆ្នាំ ១៩៧៩ ។

អាជីព៖

នៅឆ្នាំ ១៩៨១ លោក​ Kris Gopalakrishnan បានបង្កើតក្រុមហ៊ុន Infosys ដែលបានសហការជាមួយសហគ្រិន ៦ នាក់ផ្សេងទៀត ។ ឆ្នាំដំបូងរបស់គាត់នៅក្នុងក្រុមហ៊ុន Infosys រួមមានការគ្រប់គ្រង ការរចនា ការអភិវឌ្ឍន៍ ការអនុវត្ត និងគាំទ្រប្រព័ន្ធព័ត៌មានសំរាប់អតិថិជននៅក្នុងឧស្សាហកម្មផលិតផលសម្រាប់អតិថិជន ។

នៅឆ្នាំ ២០០៧ លោក Kris បានក្លាយជានាយកប្រតិបត្តិ និងជានាយកគ្រប់គ្រងក្រុមហ៊ុន Infosys Technologies លីមីតធីត​ និងក្រុមហ៊ុន Nandan Nilekani ។ នៅក្នុងអំឡុងពេលដែលគាត់បានកាន់តំណែង ៤ ឆ្នាំនៅក្នុងក្រុមហ៊ុន Infosys ភាគហ៊ុនបានកើនទ្បើងទ្វេដងដល់ ៦ ពាន់លានដុល្លារ ។

គាត់ក៏ធ្លាប់បានបម្រើការជាប្រធានផ្នែកប្រតិបត្តិការនៅក្នុងក្រុមហ៊ុនចាប់តាំងពីខែ មេសា ឆ្នាំ ២០០២ និងជាប្រធាន និងនាយកគ្រប់គ្រងរួមចាប់តាំងពីខែ សីហា ឆ្នាំ ២០០៦ ។ ទំនួលខុសត្រូវរបស់គាត់រួមមានសេវាកម្មសម្រាប់អតិថិជន បច្ចេកវិទ្យាវិនិយោគ និងការទិញយក ។

នៅខែ សីហា ឆ្នាំ ២០១១ លោក Kris បានប្រគល់ការទទួលខុសត្រូវរបស់គាត់ដែលជានាយកប្រតិបត្តិ និងជា MD ដល់សហសេវិករបស់គាត់នឹងសហស្ថាបនិកម្នាក់ទៀតនៅក្នុងក្រុមហ៊ុន Infosys គឺលោក S D Shibulal ។ ក្រោយមកគាត់ត្រូវបានតែងតាំងជាអនុប្រធានប្រតិបត្តិនៃក្រុមប្រឹក្សាភិបាលរបស់ក្រុមហ៊ុន Infosys ។ លោក Kris បានបម្រើការជាអនុប្រធានប្រតិបត្តិនៃក្រុមប្រឹក្សាភិបាលរបស់ក្រុមហ៊ុន Infosys ចាប់ពីថ្ងៃទី ១៤ ខែ មិថុនា រហូតដល់ថ្ងៃទី ១០ ខែ តុលា ឆ្នាំ ២០១៤ ។

ប្រភព៖ Phnom Penh HR

លោក Mohammed Hussein AI Amoudi គឺជាមហាសេដ្ឋីជំនញអារ៉ាប៊ីសាអូឌីត ។ ក្នុងឆ្នាំ ២០១៦ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់លោក Mohammed មានចំនួន ១០,៩ ពាន់លានដុល្លារ ។ ហើយគាត់ត្រូវបានគេបញ្ចូលឈ្មោះរបស់គាត់ទៅក្នុងបញ្ជីឈ្មោះរបស់មហាសេដ្ឋីពិភពលោកដែលជាមនុស្សមា្នក់មានឥទ្ធិពលជាងគេបំផុតនៅប្រទេសអេត្យូពី។

លោក Mohammed គឺជាពលរដ្ឋអារ៉ាប់ប៊ីសាអូឌីតដែលជាអ្នកមានជាងគេបំផុតនៅលំដាប់ទី ២ នៅលើពិភពលោក ។ គាត់បានបង្កើតទ្រព្យសម្បត្តិរបស់គាត់នៅក្នុងវិស័យសំណង់ និងអចលនទ្រព្យមុនពេលឈានដល់ការទិញរោងចក្រចម្រាញ់ប្រេងនៅក្នុងប្រទេសស៊ុយអែត ។ គាត់គឺជាវិនិយោគិនបរទេសដ៏ធំបំផុតនៅក្នុងប្រទេសអេត្យូពី និងជាអ្នកវិនិយោគដ៏ធំមួយនៅក្នុងប្រទេសស៊ុយអែតផងដែរ ។

សកម្មភាពអាជីវកម្ម៖

លោក Mohammed បានកាន់កាប់ផលប័ត្រនៃក្រុមហ៊ុនអាជីវកម្មនៅក្នុងវិស័យសំណង់ ថាមពល កសិកម្ម រ៉ែសណ្ឋាគារ សុខភាព និងផលិតកម្មផ្សេងៗទៀត ។ ក្រុមហ៊ុនអាជីវកម្មរបស់គាត់ភាគច្រើនជាក្រុមហ៊ុនគ្រប់គ្រង​ និងប្រតិបត្តិការធំៗចំនួនពីរគឺក្រុមហ៊ុន Corral Petroleum Holdings និងក្រុមហ៊ុន MIDROC ដែលជាកម្មសិទ្ធិរបសគាត់ ។ ហើយគាត់មានបុគ្គលិកជាង ៧ ម៉ឺននាក់ដែលបានបំរើការនៅក្នុងក្រុមហ៊ុនទាំងនេះ ។

ក្រៅពីក្រុមហ៊ុនអាជីវកម្មរបស់គាត់នៅក្នុងប្រទេសអេត្យូពីគាត់ក៏ជាម្ចាស់រោងចក្រចម្រាញ់ប្រេងនៅក្នុងប្រទេស Morocco និងប្រទេសស៊ុយអែតដោយបានចូលរួមក្នុងការរុករករ៉ែ និងផលិតថាមពលនៅអាហ្វ្រិកខាងលិច និងកន្លែងផ្សេងទៀត ។ លោក Mohammed បានសន្យាថានឹងផ្តល់ប្រាក់ចំនួន ២៧៥ លានដុល្លារអាមេរិកជាមួយវិនិយោគិនអារ៉ាប៊ីសាអូឌីត និងអ្នកវិ​និយោគកូរ៉េខាងត្បូងតាមរយៈក្រុមហ៊ុន MIDROC ដើម្បីផ្តល់ហិរញ្ញប្បទានដើម្បីបង្កើតរោងចក្ររថយន្តនៅប្រទេសអារ៉ាប៊ីសាអូឌីតដែលត្រូវបានគេហៅថា Gazal-1 នៅក្នុងគម្រោងដែលបានផ្តួចផ្តើមដោយសាកលវិទ្យាល័យ King Saud ។​

នៅខែ កញ្ញា ឆ្នាំ ២០១១ លោក Mohammed បានប្រកាសថាគាត់គ្រោងនឹងវិនិយោគទឹកប្រាក់ចំនួន ១.០៧ កោដិដុល្លារអាមេរិកសម្រាប់គម្រោងឧស្សាហកម្មធំៗចំនួនពីរគឺនៅអារ៉ាប៊ីសាអូឌីត និងនៅ Ras Al Khair និងនៅក្នុងទីក្រុង Jubail ។លោក Mohammed ត្រូវបានគេស្គាល់ថាជាអ្នកគ្រប់គ្រងក្រុមហ៊ុន MIDROC បានឈ្នះកិច្ចសន្យាក្នុងការសាងសង់កន្លែងស្តុកប្រេងក្រោមដីប្រមាណ ៣០ ពាន់លានដុល្លារនៅអារ៉ាប់ប៊ីសាអូឌីតក្នុងឆ្នាំ ១៩៨៨ ។

ការវិនិយោគ៖

លោក Mohammed បានវិនិយោគនៅប្រទេសអេត្យូពីចាប់តាំងពីពាក់កណ្តាលទសវត្សឆ្នាំ ១៩៨០ ។ ឥឡូវគាត់មានចំណាប់អារម្មណ៍ខាងជំនួញនៅទីនោះដែលភាគច្រើនដំណើរការតាមរយៈក្រុមហ៊ុន MIDROC នៅក្នុងប្រទេសអេត្យូពីដែលត្រូវបានបង្កើតឡើងក្នុងឆ្នាំ ១៩៩៤ ។ ក្នុងឆ្នាំ ២០១១ លោក Mohammed រកចំណូលបានប្រហែលជាង ១,៣ កោដិដុល្លារ  (៧០ លានដុល្លារអាមេរិក) ។

ទ្រព្យសម្បត្តិ៖ Mohammed Al-Amoudi

មហាសេដ្ឋីអារ៉ាប់ប៊ីសាអូឌីត និងជាមហាសេដ្ឋីអេត្យូពីគឺលោក Mohammed Al-Amoudi មានទ្រព្យសម្បត្តិសរុបប្រមាណ ៨,៣៣ ពាន់លានដុល្លារគិតត្រឹមពីខែ មករា ឆ្នាំ ២០១៨ ។ ក្រុមហ៊ុនសំណង់របស់គាត់ឈ្មោះ Midroc បានចុះកិច្ចសន្យាសាងសង់កន្លែងស្តុកប្រេងនៅក្រោមដីទូទាំងប្រទេសអារ៉ាប៊ីសាអូឌីតក្នុងឆ្នាំ ១៩៨៨ ។ លោក Mohammed គឺជាមហាសេដ្ឋីស្បែកខ្មៅដែលជាមនុស្សម្នាក់មានឥទ្ធិពលជាងគេបំផុតនៅលើពិភពលោក ។ គាត់បានវិនិយោគនៅប្រទេសអេត្យូពីចាប់តាំងពីចុងទសវត្សឆ្នាំ ១៩៨០ ។

ប្រភព៖ Phnom Penh HR

លោក Li Hejun កើតនៅឆ្នាំ ១៩៦៧ គាត់គឺជាអ្នកជំនួញជនជាតិចិន និងជាប្រធានក្រុមហ៊ុន Hanergy ។ គាត់បានបញ្ចប់ការសិក្សាពីសាកលវិទ្យាល័យ Beijing Jiaotong ក្នុងឆ្នាំ ១៩៨៨ ដោយទទួលបានបរិញ្ញាបត្រវិទ្យាសាស្ត្រវិស្វកម្មមេកានិក ។ ហើយគាត់បានបន្តការសិក្សាថ្នាក់បណ្ឌិតនៅសាកលវិទ្យាល័យ Cambridge និងសាកលវិទ្យាល័យម៉ាក្រូសេដ្ឋកិច្ចចាប់ពីឆ្នាំ ២០០២ ។

បច្ចុប្បន្នលោក Hejun បានបម្រើការជាអនុប្រធានសហព័ន្ធឧស្សាហកម្ម និងពាណិជ្ជកម្មចិន (ACFIC) និងជាប្រតិភូនៃសន្និសីទពិគ្រោះយោបល់នយោបាយប្រជាជនចិន (CPPCC) និងជាប្រធានសភាពាណិជ្ជកម្មថាមពល (CNECC) និងជាប្រធានក្រុមប្រឹក្សាភិបាល និងជានាយកប្រតិបត្តិនៃក្រុមហ៊ុន Hanergy Holding Group ។

លោក Hejun ត្រូវបានចាត់ថ្នាក់ដោយទស្សនាវដ្តី New Fortune ថាជាអ្នកមានបំផុតនៅប្រទេសចិនក្នុងឆ្នាំ ២០១៤ និង ២០១៥ ជាមួយនឹងទ្រព្យសម្បត្តិផ្ទាល់ខ្លួនប្រមាណជាង ១៣,៤ ពាន់លានដុល្លារ និង ២៥,៥ ពាន់លានដុល្លារ ។ ក្នុងឆ្នាំ ២០១៥ គាត់ត្រូវបានចាត់ថ្នាក់ថាជាអ្នកមានបំផុតរបស់ប្រទេសចិនដោយរបាយការណ៍ Hurun ជាមួយនឹងទឹកប្រាក់ ២៤,៦ ពាន់លានដុល្លារ ។

ក្នុងឆ្នាំ ១៩៩១ លោក Hejun បានចាប់ផ្តើមបង្កើតក្រុមហ៊ុន Hanergy ជាមួយនឹងទឹកប្រាក់ ៥ ម៉ឺនយ័ន (ប្រមាណ ៨,០០០ ដុល្លារអាមេរិក) ដែលបានខ្ចីពីលោកគ្រូរបស់គាត់នៅមហាវិទ្យាល័យ ។ បន្ទាប់ពី ២០ ឆ្នាំក្រោយមកក្រុមហ៊ុន Hanergy បានក្លាយជាសហគ្រាសវារីអគ្គិសនីដ៏ធំជាងគេបំផុតនៅលើពិភពលោកហើយក៏ជាសហគ្រាសផលិតពន្លឺព្រះអាទិត្យដែលធំជាងគេបំផុតផងដែរ​ ។ ក្នុងរយៈពេល ២០ ឆ្នាំនៃភាពជាសហគ្រិនគាត់បានបង្កើតអព្ភូតហេតុពីរនៃរង្វង់ជំនួញរបស់គាត់នៅក្នុងប្រទេសចិន។

រឿងទីមួយគឺគាត់បានដឹកនាំក្រុមការងារដែលមានសមាជិកជាង ១០,០០០ នាក់ដើម្បីសាងសង់ស្ថានីយ៍វារីអគ្គិសនី 3GW ដែលជាស្ថានីយ៍ឯកជននឹងវារីអគ្គិសនីជីនចូវ និងស្ថានីយ៍វារីអគ្គិសនីស្ថិតនៅលើដងទន្លេជីនសាក្នុងខេត្តយូណាននៃប្រទេសចិនដែលមានកំពស់ជាង ២០០០ ម៉ែត្រ ។ វាត្រូវចំណាយរយះពេលដប់ឆ្នាំ ២០០២-២០១១ និងត្រូវចំណាយប្រាក់អស់ច្រើនជាង ២០ ពាន់លានយ័ន (៣,៥ ពាន់លានដុល្លារ) ។ ស្ថានីយ៍វារីអគ្គីសនីជីនក្វាគឺជាស្ថានីយ៍វារីអគ្គិសនីឯកជនដ៏ធំជាងគេបំផុតនៅលើពិភពលោកដែលធំជាងនៅទំនប់វារីអគ្គីសនីហ្គូចូរបស់ប្រទេសចិន ១០ ភាគរយ និងធំជាងទំនប់វារីអគ្គីសនី Hoover Dam របស់សហរដ្ឋអាមេរិកជាង ៣០ ភាគរយទៅទៀត ។

អព្ភូតហេតុទី ២ គឺថាគាត់បានដឹកនាំក្រុមហ៊ុន Hanergy ធ្វើឱ្យមានការផ្លាស់ប្តូរយុទ្ធសាស្ត្រ និងការធ្វើឱ្យប្រសើរឡើងនូវឧស្សាហកម្មចាប់ពីឆ្នាំ ២០១០ ។ ចាប់ពីឆ្នាំ ២០១០ ដល់ឆ្នាំ ២០១៥ លោក Hejun បានដឹកនាំក្រុមហ៊ុន Hanergy ឲ្យចូលក្នុងឧស្សាហកម្មពន្លឺព្រះអាទិត្យដែលមិនត្រូវបានគេមើលឃើញថាជាការវិនិយោគដ៏ជោគជ័យនៅគ្រានោះទេ ។ ការផ្លាស់ប្តូរយុទ្ធសាស្ត្ររបស់ក្រុមហ៊ុន Hanergy បានចំណាយរយះពេល ៦ ឆ្នាំដោយការវិនិយោគសរុបជាង ៥០ ពាន់លានយន់ ។ ខណៈពេលដែលបង្កើតអព្ភូតហេតុពីរនៅក្នុងប្រវត្តិសាស្ត្រសេដ្ឋកិច្ចចិនគាត់បានធ្វើការវិនិច្ឆ័យទៅលើយុទ្ធសាស្ត្រដ៏សំខាន់មួយដែលបាននិយាយថាការបត់បែនគឺជាអនាគតនៃឧស្សាហកម្មពន្លឺព្រះអាទិត្យ ។

ឧស្សាហកម្មពន្លឺព្រះអាទិត្យកំពុងធ្វើបដិវត្តឧស្សាហកម្មថ្មីនៃការផលិត និងការប្រើប្រាស់ថាមពលហើយបដិវត្តឧស្សាហកម្មនាពេលខាងមុខនេះគឺមានអត្ថន័យជ្រាលជ្រៅដូចអ៊ីនធឺណេតផងដែរ ។ ថាមពលពន្លឺព្រះអាទិត្យកំពុងបង្ហាញយើងអំពីយុគសម័យថាមពលចល័តដែលយើងអាចបង្កើត និងប្រើប្រាស់ថាមពលតាមរបៀបចល័តដូចជាយើងប្រើអ៊ិនធឺណិត និងទូរស័ព្ទចល័ត ។

លោក Li Hejun គឺជាអ្នកតស៊ូមតិបដិវត្តថាមពលថ្មី ។ ហើយក្រុមហ៊ុនរបស់គាត់បានប្តេជ្ញាចិត្តថានឹង “ផ្លាស់ប្តូរពិភពលោកដោយថាមពលស្អាត” ។ ក្នុងឆ្នាំ ២០១១ គាត់បានលើកឡើងពីគំនិតរបស់អ្នកប្រើប្រាស់ “បង្កើតថាមពលសម្រាប់ការប្រើប្រាស់ផ្ទាល់ខ្លួន និងការលក់លើសតម្រូវការរបស់ខ្លួន” ។ ទស្សនៈនេះត្រូវបានបញ្ជាក់ដោយរដ្ឋាភិបាលចិន និងបានអនុម័តជាគោលនយោបាយជាតិដោយបានផ្លាស់ប្តូរទេសភាពនៃវិស័យថាមពលចិន ។

នៅឆ្នាំ ២០១៤ លោក Hejun បានលើកឡើងពីគំនិតថាមពលចល័តជាលើកដំបូងនៅលើពិភពលោកដែលត្រូវបានវាយតម្លៃខ្ពស់ និងទទួលស្គាល់ដោយឧស្សាហកម្មថាមពលនឹងលើសពីនេះ ។ ហើយគាត់បានលើកឡើងថា “បច្ចេកវិទ្យាពន្លឺព្រះអាទិត្យដែលមានប្រសិទ្ធភាពខ្ព​ស់ និងអាចបត់បែនបានដែលអាចឱ្យយើងជាមនុស្សរស់នៅដោយមិនមានរបៀបប្រើប្រាស់ថាមពលផូស៊ីលភាគច្រើនដោយការដុតជំនួសមនុស្សគ្រប់គ្នាសូម្បីតែវត្ថុក៏អាចបង្កើតថាមពលបានដែរហើយសង្គមមនុស្សនឹងឈានចូលយុគសម័យមួយផ្សេងទៀត ។ ហើយវាត្រូវបានកំណត់លក្ខណៈដោយការបង្កើតថាមពលចែកចាយ ។

នៅខែ វិច្ឆិកា ឆ្នាំ ២០១៣ លោក Hejun បានបោះពុម្ពសៀវភៅដំបូងរបស់គាត់គឺបដិវត្តថាមពល​ថ្មី៖ អំណាចដើម្បីផ្លាស់ប្តូរប្រទេសចិននឹងពិភពលោក ។ សៀវភៅនេះសង្កត់ធ្ងន់ពីធម្មជាតិនៃបដិវត្តឧស្សាហកម្មដែលបានបង្ហាញពីបដិវត្តថាមពល ។ នៅពេលអនាគតមានប្រកួតប្រជែងសម្រាប់ថាមពលនឹងមិនមែនសម្រាប់ធនធានប៉ុណ្ណោះទេប៉ុន្តែវាគឺជាបច្ចេកវិទ្យាស្នូល ។ ក្នុងកំឡុងពេលនេះសៀវភៅនេះបានអះអាងជាលក្ខណៈប្រព័ន្ធថា “ការរួមបញ្ចូលគ្នារវាងថាមពល និងអ៊ិនធរណេតនឹងនាំឱ្យមានបដិវត្តឧស្សាហកម្មទី ៣ ” នៅលើពិភពលោក ។

ចក្ខុវិស័យលើយុទ្ធសាស្រ្តសម្រាប់ការស៊ូទ្រាំនឹងការតស៊ូរយៈពេលដប់ឆ្នាំដ៏លំបាករបស់គាត់ និងការលះបង់ចំពោះក្តីសុបិន្តរបស់គាត់ត្រូវបានគេទទួលស្គាល់ជាទូទៅថាជាសហគ្រិនជនជាតិចិនម្នាក់ដែលមានភាពជាសហគ្រិនដែលគួរឱ្យគោរពបំផុត ។ ហើយគាត់ក៏បានចាប់ផ្តើមកម្មវិធីសប្បុរសធម៌ជាច្រើនផងដែរក្នុងនាមជាអ្នកឧបត្ថម្ភបឋមនឹងជានាយកប្រតិបត្តិដំបូងនៃមូលនិធិក្រហមរបស់ប្រទេសចិនជាពិសេសសម្រាប់ការការពារ និងព្យាបាលជំងឺអេដស៍នៅប្រទេសចិន ។ លោកលីបានចូលរួមវិភាគទានយ៉ាងជ្រាលជ្រៅដល់កម្មវិធីប្រឆាំងនឹងជំងឺអេដស៍ និងការអប់រំដើម្បីប្រឆាំងនឹងជំងឺអេដស៍ផងដែរ ។

ទ្រព្យសម្បត្តិ៖ Li Hejun

លោក Li Hejun គឺជាអ្នកជំនួញជនជាតិចិនដែលមានទ្រព្យសម្បត្តិសរុប ១៣,៣ ពាន់លានដុល្លារ ។ ក្នុងឆ្នាំ ២០១៤ ឈ្មោះរបស់គាត់ត្រូវបានគេចាត់ចូលទៅក្នុងបញ្ជីរបស់មហាសេដ្ឋីពិភពលោកដែលត្រូវបានដឹងថាជាអ្នកមានជាងគេនៅក្នុងប្រទេសចិន ។ លោក Hejun គឺជាប្រធានក្រុមហ៊ុន Hanergy Holding Group ដែលជាក្រុមហ៊ុនផលិតបន្ទះស្រូបពន្លឺព្រះអាទិត្យ និងឧបករណ៍ដែលធំជាងគេបំផុតនៅលើពិភពលោក ។ ហើយគាត់ក៏ជាម្ចាស់រោងចក្រថាមពលវារីអគ្គីសនីធំជាងគេបំផុតនៅលើពិភពលោកដែលមានទីតាំងនៅភាគខាងលិចប្រទេសចិន ។

ប្រភព៖​ Phnom Penh HR

លោក Li Hejun កើតនៅឆ្នាំ ១៩៦៧ គាត់គឺជាអ្នកជំនួញជនជាតិចិន និងជាប្រធានក្រុមហ៊ុន Hanergy ។ គាត់បានបញ្ចប់ការសិក្សាពីសាកលវិទ្យាល័យ Beijing Jiaotong ក្នុងឆ្នាំ ១៩៨៨ ដោយទទួលបានបរិញ្ញាបត្រវិទ្យាសាស្ត្រវិស្វកម្មមេកានិក ។ ហើយគាត់បានបន្តការសិក្សាថ្នាក់បណ្ឌិតនៅសាកលវិទ្យាល័យ Cambridge និងសាកលវិទ្យាល័យម៉ាក្រូសេដ្ឋកិច្ចចាប់ពីឆ្នាំ ២០០២ ។

បច្ចុប្បន្នលោក Hejun បានបម្រើការជាអនុប្រធានសហព័ន្ធឧស្សាហកម្ម និងពាណិជ្ជកម្មចិន (ACFIC) និងជាប្រតិភូនៃសន្និសីទពិគ្រោះយោបល់នយោបាយប្រជាជនចិន (CPPCC) និងជាប្រធានសភាពាណិជ្ជកម្មថាមពល (CNECC) និងជាប្រធានក្រុមប្រឹក្សាភិបាល និងជានាយកប្រតិបត្តិនៃក្រុមហ៊ុន Hanergy Holding Group ។

លោក Hejun ត្រូវបានចាត់ថ្នាក់ដោយទស្សនាវដ្តី New Fortune ថាជាអ្នកមានបំផុតនៅប្រទេសចិនក្នុងឆ្នាំ ២០១៤ និង ២០១៥ ជាមួយនឹងទ្រព្យសម្បត្តិផ្ទាល់ខ្លួនប្រមាណជាង ១៣,៤ ពាន់លានដុល្លារ និង ២៥,៥ ពាន់លានដុល្លារ ។ ក្នុងឆ្នាំ ២០១៥ គាត់ត្រូវបានចាត់ថ្នាក់ថាជាអ្នកមានបំផុតរបស់ប្រទេសចិនដោយរបាយការណ៍ Hurun ជាមួយនឹងទឹកប្រាក់ ២៤,៦ ពាន់លានដុល្លារ ។

ក្នុងឆ្នាំ ១៩៩១ លោក Hejun បានចាប់ផ្តើមបង្កើតក្រុមហ៊ុន Hanergy ជាមួយនឹងទឹកប្រាក់ ៥ ម៉ឺនយ័ន (ប្រមាណ ៨,០០០ ដុល្លារអាមេរិក) ដែលបានខ្ចីពីលោកគ្រូរបស់គាត់នៅមហាវិទ្យាល័យ ។ បន្ទាប់ពី ២០ ឆ្នាំក្រោយមកក្រុមហ៊ុន Hanergy បានក្លាយជាសហគ្រាសវារីអគ្គិសនីដ៏ធំជាងគេបំផុតនៅលើពិភពលោកហើយក៏ជាសហគ្រាសផលិតពន្លឺព្រះអាទិត្យដែលធំជាងគេបំផុតផងដែរ​ ។ ក្នុងរយៈពេល ២០ ឆ្នាំនៃភាពជាសហគ្រិនគាត់បានបង្កើតអព្ភូតហេតុពីរនៃរង្វង់ជំនួញរបស់គាត់នៅក្នុងប្រទេសចិន។

រឿងទីមួយគឺគាត់បានដឹកនាំក្រុមការងារដែលមានសមាជិកជាង ១០,០០០ នាក់ដើម្បីសាងសង់ស្ថានីយ៍វារីអគ្គិសនី 3GW ដែលជាស្ថានីយ៍ឯកជននឹងវារីអគ្គិសនីជីនចូវ និងស្ថានីយ៍វារីអគ្គិសនីស្ថិតនៅលើដងទន្លេជីនសាក្នុងខេត្តយូណាននៃប្រទេសចិនដែលមានកំពស់ជាង ២០០០ ម៉ែត្រ ។ វាត្រូវចំណាយរយះពេលដប់ឆ្នាំ ២០០២-២០១១ និងត្រូវចំណាយប្រាក់អស់ច្រើនជាង ២០ ពាន់លានយ័ន (៣,៥ ពាន់លានដុល្លារ) ។ ស្ថានីយ៍វារីអគ្គីសនីជីនក្វាគឺជាស្ថានីយ៍វារីអគ្គិសនីឯកជនដ៏ធំជាងគេបំផុតនៅលើពិភពលោកដែលធំជាងនៅទំនប់វារីអគ្គីសនីហ្គូចូរបស់ប្រទេសចិន ១០ ភាគរយ និងធំជាងទំនប់វារីអគ្គីសនី Hoover Dam របស់សហរដ្ឋអាមេរិកជាង ៣០ ភាគរយទៅទៀត ។

អព្ភូតហេតុទី ២ គឺថាគាត់បានដឹកនាំក្រុមហ៊ុន Hanergy ធ្វើឱ្យមានការផ្លាស់ប្តូរយុទ្ធសាស្ត្រ និងការធ្វើឱ្យប្រសើរឡើងនូវឧស្សាហកម្មចាប់ពីឆ្នាំ ២០១០ ។ ចាប់ពីឆ្នាំ ២០១០ ដល់ឆ្នាំ ២០១៥ លោក Hejun បានដឹកនាំក្រុមហ៊ុន Hanergy ឲ្យចូលក្នុងឧស្សាហកម្មពន្លឺព្រះអាទិត្យដែលមិនត្រូវបានគេមើលឃើញថាជាការវិនិយោគដ៏ជោគជ័យនៅគ្រានោះទេ ។ ការផ្លាស់ប្តូរយុទ្ធសាស្ត្ររបស់ក្រុមហ៊ុន Hanergy បានចំណាយរយះពេល ៦ ឆ្នាំដោយការវិនិយោគសរុបជាង ៥០ ពាន់លានយន់ ។ ខណៈពេលដែលបង្កើតអព្ភូតហេតុពីរនៅក្នុងប្រវត្តិសាស្ត្រសេដ្ឋកិច្ចចិនគាត់បានធ្វើការវិនិច្ឆ័យទៅលើយុទ្ធសាស្ត្រដ៏សំខាន់មួយដែលបាននិយាយថាការបត់បែនគឺជាអនាគតនៃឧស្សាហកម្មពន្លឺព្រះអាទិត្យ ។

ឧស្សាហកម្មពន្លឺព្រះអាទិត្យកំពុងធ្វើបដិវត្តឧស្សាហកម្មថ្មីនៃការផលិត និងការប្រើប្រាស់ថាមពលហើយបដិវត្តឧស្សាហកម្មនាពេលខាងមុខនេះគឺមានអត្ថន័យជ្រាលជ្រៅដូចអ៊ីនធឺណេតផងដែរ ។ ថាមពលពន្លឺព្រះអាទិត្យកំពុងបង្ហាញយើងអំពីយុគសម័យថាមពលចល័តដែលយើងអាចបង្កើត និងប្រើប្រាស់ថាមពលតាមរបៀបចល័តដូចជាយើងប្រើអ៊ិនធឺណិត និងទូរស័ព្ទចល័ត ។

លោក Li Hejun គឺជាអ្នកតស៊ូមតិបដិវត្តថាមពលថ្មី ។ ហើយក្រុមហ៊ុនរបស់គាត់បានប្តេជ្ញាចិត្តថានឹង “ផ្លាស់ប្តូរពិភពលោកដោយថាមពលស្អាត” ។ ក្នុងឆ្នាំ ២០១១ គាត់បានលើកឡើងពីគំនិតរបស់អ្នកប្រើប្រាស់ “បង្កើតថាមពលសម្រាប់ការប្រើប្រាស់ផ្ទាល់ខ្លួន និងការលក់លើសតម្រូវការរបស់ខ្លួន” ។ ទស្សនៈនេះត្រូវបានបញ្ជាក់ដោយរដ្ឋាភិបាលចិន និងបានអនុម័តជាគោលនយោបាយជាតិដោយបានផ្លាស់ប្តូរទេសភាពនៃវិស័យថាមពលចិន ។

នៅឆ្នាំ ២០១៤ លោក Hejun បានលើកឡើងពីគំនិតថាមពលចល័តជាលើកដំបូងនៅលើពិភពលោកដែលត្រូវបានវាយតម្លៃខ្ពស់ និងទទួលស្គាល់ដោយឧស្សាហកម្មថាមពលនឹងលើសពីនេះ ។ ហើយគាត់បានលើកឡើងថា “បច្ចេកវិទ្យាពន្លឺព្រះអាទិត្យដែលមានប្រសិទ្ធភាពខ្ព​ស់ និងអាចបត់បែនបានដែលអាចឱ្យយើងជាមនុស្សរស់នៅដោយមិនមានរបៀបប្រើប្រាស់ថាមពលផូស៊ីលភាគច្រើនដោយការដុតជំនួសមនុស្សគ្រប់គ្នាសូម្បីតែវត្ថុក៏អាចបង្កើតថាមពលបានដែរហើយសង្គមមនុស្សនឹងឈានចូលយុគសម័យមួយផ្សេងទៀត ។ ហើយវាត្រូវបានកំណត់លក្ខណៈដោយការបង្កើតថាមពលចែកចាយ ។

នៅខែ វិច្ឆិកា ឆ្នាំ ២០១៣ លោក Hejun បានបោះពុម្ពសៀវភៅដំបូងរបស់គាត់គឺបដិវត្តថាមពល​ថ្មី៖ អំណាចដើម្បីផ្លាស់ប្តូរប្រទេសចិននឹងពិភពលោក ។ សៀវភៅនេះសង្កត់ធ្ងន់ពីធម្មជាតិនៃបដិវត្តឧស្សាហកម្មដែលបានបង្ហាញពីបដិវត្តថាមពល ។ នៅពេលអនាគតមានប្រកួតប្រជែងសម្រាប់ថាមពលនឹងមិនមែនសម្រាប់ធនធានប៉ុណ្ណោះទេប៉ុន្តែវាគឺជាបច្ចេកវិទ្យាស្នូល ។ ក្នុងកំឡុងពេលនេះសៀវភៅនេះបានអះអាងជាលក្ខណៈប្រព័ន្ធថា “ការរួមបញ្ចូលគ្នារវាងថាមពល និងអ៊ិនធរណេតនឹងនាំឱ្យមានបដិវត្តឧស្សាហកម្មទី ៣ ” នៅលើពិភពលោក ។

ចក្ខុវិស័យលើយុទ្ធសាស្រ្តសម្រាប់ការស៊ូទ្រាំនឹងការតស៊ូរយៈពេលដប់ឆ្នាំដ៏លំបាករបស់គាត់ និងការលះបង់ចំពោះក្តីសុបិន្តរបស់គាត់ត្រូវបានគេទទួលស្គាល់ជាទូទៅថាជាសហគ្រិនជនជាតិចិនម្នាក់ដែលមានភាពជាសហគ្រិនដែលគួរឱ្យគោរពបំផុត ។ ហើយគាត់ក៏បានចាប់ផ្តើមកម្មវិធីសប្បុរសធម៌ជាច្រើនផងដែរក្នុងនាមជាអ្នកឧបត្ថម្ភបឋមនឹងជានាយកប្រតិបត្តិដំបូងនៃមូលនិធិក្រហមរបស់ប្រទេសចិនជាពិសេសសម្រាប់ការការពារ និងព្យាបាលជំងឺអេដស៍នៅប្រទេសចិន ។ លោកលីបានចូលរួមវិភាគទានយ៉ាងជ្រាលជ្រៅដល់កម្មវិធីប្រឆាំងនឹងជំងឺអេដស៍ និងការអប់រំដើម្បីប្រឆាំងនឹងជំងឺអេដស៍ផងដែរ ។

ទ្រព្យសម្បត្តិ៖ Li Hejun

លោក Li Hejun គឺជាអ្នកជំនួញជនជាតិចិនដែលមានទ្រព្យសម្បត្តិសរុប ១៣,៣ ពាន់លានដុល្លារ ។ ក្នុងឆ្នាំ ២០១៤ ឈ្មោះរបស់គាត់ត្រូវបានគេចាត់ចូលទៅក្នុងបញ្ជីរបស់មហាសេដ្ឋីពិភពលោកដែលត្រូវបានដឹងថាជាអ្នកមានជាងគេនៅក្នុងប្រទេសចិន ។ លោក Hejun គឺជាប្រធានក្រុមហ៊ុន Hanergy Holding Group ដែលជាក្រុមហ៊ុនផលិតបន្ទះស្រូបពន្លឺព្រះអាទិត្យ និងឧបករណ៍ដែលធំជាងគេបំផុតនៅលើពិភពលោក ។ ហើយគាត់ក៏ជាម្ចាស់រោងចក្រថាមពលវារីអគ្គីសនីធំជាងគេបំផុតនៅលើពិភពលោកដែលមានទីតាំងនៅភាគខាងលិចប្រទេសចិន ។

ប្រភព៖​ Phnom Penh HR

លោក Rahmi Mustafa Koç កើតនៅឆ្នាំ ១៩៣០ គាត់គឺជាអ្នកជំនួញ និងជាសប្បុរសជនទួរគី ។ នៅឆ្នាំ ២០១៦ យោងតាមរយះទស្សនាវដ្តី Forbes បានឲ្យដឹងថាគាត់គឺជាអ្នកមានជាងគេដែលបានជាប់នៅចំណាត់ថ្នាក់ទី ៩០៦ នៅលើពិភពលោកដែលមានទ្រព្យសម្បត្តិ ២,៦ ពាន់លានដុល្លារ ។ ក្នុងឆ្នាំ ២០១៣ លោក Rahmi គឺជាជនជាតិតួកគីដែលបានបង់ពន្ធលើប្រាក់ចំណូលដ៏ច្រើនបំផុតនៅក្នុងប្រទេសរបស់គាត់ដែលមានចំនួនសរុប ៣៧.៥ លាន ។

ជីវិតដំបូង៖

លោក Rahmi Koç បានចូលរៀននៅវិទ្យាល័យរ៉ូប៊ឺតនៅទីក្រុងអ៊ីស្តង់ប៊ុល ។ ហើយគាត់បានបន្តការសិក្សារបស់គាត់នៅឯសាកលវិទ្យាល័យ Johns Hopkins នៅសហរដ្ឋអាមេរិក និងទទួលបានសញ្ញាប័ត្របរិញ្ញាបត្រក្នុងការគ្រប់គ្រងឧស្សាហកម្ម ។

លោក Rahmi Koç បានចាប់ផ្តើមធ្វើការយ៉ាងសកម្មនៅក្នុងក្រុមហ៊ុន Koç Group នៅឆ្នាំ ១៩៥៨ ដោយបានចូលរួមជាមួយក្រុមហ៊ុន Otokoç នៅទីក្រុង Ankara ។ បន្ទាប់ពីការផ្លាស់ប្តូរទីតាំងការិយាល័យកណ្តាលរបស់ក្រុមហ៊ុន Koç Holding ពីទីក្រុង Ankara ទៅទីក្រុងអ៊ីស្តង់ប៊ុលក្នុងឆ្នាំ ១៩៦៤ ដែលត្រូវបានបង្កើតឡើងមួយឆ្នាំមុននោះគាត់បានក្លាយជាអ្នកសម្របសម្រួលទូទៅនៃក្រុមហ៊ុន Koç Holding A.Ş ។

ក្រោយមកនៅឆ្នាំ ១៩៧០ លោក Rahmi បានក្លាយជាប្រធានគណៈកម្មាធិការប្រតិបត្តិហើយនៅឆ្នាំ ១៩៧៥ គាត់គឺជាអនុប្រធានក្រុមប្រឹក្សាភិបាល ។ ហើយគាត់ត្រូវបានតែងតាំងជាប្រធានគណៈកម្មាធិការគ្រប់គ្រងរបស់ក្រុមហ៊ុន Koç Holding ក្នុងឆ្នាំ ១៩៨០ ។ ឪពុករបស់គាត់ឈ្មោះ Vehbi Koç បានផ្ទេរតំណែងជាប្រធានក្រុមហ៊ុនទៅឲ្យគាត់នៅថ្ងៃទី ៣០ ខែ មីនា ឆ្នាំ ១៩៨៤ ហើយបច្ចុប្បន្ននេះគាត់គឺជាប្រធានក្រុមហ៊ុន Koç Holding ។

នៅក្នុងឆ្នាំ ២០១៣ លោក Rahmi បានទិញយកក្រុមហ៊ុន Merrill-Stevens Drydock & Repair Co ដែលជាក្រុមហ៊ុនផលិតទូកទេសចរណ៍ដ៏ចំណាស់ជាងគេនៅរដ្ឋផ្លរីដាហើយក្រុមហ៊ុនមួយនោះបានប្តូរឈ្មោះទៅជា RMK Merrill-Stevens ។

ទ្រព្យសម្បត្តិ៖ Mustafa Rahmi Koc

លោក Mustafa Rahmi Koc គឺជាអ្នកជំនួញជនជាតិទួរគីដែលមានទ្រព្យសម្បត្តិសុទ្ធ ២,៥ ពាន់លានដុល្លារ ។ គាត់មានតួនាទីជាប្រធានក្រមហ៊ុន Koc Holding ។ លោក Rahmi បានប្រគល់តំណែងជាប្រធានក្រុមប្រឹក្សាភិបាលរបស់ក្រុមហ៊ុន Ford Otosan ទៅឲ្យកូនប្រុសរបស់គាត់ឈ្មោះ Yildirim Ali Koc កាលពីឆ្នាំមុន​ ។

ប្រភព៖ Phnom Penh HR

លោកស្រី Liliane Henriette Charlotte Bettencourt កើតនៅថ្ងៃទី ២១ ខែ តុលា ឆ្នាំ ១៩២២ ដែលជាអ្នកស្នងមរតក និងជាអ្នកជំនួញជនជាតិបារាំង ។ លោកស្រី Liliane គឺជាម្ចាស់ភាគហ៊ុនដ៏សំខាន់ម្នាក់របស់ក្រុមហ៊ុន L’Oréal ។​ យោងទៅតាមរយះទស្សនាវដ្តី Forbes បានឲ្យដឹងថាលោកស្រី Liliane គឺជាស្ត្រីម្នាក់ដែលមានជាងគេបំផុតនៅលើពិភពលោកដែលធ្វើឱ្យគាត់បានក្លាយជាអ្នកមានបំផុតនៅលំដាប់ទី ១១ នៅលើពិភពលោកជាមួយនឹងទ្រព្យសម្បត្តិសុទ្ធចំនួន ៣៦,១ ពាន់លានដុល្លារអាមេរិក ។ នេះ​បើយោងតាមរយះទស្សនាវដ្តី ​​Forbes ក្នុងឆ្នាំ ២០១៦ ។ លោកស្រី Liliane មានទ្រព្យសម្បត្តិសុទ្ធជាង ៤០ ពាន់លានដុល្លារហើយជាគាត់គឺជាស្ត្រីម្នាក់ដែលមានជាងគេបំផុតនៅក្នុងប្រវត្តិសាស្ត្រ ។

ជីវប្រវត្តិ៖

លោកស្រី Liliane Bettencourt កើតនៅទីក្រុងប៉ារីសដែលជាកូនតែមួយគត់របស់លោក Louise Madeleine Berthe (née Doncieux) ។ ម្ដាយរបស់គាត់បានទទួលមរណភាពនៅពេលដែលគាត់មានអាយុ ៥ ឆ្នាំហើយក្រោយពីការស្លាប់ម្តាយរបស់គាត់បានរស់នៅជាមួយឪពុក ។ នៅអាយុ ១៥ ឆ្នាំលោកស្រី Liliane បានចូលរួមជាមួយក្រុមហ៊ុនឪពុករបស់គាត់ដែលបានធ្វើការជាកូនជាងលាយគ្រឿងសំអាង និងដាក់ស្លាកដបសាប៊ូ ។ នៅឆ្នាំ ១៩៥០ លោកស្រី Liliane បានរៀបការជាមួយអ្នកនយោបាយជនជាតិបារាំងគឺលោក André Bettencourt ដែលបានបម្រើការជារដ្ឋមន្រ្តីខុទ្ទកាល័យក្នុងរដ្ឋាភិបាលបារាំងក្នុងទសវត្ស ១៩៦០ និង ១៩៧០ ហើយបានក្លាយជាអនុប្រធានក្រុមហ៊ុន L’Oréal ។

នៅឆ្នាំ ១៩៥៧ លោកស្រី Liliane បានទទួលមរតកពីឪពុករបស់គាត់នៅពេលដែលឪពុករបស់គាត់បានស្លាប់ ។​ ហើយលោកស្រីបានក្លាយជាម្ចាស់ភាគហ៊ុនដ៏សំខាន់របស់ក្រុមហ៊ុន L’Oréal ។ នៅឆ្នាំ ១៩៦៣ ក្រុមហ៊ុននេះបានផ្សព្វផ្សាយជាសាធារណៈទោះបីលោកស្រីនៅតែបន្តកាន់កាប់ភាគហ៊ុនភាគច្រើនក៏ដោយ ។ នៅឆ្នាំ ១៩៧៤ ដោយភ័យខ្លាចថាក្រុមហ៊ុននេះនឹងទទួលបានជាតូបនីយកម្មបន្ទាប់ពីការបោះឆ្នោតនៅប្រទេសបារាំងលោកស្រីបានផ្លាស់ប្តូរភាគហ៊ុនរបស់គាត់ស្ទើរតែពាក់កណ្តាលសម្រាប់ភាគហ៊ុន ៣ ភាគរយ (៣%) នៅក្នុងក្រុមហ៊ុន Nestlé S.A ។

គិតត្រឹមថ្ងៃទី ៣១ ខែ ធ្នូ ឆ្នាំ ២០១២ លោកស្រី Liliane បានកាន់កាប់ភាគហ៊ុនចំនួន ១៨៥.៦៦១.៨៧៩ (៣០.៥%) នៃភាគហ៊ុនរបស់ក្រុមហ៊ុន L’Oréal ដែលក្នុងនោះភាគហ៊ុនចំនួន ៧៦.៤៤១.៣៨៩ (១២.៥៦%) ត្រូវបានរក្សាទុក ។ ភាគហ៊ុនដែលនៅសល់ចំនួន ១៧៨.៣៨១.០២១ (២៩.៧៨%) ជាកម្មសិទ្ធិរបស់ក្រុមហ៊ុន Nestlé, ២២៩,៩៣៣,៩៤១ (៣៧,៧៦%) ត្រូវបានកាន់កាប់ជាសាធារណៈហើយភាគហ៊ុនដែលនៅសល់ត្រូវបានកាន់កាប់ជាភាគហ៊ុនរតនាគារឬនៅក្នុងផែនការសន្សំរបស់ក្រុមហ៊ុន ។

ក្រុមគ្រួសាររបស់លោកស្រី Liliane និង Nestle ធ្វើសកម្មភាពស្របតាមកិច្ចព្រមព្រៀងរបស់ម្ចាស់ភាគហ៊ុន ។ លោកស្រី Liliane បានបញ្ចប់តួនាទីជានាយកក្រុមប្រឹក្សាភិបាលរបស់គាត់នៅថ្ងៃទី ១៣ ខែ កុម្ភះ ឆ្នាំ ២០១២ ហើយចៅប្រុសរបស់គាត់ឈ្មោះ Jean-Victor ត្រូវបានតែងតាំងជាប្រធានក្រុមប្រឹក្សាភិបាល ។

ទ្រព្យសម្បត្តិ៖ Liliane Bettencourt

លោកស្រី Liliane Bettencourt គឺជាអ្នកជំនួញម្នាក់ដែលមានដើមកំណើតនៅទីក្រុងប៉ារីស ។​ លោកស្រី Liliane គឺជាអ្នកស្នងមរតក និងជាអ្នកសង្គមនិយម និងជាអ្នកមានទ្រព្យសម្បត្តិចំនួន ៤៦ ពាន់លានដុល្លារ ។ លោកស្រី Liliane បន្សស់ទុកទ្រព្យសម្បត្តិប្រមាណជាង ៤៦ ពាន់លានដុល្លារដែលធ្វើឱ្យគាត់បានក្លាយជាស្ត្រីមានជាងគេបំផុតនៅលើពិភពលោកដែលជាអ្នកមានជាងគេនៅប្រទេសបារាំង និងជាអ្នកមានជាងគេនៅលំដាប់ទី ១១ នៅលើពិភពលោក ។

លោកស្រី Liliane បានកាន់កាប់ភាគហ៊ុនចំនួន ១៨៥ លានភាគហ៊ុនរបស់ក្រុមហ៊ុន L’Oreal ដែលស្មើនឹង ៣៣ ភាគរយនៃក្រុមហ៊ុន ។ ហើយលោកស្រីក៏បានកាន់កាប់ភាគហ៊ុន ៣០ ភាគរយនៅក្នុងក្រុមហ៊ុន Nestle ផងដែរ ។ លោកស្រី Liliane គឺជាម្ចាស់ភាគហ៊ុនដ៏ធំជាងគេនៅក្នុងចំណោមក្រុមហ៊ុនទាំងពីរ ។ លោកស្រី Liliane គឺជាសហស្ថាបនិកនៃមូលនិធិ Bettencourt Schueller ជាមួយស្វាមី និងកូនស្រីរបស់គាត់ដើម្បីគាំទ្រដល់ការស្រាវជ្រាវវិទ្យាសាស្ត្រគម្រោងមនុស្សធម៌ និងសិល្បៈ ។

ប្រភព៖ Phnom Penh HR

លោក Steven F. Udvar-Házy កើតនៅឆ្នាំ ១៩៤៦ គាត់គឺជាពាណិជ្ជករជនជាតិអាមេរិក និងជានាយកប្រតិបត្តិនៃក្រុមហ៊ុនអាកាសចរណ៍ ។ គាត់គឺជាអតីតប្រធាន និងជានាយកប្រតិបត្តិនៃក្រុមហ៊ុនហិរញ្ញវត្ថុអន្តរជាតិ ILFC ។ ក្នុងឆ្នាំ ២០១១ យោងតាមរយះទស្សនាវដ្តី Forbes បានឲ្យដឹងគាត់ជាអ្នកមានជាងគេទី ៤០៩ លើពិភពលោកដោយមានទ្រព្យសម្បត្តិសុទ្ធប្រមាណ ៣,២ ពាន់លានដុល្លារ ។

ជីវិតដំបូង៖

លោក Steven បានមករស់នៅសហរដ្ឋអាមេរិកក្នុងឆ្នាំ ១៩៥៨ ដោយបានភៀសខ្លួនពីការកាន់កាប់របស់ប្រទេសសូវៀ​ត ។ គាត់បានចូលរៀននៅវិទ្យាល័យនៅ Los Angeles និងសាកលវិទ្យាល័យ California រដ្ឋ Los Angeles ។

សប្បុរសធម៏៖

លោក Steven បានផ្តល់ថវិកាចំនួន ៦៦ លានដុល្លារអាមេរិកដល់វិទ្យាស្ថាន Smithsonian ដែលបានអនុញ្ញាតឱ្យសារមន្ទីរជាតិលំហអាកាស និងអវកាសជាតិអាមេរិកដែលបានបង្កើតនូវឧបសម្ព័ន្ធដោយលោក Steven F. Udvar-Hazy នៅឯអាកាសយានដ្ឋានអន្តរជាតិ Dulles ។ ហើយឧបសម្ព័ន្ធនេះបានផ្ទុកយន្តហោះជាង ១២០ គ្រឿងនឹងពិព័រណ៍រុករកអវកាសចំនួន ១៤០ នៅឆ្នាំ ២០០៦ ហើយក៏រួមបញ្ចូលទាំងយានអវកាស Shuttle Discovery ផងដែរ ។

ក្រុមគ្រួសារ Udvar-Házy បានបរិច្ចាគថវិកាដើម្បីសាងសង់បណ្ណាល័យ និងមជ្ឈមណ្ឌលសិក្សាគ្រីស្ទីន និងបណ្ណាល័យ Steven F. Udvar-Hazy នៅឯមជ្ឈមណ្ឌលបោះជំរំនៅសាកលវិទ្យាល័យ Prescott Campus ។ បណ្ណាល័យថ្មីដែលបានផ្តល់ជូននិស្សិតនូវបរិក្ខាទំនើបៗ និងទិដ្ឋភាពដ៏អស្ចារ្យនៃបរិវេណជុំវិញ ។ ហើយអំណោយនេះគឺជាចំនួនដ៏ច្រើនបំផុតដែលបានធ្វើសម្រាប់សាកលវិទ្យាល័យ ។ អគារពាណិជ្ជកម្មនៅសាកលវិទ្យាល័យ Dixie State ត្រូវបានដាក់ឈ្មោះតាមឪពុកម្តាយរបស់គាត់ ។

ទ្រព្យសម្បត្តិ៖ Steven Udvar-Hazy

លោក Steven Udvar-Hazy គឺជាសហគ្រិនជនជាតិអាមេរិកដែលមានដើមកំណើតមកពីប្រទេសហុងគ្រីដែលមានទ្រព្យសម្បត្តិសរុប ៣.៧ ពាន់លានដុល្លារ ។ គាត់បានបញ្ចប់ការសិក្សាពីសាកលវិទ្យាល័យកាលីហ្វ័រញ៉ាហើយក្រោយមកគាត់បានបើកក្រុមហ៊ុនមួយផ្ទាល់ខ្លួនដែលជាក្រុមហ៊ុនអាកាសចរណ៍សម្រាប់ដឹកអ្នកដំណើរផ្ទាល់ខ្លួន ។

នៅឆ្នាំ ១៩៧៣ លោក Steven បានសហការជាមួយដៃគូពីរនាក់ទៀតដែលបានបង្កើតក្រុមហ៊ុនហិរញ្ញវត្ថុអន្តរជាតិ ។ ក្នុងរយៈពេលខ្លីគាត់បានក្លាយជាប្រធានក្រុមប្រឹក្សាភិបាលហើយក្រុមហ៊ុនរបស់គាត់ត្រូវបានលក់ទៅឱ្យក្រុមហ៊ុន AIG ក្នុងតម្លៃ ១,២ ពាន់លានដុល្លារក្នុងឆ្នាំ ១៩៩០ ។

ក្នុងឆ្នាំ ២០១០ លោក Steven បានបង្កើតក្រុមហ៊ុនទី ២ របស់គាត់គឺក្រុមហ៊ុន Air Lease Corporation ដែលជាដៃគូប្រកួតប្រជែងផ្ទាល់ជាមួយនឹងក្រុមហ៊ុន AIG ។ ហើយបច្ចុប្បន្នក្រុមហ៊ុនទាំង ២ កំពុងតែពាក់ព័ន្ធនឹងបណ្តឹងរដ្ឋប្បវេណីដែលកំពុងបន្តជុំវិញការសម្ងាត់ពាណិជ្ជកម្ម ។

ប្រភព៖ Phnom Penh HR

លោក Saleh Abdullah Kamel កើតនៅឆ្នាំ ១៩៤០ គាត់គឺជាមហាសេដ្ឋីជំនួញអារ៉ាប៊ីសាអូឌីត ។ លោក Abdullah មានទ្រព្យសម្បត្តិសុទ្ធប្រមាណ ១.៩៥ ពាន់លានដុល្លារ ។ គាត់គឺជាប្រធាន និងជាស្ថាបនិកនៃក្រុមហ៊ុន Dallah al Baraka Group (DBHC) ដែលជាក្រុមហ៊ុនដ៏ធំមួយនៅមជ្ឈិមបូព៌ា ។ គាត់ក៏ជាប្រធានក្រុមប្រឹក្សាទូទៅសម្រាប់ធនាគារអ៊ិស្លាម និងសភាពាណិជ្ជកម្ម Jeddah ។

គិតត្រឹមខែ មេសា ឆ្នាំ ២០១៦ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់គាត់មានចំនួន ២,១ ពាន់លានដុល្លារ ។ លោក Abdullah គឺជាស្ថាបនិក និងជាប្រធានក្រុមហ៊ុន Dallah Albaraka ដែលជាក្រុមហ៊ុនកាន់កាប់ពហុជាតិដែលមានការវិនិយោគជាច្រើនរួមមានវិស័យហិរញ្ញវត្ថុ ធនាគារ សុខាភិបាល អចលនទ្រព្យ ផលិតកម្មដឹកជញ្ជូន និងប្រតិបត្តិការនឹងថែទាំជាដើម ។

អាជីព៖

លោក Abdullah គឺជាប្រធានសភាពាណិជ្ជកម្ម និងជាម្ចាស់ក្រុមហ៊ុនឧស្សាហកម្ម Jeddah Chamber ក៏ដូចជាសភាពាណិជ្ជកម្មអ៊ីស្លាមផងដែរ ។ គាត់ត្រូវបានគេហៅថាជា “ឪពុកនៃហិរញ្ញវត្ថុឥស្លាមបច្ចុប្បន្ន” ហើយគាត់ទទួលបានពានរង្វាន់ម៉ាឡេស៊ីសំរាប់ហិរញ្ញវត្ថុអ៊ីស្លាមក្នុងខែ វិច្ឆិកា ឆ្នាំ ២០១០ ។ បច្ចុប្បន្ននេះគាត់បានចូលរួមក្នុងកិច្ចខិតខំប្រឹងប្រែងដើម្បីពង្រីកពាណិជ្ជកម្មយ៉ាងសំខាន់ក្នុងចំណោមបណ្តាប្រទេសជាសមាជិកនៃអង្គការសហប្រតិបត្តិការអ៊ីស្លាមផងដែរ ។

លោក Abdullah បានចូលរួមយ៉ាងច្រើននៅក្នុងការលើកកម្ពស់ក្រុមហ៊ុនឧស្សាហកម្ម Jeddah Chamber ដែលជាកំពង់ផែអន្តរជាតិឈានមុខគេ និងជាមជ្ឈមណ្ឌលសម្រាប់ពាណិជ្ជកម្មពិភពលោក ។ ក្នុងនាមជាប្រធានក្រុមហ៊ុន DBHC និងក្រុមហ៊ុន JCC លោក Saleh បានដឹកនាំគម្រោងជាច្រើនដើម្បីលើកកម្ពស់ព្រះរាជាណាចក្រអារ៉ាប់ប៊ីសាអូឌីតជាកម្លាំងសេដ្ឋកិច្ចក្នុងតំបន់ផងដែរ ។

ហើយគាត់បានបញ្ជាក់ថាចក្ខុវិស័យរបស់គាត់គឺដើម្បីបញ្ចូលគ្នានូវកិច្ចខិតខំប្រឹងប្រែងរបស់ក្រុមហ៊ុន DBHC និងសភាពាណិជ្ជកម្មជាមួយនឹងគម្រោងហេដ្ឋារចនាសម្ព័ន្ធធំៗដែលកំពុងបន្តដូចជាកំពង់ផែ King Abdullah ទីក្រុងសេដ្ឋកិច្ច ផ្លូវដែកថ្មី និងអាកាសយានដ្ឋានអន្តរជាតិ King Abdullah ដើម្បីទាក់ទាញអាជីវកម្មនៅក្នុងស្រុក ។ នៅក្នុងសមត្ថភាពរបស់គាត់ក្នុងនាមជាអ្នកជំនួញឈានមុខគេម្នាក់របស់ប្រទេសអារ៉ាប៊ីសាអូឌីតលោក Abdullah នៅតែបន្តលើកកម្ពស់សកម្មភាពសប្បុរសធម៌ថែមទៀតផងដែរ ។

នៅក្នុងបទសម្ភាសន៍ជាមួយអ្នកសារព័ត៌មានអារ៉ាប់កាលពីឆ្នាំ ២០១២ លោក Abdullah បានប៉ាន់ប្រមាណថាតម្លៃឥស្លាមហ្សាកាតសរុបនៅក្នុងព្រះរាជាណាចក្រមានចំនួន ១ លានកោដិ ។ ចំនួនដ៏ច្រើនបែបនេះអាចត្រូវបានប្រើដើម្បីដោះស្រាយបញ្ហាសេដ្ឋកិច្ច និងសង្គមជាច្រើននៅក្នុងប្រទេស ។ ហើយគាត់មានប្រសាសន៍ថាប្រជាជនគួរតែបង់លុយសម្រាប់អចលនទ្រព្យដែលត្រូវបានផ្តល់ជូនសម្រាប់ការលក់ដូររបស់ពួកគេ ។

ប្រសិនបើយើងបានប្រមូលហ្សាកាតពីអចលនទ្រព្យយើងនឹងមិនប្រឈមមុខនឹងបញ្ហាផ្ទះសម្បែងឬដីធ្លីនោះទេ ។ លោក Abdullah បានធ្វើការពិភាក្សាអំពីបញ្ហានេះជាមួយអធិការបតីអាល្លឺម៉ង់គឺលោកស្រី  Angela Merkel ។ ហើយគាត់បានមានប្រសាសន៍ថា “ខ្ញុំអាចប្រាប់អ្នកបានថាសេដ្ឋកិច្ចអ៊ីស្លាមបានផ្តល់នូវដំណោះស្រាយសម្រាប់បញ្ហាពិភពលោកជាច្រើន” ។

ដោយសំដៅទៅលើវិបត្តិសេដ្ឋកិច្ចរបស់ពិភពលោកលោក Abdullah បាននិយាយថាពួកគេនឹងមិនកើតឡើងទេប្រសិនបើយើងអនុវត្តឥស្លាមហាឌីតដោយព្យាការីដ៏បរិសុទ្ធដោយគាត់បាននិយាយថា “កុំលក់អ្វីដែលមិនមែនជារបស់ឬកម្មសិទ្ធិ” ។ ក្នុងឆ្នាំ ២០១០ កូនប្រុសរបស់លោក Abdullah ដែលជានាយកប្រតិបត្តិនៃក្រុមហ៊ុន DHBC បានបរិច្ចាគ ១០ លានដុល្លារដល់សាកលវិទ្យាល័យ Yale ដើម្បីបង្កើតមជ្ឈមណ្ឌល Abdallah S. Kamel សម្រាប់ការសិក្សាច្បាប់អ៊ីស្លាម និងអរិយធម៌នៅសាលាច្បាប់ Yale។

ទ្រព្យសម្បត្តិ៖ Saleh Abdullah Kamel 

អ្នកជំនួញអារ៉ាប៊ីសាអ៊ូឌីតលោក Saleh Abdullah Kamel គឺជាស្ថាបនិក និងជាប្រធានក្រុមហ៊ុន Dalla Al Baraka Group (DBG) ដែលមានទ្រព្យសម្បត្តិសរុបប្រមាណ ២,២ ពាន់លានដុល្លារគិតត្រឹមខែ មេសា ឆ្នាំ ២០១៦ នេះបើយោងតាមទស្សនាវដ្តី Forbes ។ ប្រាក់ចំណូលរបស់គាត់ធ្វើឱ្យគាត់បានក្លាយជាអ្នកមានបំផុតនៅលំដាប់ទី ៨ នៅអារ៉ាប់ប៊ីសាអូឌីត និងជាប់ចំណាត់ថ្នាក់លេខ ៧៨៥ នៅក្នុងបញ្ជីរបស់មហាសេដ្ឋីពិភពលោក ។

ក្រុមហ៊ុន Dalla Al Baraka Group គឺជាក្រុមហ៊ុនដ៏ធំរបស់ប្រទេសអារ៉ាប់ប៊ីសាអូឌីតដែលមានក្រមហ៊ុនអាជីវកម្មនៅក្នុងឧស្សាហកម្មជាច្រើនដូចជាធនាគារ ការអភិវឌ្ឍន៍អចលនទ្រព្យ និងផលិតកម្មម្ហូបអាហារ ។ ដូចគ្នានេះផងដែរក្រុមហ៊ុននេះត្រូវបានចូលរួមនៅក្នុងការអភិវឌ្ឍប្រព័ន្ធផ្លូវដែក សហគមន៍សហគមន៍នៅក្នុងទីក្រុង និងវិហារអ៊ីស្លាម ។

ប្រភព៖ Phnom Penh HR

លោក Robert Martin Friendland កើតនៅថ្ងៃទី ១៨ ខែ សីហា ឆ្នាំ ១៩៥០ គាត់គឺជាអ្នកផ្តល់ហិរញ្ញប្បទានអន្តរជាតិ និងជាអ្នកដើរតួដ៏សំខាន់នៅក្នុងក្រុមហ៊ុនឧស្សាហកម្មរ៉ែ ។ ចាប់តាំងពីដើមទសវត្សឆ្នាំ ១៩៨០ លោក Robert មានជំនាញក្នុងការរុករករ៉ែ និងជាអ្នកភិវឌ្ឍធនធានរ៉ែ ថាមពល និងបណ្តាក់ទុនបច្ចេកវិទ្យាទំនើប ។

គាត់គឺជាស្ថាបនិក និងជាប្រធានក្រុមហ៊ុន Ivanhoe Capital Corporation ដែលជាក្រុមហ៊ុនផ្តល់ហិរញ្ញប្បទានអន្តរជាតិ ។ ហើយគាត់បានគ្រប់គ្រងក្រុមហ៊ុននៅក្នុងទីផ្សារមូលធនសកល និងមានការផ្តោតការយកចិត្តទុកដាក់ទៅលើទីផ្សារដែលកំពុងរីកចម្រើនខ្លាំងផងដែរ ។ លោក Robert គឺជាស្ថាបនិកនៃក្រុមហ៊ុន Ivanhoe Mines ដែលជាក្រុមហ៊ុនសាធារណៈរបស់ប្រទេសកាណាដាដែលបានចុះបញ្ជីនៅក្នុងទីក្រុងញូវយ៉ក និងនៅទីក្រុងតូរ៉ុនតូ ។

ជីវិតដំបូង និងការអប់រំ៖

លោក Robert Friedland កើតនៅក្នុងទីក្រុងឈីកាហ្គោរដ្ឋអ៊ីលីណយដែលជាកូនច្បងម្នាក់ក្នុងចំណោមកូន ៣ នាក់ហើយឪពុករបស់គាត់គឺលោក Albert Friedland និងម្តាយឈ្មោះលោកស្រី Ilona (née Muller) ដែលជាជនអន្តោប្រវេសន៍ ។ លោក Robert ត្រូវបានគេបណ្តេញចេញពីមហាវិទ្យាល័យ Bowdoin ក្នុងឆ្នាំ ១៩៧០ បន្ទាប់ពីត្រូវបានចាប់ខ្លួនដោយអាជ្ញាធរសហព័ន្ធដែលបានចោទពីបទកាន់កាប់ LSD តម្លៃ ១០ ម៉ឺនដុល្លារដែលជាបទឧក្រិដ្ឋមួយដែលគាត់បានជាប់ពន្ធនាគារសហព័ន្ធអស់រយៈពេល ២ ឆ្នាំ ។

ហើយក្រោយមកគាត់បានបញ្ចប់ការសិក្សានៅឆ្នាំ ១៩៧៤ ពីមហាវិទ្យាល័យ Reed រដ្ឋ Oregon នៅសហរដ្ឋអាមេរិកដោយទទួលបានសញ្ញាប័ត្រវិទ្យាសាស្ត្រនយោបាយ ។ ក្នុងអំឡុងពេលគាត់នៅមហាវិទ្យាល័យ Reed គាត់បានជួបជាមួយលោក Steve Jobs ដែលជាសហស្ថាបនិករបស់ក្រុមហ៊ុន Apple ដោយបានចែករំលែកបទពិសោធន៏ ។ នៅពេលនោះលោក Robert បានបម្រើការងារនៅក្នុងក្រុមហ៊ុន Apple មួយនៅភាគខាងត្បូងនៃទីក្រុង Portland ដែលជាកម្មសិទ្ធិរបស់លោក Marcel Muller និងលោក Steve Jobs ។

អាជីព៖

លោក Robert បានចាប់ផ្តើមបង្កើតក្រុមហ៊ុនផ្ទាល់ខ្លួនមួយឈ្មោះថា Ivanhoe Capital ដែលជាក្រុមហ៊ុនសាជីវកម្មនៅក្នុងប្រទេសសិង្ហបុរីដែលជាទីតាំងមួយដោយបានជួយសម្រួលដល់ក្រុមហ៊ុនអាជីវកម្មដែលបានផ្តោតសំខាន់នៅក្នុងតំបន់នៅអាស៊ីប៉ាស៊ីហ្វិកនៅក្នុងអំឡុងពេល ២០ ឆ្នាំចុងក្រោយនេះ ។

លោក Robert គឺជានាយកប្រតិបត្តិនៃក្រុមហ៊ុន Ivanhoe Mines Ltd ដែលមានមូលដ្ឋាននៅប្រទេសកាណាដោយបានបង្កើតឡើងក្នុងឆ្នាំ ១៩៩៤ ហើយបាននាំឱ្យមានការបោះផ្សាយលក់មូលបត្រជាសាធារណៈដំបូងរបស់គាត់ដោយទទួលបានជោគជ័យនៅក្នុងផ្សារភាគហ៊ុននៅក្នុងទីក្រុងតូរ៉ុនតូក្នុងឆ្នាំ ១៩៩៦ ។

លោក Robert បានបម្រើការជាប្រធានក្រុមហ៊ុនហើយក្រោយមកជានាយកប្រតិបត្តិក្រុមហ៊ុនរហូតដល់ឆ្នាំ ២០១១ ។ ការរុករករបស់ក្រុមហ៊ុន Ivanhoe Mines ចាប់តាំងពីឆ្នាំ ២០០០ ដែលបានរកឃើញលោហធាតុទង់ដែង មាស និងប្រាក់នៅឯតំបន់ Oyu Tolgoi (Turquoise Hill) និងនៅក្នុងតំបន់ South Gobi នៃ Mongolia ។ ដំណាក់កាលដំបូងដែលត្រូវបានគេព្យាករថាតំបន់មួយនេះសម្បូរទៅដោយរ៉ែ ស្ពាន់ និងរ៉ែមាសដ៏ធំបំផុតមួយនៅលើពិភពលោកដែលកំពុងត្រូវបានសាងសង់នៅតំបន់ Oyu Tolgoi ហើយត្រូវបានគេរំពឹងថានឹងចាប់ផ្តើមផ្សព្វផ្សាយពាណិជ្ជកម្មនៅឆ្នាំ ២០១៣ ។

លោក Robert គឺជាប្រធានក្រុមហ៊ុន Galactic Resources ដោយបានប្រតិបត្តិការលើការរុករកអណ្តូងរ៉ែដែលជាទីតាំងនៃការបញ្ចេញជាតិពុលដ៏អាក្រក់បំផុត និងការក្ស័យធនអណ្តូងរ៉ែ ។ អណ្តូងរ៉ែនេះត្រូវបានបិទនៅឆ្នាំ ១៩៩០ ប៉ុន្តែវានៅតែបន្តប៉ះពាល់ដល់តំបន់នេះផងដែរ ។ ហើយគេបានប៉ាន់ប្រមាណថាយ៉ាងហោចណាស់ត្រូវចំណាយអស់ណាស់ទឹកប្រាក់ចំនួន ១២០ លានដុល្លារនឹងកែតម្រូវឱ្យសម្អាតកន្លែងជីកយករ៉ែ Galactic Resources ដែលបានធ្វើឱ្យខូចខាតដល់ទន្លេ ១៧ ម៉ាយ ។

អតីតអ្នកគ្រប់គ្រងផ្នែកបរិស្ថានកន្លែងនេះត្រូវបានចោទប្រកាន់ពីបទស៊ីសំណូក និងបានបង្ហូរជាតិពុលដោយចេតនាចូលទៅក្នុងទឹកអូរ ។ អណ្តូងរ៉ែស្ពាន់ដែលបានដំណើរការដោយក្រុមហ៊ុនក្រុមហ៊ុន Ivanhoe Mines នៅក្នុងប្រទេសមីយ៉ាន់ម៉ាថ្មីៗនេះត្រូវបានគេពិនិត្យពិចារណានៅពេលដែលការរិចរិលបរិស្ថាន និងការអនុវត្តន៍របស់ក្រុមហ៊ុនខុសច្បាប់ក៏ដូចជាការទាក់ទងនៅខាងក្នុងជាមួយរបបយោធាកំពុងកាន់អំណាចដែលបានបង្កឱ្យមានការព្រួយបារម្ភខាងក្រមសីលធម៌ ។

ទ្រព្យសម្បត្តិ៖ Robert Friendland

គិតត្រឹមខែ មីនា ឆ្នាំ ២០១៣ លោក Robert Friendland មានទ្រព្យសរុបប្រមាណ ១,៨ ពាន់លានដុល្លារ ។ នេះបើយោងតាមរយះទស្សនាវដ្តី ​​Forbes បានឲ្យដឹងថាលោក Robert ជាប់ចំណាត់ថាក់លេខ ៨៣១ នៅក្នុងបញ្ជីរបស់មហាសេដ្ឋីពិភពលោកលេខ ៥៤៦ ក្នុងឆ្នាំ ២០១២ និងលេខ ២៧៩ នៅសហរដ្ឋអាមេរិក និងលេខ ៣៤៧ នៅក្នុងបញ្ជី Forbes 400 ។

ប្រភព៖ Phnom Penh HR

លោក Subhash Chandra កើតនៅថ្ងៃទី ៣០ ខែ វិច្ឆិកា ឆ្នាំ ១៩៥០ ដែលជាអ្នកផ្សព្វផ្សាយព័ត៌មានលើបណ្តាញទូរទស្សន៍នៅប្រទេសឥណ្ឌា ។ គាត់គឺជាប្រធានក្រុមហ៊ុន Essel Group និងជាអតីតប្រធានបណ្តាញទូរទស្សន៍ Zee Media របស់ប្រទេសឥណ្ឌា ។ ឥទ្បូវគាត់បានលាលែងពីតំណែងជាប្រធាន និងជានាយកប្រតិបត្តិពីក្រុមហ៊ុនចាប់ពីថ្ងៃទី ២៤ ខែ​ ឧសភា ឆ្នាំ ២០១៦ ។ នៅថ្ងៃទី ១១ ខែ មិថុនា ឆ្នាំ ២០១៦ គាត់ទទួលបានសញ្ញាបត្រកិត្តិយសពីសាលា UEL ។

លោក Chandra បានរស់នៅក្នុងភូមិមួយនៅក្នុងស្រុក Hisar រដ្ឋ Haryana ។ នៅឆ្នាំ ១៩៧០ នៅពេលដែលគាត់កំពុងសិក្សានៅថ្នាក់ទី ១០ គាត់បានឈប់រៀនដើម្បីចូលរួមជាមួយក្រុមភ្នាក់ងារ និងពាណិជ្ជករដែលបានទិញ និងផ្គត់ផ្គង់អង្ករទៅឲ្យក្រុមហ៊ុនសាជីវកម្មអាហារឥណ្ឌា ។

នៅទសវត្សឆ្នាំ ១៩៨០ លោក Chandra បានចាប់ផ្តើមបង្កើតក្រុមហ៊ុនផលិតផលវេចខ្ចប់ថ្នាំដុសធ្មេញ ។ ហើយនៅឆ្នាំ ១៩៩២ គាត់បានបើកដំណើរការក្រុមហ៊ុនទូរទស្សន៍ Zee TV ដោយបានសហការជាមួយលោក Li Ka Shing ដែលជាអ្នកបង្កើតល្បែងឆ្នោតតាមអ៊ិនធរណេត និងម្ចាស់ក្រុមហ៊ុនទូរទស្សន៍ Dish TV ទីមួយនៅប្រទេសឥណ្ឌា ។

អាជីវកម្ម៖

ប៉ុស្តិ៍ទូរទស្សន៍ Zee TV  របស់លោក Chandra បានប្រកួតប្រជែងជាមួយទូរទស្សន៍កម្សាន្ត Sony Entertainment និងទូរទស្សន៍ STAR Plus ។ ហើយការបើកដំណើរបណ្តាញទូរទស្សន៍របស់គាត់មានចំនួនរហូតដល់ ៧០ រួមទាំងបណ្តាញផ្សាយជាភាសាហិណ្ឌូដល់ប្រជាជនឥណ្ឌាប្រមាណជាង ៩៥៩ លាននាក់ដែលបានផ្សព្វផ្សាយនៅលើ ១៦៩ ប្រទេស ។

ហើយគាត់បានបង្កើតប៉ុស្តិ៍ទូរទស្សន៍ផ្កាយរណបដំបូងគេបង្អស់នៅក្នុងប្រទេសឥណ្ឌាគឺក្រុមហ៊ុនទូរទស្សន៍ Zee TV ក្នុងឆ្នាំ ១៩៩២ ។ នៅខែ វិច្ឆិកា ឆ្នាំ ២០០៩ លោក Chandra បានគ្រប់គ្រងផ្នែកសារព័ត៌មាន Daily News និងព័ត៌មានវិភាគ DNA ដែលមានលក្ខណៈពិសេសក្នុងចំណោមសារព័ត៌មានកំពូលៗទាំង ៨ នៅក្នុងប្រទេសឥណ្ឌាផងដែរ ។

ទ្រព្យសម្បត្តិ៖ Subhash Chandra

មហាសេដ្ឋីផ្សព្វផ្សាយព័ត៌មានលើបណ្តាញទូរទស្សន៍នៅក្នុងប្រទេសឥណ្ឌាគឺលោក Subhash Chandra គឺជាប្រធានក្រុមហ៊ុន Essel Group ។ យោងតាមរយះទស្សនាវដ្តី Forbes បានឲ្យដឹងថាលោក Chandra មានទ្រព្យសម្បត្តិសរុបប្រមាណ ៣,៩ ពាន់លានដុល្លារគិតត្រឹមខែ មេសា ឆ្នាំ ២០១៦ ។ ហើយគាត់ក៏ជាអ្នកមានបំផុតនៅលំដាប់ទី ២៣ នៅក្នុងបញ្ជីរបស់មហាសេដ្ឋីឥណ្ឌាដែលបានជាប់ចំណាត់ថ្នាក់ទី ៦១៣ ក្នុងចំណោមមហាសេដ្ឋីនៅពិភពលោកផងដែរ ។

ប៉ុស្តិ៍ទូរទស្សន៍ Zee TV បានបង្កើតទ្បើតដោយលោក Chandra ក្នុងឆ្នាំ ១៩៩២ ដែលជាស្ថានីយ៍ទូរទស្សន៍ផ្កាយរណបដំបូងគេនៅក្នុងប្រទេសឥណ្ឌា ។ ក្រោយមកវាបានក្លាយជាប៉ុស្តិ៍ព័ត៌មានឯកជនដំបូងគេដែលមានឈ្មោះថា Zee News ហើយត្រូវបានគ្រប់គ្រងដោយកូនប្រុសរបស់គាត់ឈ្មោះ Punit ។

បច្ចុប្បន្ននេះស្ថានីយ៍ទូរទស្សន៍ផ្កាយរណបរបស់ Zee TV បានអះអាងថានឹងមានអ្នកទស្សនៈចំនួន ៦៥០ លាននាក់នៅក្នុង ១៦៨ ប្រទេសដែលមាន ៣២ ប៉ុស្តិ៍ ដែលកំពុងដំណើរការហើយវានឹងអាចមានអ្នកទស្សនាឈានដល់ចំនួនមួយពាន់លាននាក់នៅទូទាំងប្រទេសផងដែរ​ ។

ប្រភព៖ Phnom Penh HR

លោក Stephen Allen Schwarzman កើតនៅថ្ងៃទី ១៤ ខែ កុម្ភះ ឆ្នាំ ១៩៤៧ ដែលជាអ្នកវិនិយោគិនជនជាតិអាមេរិច និងជាអ្នកគ្រប់គ្រងភាគហ៊ុនឯកជន និងជាសប្បុរសជន។ គាត់គឺជាប្រធាន និងជានាយកប្រតិបត្តិនៃក្រុមហ៊ុន Blackstone Group ដែលជាក្រុមហ៊ុនមូលធនឯកជនសកលដែលបានបង្កើតឡើងនៅឆ្នាំ ១៩៨៥ ជាមួយអតីតរដ្ឋមន្រ្តីក្រសួងពាណិជ្ជកម្មអាមេរិកគឺលោក Pete Peterson ។

ទ្រព្យសម្បត្តិរបស់លោក Schwarzman ត្រូវបានប៉ាន់ស្មានថាមានចំនួន ១០,២ ពាន់លានដុល្លារគិតត្រឹមខែ មករា ឆ្នាំ ២០១៧ ។ នេះបើគិតត្រឹមឆ្នាំ ២០១៧ យោងតាមរយះទស្សនាវដ្តី Forbes បានដាក់ចំណាត់ថ្នាក់លោក Schwarzman នៅលំដាប់ទី ១១៣ នៅក្នុងបញ្ជីរបស់មហាសេដ្ឋីដែលជាអ្នកមានជាងគេបំផុតនៅលើពិភពលោក ។លោក Schwarzman ធ្វើជាប្រធានវេទិកាយុទ្ធសាស្ត្រ និងជាអ្នកគោលនយោបាយរបស់ប្រធានាធិបតីដូណាល់ត្រាំ ។

ជីវិតដំបូង និងការអប់រំ៖

លោក Schwarzman ធំទ្បើងនៅក្នុងគ្រួសារជ្វីហ្វមួយនៅទីក្រុង Huntingdon Valley រដ្ឋផេនស៊ីលវេនៀ ។ ហើយគាត់ជាកូនប្រុសរបស់លោកស្រី  Arline និងលោក  Joseph Schwarzman ។ លោក Schwarzman បានចូលរៀននៅសាលា Abington School នៅក្បែរជាយក្រុង Philadelphia ហើយគាត់បានបញ្ចប់ការសិក្សានៅវិទ្យាល័យ Abington ក្នុងឆ្នាំ ១៩៦៥ ។ បន្ទាប់មកក្នុងឆ្នាំ ១៩៦៩ គាត់បានបន្តទៅរៀននៅសាលាពាណិជ្ជកម្មហាវ៉ាដ និងបានបញ្ចប់ការសិក្សានៅឆ្នាំ ១៩៧២ ។

អាជីពវិនិយោគ៖

លោក Schwarzman បានចាប់ផ្តើមធ្វើការនៅធនាគារវិនិយោគ Lehman Brothers ជាទីកន្លែងដែលគាត់បានទទួលឋានៈជានាយកគ្រប់គ្រងនៅអាយុ ៣១ ឆ្នាំ ។ នៅឆ្នាំ ១៩៨៥ លោក Schwarzman និងចៅហ្វាយរបស់គាត់គឺលោក Peter Peterson បានចាប់ផ្តើមបង្កើតក្រុមហ៊ុន Blackstone ។ នៅពេលក្រុមហ៊ុន Blackstone បានផ្សព្វផ្សាយជាសាធារណៈនៅខែ មិថុនា ឆ្នាំ ២០០៧ វាបានបង្ហាញនៅក្នុងឯកសារមូលបត្រ ។

លោក Schwarzman រកចំំណូលបានប្រហែល ៣៩៨,៣ លានដុល្លារពីសារពើពន្ធនៅក្នុងឆ្នាំ ២០០៦ ។ ហើយទីបំផុតគាត់បានទទួលប្រាក់ចំនួន ៦៨៤ លានដុល្លារដែលបានលក់ផ្នែកខ្លះនៃភាគហ៊ុននៅក្នុងក្រុមហ៊ុន Blackstone របស់គាត់នៅក្នុង IPO ដោយបានរក្សាភាគហ៊ុននៅក្នុងក្រុមហ៊ុនដែលមានតម្លៃ ៩,១ ពាន់លានដុល្លារ ។

លោក Schwarzman គឺជាប្រធានសហស្ថាបនិក និងជាម្ចាស់ភាគហ៊ុនដ៏ធំជាងគេនៅក្នុងក្រុមហ៊ុន Blackstone Group ដែលជាក្រុមហ៊ុនឯកជនដែលមានមូលដ្ឋាននៅទីក្រុងញូវយ៉ក ។ ក្រុមហ៊ុនពាណិជ្ជកម្មបានគ្រប់គ្រងទ្រព្យសម្បត្តិចំនួន ៤៣៩ ពាន់លានដុល្លារគិតត្រឹមថ្ងៃទី ៣០ ខែ មិថុនា ឆ្នាំ ២០១៨ ដែលបានប្រមូលប្រាក់ជាង ៥ ពាន់លានដុល្លារពីការរួមបញ្ចូលគ្នានៃការលក់ភាគហ៊ុននៅក្នុងក្រុមហ៊ុនភាគលាភ និងសំណង​ ។

ប្រភព៖ Phnom Penh HR

លោក Jorge Horacio Brito កើតនៅថ្ងៃទី ២៣ ខែ កក្កដា ឆ្នាំ ១៩៥២ គាត់គឺជានាយកប្រតិបត្តិនៃធនាគារ Banco Macro ដ៏ធំបំផុតរបស់ប្រទេសអាហ្សង់ទីន ។ ហើយគាត់ក៏ជាប្រធានសមាគមធនាគារអាហ្សង់ទីន (ADEBA) ពីឆ្នាំ ២០០៣ ដល់ឆ្នាំ ២០១៦ ផងដែរ ។

លោក Brito ជាអ្នកជំនួញម្នាក់ដែលមានការវិនិយោគតាមរយៈក្រុមហ៊ុន Vizora ក្នុងវិស័យកសិកម្ម បសុសត្វ និងថាមពលខ្យល់ដែលជាថាមពលកកើតឡើងវិញដែលបានបង្កើតឡើងដោយក្រុមហ៊ុនសាជីវកម្ម Genneia Inc ។ នៅឆ្នាំ 2016 លោក Brito បានឈ្នះពានរង្វាន់ Fortuna Lifetime Achievements Awards នៅក្នុងសហគមន៍អាជីវកម្មអាហ្សង់ទីន ។ ហើយនៅឆ្នាំ 2017 យោងតាមរយះទស្សនាវដ្តី Forbes បានឲ្យដឹងថាលោក Brito បានជាប់ចំណាត់ថ្នាក់ ១.៥៦៧ នៃបញ្ជីរបស់មហាសេដ្ឋីពិភពលោកនៅប្រទេសអាហ្សង់ទីនដែលជាមហាសេដ្ឋីជំនួញនៅលំដាប់ទី ៧ របស់ប្រទេសអាហ្សង់ទីន ។

អាជីព៖

លោក Brito បានបង្កើតក្រុមហ៊ុន Anglia ដែលជាក្រុមហ៊ុនឈ្មួញក្នុងឆ្នាំ ១៩៧៦ ហើយនៅឆ្នាំ ១៩៨៥ លោក Financiera Macro បានចាប់ផ្តើមបង្កើតធនាគារម៉ាក្រូដែលបានប្តូរឈ្មោះទៅជាធនាគារ Banco Macro ។ លោក Brito ត្រូវបានតែងតាំងជាប្រធានក្រុមប្រឹក្សាភិបាលនៅខែ មិថុនា ឆ្នាំ ១៩៨៨ និងបានបង្កើតទំនាក់ទំនងយ៉ាងជិតស្និទ្ធជាមួយមន្រ្តីដឹកនាំនៅក្នុងរដ្ឋាភិបាល RaúlAlfonsín និង Carlos Menem ។ ក្រោមការដឹកនាំរបស់លោក Brito បានធ្វើឲ្យធនាគារម៉ាក្រូបានរីកចម្រើនជាលំដាប់ជាមួយនឹងការទិញធនាគារនៅតាមខេត្តជាច្រើនទៀតដែលបានធ្វើឯកជនភាវូបនីយកម្មក្នុងកំឡុងទសវត្សឆ្នាំ ១៩៩០ រួមទាំងធនាគារ Salta និងខេត្តជិតខាង ។

ធនាគារម៉ាក្រូបានរីកចម្រើនយ៉ាងខ្លាំងដោយបានក្លាយជាធនាគារឯកជនដ៏ធំមួយនៅក្នុងប្រទេសអាហ្សង់ទីនដែលមានសាខាជាច្រើននៅជុំវិញប្រទេសផងដែរ ។ លោក Brito គឺជាប្រធានក្រុមប្រឹក្សាភិបាលរបស់ធនាគារម៉ាក្រូដែលជានាយកប្រតិបត្តិ និងជាសមាជិកគណៈកម្មាធិការប្រតិបត្តិ និងគណៈកម្មាធិការឥណទានជាន់ខ្ពស់ផងដែរ ។

លោក Brito បានក្លាយជាប្រធានសមាគមធនាគារអាហ្សង់ទីន ADEBA នៅថ្ងៃទី ៨ ខែ មេសា ឆ្នាំ ២០០៣ រហូតដល់ឆ្នាំ ២០១៦។ សមាគមធនាគារអាហ្សង់ទីន ADEBA ត្រូវបានបង្កើតឡើងក្នុងឆ្នាំ ១៩៧២ ហើយជាផ្នែកមួយនៃក្រុម G-៦ ដែលបង្រួបបង្រួមអង្គភាពអាជីវកម្មសំខាន់ៗរបស់ប្រទេសអាហ្សង់ទីនដូចជាសហភាពឧស្សាហកម្មអាហ្សង់ទីន ទីផ្សារភាគហ៊ុន Buenos Aires សភាសំណង់អាហ្សង់ទីន សភាពាណិជ្ជកម្មអាហ្សង់ទីន និងជនបទអាហ្សង់ទីន ។ ហើយសម្ព័ន្ធធនាគារបានធ្វើការរៀបចំការជជែកពិភាក្សាទាក់ទងនឹងសេដ្ឋកិច្ចក្នុងស្រុក និងការអភិវឌ្ឍន៍ ។

លោក Brito មានតួនាទីជាប្រធានក្រុមប្រឹក្សាភិបាលនៃក្រុមហ៊ុន Banco del Tucuman SA, Inversora Juramento SA និងក្រុមហ៊ុន Banco Privado de Inversiones SA ហើយគាត់ក៏ជាស្ថាបនិកនិងជានាយកប្រតិបត្តិរបស់ក្រុមហ៊ុន Banco Macro និងការត្រួតពិនិត្យលើការវិនិយោគលើសកម្មភាពផ្សេងៗគ្នាក៏ដូចជាអចលនទ្រព្យ និងការធ្វើកសិកម្ម និងការចិញ្ចឹមសត្វគោតាមរយៈក្រុមហ៊ុន Inversora Juramento Inc, Frigoríficos Bermejo Inc ជាដើម ។ លើសពីនេះទៅទៀតគាត់ក៏ជាម្ចាស់ភាគហ៊ុននៅក្នុងក្រុមហ៊ុន Genneia Inc ដែលជាក្រុមហ៊ុនវិស័យផលិតថាមពលផងដែរ ។

លោក Brito ក៏ជាប្រធានក្រុមប្រឹក្សាភិបាលនៃក្រុមហ៊ុន YPF ដែលជាអ្នកផលិត និងចម្រាញ់ប្រេងដ៏ធំជាងគេ ។ ហើយជនជាតិអង់គ្លេសគឺជាអថិតិជនដែលបានទិញភាគហ៊ុន ២០ ភាគរយនៃកម្មសិទ្ធិរបស់ក្រុមហ៊ុន Repsol ដែលមានមូលដ្ឋាននៅទីក្រុងម៉ាឌ្រីដនៅពេលដែលភាគហ៊ុនទាំងនេះត្រូវបានដាក់លក់សម្រាប់ឆ្នាំ ២០០៧ ។

នៅចន្លោះឆ្នាំ ២០១២ និងឆ្នាំ ២០១៤ លោក Brito ជាប្រធានសហព័ន្ធនៃធនាគារអាមេរិកឡាទីន (FELABAN) ដែលជាអង្គការមិនស្វែងរកប្រាក់ចំណេញដែលមានគោលបំណងជួយសម្រួល និងបានជំរុញទំនាក់ទំនងរវាងអង្គភាពហិរញ្ញប្បទានអាមេរិកឡាទីនទាំងអស់ផងដែរ ។ ម្យ៉ាងវិញទៀតគាត់ត្រូវបានគេលើកឡើងចំពោះស្នារដៃរបស់គាត់នៅក្នុងឆ្នាំ ២០០៨ និង ២០០៩ ដោយស្ថានទូតអាមេរិកនៅ Buenos Aires ហើយក្រោយមកត្រូវបានផ្សព្វផ្សាយជាសាធារណៈដោយទស្សនាវដ្តី Wikileaks ដោយមានទំនាក់ទំនងយ៉ាងជិតស្និទ្ធជាមួយប្រធានាធិបតីគឺលោក Néstor Kirchner និងមានទំនាក់ទំនងជិតស្និទ្ធជាមួយប្រធានាធិបតីបច្ចុប្បន្នគឺលោក Cristina Fernández de Kirchner ផងដែរ ។

ប្រភព៖ Phnom Penh HR

លោក Juan-Miguel Villar Mir កើតនៅក្នុងឆ្នាំ ១៩៣១ គាត់គឺជាមហាសេដ្ឋីអេស្បាញ និជាអតីតអ្នកនយោបាយ និងជាប្រធាន និងជានាយកប្រតិបត្តិនៃក្រុមហ៊ុន Obrascón Huarte Lain ដែលជាក្រុមហ៊ិនវិស្វកម្ម និងសំណង់ ។

លោក Villar Mir បានបញ្ចប់សញ្ញាប័ត្រផ្នែកអង្គការឧស្សាហកម្ម និងបណ្ឌិតផ្នែកវិស្វកម្មសំណង់ស៊ីវិល ។ ចាប់ពីខែ ធ្នូ ឆ្នាំ ១៩៧៥ ដល់ខែ កក្កដា ឆ្នាំ ១៩៧៦ លោក Villar Mir ជារដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ។ នៅឆ្នាំ ១៩៧៦ លោក Villar Mir បានធ្វើជាអនុរដ្ឋមន្រ្តីនៃប្រទេសអេស្បាញប្រមាណជា ៦ ខែដែលជាសមាជិកនៃគណបក្ស Falange Española Tradicionalista y de las Juntas de Ofensiva Nacional Sindicalista ក្រោមការដឹកនាំរបស់លោក Carlos Arias Navarro ។

ទ្រព្យសម្បត្តិ៖ Juan-Miguel Villar Mir

លោក Juan-Miguel Villar Mir គឺជាសហគ្រិនជនជាតិអេស្បាញដែលមានទ្រព្យសម្បត្តិសុទ្ធប្រមាណ ២,៧ ពាន់លានដុល្លារ ។ ក្នុងឆ្នាំ ២០១១ ក្រុមហ៊ុន Obrascón Huarte Lain ដែលជាក្រុមហ៊ិនវិស្វកម្ម និងសំណង់របស់លោក Villar Mir ដែលរកចំណូលបានប្រមាណ ៦.៥ ពាន់លានដុល្លារ ។ ហើយបច្ចុប្បន្នក្រុមហ៊ុននេះបានសាងសង់ផ្លូវដែក កំពង់ផែ និងអាកាសយានដ្ឋានផ្លូវថ្នល់ក៏ដូចជាការអភិវឌ្ឍលំនៅដ្ឋាននៅក្នុងប្រទេសជាង ៣៤ ទូទាំងពិភពលោកផងដែរ ។

គម្រោងរបស់ក្រុមហ៊ុនមួយនេះដែលលេចធ្លោជាងគេគឺផ្លូវដែកល្បឿនលឿននៅ​អារ៉ាប៊ីសាអ៊ូឌីតដែលបានតភ្ជាប់ពីតំបន់ Mecca និង Medina ដែលជាផ្លូវដែកនៅតំបន់ Ural Polar នៅរុស្ស៊ី និងផ្លូវដែក  Marmaray ដែលបានតភ្ជាប់ពីភាគីអាស៊ី និងអឺរ៉ុបនៅទីក្រុងអ៊ីស្តង់ប៊ុលនៅក្នុងប្រទេសតួកគី ។

លោក Villar Mir ទទួលបានសញ្ញាប័ត្របណ្ឌិតវិស្វកម្ម សំណង់ស៊ីវិល និងបរិញ្ញាបត្រច្បាប់ក៏ដូចជាសញ្ញាប័ត្រផ្នែកសេដ្ឋកិច្ចពីវិទ្យាស្ថានអភិវឌ្ឍន៍សេដ្ឋកិច្ចរបស់ធនាគារពិភពលោកនៅទីក្រុងវ៉ាស៊ីនតោន ។ លោក Villar Mir បានអភិវឌ្ឍខ្លួនរបស់គាត់ទៅជាសាស្ត្រាចារ្យនៅសាកលវិទ្យាល័យពហុបច្ចេកទេសម៉ាឌ្រីដ ។ មុនពេលចាប់ផ្តើមអាជីវកម្មផ្ទាល់ខ្លួនគាត់បានបម្រើការជាប្រធាន និងជានាយកប្រតិបត្តិជាន់ខ្ពស់នៅក្នុងក្រុមហ៊ុនជាច្រើនរួមមានក្រុមហ៊ុន Cementos del Cibca, Hidro-Nitro, Altos Hornos de Vizcaya, Empresa Nacional de Celulosas, Altos Hornos del homraneo, Puerto Sotogrande, Electra de Viesgo និង Carbonidera del Sur ។ ក្រៅពីក្រុមហ៊ុន OHL លោក Villar Mir ក៏ជាម្ចាស់ក្រុមហ៊ុន Grupo Villar Mir ដែលបានធ្វើប្រតិបត្តិការជាង ៣០ ប្រទេសនៅទូទាំងពិភពលោកផងដែរ ។

ហើយបច្ចុប្បន្ននេះគាត់ក៏ជាអ្នកផលិតថាមពលអគ្គីសនីដែលបានគ្រប់គ្រងលើចរន្តអគ្គីសនី និងជាអ្នកផលិតលោហៈធាតុស៊ីលីកុនដ៏ធំជាងគេបំផុតនៅលើពិភពលោក។ ហើយគាត់មានក្រុមហ៊ុនផលិតជីឈានមុខគេក៏ដូចជាអ្នកអភិវឌ្ឍអចលនទ្រព្យដែលមានសំណង់នៅរដ្ឋផ្លរីដារដ្ឋតិចសាស់ និងនៅលើឆ្នេរសមុទ្រមេឌីទែរ៉ាណេផងដែរ ។ លើសពីនេះទៅទៀតក្រុមនេះបានកាន់កាប់ក្រុមហ៊ុនតូចៗជាច្រើនទៀតរួមមានហាងលក់រាយសម្លៀកបំពាក់សម្រាប់កុមារនិងស្ថានីយ៏ចែកចាយប្រេងម៉ាស៊ូ​ត។

លោក Villar Mir ក៏ជាអតីតរដ្ឋមន្រ្តីក្រសួងហិរញ្ញវត្ថុនៃប្រទេសអេស្បាញចាប់តាំងពីឆ្នាំ ១៩៧៥-១៩៧៦ ហើយគាត់ត្រូវបានទទួលងារជាព្រះមហាក្សត្រនៃព្រះរាជាណាចក្នុងឆ្នាំ ២០១១ ដោយសារការបំពេញការងារបានល្អ និងបានយូរអង្វែងរបស់គាត់ចំពោះប្រទេសអេស្បាញផងដែរ ។

ប្រភព៖ Phnom Penh HR